Avyakt murli du samedi 4 mars 1972

>

04-03-72om shanti avyakt baapdaadaamdhuban

adhikaari banne ke liye adheenta chhodo

aaj vishesh kiske liye aaye hain, jaanti ho? bhavishya mein visheshta dikhlaane vaali vishesh aatmaon ke prati। apne ko vishesh aatmaayen arthaat visheshta dikhlaane vaali samajhti ho? aisa vishesh kaunsa kaarya karke dikhaayengi jo ab tak koi group ne na karke dikhaaya ho? iska koi plan socha hai? ‘paas with honour’ banne ka lakshya aur baap ka show dikhlaane ka lakshya to sabhi ka hi hai lekin aap log vishesh kya naveenta dikhaayengi? naveenta va visheshta yahi dikhaana va dikhaane ka nishchay karna - ki koi bhi vighna mein va koi bhi kaarya mein mehnat na lekar aur hi anya aatmaon ko bhi nirvighna aur har kaarya mein madadgaar banaate sahaj hi saphalta- moorta banenge aur banaayenge। arthaat sada sahjayog, sada baap ke snehi, baap ke kaarya mein sahayogi, sada sarva shaktiyon ko dhaaran karte hue shrringaar-moorta, shastradhaari shakti ban apne chitra se, chalan se baap ke charitra aur karttavya ko pratyaksha karna hai। aisi pratigya apne se ki hai? chhoti-chhoti baaton mein mehnat to nahin lenge? kisi bhi maaya keaakarshitroop mein dhokha to nahin khaayenge? jo svayan dhokha kha lete hain woh auron ko dhokhe se chhuda nahin paate। sadaiv yahi smriti rakho ki ham duhkh-harta sukh-karta ke bachche hain। kiske bhi duhkh ko halka karne vaale svayan kab bhi, ek second ve liye bhi, sankalp va svapna mein bhi duhkh ki lahar mein nahin aa sakte hain। agar sankalp mein bhi duhkh ki lahar aati hai to sukh ke saagar baap ki santaan kaise kahla sakte hain? kya baap ki mahima mein yeh kab varnan karte ho ki sukh ka saagar ho lekin kab-kab duhkh ki lahar bhi aa jaati hai? to baap samaan banna hai na। duhkh ki lahar aati hai arthaat kahaan na kahaan maaya ne dhokha diya। to aisi pratigya karni hai। shakti roop nahin ho kya? shakti kaise milegi? agar sada buddhi ka sambandh ek hi baap se laga hua hai to sambandh se sarva shaktiyon ka varsa adhikaar ke roop mein avashya praapta hota hai, lekin adhikaari samajhkar har karma karte rahen to kahne va sankalp mein maangane ki ichchha nahin rahegi। adhikaar praapta na hone kaaran, kahaan na kahaan kisi prakaar ki adheenta hai। adheenta hone ke kaaran adhikaar praapta nahin hota hai। chaahe apne deh ke bhaan ki adheenta ho, chaahe puraane sanskaaron ke adheen ho, chaahe koi bhi gunon ki dhaarna ki kami ke kaaran nirbalta va kamjori ke adheen ho, isliye adhikaar ka anubhav nahin kar paate। to sadaiv yeh samjho ki ham adheen nahin, adhikaari hain। puraane sanskaaron par, maaya ke oopar vijay paane ke adhikaari hain। apne deh ke bhaan va deh ke sambandh va samparka jo bhi hain unke oopar vijay paane ke adhikaari hain। agar yeh adhikaareepan sadaiv smriti mein rahe to svatah hi sarva shaktiyon ka, praapti ka anubhav hota rahega। adhikaareepan bhool jaata hai? jo adheen hota hai woh sadaiv maangata rehta hai, adhikaari jo hota hai woh sadaiv sarva praapti-swaroop rehta hai। baap ke paas sarva shaktiyon ka khazaana kiske liye hai? to jo jinhon ki cheez hai woh praapta na karen? yahi nasha sadaiv rahe ki sarva shaktiyaan to hamaara janma-siddha-adhikaar hai। to adhikaari bankar ke chalo। aisa sadaiv buddhi mein shreshtha sankalp rehna chaahiye। agar sankalp shreshtha hai to