Avyakt murli du samedi 25 octobre 1975

>

25-10-75 om shanti avyakt baapdaadaamdhuban

behad ki shikshiva samajh vairaagya vritti ko dhaaran karo

panjaab, gujraat zone ki teachers ke saath avyakt baapdaada ke uchchaare hue madhur mahaavaakya:-

apne ko master vishwa ki shikshak samajhti ho athva apne-apne sevaakendron ki main phalaane sthaan ki teacher hoon, yeh buddhi mein rehta hai? yeh buddhi mein rehna chaahiye ki main vishwa ki nimitta bani hui master vishwa-shikshak hoon! had yaad rehti hai ya behad?behad ka nasha aur behad ki seva ke plan chalte hain ya apne sthaan ke plan chalte hain? behad ka nasha rahega tab vishwa ki maalik banengi। agar had ka nasha aur had ki smriti rehti hai,to vishwa ke maalikpan ke sanskaar nahin banenge, phir to chhota-chhota raaja banenge। vishwa-mahaaraajan ki praalabdha paane ki nishaaniyaan abhi se hi dikhaai dengi। jaise koi bhi paheli hal karaani hoti hai to uski nishaaniyaan poochhte hain jisse kaisi bhi kathin paheli ho, woh jaldi hal ho jaati hai। to yahaan bhi kaun kya banta hai,yeh paheli hai,to in nishaaniyon se parakh sakta hai। apne aapko bhi maaloom pad sakta hai ki main apne purooshaartha pramaan kya ban sakti hoon।

teachers svatantra hain, koi karma-bandhan nahin sirf seva ka bandhan hai। woh bandhan,bandhan nahin,lekin bandhan-mukta karne vaala hai। jab sab baaton mein svatantra ho,to teachers ki behad ki buddhi honi chaahiye। jahaan tak ho sake vahaan tak behad ki seva mein sahayog dene ka chance svayan lena chaahiye। kyonki jitna svayan behad ki seva ka anubhav karenge utna hi jaasti anubhveemoortta kahlaayengi। anubhvi-moortta ki hi value hoti hai, jaise puraane jamaane ke jo anubhvi hote hain unki raay ki value hoti hai ki yeh puraane anubhvi hain। to yahaan bhi anubhvi banna chaahiye। svayan chance lena chaahiye। programme pramaan karna usmein aadha hissa apna hota, aadha doosre ka ho jaata hai। jaise kamaai ka share (hissa) hota hai। to programme pramaan karne mein aadha ho jaata hai। jo svayan chance lete woh full hi milta hai। aise nahin kaho ki mujhe yogya samjha jaae। main svayan bankar dikhlaaoon। aaphreen usko milti hai jo svayan ko offer karta hai। yeh kabhi nahin sochna ya intazaar karna ki mujhe chance milega to karoongi ya mujhe aage badhaaya jaayega to badhoongi। yeh bhi aadhaar hua। teacher to svayan aadhaarmoortta hain। to jo aadhaarmoortta hain woh kiska aadhaar nahin lete। yeh bhi lottery nahin ganvaana। svayan, svayan ko offer karo aur behad ke anubhvi bano। behad ke buddhivaan bano। chance lete jaao to chance milta jaayega। isko kahenge master vishwa-shikshak। baaki hai apne-apne centre ki shikshak। jaise baap ko dekha ek sthaan madhuban mein rehte chaaron or ke plan banaate the, na ki sirf madhuban ke। aise hi nimitta kahaan bhi rehti ho,lekin behad ke plans banaati raho। aisi hain sab behad ki buddhi vaali teachers?chaaron or chakkar lagaati ho ki sirf apni area mein chakkar lagaati ho? jo jitna eeshvareey seva-arth chakkar lagaate hain utna hi chakravarti raaja bante hain। achha,yeh to hui behad ki teachers ke nimitta। abhi to bhavishya plan bataaya।

behad ki vairaagya vritti ko teachers apne mein anubhav karti hain? behad ki vairaagya vritti hai ki apne centres va jigyaasuon se lagaav nahin। jab is lagaav se behad ka vairaagya hoga tab jayjaykaar hogi। sab sthool,sookshm saadhnon se behad ka vairaagya। aisi dharni bani hai athva thoda centres se change karen to hilengi? jigyaasuon par taras nahin padega? jara bhi unhon ke prati sankalp nahin aayega?aise apne ko check karna chaahiye ki aisa paper aaye to nashtomoha hain? woh hai laukik sambandh aur yeh hai seva ka sambandh। yadi us sambandh mein moh jaaye to aap log vaani chalaati ho। yeh alaukik seva ka sambandh hai,ismen yadi aapka moh hoga to aane vaale students is par vaani chalaayenge। to apni maheen roop se checking karo ki abhi koi order ho to ever ready hain? is centre ki service achhi hai, to service achhi se bhi lagaav to nahin hai? jab sabse upraam hon tab behad ki vairaagya vritti kahenge। apne shareer se bhi upraam। jaise ki nimitta seva-arth chalaate hain।

lagaav ki nishaani yeh hai ki buddhi baar-baar baap se hat kar us taraph jaaye to samjho lagaav hai। apne aap se bhi lagaav na ho। jo apne mein visheshta hai, koi mein handling power achhi hai va koi mein vaani ki power hai to kahengi main aisi hoon। parantu yeh to baapdaada ki den hai। apne gyaan ki visheshta, visheshta koi bhi ho, usse bhi lagaav nahin। ismen bhi abhimaan aa jaata hai isse to yeh buddhi mein rakho ki - ‘‘yeh baap se mila hua varsa hai। jo sarva-aatmaon ke prati humein mila hai, jo de rahe hain,ham to nimitta hain।’’aise behad ke vairaagya vritti ka sangathan teachers ka hona chaahiye। jo chalne se, dekhne se aur bolne se sabko mahsoos ho ki ye behad ke vairaagi hain। gyaan se seva karne mein hoshiyaar hain,yeh to sab mahsoos karte hain। ab behad ke vairaagya ka anubhav karo, jo doosre bhi anubhav karen। achha।

mahaavaakyon ki vishesh baaten

1. teachers svatantra hain, koi karma-bandhan nahin, sirf seva ka bandhan hai। yeh bandhan bhi bandhan-mukta karne vaala hai।

2. teachers ko jahaan tak ho sake, vahaan tak behad ki seva mein sahayog dene ka chance svayan lena chaahiye tabhi anubhvi-moortta ban sakengi। anubhvi-moortta ki value hoti hai।

3. jo jitna hi eeshvareey seva-arth chakkar lagaate rehte hain utna hi ve chakravarti raaja bante hain।

4. jab apne centres va jigyaasuon ke lagaav se behad ka vairaagya hoga tab jayjaykaar hogi।

5. apne mein koi visheshta hai to usse bhi lagaav nahin hona chaahiye। buddhi mein samajhna hai ki yeh baap se mila hua varsa