Avyakt murli du lundi 15 avril 1974

>

15-04-74 om shanti avyakt baapdaadaamdhuban

vighna-vinaashak ban kar angad samaan maaya par vijay praapta karo

vighna-vinaashak, vishwa-paalak aur maaya par vijay praapta kara kar umang aur ullaas ko badhaane vaale shivbaaba bole :-

kya sabhi unnati ki or badhte ja rahe ho? chadhti kala ki nishaani kya hai, kya woh jaante ho?sada lagan mein magna aur vighna-vinaashak yeh donon nishaaniyaan kya anubhav mein aa rahi hain?ya vighnon ko dekh vighna-vinaashak banne ke bajaay,vighnon ko dekh apni stage se neeche to nahin aa jaate ho? kya anek prakaar ke aaye hue toofaan aapki buddhi mein toofaan to paida nahin karte hain? jaise koi ke dvaara tohpha milta hai to buddhi mein halchal nahin hoti hai balki ullaas hota hai। isi prakaar aaye hue toofaan ullaas badhaate hain ya halchal badhaate hain? agar toofaan ko toofaan samjha to halchal hogi aur tohpha samjha va anubhav kiya to usse ullaas aur himmat adhik badhegi। yeh hai chadhti kala ki nishaani। ghabraane ke bajaay gahraai mein jaakar anubhav ke naye-naye ratna in pareekshaaon ke saagar se praapta karenge to kya aise anubhav karte ho?yeh kya ho raha hai, kyon ho raha hai aur aise kaise chalega? yeh jo sankalp chalte hain isko halchal kaha jaata hai। halchal ke andar ratna samaaye hue hain। oopar-oopar se arthaat bahirmukhta ki drishti aur buddhi dvaara dekhne se halchal dikhaai degi athva anubhav hogi? lekin usi aai hui baaton ko antarmukhi drishti va buddhi se dekhne se anek prakaar ke gyaan-ratna arthaat points praapta honge।

agar koi bhi baat ko dekhte ya sunte hue aashcharya anubhav hota hai to yeh bhi final stage nahin hai। aisa to hona nahin chaahiye, achha jo hua woh hona hi chaahiye,agar aisa sankalp drama ke hone par bhi utpanna hota hai to isko bhi anshamaatr ki halchal ka roop kahenge। ab tak yeh kyon-kya ka question ka arth hai - halchal। vighna aana aavashyak hai aur jitna vighna aana aavashyak hai agar utna yeh buddhi mein rahega to utna hi aisa mahaarthi harshit rahega। nothing new yeh hai final stage । yadi koi bhi halchal ka karttavya karte ho va part bajaate ho to saagar samaan oopar se halchal bhale hi dikhaai de rahi ho arthaat chaahe karmendriyon ki halchal mein aa rahe hon lekin sthiti nothing new ki ho। ekaagra, ekras,ekaanta arthaat ek rachayita aur rachna ke ant ko jaanne vaale trikaaldarshi ki stage par,kya aaraam se shanti ki stage par sthit hain ya karmendriyon ki halchal aantarik stage ko bhi hilaati hai? jab sthool saagar donon hi roop dikhaata hai to kya master gyaan saagar aisa roop nahin dikha sakte? yeh prakriti ne puroosh se copy ki hai। aap to purooshottam ho। jo prakriti apni qualification dikha sakti hai,kya woh purooshottam nahin dikha sakte?

