Avyakt murli du dimanche 12 novembre 1972

>

12-11-72om shanti avyakt baapdaadaamdhuban

alaukik karma karne ki kala

avyaktamoorta arthaat is shareer mein part bajaane vaale ati nyaare aur ati pyaare ki sthiti mein sthit rahne ke anubhveemoorta ban gaye ho? har samay maalik aur baalak, donon hi saath-saath part bajaane mein yatna karne vaale nahin, lekin sahaj swaroop ban gaye ho? va maalik bante ho to baalakpan bhool jaata hai va baalak bante ho to maalikpan bhool jaata hai? abhi-abhi maalik, abhi-abhi baalak। abhi-abhi karmayogi, abhi-abhi deh se bhi pare, karma se bhi pare, lagna mein magna rahne vaale yogi ban sakte ho? sankalp aur karma - donon hi samaan bane hain va sankalp aur karma mein antar hai? sankalp kiya aur practical roop mein aaya, aisi practice hui hai? yaad ki yaatra par chalne vaale raahi itne sameep aaye ho? sahaj bhi aur sameep bhi hain, yeh donon hi anubhav hote hain? is yaad ki yaatra ke anek anubhav karte- karte ab knowledgeful aur powerful bane ho? jaise yaatra mein beech-beech mein chattiyaan aati hain, jisse maaloom padta hai ki kahaan tak pahunche hain aur kahaan tak ab pahunchna hai। aap yaad ki yaatra ke raahi is yaatra ki kitni chattiyaan paar kar chuke ho arthaat yaad ki kitni stages ko paar kar chuke ho? last stage va final stage kaunsi hai? usko aise hi spashta dekh aur jaan rahe ho jaise koi vastu bahut sameep aur sammukh aa jaati hain। to usko sahaj jaan, dekh rahe ho ki abhi dekhne se door hai? dekhte rehte ho va sirf jaana hai? va itna sammukh va sameep aa gaye ho jo kai baar us manzil par pahunch, thode samay ka anubhav bhi karte rehte ho? anubhav hota hai? phir usi anubhav mein rehte kyon nahin ho? sthiti ka anubhav hota hai, baaki sthit rehna nahin aata, aise? sada sthit kyon nahin ho paate ho, kaaran?sarvisva jo braahmanon ke karma hain, jis karma ko alaukik karma kaha jaata hai, aise alaukik karma va eeshvareey seva kab bhi sthiti se neeche laane ke nimitta nahin ban sakte। agar koi ko aise anubhav hota hai ki alaukik karma ke kaaran neeche aate hain to uska arth hai ki us aatma ko alaukik karma karne ki kala nahin aati hai। jaise kala dikhaane vaale kalaabaaj va circus mein kaam karne vaale har karma karte hue, har karma mein apni kalaabaaji dikhaate hain। unhon ka har karma kala ban jaata hai। to kya aap shreshtha aatmaaen, karmayogi, nirantar yogi, sahayogi, raajayogi har karma ko nyaare aur pyaare rahne ki kala mein nahin kar sakte? jaise unhon ke shareer ki kala dekhne ke liye kitne log ichchhuk hote hain! aapki buddhi ki kala, alaukik karma ki kala dekhne ke liye saare vishvaki aatmaaen ichchhuk ban kar aavengi। to kya ab yeh kala nahin dikhaavenge? jaise woh log shareer ke koi bhi ang ko jaise chaahen, jahaan chaahen, jitna samay chaahen kar sakte hain, yahi to kala hai। aap sabhi bhi buddhi ko jab chaaho, jitna samay chaaho, jahaan sthit karna chaaho vahaan sthit nahin kar sakte ho? woh hai shareer ki baaji, yeh hai buddhi ki। jisko yeh kala aa jaati hai vahi 16 kala sampanna bante hain। is kala se hi anya sarva kalaaen svatah hi aa jaati hain। aise ek dehi-abhimaani sthiti sarva vikaaron ko sahaj hi shant kar deti hai। aise yahi buddhi ki kala sarva kalaaon ko apne mein bharpoor kar sakti hai va sarva kala sampanna bana sakti hai। to is kala mein kahaan tak abhyaasi va anubhvi bane ho? abhi-abhi sabhi ko direction mile ki ek second mein ashareeri ban jaao; to ban sakte ho? sirf ek second mein sthit ho sakte ho? jab bahut karma mein vyasta hon aise samay bhi direction mile। jaise jab yuddha praarambha hota hai to achaanak order nikalte hain -- abhi-abhi sabhi ghar chhod baahar chale jaao। phir kya karna padta hai? zaroor karna pade। to baapdaada bhi achaanak direction den ki is shareer roopi ghar ko chhod, is deh-abhimaani ki sthiti ko chhod dehi-abhimaani ban jaao, is duniya se pare apne sweet home mein chale jaao; to kar sakenge? yuddhasthal mein rook to nahin jaavenge? yuddha karte-karte hi samay to nahin bita denge ki - ‘‘jaaven na jaaven? jaana theek hoga va nahin? yeh le jaaven va chhod jaaven?’’ is soch mein samay ganva dete hain। aise hi ashareeri banne mein agar yuddha karne mein hi samay lag gaya to antim paper mein marks va division kaun-sa aavega? agar yuddha karte- karte rah gaye to kya first division mein aavenge? aise upraam, ever ready bane ho? service karte aur hi sthiti shaktishaali ho jaati hai। kyonki aapki shreshtha sthiti hi is samay ki paristhitiyon ko parivartan mein laavegi। to sarviskarne ka lakshya kya hai? kisliye sarviskarte ho? paristhitiyon ko parivartan karne liye hi to sarviskarte ho na। service mein sthiti saadhaaran rahe to woh service hui? is yaad ki yaatra ki mukhya 4 subjects hain jise check karo ki kahaan tak pahunche hain? pahle sthiti thi vo ab bhi koi-koi ki hai, woh kya? viyogi। doosri stage - viyogi ke baad yogi bante hain। teesri stage - yogi ke baad sahayogi bante hain। sahayogi banne ke baad last stage hai sarvatyaagi bante hain? in chaar subjects ko saamne rakhte huye dekho ki kitni paudiyaan paar ki hain, kitne tak oopar chadhe ho? kya abhi tak bhi baar-baar kab viyogi to nahin bante ho? sada yogi va sahayogi bankar ke chalte ho? agar koi bhi vighna aata hai, vighna ke vash hona arthaat viyogi hona, to viyogi to nahin bante ho? vighna yogayukta avastha ko samaapta kar sakta hai? baap ki smriti ko vismriti mein la deta hai। vismriti arthaat viyogi। to yogeepan ki stage aise hi nirantar rahe jaise shareer aur aatma ka jab tak part hai tab tak alag nahin ho paati hai, vaise baap ki yaad buddhi se alag na ho। buddhi ka saath sadaiv yaad arthaat baap ke saath ho। aise ko kaha jaata hai yogi jisko aur koi bhi smriti apni tarphaaakarshitan kar paave। jaise bahut oonchi va shreshtha power ke aage kam power vaale kuchh bhi nahin kar paate hain, aise agar sarvashaktivaan ki yaad sada saath hai to aur koi bhi yaad buddhi mein andar aa nahin sakti। isko hi sahaj aur svatah yogi kaha jaata hai। woh log kehte hain aur yahaan hain svatah yogi। to aise yogi bane ho? aisa yogi sada har second, har sankalp, har vachan, har karma mein sahayogi avashya hoga। agar sankalp mein sahayogi nahin sirf karma mein hai, va karma mein sahayogi hain, kisi baat mein nahin hai to aise ko sahayogi ki stage tak pahunchi hui aatmaaen nahin kahenge। ek sankalp bhi sahayog ke bina chalta hai-isko vyartha kahenge।

