Avyakt murli du dimanche 3 octobre 1971

>

03-10-71 om shanti avyakt baapdaada madhuban

nirmaanta ke gun se vishwa-nirmaata

aaj baapdaada kinhon ko dekh rahe hain? aap kaun ho? aaj baapdaada aap ko kis roop mein dekh rahe hain, yeh jaante ho? maastarnolejphul nahin ho? jab master knowledgeful ho, to yeh nahin jaan sakte ho ki baap kis roop mein dekh rahe hain? bachche to hain hi, lekin kis roop mein dekh rahe hain? baapdaada dekh rahe hain ki itne sabhi vishwa-nirmaata hain। vishwa ke nirmaata ho? baap ke saath-saath baap ke karttavya mein madadgaar ho? nai vishwa ka nirmaan karna -yahi karttavya hai na। usi karttavya mein lage hue ho va abhi lagna hai? to vishwa- nirmaata nahin hue? sadaiv yeh smriti mein rahe ki ham sabhi master vishwa-nirmaata hain। yahi smriti sadaiv rahne se kaunsa vishesh gun automatically aa jaayega? nirmaanta ka। samjha? aur jahon nirmaanta arthaat saralta natural roop mein rahegi vahaan anya gun bhi automatically aa hi jaate hain। to sadaiv is smriti- swaroop mein sthit rah kar phir har sankalp va karma karo। phir yeh jo bhi chhoti- chhoti baaten saamna karne ke liye aati hain, yeh baaten aise hi anubhav hongi jaise koi bujurga ke aage chhote-chhote bachche apne bachpan ke albelepan ke kaaran kuchh bhi bol deven va kuchh bhi aisa karttavya bhi karen to bujurga log samajhte hain ki yeh nirdosh, anjaan chhote bachche hain। koi asar nahin hota hai। aise hi jab master vishwa-nirmaata apne ko samjhenge to yeh maaya ke chhote-chhotevighnabachchon ke khel samaan lagenge। jaise chhota bachcha agar bachpan ke anjaanpan mein naak-kaan bhi pakad le to josh aayega? kyonki samajhte hain - bachche nirdosh, anjaan hain। unka koi dosh dikhaai nahin padta। aise hi maaya bhi agar kisi aatma dvaara samasya va vighnava pareeksha-paper bankar aati hai, to un aatmaon ko nirdosh samajhna chaahiye। maaya hi aatma dvaara apna khel dikha rahi hai। to nirdosh ke oopar kya hota hai? taras, raham aata hai na। is reeti se koi bhi aatma nimitta ban jaati hai, lekin hai nirdosh aatma। agar us drishti se har aatma ko dekho to phir purooshaartha ki speed kab dheeli ho sakti hai? har second mein chadhti kala ka anubhav karenge। sirf chadhti kala mein jaane ke liye yeh samajhne ki kala aani chaahiye।

16 kala sampoorn banna hai na। to yeh bhi kala hai। agar is kala ko jaan jaate hain to chadhti kala hi hai। woh kab rookega nahin। uski speed kab dheeli nahin ho sakti। har second mein teevrata hogi। aur abhi rookne ka samay bhi kya hai? rook kar un aatmaon ke kaaran aur nivaaran ko hal karne ka abhi samay hai? abhi to bade bujurga ho gaye ho। abhi to vaanaprastha avastha mein jaane ka samay sameep aa raha hai। apna ghar saamne dikhaai nahin deta hai? aakhreen yaatra samaapta kar ghar jaana hai। koi bhi baat bhinna-bhinna roopon, bhinna- bhinna baaton se saamne jab aati hai, to pahle yeh samajhna chaahiye ki in samasyaaon va bhinna-bhinna roopon ki baaton ko kitna baar hal kiya hai aur karte-karte anubhvi bane hue ho। kitne baar ke anubhvi ho, yaad hai? anek baar kiya hai - yeh yaad aata hai? kalpa pahle paas kiya hai। cross kiya hoga। cross kiya tha va kiya hoga? yeh nahin samajhte ki agar anek baar yeh anubhav nahin kiya hota to aaj itne sameep kaise aate? yeh hisaab lagaana nahin aata? paandav to hisaab mein hoshiyaar honechaahie। lekin shaktiyaan number one ho gainr। yeh smriti spashta aur saral roop mein rahe। khainchana na pade। agar kalpa pahle ki baat abhi tak buddhi mein khainchakar laate rehte ho to kya kahenge?zaroorkoi maaya ki khinchaavat abhi hai, isliye buddhi mein kalpa pahle vaali smriti spashta aur saral roop mein nahin aati hai aur isliye hi vighnon ko paar karne mein mushkil anubhav hota hai। mushkil hai nahin।