vachan aur karma mein bhi nahin aa sakte। isliye sankalp ko shreshtha banaao aur sadaiv sarvashaktivaan baap ke saath buddhi ka sang ho। aise sadaiv sang ke rang mein range hue ho? anubhav karte ho va abhi jaane ke baad anubhav karenge? sadaiv yahi samjho ki sochna hai va bolna hai va karna hai to kamaal ka, common nahin। agar common arthaat saadhaaran sankalp kiye to praapti bhi saadhaaran hogi। jaise sankalp vaisi srishti banegi na। agar sankalp hi shreshtha na honge to apni nai srishti jo rachne vaale hain usmein pad bhi saadhaaran hi milega। isliye sadaiv yeh check karo - hamaara sankalp jo utha woh saadhaaran hai va shreshtha? saadhaaran sankalp va chalan to sarva aatmaayen karti rehti hain। agar sarvashaktivaan ki santaan hone ke baad bhi saadhaaran sankalp va karma hue to shreshthata va visheshta kya hui? main vishesh aatma hoon, is kaaran hamaara sabhi kuchh vishesh hona chaahiye। apne parivartan se aatmaon ko apni taraph va apne baap ke taraph aakarshitkar sako; apne deh ke taraph nahin, apni arthaat aatma ki roohaaniyat taraph। tumhaara parivartan srishti ko parivartan mein laayega। srishti ka parivartan bhi shreshtha aatmaon ke parivartan ke liye rooka hua hai। parivartan to laana hai। na ki yeh saadhaaran jeevan hi achhi lagti hai? yeh smriti, vriti aur drishti alaukik ho jaati hai to is lok ka koi bhi vyakti va koi bhi vastuaakarshitanheen kar sakti। agar aakarshitkarti hai to samajhna chaahiye ki smriti mein va vritti mein va drishti mein alaukikta ki kami hai। is kami ko second mein parivartan mein laana hai। yeh group yahi visheshta dikhaave ki second mein apne sanskaar va sankalp ko parivartan mein laakar dikhaave। aisi himmat hai? sochne mein bhi jitna samay lagta hai, karne mein itna samay na lage। aisi himmat hai? yeh group hai saahsi group। to jo saahas rakhne vaale hain unhon ke saath baap sada sahayogi hai, isliye kabhi bhi saahas ko chhodna nahin। himmat aur ullaas sada rahe। himmat se sadaaharshitarhenge। ullaas se kya hoga? ullaas kisko khatma karta hai? aalasya ko। aalasya bhi vishesh vikaar hai। jo purushaartheepurooshaartha ke maarga par chal pad hain unhon ke saamne vartamaan samay maaya ka vaar is aalasya ke roop mein bhinna-bhinna tareeke se aata hai। to is aalasya ko khatma karne ke liye sada ullaas mein raho। kamaai karne ka jab kisko ullaas hota hai to phir aalasya khatma ho jaata hai। ab bhi koi kaarya prati bhi apna ullaas nahin hota to phir aalasya zaroor hoga। isliye kabhi bhi ullaas ko kam nahin karna hai jo aalasya ke vash hokar aur shreshtha karma karne se vanchit ho jaao। aalasya bhi kai prakaar ka hota hai। apne purooshaartha mein aage badhne mein aalasya bahut vighna roop ban jaata hai। yeh jo kahne mein aata hai - achha, sochenge, yeh kaarya karenge - kar hi lenge, yeh aalasya ki nishaani hai। karenge, kar hi lenge, ho hi jaayega, lekin nahin, karne lag padna hai। jo knowledge va dhaarnaayen mili hain woh buddhi mein dhaaran to ki hain na। lekin practical mein aane mein jo vighna roop banta woh hai svayan ka aalasya। achha, kal se lekar karenge, phalaana kare to ham bhi karenge, aaj sochte hain kal se karenge, yeh kaarya poora karke phir yeh karenge - aise-aise sankalp hi aalasya ka roop hain। jo karna hai woh abhi karna hai। jitna karna hai woh abhi karna hai। baaki