Avyakt murli du jeudi 16 mai 1974

>

16-05-74 om shanti avyakt baapdaadaamdhuban

mahaartheepan ke lakshan

roohaani bachchon ke sahayogi ban kar, unki himmat aur ullaas ko badhaane vaale,sarva prakaar ke bandhan va vaibhav ke aakarshan se pare rahne vaale aur sada ek-ras sthiti mein rahne vaale,nishkaam sevi shiv baba bole:-

is samay sabke andar sunne ki ichchha hai va samaan banne ki ichchha hai? sunne ke baad, har baat samaane se samaan ban jaate hain aur samaane se saamna karne ki shakti svayan hi sahaj aa jaati hai। saamna karne ki shakti se sarva-kaamnaaon se svatah hi mukti praapta ho jaati hai। kya aise apne ko mukta aatma anubhav karte ho?kisi bhi prakaar ka bandhan apni taraph aakarshit to nahin karta?bandhan-mukta hi yog-yukta ho sakta hai। yadi koi bhi svabhaav, sanskaar,vyakti athva vaibhav ka bandhan apni taraph aakarshit karta hai, to baap ki yaad ki aakarshan sadaiv nahin rah sakti। kisi ke bhi vash hote samay, us aatma ke prati yahi shabd kaha jaata hai ki, yeh ‘vasheebhoot’ hai। vasheebhoot hona,yeh bhi paanch bhooton ke saath-saath royal roop ka bhoot hai। jaise bhooton ki praveshta se apna swaroop,apna svabhaav, apna karttavya,aur apni shakti bhool jaati hai,vaise hi kisi baat ke vasheebhoot hone se, yahi rooprekha banti hai। vasheekran mantra dene vaale kabhi bhi vasheebhoot nahin ho sakte। to ab yeh chaik karo ki kahin vasheebhoot to nahin ho?

aajkal baap-daada vishesh kaaryakram mein busy rehte hain। woh kaun-sa kaarya hoga? koi bhi kaarya mein baap ke saath bachchon ka sambandh hoga na? to apne se sambandhit kaaryakram ko nahin jaante ho? amrit vele jab baap se good morning va rooh-roohaan karne aate ho, to us samay anubhav nahin karte ho ya us samay lene mein hi jyaada busy rehte ho? kya touch hota hai?vartamaan samay samaapti ka samay, sameep aa raha hai। samaapti mein last aur fast donon ka pratyaksha roop mein saakshaatkaar hota hai, baap-daada har raaz harek ki saiting aur phiting ye donon hi baaten dekhte hain। koi-koi apne aapko sait karne ki koshish bhi karte hain,lekin phiting theek na hone ke kaaran,saiting bhi nahin hoti। phiting kya aur saiting kya-yeh to aap jaante ho na?eeshvareey maryaadaaon mein apne aapko chalaana, yeh eeshvareey maryaadaayen hain phiting। in maryaadaaon ke aadhaar se sthiti ki saiting hoti hai। baap-daada jab nambarvaar mahaaveeron ko dekhte hain va mahaarthiyon ke mahaarthi sait ki saiting karte hain, to kya dekhte hain? koi na koi baat ki va maryaada ki phiting na hone ke kaaran, seat par sait nahin ho sakte। abhi-abhi seat par hain aur abhi-abhi seat ke bajaay koi-na-koi saaeet par dikhaai padte hain। to baapdaada isi kaarya mein busy rehte hain। ummeedvaar dikhaai bahut dete hain aur line bhi bahut badi dikhaai deti hai lekin pramaan swaroop koi koi hota hai।

