Avyakt murli du dimanche 16 juillet 1972

>

16-07-72om shanti avyakt baapdaadaamdhuban

svachchha aur aatmik bal vaali aatma hi aakarshan moortta hai

apne ko is shreshtha drama ke andar hero actor aur mukhyaektar samajhte ho? mukhyaektarsa ke taraph sabhi ka attention hota hai। to har second ki act apne ko mukhyaektar samajhte huye bajaate ho? jo naameegraami actors hote hain unhon mein mukhya 3 baaten hoti hain। woh kaunsi hain? ek to woh active hoga, doosra accurate hoga aur atrektiv hoga। yeh teenon baaten naami-graami actors mein avashya hoti hain। to aise apne ko naameegraami va mukhya actor samajhte ho? atrekta kis baat par karenge? har karma mein, har chalan mein roohaaniyat ki attraction ho। jaise koi shareer mein sundar hota hai to woh bhi attraction karte hain na apne taraph। aise hi jo aatma svachchha hai, aatmik-bal vaali hai, woh bhi apne tarphaaakarshitkarte hain। jaise aatma-gyaani mahaatmaaen aadi bhi dvaapar aadi mein apne satopradhaan sthiti vaale the to unhon mein bhi roohaani aakarshan to tha na, jo apne taraph aakarshit karke auron ko bhi is duniya se alpakaal ke liye vairaagya to dila dete the na। jab ulte gyaan vaalon mein bhi itni attraction thi, to jo yathaartha aur shreshtha gyaan-swaroop hain unhon mein bhi roohaani aakarshan va attraction rahegi। shaareerik beauty najdeek va saamne aane se aakarshan karegi। roohaani aakarshan door baithe bhi kisi aatma ko apne taraph aakarshitkarti। itni attraction arthaat roohaaniyat apne aap mein anubhav karte ho? aise hi phir accurate bhi ho। accurate kismen? jo mansa arthaat sankalp ke liye bhi shreemat mili hui hai - vaani ke liye bhi jo shreemat mili hui hai aur karma ke liye bhi jo shreemat mili hui hai in sabhi baaton mein accurate। mansa bhi anaekyuret na ho। jo niyam hain, maryaada hain, jo direction hain un sabhi mein accurate aur active। jo active hota hai woh jis samay jaisa apne ko banaane chaahe, chalaane chaahe woh chala sakte hain va aisa hi roop dhaaran kar sakte hain। to jo mukhya paartadhaari hai unhon mein yeh teenon hi visheshtaaen bhari hui rehti hain। ismen hi dekhna hai ki in mein se kaunsi visheshta kis percentage mein kam hai? stage ke saath-saath percentage ko bhi dekhna hai। roohaaniyat hai, aakarshitkar sakte hain, lekin jitni percentage honi chaahiye woh hai? agar percentage ki kami hai to isko sampoorn to nahin kahenge na। paas to ho gaye, phir bhi marks ke aadhaar par nambarto hote hain na। third division vaale ko bhi paas to kehte hain lekin kahaan third vaala, kahaan first class - pharka to hai na। to ab check karna percentage ko। stage to ab natural baat ho gai। kyonki practical act mein stage par ho na। ab sirf percentage ke aadhaar par nambarhone hain। aaj bahut bada sangathan ho gaya hai। jaise baap ko bhi samaan bachche priy lagte hain, aap log aapas mein bhi ek samaan milte ho to yeh sitaaron ka mela bhi bahut achha lagta hai na। sangamayugi mela to hai hi। lekin us mele mein bhi yeh mela hai। mele ke andar jo vishesh mela lagta hai woh phir jyaada priy lagta hai। bade bade melon ke andar bhi phir ek vishesh sthaan banaate hain jahaan sabhi ka milan hota hai। sangamayug behad ka mela to hai hi lekin uske andar bhi yeh sthool vishesh sthaan hai, jahaan samaan aatmaaen aapas mein milti hain। harek ko apne samaan va sameep aatmaon se milna- julna achha lagta hai। vishesh aatmaon se mela banaane liye svayan ko bhi vishesh banna pade। koi vishesh ho, koi saadhaaran ho, woh koi mela nahin kaha jaata। baap ke samaan divya dhaarnaaon ki visheshta dhaaran karni hai। baap se jo paalna li hai iska saboot dena hai। baap ne paalna kis liye ki? visheshtaaen bharne liye। lakshya ho aur lakshan na aave; to isko kya kaha jaaye? jyaada samajhdaar। ek hote hain samajhdaar, doosre hote hain behad ke samajhdaar। behad mein koi limit nahin hoti hai। achha!