karenge, sochenge - in aksharon mein pichhaadi mein ‘ga-ga’ aata hai na, to yeh shabd hai bachpan ki nishaani। chhota bachcha ga-ga karta rehta hai na, yeh albelepan ki nishaani hai। isliye kab bhi aalasya ka roop apne paas aane na dena aur sada apne ko ullaas mein rakhna। kyonki nimitta bante ho na। nimitta bane hue sadaiv purooshaartha ke ullaas mein rehte hain to unhein dekh aur bhi ullaas mein rehte hain। chalte-chalte purooshaartha mein thakaavat aana va chalte-chalte purooshaartha saadhaaran raphtaar mein ho jaave, yeh kiski nishaani hai? vighna na ho lekin lagan bhi shreshtha na ho to usko bhi aalasya kahenge। kai aise anubhav karte hain - vighna bhi nahin hain, theek bhi chal rahe hain lekin lagan bhi nahin hai arthaat ullaas va vishesh koi umang nahin hai। to yeh bhi nishaani aalasya ki hai। aalasya bhi anek prakaar ka hai। is aalasya ko kabhi bhi aane na dena। aalasya dheere-dheere pahle saadhaaran purushaartheebnaayega va sameepta se door karega; phir door karte-karte dhokha bhi de dega, kamjor bana dega, nirbal bana dega। nirbal va kamjor banne se kamiyon ki praveshta shuru ho jaati hai। isliye sadaiv yeh check karna - meri buddhi ki lagan baap va baap ke karttavya se thodi bhi door to nahin hai, bilkul sameep va saath-saath hai? aajkal ke jamaane mein koi kiska khoon karta hai va koi bhrashtaachaar ka kaarya karta hai to pahle unko door bhagaakar le jaayega। unko akela, kamjor banaakar phir us par vaar karega। to maaya bhi chatur hai। pahle sarvashaktivaan baap se buddhi ko door karti hai, phir jab kamjor ban jaate hain tab vaar karti hai। koi bhi saath nahin rehta hai। kya bhi ho jaaye - apni buddhi ko kabhi baap ke saath se door na karna। jab kiska vaar hota hai to unse kaise apne ko bachaane liye chillaate hain, ghamsaan karte hain jisse koi door na le ja sake। yahaan phir jab dekho ki maaya hamaari buddhi ki lagan ko baap se door karne ki koshish karti hai, to apne andar baap ke gun gaane hain, mahima karni hai। mahaan! karttavya karne lag jaao, chillaao nahin। bhakti mein bhi gungaan karte hain na। yeh yaadgaar bhi kab se bana? yeh mansa ka gungaan karna vaacha mein la diya hai। yathaartha reeti se gungaan to aap hi kar sakte ho na। ab yathaartha roop mein mansa sankalp se, smriti-swaroop mein gungaan karte ho aur bhakti mein sthoolta mein aate hain to mukh se gaane lag padte hain। sabhi reeti- rasma shuru to yahaan se hoti hain na। to gungaan karne lag jaao। apne ko adhikaari samajh sarva shaktiyon ko kaam mein laao। phir kab bhi maaya aapki buddhi ki lagan ko door nahin kar sakegi। na door honge, na kamjor honge, na haar khaayenge। phir sada vijayi honge। to yeh slognayaad rakhna ki ham anek baar ke vijayi hain, ab bhi vijayi bankar hi dikhaayenge। jo anek baar ke vijayi hain woh abhi phir haar kha sakte hain kya? kabhi nahin। haar khaana asambhav anubhav hona chaahiye। jaise agyaani aatmaon ko vijay paana asambhav anubhav hota hai na। samajhte hain - vijayi banna ho bhi sakta hai kya? to jaise agyaani ke liye vijayi banna asambhav hai, is prakaar gyaani aatma ko haar khaana asambhav anubhav hona chaahiye। aise will-power apne mein bhari hai? apne ko sarva samarpan kiya? sarva samarpan usko kaha jaata hai jiske sankalp mein bhi body-conscious na ho, deh-abhiman na ho। usko kaha jaata hai sarva samarpan। apne