Avyakt murli du vendredi 31 octobre 1975

>

31-10-75 om shanti avyakt baapdaadaamdhuban

mahaarthi ki sarva visheshtaaon ko is varsha dhaaran karo

meeting mein aaye hue sabhi jonsa ke mahaarthi bhaai-bahnon ke saath avyakt baapdaada ne yeh madhur mahaavaakya uchchaare:-

plaaning-buddhi party hai, saath-saath saphaltaamoortta bhi hain। planning-buddhi ke baad saphalta-moortta banne mein jo time dete ho,mehnat karte ho woh result nikaalne ke liye। mahaarthiyon ki saphalta vishesh ek baat mein hai,woh ek baat kaunsi hai? mahaarthi ki visheshta kya hoti hai?jis visheshta se mahaarthi bana jaay, woh kya hai? mahaarthiyon ki visheshta yeh hai jo sarva ki santushtata ka certificate leven। tab kahenge mahaarthi। santushtata hi shreshthata va mahaanta hai। praja bhi is aadhaar se banegi। santushta hui aatmaayen unko raaja maanengi। koi-na-koi seva sahayog dvaara praapta karaai ho - sneh ki, sahayog ki, himmat-ullaas ki aur shakti dilaane ki praapti karaai ho to mahaarthi aur agar santushtata na karaai hai to naam ke mahaarthi hain, ve kaam ke nahin। bade bhaai-behen to maata-pita samaan hote hain। maata-pita sabko santushta karte hain। to mahaarthi ko yeh attention pahle dena hai। iske liye svayan ko parivartan karna pade। parantu yeh santushtata ka certificate zaroor lena hai। yeh checking karo ki - ‘‘kitni aatmaayen mere se santushta hain?mujhe kya karna hai jo mere se sab santushta rahen?’’

mahaarthi mein svayan ko mould karne ki shakti honi chaahiye। mould karne vaala hi gold hota hai। jo mould nahin kar sakte vo real gold nahin hain, mix hain। mix hona arthaat ghodesvaar। mahaarthi mould hota hai। plan banaana arthaat beej bona। to beej powerful hona chaahiye। sarva ke santushtata ki aur sneh ki duaayen, aasheervaad aur sneh ka paani zaroor chaahiye। nahin to planning roopi beej to powerful hota hai, lekin sneh aur sahayog roopi paani na milne se ped nahin nikalta hai। kabhi ped nikal aata hai to phal nahin lagta,agar phal lagta bhi hai to second ya third kisma ka। iska kaaran paani ka nahin milna hai। mahaarthi - jismen sarva-siphten hon arthaat sarva gun sampanna,sarva kalaayen aur sarva visheshtaayen hon - agar ek-do kala kam hain to sarva kala sampoorn nahin। sarva gun nahin to mahaarthi ke title se nikal jaate hain। ye group mahaarthiyon ka hai। nimantran mahaarthiyon ko mila hai।

saphalta-moortta banne ke liye mukhya do hi visheshtaayen chaahiyen - ek purity, doosri unity। agar purity ki bhi kami hai to unity mein bhi kami hai। purity sirf brahmacharya vrat ko nahin kaha jaata, sankalp,svabhaav,sanskaar mein bhi purity। maanon ek-doosre ke prati eershya ya ghrina ka sankalp hai; to purity nahin, impurity kahenge। purity ki paribhaasha mein sarva vikaaron ka ansh-maatra tak na hona hai। sankalp mein bhi kisi prakaar ki impurity na ho। aap bachche nimitta bane hue ho bahut oonche kaarya ko sampanna karne ke liye। nimitta to mahaarthi roop se bane hue ho na। agar list nikaalte hain to list mein bhi to serviceable tatha service ke nimitta bane brahma-vatsa hi mahaarthi ki list mein gine hue hain। mahaarthi ki visheshta kahaan tak aayi hui hai - so to har-ek svayan jaane। mahaarthi jo list mein gina jaata hai vo aage chal kar mahaarthi hoga athva vartamaan ki list mein mahaarthi hai। to in donon baaton ke oopar attention chaahiye।

unity arthaat sanskaar-svabhaav ke milan ki unity। koi ka sanskaar aur svabhaav na bhi mile to bhi koshish karke milaao। yeh hai unity। sirf sangathan ko unity nahin kahenge। serviceable nimitta bani aatmaayen in do baaton ke sivaay behad ki service ke nimitta nahin ban sakti hain, had ke ho sakte hain। behad ki service ke liye ye donon baaten chaahiyen। sunaaya tha na - raas mein taal milaane par hi hoti hai - vaah! vaah! to yahaan bhi taal milaana arthaat raas milaana hai। itni aatmaayen jo knowledge varnan karti hain to sabke mukh se yeh nikalta hai - ye ek hi baat kehte hain, in sab ka ek hi topic, ek hi shabd hai yeh sab kehte hain na। isi prakaar sabke svabhaav aur sanskaar ek-do mein milen, tab kahenge raas milaana। iska plan banaaya hai? (plan sunaaye gaye)।

