Avyakt murli du mercredi 22 novembre 1972 - 2

>

23-11-72om shanti avyakt baapdaadaamdhuban

shakti-dal ki visheshtaaen

(madhuban-nivaasiyon ke sammukh baapdaada ke uchchaare hue mahaavaakya)

madhuban nivaasi shaktisena apne ko sada shakti roop mein anubhav karte huye chalte ho? gaayan hi hai shakti dal। shakti dal ke kaaran hi baap ka naam bhi sarvashaktivaan hai। to yeh hai sarva-shaktivaan ka shakti dal। shakti dal ki visheshta hai sada aur sarva samasyaaon ko aise paar kare jaise koi seedha raasta sahaj hi paar kar lete hain। sochenge nahin, thahrenge nahin। isi prakaar shakti dal ki visheshta yahi hai jo samasyaaen unke liai chadhti kala ka sahaj saadhan anubhav hoga। samasya saadhan ke roop mein parivartan ho jaaye। to saadhan apnaane mein mushkil nahin lagta hai kyonki maaloom hota hai ki yeh saadhan hi siddhi ka aadhaar hai। shakti dal ko sadaiv har samasya jaani- pahchaani hui anubhav hogi। woh kabhi bhi aashcharyavat nahin honge। aashcharyavat ke bajaaye sada santushta rahenge। koi sahaj saadhan hai va jo bhi sambandh mein baaten aati hain woh apne anukool hon - is kaaran santushta rahe to isko koi santushtata nahin kahenge। jo apne sambandh mein va apni sthiti ke pramaan anukool na bhi mahsoos hon to bhi usmein santushta rahen - aisi sthiti honi chaahiye। shakti dal ke mukh se kabhi ‘kaaran’ shabd nahin niklega। is kaaran se yeh hua।