jo vyartha ganvaane vaale hote hain woh kab kiske sahayogi nahin ban sakte, svayan mein shaktishaali nahin ban sakte। aise sarva snehi, sahayogi, sarvaansh tyaagi va sarvatyaagi sahaj hi ban jaate hain। jabki bhakti mein bhi sirf koi eeshvar ke arth daan karte hain to unhon ko bhi vinaashi raajpad ki praapti hoti hai। to socho jo har sankalp aur second eeshvareey seva ke sahayog mein lagaate hain, uski kitni shreshtha praapti hogi! aise mahaadaani sarvatyaagi sahaj hi ban jaate hain। aise sarvatyaagi vartamaan aur bhavishya mein sarvashreshtha bhaagyashaali bante hain। na sirf bhavishya lekin vartamaan samay bhi aise shreshtha bhaagyashaali aatma ke bhaagya ko dekhte huye, anubhav karte hue anya aatmaaen unke bhaagya ke gun gaate hain aur anek aatmaon ko apne shreshtha bhaagya ke aadhaar se bhaagyashaali banaane ke nimitta bante hain। to dekho in 4 subjects se kis stage tak pahunche ho va manzil ke kitna sameep aaye ho। achha!

aise sahaj aur svatah yogeeaatmaaon ko baapdaada ka yaad-pyaar aur namaste।