deh ka bhaan bhi arpan karna hai। main phalaani hoon - yeh sankalp bhi arpan ho। usko kehte hain sarva samarpan, sarva gunon se sampanna। sarva gunon se sampanna ko hi sampoorn kaha jaata hai। koi bhi gun ki kami nahin। abhi to varnan karte ho na ki yeh kami hai। isse siddha hai ki sampoorn stage nahin hai। to sarva gun sampanna hain? to lakshya yahi rakhna hai ki sarva samarpan bankar sarva gun sampanna ban sampoorn stage ko praapta karenge hi। aise purooshaarthiyon ko baap bhi vardaan dete hain ki ‘sada vijayi bhav’। har sankalp mein kamaal dikhaao yahi visheshta dikhaao - jeevan ka phaisla kar aai ho na? apne aap se phaisla karke aai ho। koi bhi sanskaar ke vash nahin hona। jo hain hi jagatjeet,vishvake vijayi woh kiske bhi vash ho nahin sakte। jo svayan sarva aatmaon ko najar se nihaal karne vaali hain,unki najar aur kahaan bhi nahin ja sakti। aise dridh nishchaybuddhi ho? apni sabhi kamjoriyon ko bhatthi mein svaaha kiya va karna hai? phir aise to nahin kahengi ki baaki yeh thodi rah gai hai? apni mansa ki jeb ko achhi tarah se jaanch karna - kahaan koi kone mein kuchh raha to nahin? va jaanboojh kar jeb kharcha rakha hai? yeh achhi tarah se dekhna। ummeedvaar group ho va isse bhi oopar? isse oopar kya hota hai? ummeedvaar bhi hain aur vijayi bhi hain। to yeh anek baar ka vijayi group hai। vijayi hain hi। ummeed ki baat nahin। aise vijayi hi vijay-maala ke manke bante hain। ummeed nahin lekin 100% nishchay hai ki ham vijayi hain hi। dekhna, maaya kam nahin hai। maaya ki chham-chham, rimjhim kam nahin। maaya bhi badi raunakdaar hai। sabhi taraph se, sabhi roop se maaya ki knowledge ko bhi samajh gaye ho ki maaya kya cheez hoti hai aur kis roop se, kis reeti se aati hai? iski bhi pooreenolejli hai? aise to nahin kahenge ki is baat ki to humein knowledge nahin thi? aise anjaan bankar apne ko chhudaana nahin। kai kehte hain hamko to pata nahin tha ki aise bhi koi hota hai, kya-kya karte rehte hain! anjaan hone kaaran bhi dhokhe mein aa jaate। lekin jab master knowledgeful ho to anjaanapna nahin rah sakta। yeh jo shabd nikalta hai ki mujhe is baat ka gyaan nahin tha; yeh bhi kamjori hai। gyaani arthaat gyaani। koi bhi baat ka agyaan raha to gyaani kahenge kya? gyaan-swaroop ko koi bhi baat ka agyaan na rahega। jo yogayukta honge unko na anubhav hote bhi aisa hi anubhav hoga jaise ki pahle se sabhi-kuchh jaante hain। trikaaldarsha phir anjaan kaise ho sakte hain! to master knowledgeful bhi bane aur vijayi bhi bane; to haar asambhav hi anubhav hogi na। ab dekhenge - yeh group kaisi jhalak dikhaata hai? aapki jhalak se sabhi ko baap ki jhalak dikhaai de। bechaari aatmaayen tadapti hain, baap ki jara jhalak dikhaai de to sarva praapti ho। to ab baap ki jhalak apni jhalak se dikhaao। samjha? to yeh vijayi group hai। ullaas se aalasya ko bhagaane vaale ho। abhi practical dekhenge। practice ko practical mein kahaan tak laati ho, yeh bhi maaloom pad jaayega। yeh kamaal dikhaao। jo jis-jis bhi sthaan par jaao, jis saathi ke saath service mein madadgaar bano unke taraph se kamaal ke sivaay aur koi baat hi na aaye। ek-ek line mein kamaal likhen, tab kahenge vijayi group hai। baap samaan bankar dikhaao। aise kamaal kar dikhaao jo bade bhi baap ke gungaan karen ki sachmuch yeh group nirvighna, sada baap ki lagan mein magan rahne vaala