‘kaaran’ shabd nivaaran memparivartitho jaavega। yeh to agyaani bhi kehte hain ki is kaaran se yeh hua। aapki yeh stage na honi chaahiye। saamne koi kaaran aave bhi to usi ghadi usko nivaaran ke roop mein parivartan karna hai। phir yeh bhaasha khatma ho jaavegi, samay ganvaana khatma ho jaavega। 10-20 minute lagen va 2 minute lagen, samay to gaya na। usi samay phauran trikaaldarsha ban kalpa-kalpa is kaaran ka nivaaran kiya tha - woh spashta smriti mein aane se kaaran ko nivaaran mein badli kar denge। sochenge nahin ki -‘‘yeh karna chaahiye va nahin? yeh theek hoga va nahin? yeh kaise hoga?’’ aisi bhaasha khatma ho jaavegi। jaise makaan banta hai to pahle chhat daalne ka aadhaar banaate hain। to pahle woh samay tha। abhi to niraadhaar hona hai। pahle yeh baaten sunne ke liye samay dete the, poochhte the -- koi samasya to nahin hai, koi samparka vaale vighna to nahin daalte। ab yeh poochhne ki aavashyakta nahin। ab anubhvi ho chuke ho। to aisi stage tak pahunchi ho va abhi tak yeh baaten karti ho ki yeh hua, phir yeh hua? in baaton ko kehte hain raamaayan ki kathaaen-yeh hua, phalaani ne yeh bola। raamaayan ki kathaaon mein time to nahin ganvaati ho? abhi tak bhi katha-vaachak nahin ho? raamaayan ki katha bhi koi ek haphte mein, koi 10 din mein poori karta hai। aisi kathaaen to nahin karti ho? aapas mein ek do se milti bhi ho to yaad ki yaatra ki yuktiyaan va din-pratidin jo guhya-guhyabaaten sunte jaate ho unki len-den karo। ab aisi stage ho jaani chaahiye। jaise bhakti maarga ko durgati maarga samajh chhod deti ho na। agar bhakti maarga ki koi bhi reeti-rasma ab tak bhi ho to aashcharya lagega na। kyonki samajhte ho woh durgati maarga hai। vaise hi yeh baaten karna va in baaton mein samay ganvaana, isko bhi aise samajhna chaahiye jaise bhakti maarga durgati maarga ki reeti rasma। jab aisa anubhav hoga tab samjho parivartan। jaise anubhav karti ho na - bhakti maarga jaise pichhle janma ki baaten। is janma mein kab ghanti bajaavenge va maala sumiran karenge? past life par hansi aavegi। vaise yeh bhi kya hai? agar samjho, kisi ke avgun va aisi chalan ka sumiran karti ho to yeh bhi bhakti hui na? jaise baap ke gungaan karna, sumiran karna woh maala hui, agar kisi ke avgun va aisi dekhi hui baaton ka sumiran karti ho to woh bhi bhakti maarga durgati ki maala pherti ho। man mein sankalp karna, yeh bhi jaap hua na। jaise woh ajpaajaap karte rehte hain, vaise sankalp chalte rehte hain, band nahin hote। to yeh bhi jaap hua। yeh hai bhakti ke durgati ki rasma। ek do ko sunaate ho, yeh ghantiyaan bajaati ho -- phalaani ne yeh kiya, yeh kiya। yeh bhakti, durgati ki rasma hai। madhuban nivaasi to gyaan swaroop hain na। koi bhi durgati ki reeti-rasma chaahe sthool, chaahe sookshm hai, unse vairaagya aana chaahiye। jaise bhakti ke sthool saadhnon se vairaagya aa gaya knowledge ke aadhaar par, vaise in bhakti-maarga ke rasma se bhi aise vairaagya aana chaahiye। is vairaag ke baad hi yaad ki speed badh sakegi। nahin to kitna bhi purooshaartha karo। jaise bhakta log kitna bhi purooshaartha karte hain bhagwan ki yaad mein baithne ka, baith sakte hain? kitna bhi apne ko maarte hain, kashta karte hain, bhinna reeti se samay dete hain, sampatti lagaate hain, phir bhi ho sakta hai? yahaan bhi agar durgati maarga ki reeti-rasma hai to yaad ki yaatra ki speed badh nahin sakti, atoot yaad ho nahin sakti। ghantiya bajaana aadi chhoot gaya ki sthool roop mein chhod sookshm roop le liya? bhakton ko to khoob challenge karte ho ki time vesta, mani vesta karte ho। apne ko check karo - kahaan tak ‘gyaani tu aatma’ bane ho? ‘gyaani tu aatma’ ka arth hi hai har sanskaar, har bol gyaan sahit ho। karma bhi gyaan-swaroop ho। isko ‘gyaani tu aatma’ kaha jaata hai। aatma mein jaise-jaise sanskaar hain woh automatically work karte hain। ‘gyaani tu aatma’ ke natural karma, bol gyaan-swaroop honge। to apne ko dekho - ‘gyaani tu aatma’ bane hain? bhakti arthaat durgati mein jaane ka zara bhi naam-nishaan na hona chaahiye। jaise aap log kehte ho - jahaan gyaan hai vahaan bhakti nahin, jahaan bhakti hai vahaan gyaan nahin। raat aur din ki misaal dekar bataati ho na। to bhaktipan ke sanskaar sthool va sookshm roop mein bhi na hon। gyaan ke sanskaar bhi bahut samay sechaahie na। bahut samay se abhi sanskaar na bharenge to bahut samay raajya bhi nahin karenge। ant samay bharne ka purooshaartha karenge to raajya-bhaagya bhi ant mein paavenge। abhi se karenge to raajya-bhaagya bhi aadi se paavenge। hisaab-kitaab poora hai। jitna aur utna। madhuban nivaasiyon ko to lift hai aur extra gift hai kyonki saamne example hai, sabhi sahaj saadhan hain। sirf kaaran ko nivaaran mein parivartan kar do to madhuban nivaasiyon ko jo gift hai unse apne ko bahut parivartitkar sakte hain। sadaiv aapke saamne nimitta bani hui moortiyaan example hain। shaktiyon ka sankalp bhi powerful hota hai, kamjor nahin। jo chaahe so karen, aise ko shakti sena kaha jaata hai। yahaan to bahut sahaj saadhan hai। kaam kiya aur apne purooshaartha mein lag gaye। madhuban nivaasiyon se hi madhuban ki shobha hai। phir bhi bahut lucky ho। apne ko jaano na jaano, phir bhi lucky ho। kai baaton se bache hue ho। sthaan ke mahatva ko, sang ke mahatva ko, vaayumandal ke mahatva ko bhi jaano to ek second mein mahaan ban jaavenge। koi badi baat nahin। maala fix nahin hai। sabhi ko chaans hai। ab dekhenge practical mein kya parivartan dikhaate hain? ummeedvaar to ho na? achha।