Avyakt murli du samedi 1 février 1975
Enregistrement en cours..
Vous pouvez maintenant lire ce murli sans internet.
Vous pouvez lire ce murli sans internet.
pour pouvoir le lire sans internet.
Cette vue propose une écriture courante du hindi en caractères latins, sans signes diacritiques, générée automatiquement depuis le texte hindi.
Comment est produit le Hinglish ?
Le site utilise généralement aa, ee et oo pour les voyelles longues (a, i et u en fin de mot), ch et chh, sh et ri. Les mots anglais reconnus par le dictionnaire conservent leur orthographe anglaise. Des règles de suppression de certaines voyelles implicites et une liste de mots fréquents donnent des graphies familières comme aatma, shanti, main et hoon.
Il n’existe pas une seule orthographe informelle : ces conventions donnent une version cohérente, mais certaines graphies peuvent différer de celles que vous connaissez. La vue « Hindi translittéré » conserve les distinctions de l’ISO 15919 adaptée.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
01-02-75 om shanti avyakt baapdaadaamdhuban
eeshvar ke saath ka aur lagan ki agni ka anubhav
prakriti ko daasi banaakar sada udaasi ko door karne ki yuktiyaan bataane vaale shiv baba bole:-
jo sameep hote hain, vahi samaan bante hain। jaise saakaar roop mein sameep ho, vaise hi lagan lagaane mein bhi baapdaada ke takhta-nivaasi ho? jaise tan se sameep ho,vaise hi man se bhi sameep ho?jaise videsh mein rahne vaale tan se door hote bhi, man se sadaiv sameep hain, baapdaada ke sadaiv saathi hi hain arthaat har samay saathi bankar saath ka anubhav karte hain, vaise sadaiv saakshi banne ka va saath nibhaane ka anubhav karte ho?jaise bandhan mein rahne vaali gopikaaen har shvaas, har sankalp baba-baba ki dhun mein hi khoi rehti ho?jaise baahar vaalon ko milan ki tadap rehti hai aise hi har samay yaad ki tadaph mein rehte ho ya saadhaaran smriti mein rehte ho? ham to hain hi baba ke, ham to hain hi sameep, ham to hain hi samarpan aur hamaara to ek baba hai hi - sirf in sankalpon hi se to santushta nahin ho gaye ho?
apni lagan mein agni ki mahsoosta aati hai? jis lagan ki agni mein svayan ke past ke sanskaar aur svabhaav aur anya aatmaon ke duhkhadaayi sanskaar va svabhaav ko bhasma kar sako?gyaan dvaara athva sneh va samparka dvaara sanskaar parivartit karte to ho,lekin usmein samay lagta hai। mita hua-sa sanskaar phir bhi kab pratyaksha ho jaata hai, lekin ab samay lagan ki agni mein bhasma karne ka hai, jo phir us sanskaar ka naamonishaan bhi na rahe।
is mukti ki yukti kaunsi hai? arthaat is lagan ki agni ko paida karne ki yukti va teeli kaunsi hai? teeli se aag jalaate ho na? to is agni ko prajvalit karne ki kaun-si teeli hai? ek shabd kaun-sa hai?dridh sankalp। arthaat mar jaayenge aur mit jaayenge lekin karna hi hai। karna to chaahiye, hona to chaahiye, kar hi rahe hain,ho hi jaayega, attention to rehta hai,aur mahsoos bhi karte hain - aisa sochna ek prakaar se yeh bujhi hui teeli hai। baar-baar mehnat bhi karte ho,samay bhi lagaate ho lekin agni prajvalit nahin hoti। kaaran yeh hai ki sankalp roopi beej aur dridhta roopi saar sampanna nahin hai, arthaat khaali hai। is kaaran jo phal ki aasha rakhte ho va bhavishya sochte ho, woh poorn nahin ho paata hai aur chalte-chalte mehnat jyaada,praapti kam dekhte ho to dilshikasta va albele ho jaate ho। tab kehte ho ki karte to hain lekin milta nahin,to kyon karen, hamaara part hi aisa hai। yeh dil-shikasta va albelepan ke aur phal na dene vaale sankalp hain।
aap anya aatmaon ko sangamayug ki visheshta kaunsi bataate ho? sabhi ko kehte ho ki sangamayug hai - asambhav se sambhav hone ka। jo baat saari duniya asambhav samajhti hai, woh sambhav karne ka yug yahi hai। to svayan ko bhi jo mushkil va asambhav mahsoos hota hai,usko ek second mein sambhav karna - yeh hai dridh sankalp। sahaj ko athva sambhav ko practical mein laana koi badi baat nahin। lekin asambhav ko sambhav karna aur dridh sankalp se karna - yeh hai paas with honour ki nishaani। ab yeh naveenta karke dikhaao। tab is naveenta par marks denge। jaise student har varsha ki total result dekhte hain ki har subject mein kitna percentage raha? vaise hi apna result dekhna hai ki kis baat mein chadhti kala hui, kis purooshaartha ke aadhaar se chadhti kala hui va kis subject mein kami rahi, woh poora hisaab nikaalo। mubaarik bhi baapdaada sadaiv dete hain kyonki srishti ka bada din to yahi hai na। prakriti daasi hoti hai,parantu daasi ke kabhi daas na banna aur daas banne ki nishaani hogi udaasi। kisi-na-kisi sanskaar va svabhaav ke daas bante ho, tab udaas hote ho। achha। om shanti।
is murli ka saar
1. jaise aap sabhi ko kehte ho ki sangamayug hai - asambhav se sambhav hone ka। jo baat saari duniya asambhav samajhti hai, woh sambhav karne ka yug yahi hai। to svayan ko bhi jo mushkil va asambhav mahsoos hota hai,usko ek second mein sambhav karna hai। asambhav ko sambhav karna aur dridh sankalp se karna - yahi hai paas with honour ki nishaani।
2. ab samay hai puraane sanskaaron ko lagan ki agni mein bhasma karne ka jo phir is sanskaar ka naamonishaan bhi na rahe।
3. jaise student har varsha ki total result dekhte hain ki har subject mein kitna percentage rahi, vaise hi apna result dekhna hai ki kis baat mein chadhti kala hui, kis purooshaartha ke aadhaar se chadhti kala hui va kis subject mein kami rahi, woh poora hisaab nikaalo।