jitna purooshaartha ka samay chala hai, jitnaanolejki light aur might mili hai us pramaan vartamaan samay saral aur spashta hona chaahiye। itna spashta ho jaise ek minute pahle agar koi kaarya kiya to woh yaad rehta ki woh bhi bhool jaata hai? to aise hi 5000 varsha ke baad aise spashta anubhav ho jaise ek minute pahle kiya hua kaarya hai। jaise powerful camera hoti hai to ek second mein kitna spashta chitra khainch leti hai। kitna bhi door ka drishya ho, woh bhi spashta sammukh aata jaata hai। to kya powerful kaimraamain nahin bane ho? camera hai ki doosre ka loan par lekar use karte ho? powerful hai? kalpa pahle ke chitra usmein spashta aa jaate hain?

yeh jo man hai yeh ek badi camera hai। har second ka chitra ismen khaincha nahin jaata? camera to sabhi ke paas hai lekin koi camera nazdeek ke chitra ko kheench sakti hai aur koi camera chandrama tak bhi photo khainch leti hai। hai to woh bhi camera, woh bhi camera। aur yahaan ki chhoti- moti bhi camera to hai na। to harek ke paas kitna powerful camera hai? jab woh log chandrama se yahaan, yahaan se vahaan ka khainch sakte hain; to aap saakaar lok mein rehte niraakaari duniya ka, aakaari duniya ka va is saari srishti ke past va bhavishya ka chitra nahin khainch sakte ho? camera ko powerful banaao jo usmein jo baat, jo drishya jaisa hai vaisa dikhaai de, bhinna-bhinna roop mein dikhaai nahin de। jo hai jaisa hai, vaise spashta dikhaai de। isko kehte hain powerful। phir bataao koi bhi samasya, samasya ka roop hoga ya khel anubhav hoga? to ab ki stage ke anusaar aisi stage banaao, tab kahenge teevrapurushaarthi। agar aise camera dvaara chitra pahle kheenchate jaate hain, uske baad saaph karaane ke baad maaloom padta hai ki kaise kheenche hain। isi reeti se saare din mein jo apne-apne automatic camera dvaara anekaanek chitra khainchate rehte ho, raat ko phir baith kar clear dekhna chaahiye ki kis prakaar ke chitra aaj is camera dvaara kheenche? aur jo jaise hain vaise hi chitra kheenche va kuchh neeche-oopar bhi ho gaya? kabhi-kabhi camera theek na hone ke kaaran saphed cheej bhi kaali ho jaati hai, roop badal jaata hai, features bhi kab badal jaate hain। to yahaan bhi kabhi-kabhi camera theek clear na hone ke kaaran baat samasya ban jaati hai। unki rooprekha badal jaati hai, unka rang-roop bhi badal jaata hai। yathaartha ka aythaartha roop bhi kab khaincha jaata hai। isliye sadaiv apne camera ko clear aur powerful banaao। apne ko sevaadhaari samajhne se tyaag, tapasya sabhi aa jaata hai। sevaadhaari hoon aur seva ke liye hi yeh jeevan hai, yeh samajhne se second bhi seva bigar nahin jaayega। to sada apne ko sevaadhaari samajhte chalo। aur apne ko bujurga samajhna chaahiye, to phir chhoti-chhoti baaten khilaune dikhaai dengi, merciful ban jaayenge। tiraskaar ke badle taras aayega। achha।