hai। ek ke sivaay aur kuchh soojhta hi nahin। chaahe ek baap ki lagan, chaahe baap ke karttavya ki lagan - iske sivaay aur kuchh soojhega hi nahin। sansaar mein aur koi vastu ya vyakti hai bhi -- yeh anubhav hi na ho। aisi ek lagan, ek bharose mein, ekras avastha mein, chadhti kala mein rahne vaale bankar dikhaao, tab kahenge kamaal। ‘kyon’ ko to ekdam bhasma karke jaana, itne tak jo koi kaaran saamne bane to us kaaran ko bhi parivartan kar nivaaran roop bana do। phir yeh nahin kehna ki yeh kaaran tha। kitne bhi kaaran hon - main nivaaran karne vaali hoon; na ki kaaran ko dekh kamjor banna hai। kaaran ko nivaaran mein parivartan karne vaale group ho। isko vijayi kaha jaata। aise shreshtha lakshandhaari bhavishya mein lakshmi roop bante hain। lakshmi arthaat lakshan vaali। to abhi bhi chehre mein,chalan mein woh chamak dikhaai deni chaahiye। aise nahin ki abhi to yahaan seekh rahe hain, vahaan jaakar dikhaayengi। jab yahaan apna saboot dekar jaayengi tab vahaan bhi saboot de sakengi। samjha? abhi tum sabhi ho hi sevaadhaari। sevaadhaari kab bhi suhejon ke sankalp mein nahin aate। sarva sambandhon se sarva anubhav karna, woh doosri baat hai lekin sada smriti mein apna sevaadhaari swaroop rakhna hai। suhejon mein lagenge to seva bhool jaayegi। sevaadhaari hoon,vishwa-parivartan karne vaali patit-paavni hoon, - yeh apna swaroop smriti mein rakho। patit-paavni ke oopar koi patit aatma ki nazar ki parchhaai bhi nahin pad sakti। patit-paavni ke saamne aane se hi patit badalkar paavan ban jaave, itni power chaahiye। patit aatmaon ke patit sankalp bhi na chal saken, aisi apni brake powerful honi chaahiye। jab uska hi patit sankalp nahin chal sakta to patit-pan ka prabhaav kaise pad sakta? yeh bhi nahin sochna - main to paavan hoon lekin is patit aatma ka prabhaav pad gaya। yeh bhi kamjori hai। prabhaav padne ka arth hi hai prabhaavshaali nahin ho, tab unka prabhaav aapko prabhaavit karta hai। patit- paavni patit sankalpon ke bhi prabhaav mein nahin aa sakti। patit-paavni ke svapna mein bhi patitpan ke sankalp va scene nahin aa sakti। agar svapna mein bhi patitpan ke drishya aate hain to samajhna chaahiye ki patit sanskaaron ke prabhaav ka asar hai। usko bhi halka nahin chhodna chaahiye। svapna mein bhi kyon aaye? itni kadi drishti, kadi vritti, kadi smriti swaroop banna chaahiye। patit aatma mujh shastradhaari shakti ke aage ek second mein bhasma ho jaae। koi vyakti bhasma nahin hoga lekin unke patit sanskaar naash ho jaayenge। aasuri sanskaaron ko naash karne ki aavashyakta hai। main patit-paavni, aasuri-patit sanskaar sanhaari hoon। jo svayan sanhaari hain woh kab kiska shikaar nahin ban sakte। itna practical prabhaav hona chaahiye jo koi bhi aapke saamne sankalp kare aur unka sankalp moorchhit ho jaae। aisa kaali roop banna hai। ek second mein patit sankalp ki bali le leven। aisi bhalevaan bani ho jo koi ki parchhaai bhi na pad sake? komal nahin banna hai। komal jo hote hain woh nirbal hote hain। shaktiyaan komal nahin hoteen। maaya par taras kabhi nahin karna। tum maaya ka tiraskaar karne vaali ho। jitna maaya ka tiraskaar karengi utna bhakton dvaara ya daivi parivaar dvaara satkaar praapta karengi। maaya par rob dikhaana hai, na ki raham। koi ke purooshaartha mein madadgaar banne mein taras karna hai, maaya se nahin। achha!