aim to rakhi hai sthaapna ke kaarya ko prakhyaat karne ki। prakhyaat karne ka jo plan banaaya hai woh achha hai। prakhyaat karne ke liye plan to doosre varsha ka banaaya hai, lekin is varsha ka jo kuchh samay abhi raha hua hai,is samay hi har ek sthaan par vartamaan vaataavran ke anusaar samparka mein aane vaale vyakti zaroor chaahien। doosre varsha ki service ki saphalta is varsha ke aadhaar par hogi। koi bhi propeganda mein aisi sahayogi aatmaon ka sahayog chaahiye, jisse ek to ‘kam kharcha baala nasheen’ dvaara mehnat kam saphalta adhik hoti hai। samay pramaan aap unhon ki seva karenge to sahayog nahin mil sakega। lekin samay ke pahle seva kar sahayog lene ka prabhaav padta hai। plans to sab theek-thaak hain,sarva plans jo sunaaye। to har department ke vyakti zaroor samparka mein aane chaahiyen। jaise education ke vyakti samparka mein aane se bani-banaai stage milegi। koi bhi plan ki vihang maarga ki service ke liye yeh zaroori hai। geeta ki pvointas se ya to haahaakaar hoga ya jayjaykaar hogi। lekin pahle halchal hoti hai peechhe jayjaykaar hoti hai। aisi pvointas ko clear karne ke liye sabka sahayog chaahiye। minister, vakeel aur judge sab chaahiyen। jaise yahaan bhi sab aa rahe hain। doctor, vakeel aadi। to iske liye bhi sabka samparka zaroor chaahiye – ministry esosiyeshan aadi ka। abhi sabhi sunne ki ichchha rakhte hain lekin unmein chalne ki himmat nahin hai। sahayogi ban sakte hain। pahle unki seva se dharni taiyaar kar peechhe vishaal kaarya ka beej daalo।

plan achhe hain। is varsha mein koi nai baat zaroor honi hai। san 76mein jiska plan banaaya hai। lekin nimitta banna padta hai। parantu hona to draamaanusaar hai lekin jo nimitta banta hai, uska saare brahman kul mein naam baala hota hai। yeh bhi prize hai। har-ek apne-apne zone ki taraph meeting ka result nikaalo। plan set kar phir result ki meeting karo। plan mein sab haan-haan karte hain। result mein sirf paanch nikalte hain। to result ki bhi meeting rakho। utsaah badhaane ka bhi lakshya rakho। sabko busy rakho, taaki unko bhi khushi ho ki hamne bhi anguli di। chaahe hard-worker ho, chaahe planning buddhi ho -- chhoton ko bhi aage badhaana hai। nahin to ek umang aur utsaah mein service karte hain aur doosron ka vibration,saphalta mein vighna daalta hai। to sabki madad chaahiye। har-ek ko koi-na-koi duty baanton zaroor। jaise prasaad sabko dete hain। to yeh seva ka prasaad bhi sabko baanto। sabke utsaah ka vaayumandal rahega to vaayumandal ke prabhaav se koi bhi baahar nahin niklega। chaahe chakkar lagaane vaala ho aur chaahe phida hone vaala ho। to is varsha mein yeh visheshta ho। jaise sab kehte hain ki mera baba। vaise kahe ki meri seva,mera programme bana hua hai। aise nahin kahe ki badon ne banaaya hai, chalega va nahin? nahin,mera programme hai। aisa sabka aavaaj ho, tab saphalta niklegi। sabko service ka chance do। achha!

is murli ke vishesh gyaan-bindu

1. mahaarthiyon ki visheshta yeh hai ki jo sarva ki santushtata ka certificate leven।

2. santushtata hi shreshthata va mahaanta hai।

3. mahaarthi mein svayan ko mould karne ki shakti honi chaahiye। jo mould hote hain ve hi real gold ho sakte hain।

4. saphalta-moortta banne ke liye mukhya do visheshtaaon ki dhaarna chaahiye- ek purity aur doosri unity।

5. purity arthaat sarva vikaaron ke ansh maatra ka jeevan mein na hona aur unity arthaat sanskaar, svabhaav ke milan ki unity hogi।