ab samay kis or badh raha hai yeh jaante ho? ati ki taraph badh raha hai। sabhi taraph ati dikhaai pad rahi hai। ant ki nishaani ati hai। to jaise prakriti samaapti ki taraph ati mein ja rahi hai vaise hi sampanna banne vaali aatmaon ke saamne ab pareekshaayen va vighna bhi ati ke roop mein aayenge। isliye aashcharya nahin khaana hai ki pahle yeh nahin tha ab kyon hai? yeh aashcharya bhi nahin। final paper mein aashcharyajnak baaten question ke roop mein aayengi tab to paas aur fail ho sakenge। na chaahte hue bhi buddhi mein question utpanna na hon,yahi to paper hai। aur hai bhi ek second ka hi paper। kyon ka sankalp chandravanshi ki queue mein laga dega। pahle to sooryavanshi ka raajya hoga na?chandravanshiyon ka number peechhe hoga। to unka,raajya ke takhtansheen banne ki queue mein number aayega। isliye ekras sthiti mein sthit hone ka abhyaas nirantar ho। samasya ke seat ko sambhaalne nahin lag jaao। lekin seat par baith samasya ka saamna karna hai। ab to samasya seat ki yaad dilaati hai। vighna aata hai, to vishesh yog lagaate ho aur bhatthi rakhte ho na? isse siddha hota hai ki dushman hi shastra ki smriti dilaate hain lekin svatah aur sada-smriti nahin rehti। nirantar yogi ho ya antar vaale yogi ho? title to nirantar yogi ka hai na?dushman aave hi nahin, samasya saamna na kar sake। sooli se kaanta banna yeh bhi final stage nahin। sooli se kaanta bane aur kaante ko phir yogaagni se door se hi bhasma kar den। kaanta lage aur phir nikaalo,yeh final stage nahin hai। kaante ko apni sampoorn stage se samaapta kar dena hai-yeh hai final stage। aisa lakshya rakhte hue apni stage ko aage chadhti kala ki taraph badhaate chalo। badi baat ko chhota anubhav karna,is stage tak mahaarthi nambarvaar yatha-shakti pahunche hain। ab pahunchna vahaan tak hai jo ki ansh aur vansh bhi samaapta ho jaae।

aap sabhi himmat, ullaas aur sarva ke sahayogi sada rehte hue chal rahe ho na? kaliyugi duniya ko samaapta karne ke liye va parivartan karne ke liye,maaya ko vidaai dene ke liye sangathan arthaat gheraav daala hua hai na? mazboot gheraav daala hua hai ya beech-beech mein koi dheele ho jaate hain athva thak to nahin jaate ya chalte- chalte rook to nahin jaate ho na?na aage badhna,na peechhe hatna,jaise-the-vaise rehna woh paath to pakka nahin karte ho? samay dhakka lagaavega to chal padenge, aisa soch jahaan ke tahaan rook to nahin gaye ho?kisi ke kisi prakaar ke sahaare ka to intazaar karte hue, khade to nahin ho gaye ho? to aisi stage vaalon ko kya kahenge? kya isko hi to ‘angad’ ki stage nahin samajhte ho? agar aise rook gaye,to phir last vaale fast chale jaavenge। jab bhi pahaadon par barpha girti hai aur jam jaati hai to raaste rook jaate hain। to phir barpha ko galaane ke liye va use hataane ke liye purooshaartha karte hai na?yahaan bhi agar barpha ke maaphik jam jaate ho to isse siddha hota hai ki yog-agni ki kami hai। yog-agni ko tez karo to raasta clear ho jaayega। mili hui himmat aur ullaas ke points buddhi mein daudaao to raasta clear ho jaayega। ab ki result mein aise aadha hi chal rahe hain। isliye isko aage badhaao। yeh result kya purooshottam aatmaon ko achhi lagti hai?isliye na purooshaartha ki gati mein angad bano, na maaya se haar khaane ke liye angad bano, balki vijayi banne ke liye angad banna hai। achha,

oonch-te-oonch baap dvaara paalna lene vaale, vishwa ki paalna karne vaale, vishnu-kul ki shreshtha aatmaayen, prakriti ko parivartan karne vaali purooshottam aatmaayen, vishwa ke aage saakshaatmoortta prasiddha hone vaali aatmaayen aur yogi tu aatmaon ke prati baap-daada ka yaad-pyaar aur good morning। achha!