ummeedvaar banne ke liye mukhya kaun-sa purooshaartha hai? hai bahut sahaj purooshaartha,lekin apni kamzoriyon ke kaaran sahaj ko mushkil bana dete hain। ummeedvaar banne ka sahaj purooshaartha yahi hai ki har baat mein baap ki jo bachchon ke prati ummeed hai, woh baap ki ummeed poori karna hi,ummeedvaar banna hai। baap ki ummeeden poori karna, bachchon ke liye mushkil hota hai kya?bachche ka janma hota hi hai, baap ki ummeeden poori karne ke liye। bachche ka apne jeevan ka lakshya hi yeh hota hai,baap ki ummeeden poori karna। isko hi doosre shabdon mein ‘san shows father’ kehte hain। to aisa ummeedvaar banna aapke brahman jeevan ka mukhya lakshya hai। jabki baap-daada ek kadam ke peechhe,laakhon kadam svayan bhi sahayogi bankar himmat aur ullaas badhaate hain, phir mushkil kyon? jabki duniya ki sarva mushkilaaton ko aap svayan hi mitaane vaale ho, mushkil baat sahaj anubhav karaane vaale ho,aise anubhvi moorta ke liye koi bhi baat mushkil hai,aisa soch bhi nahin sakte। pyaadon ka anubhav, mushkil jaanna theek hai। lekin abhi apne ko kisi-na-kisi baat mein, ek do se kam nahin samajhte ho arthaat koi prakaar se apne ko mahaarthi samajhte ho, last vaale bhi ‘last is fast’ ka lakshya rakhte hain, to mahaarthi hue na?kisi bhi baat mein, apne ko kisi ke aage jhukaana va apni kamjori mahsoos karna,achha nahin samajhte। apne ko prasiddha karne ke liye,har baat ko siddha karte ho, to isko kya kaha jaayega? apne ko pyaada samajhte ho ya kisi-na-kisi roop mein mahaarthi samajhte ho? siddha karne vaala kabhi bhi prasiddha nahin ho sakta। vaastav mein prasiddha hone vaala koi bhi baat ko siddha nahin karega। arthaat jidda karne vaala, aisa kabhi bhi prasiddha nahin ho sakta। jid karne vaala, kabhi siddhi ko pa nahin sakta। siddhi ko paane vaale, svayan ko namrachitta,nirmaan, har baat mein apne aapko gunagraahak banaavega। lakshya rakhte ho prasiddha hone ka aur purooshaartha karte ho door hone ka, to aisi chaiking apni karo। chaiking bhi maheen chaahiye।

mahaarthi ko koi baat mushkil anubhav ho, woh mahaarthi hi nahin। mahaarthi apne sahayog se aur baap ke sahayog se auron ki mushkil bhi sahaj karenge। mahaarthiyon ke sankalp mein bhi kabhi ‘yeh kaise, aise kyon?’ yeh prashn nahin uth sakta।‘kaise’ke bajaae ‘aise’shabd aayega। kyonki master knowledgeful, trikaaldarshi ho na? in baaton ko chaik karo। kaise karoon? kaise hoga?yeh na svayan prati na doosron ke prati chale। donon hi roop mein prashn samaapta hon। aisa hi sada prasannachitta va harshit rehta hai। ab samjha। mahaarthi ke lakshan kya hain? karne mein kam nahin। jab ek do ke samparka mein aate hain, to ek-do se svayan ko kam nahin samajhte,samajhne mein harek apne ko authority samajhte hain aur apna hak rakhte hain। samajhne aur karne in donon mein hakdaar bano,tab hi vishwa ke, is eeshvareey parivaar ki prashansa ke hakdaar banenge। koi bhi baat ke maangane vaale mangata nahin bano, daata bano। maan, shaan,prashansa,badaapan aadi maangane ki ichchha mat karo। maangenge to jaise aajkal ke maangane vaale ko koi bhi praapti nahin karaate,aur hi door se use bhagaavenge। isi prakaar yeh royal maangane vaale svayan ko sarva aatmaon se svatah hi door karte hain। aisa mahaarthi seat par sait nahin hota। isliye ab aap sabhi mahaarthi ho?ghode savaar va pyaadon ka samay gaya, ab har mahaarthi ko apne mahaartheepan ke lakshan saamne rakhte hue svayan mein samaane hain। achha!

aise sarva ichchhaaon ko samaane vaale, baap-samaan sarvashaktiyon ke authority,sada ek lagan,ek ras sthiti mein sthit hone vaale, ek bal ek bharosa,sada ekaagra,ekaanta nivaasi, antarmukhi aur baap-daada ke ummeedon ke sitaaron ko baap-daada ka yaad pyaar, good night aur namaste।