Avyakt murli du dimanche 8 février 1976

>

08-02-76 om shanti avyakt baapdaadaamdhuban

connection aur correction ke balance se kamaal

yathaartha teacher ki visheshtaaon ko batlaate hue param shikshak shiv baba bole:-

teachers ko vishesh do baaton ka attention rakhna chaahiye, woh do baaten kaun-si hain? madhuban se, baap ke saath tatha daivi parivaar ke saath maryaada-poorvak connection (Connection) ho। maryaadaapoorvak connection (Connection) yeh hai ki jo bhi sankalp va karma karte ho,uske har samay correction (Correction) karne ke abhyaasi ho। do baaten - ek yathaartha connection (Connection) aur doosra har samay apni har correction (Correction) karne ki attention (ATTENTION)। agar donon hi baaton mein se ek mein bhi kami hai to saphaltaamoortta nahin ban sakte। correction karne ke liye sadaiv saaksheepan ki stage chaahiye। agar saakshi ho correction nahin karenge to yathaartha connection (Connection) rakh na sakenge। to yeh sadaiv check karo ki har samay har baat mein correction karte hain? ek hai buddhi ki correction jisko yaad ki yaatra kehte hain doosra hai saakaar karma mein aate hue,saakaar parivaar va saakaar sambandh ke connection mein aana। donon hi connection theek hon। saakaar mein connection mein aane mein maryaadaapoorvak hain? jaise roohaani parivaar ka connection roohaaniyat ke bajaay deh-abhimaan ka connection hai to woh bhi yathaartha connection (Connection) nahin hua।

jo correction aur connection karna jaante hain, woh sada roohaani nashe mein honge। unka nyaaraapan aur pyaaraapan ka balance (Balance) hoga। dekho,sirf balance (Balance) ka khel dikhaane ke liye kitni kamaai ka saadhan bana hai, woh hai circus। balance ko kamaal ke roop mein dikhaate hain। to yahaan bhi agar balance hoga to kamaal bhi hoga aur kamaai bhi hogi। agar zara bhi kam athva jyaada ho jaata hai to na kamaal hota hai,na kamaai। jaise koi bhi khaane ki cheez banaate hain, agar usmein sab cheejon ka balance na ho to kitni bhi achhi cheez ho par usmein taste nahin aayega। to apne jeevan ko bhi shreshtha aur saphal banaane ke liye balance (Balance) rakho arthaat samaanta rakho।

doosri baat - jaisi samasya ho, jaisa samay ho, to vaise apne shaktishaali roop ko bana sako। agar paristhiti saamna karne ki hai, to saamna karne ki shakti ka swaroop ho jaao। agar paristhiti sahan karne ki hai, to sahan shakti ka swaroop ho jaao। aisa abhyaas ho। teachers maana balance। jaisa samay, vaisa swaroop dhaaran karne ki shakti ho। sneh ki jagah agar shakti ko dhaaran karte ho aur shakti ki jagah agar sneh ko dhaaran kiya to isko kya kahenge?arthaat jaisa samay, vaisa swaroop dhaaran karne ki shakti nahin hai। to service ki result (RESULT) bhi nahin nikalti aur saphal bhi nahin hote hain। ‘agar number one teacher banna hai to koi bhi dhaarna pahle svayan karo, phir kaho। aise nahin ki khud karo nahin, keval auron ko kaho।’jo doosron ko direction dete ho, woh pahle svayan mein dekho ki woh aap mein hai?doosron ko kaho ki sahansheel bano aur khud na ho to woh teacher nahin। teacher maana shikshak arthaat shiksha dene vaala। agar svayan shiksha swaroop nahin to woh yathaartha teacher kahla nahin sakte। sadaiv yeh slogan yaad rakho - shikshak arthaat shiksha-swaroop aur balance rakhne vaala। ab kvoliti ki teacher banna hai। kvontiti (Quantity) par nazar na ho। kvoliti (Quality) hi sabke kalyaan ke nimitta ban sakti hai। to ab teacher ki kvontiti nahin badhaani hai lekin kvoliti (Quality) badhaani hai। samjha!

is avyakt vaani ka saar

1. jo correction (Correction) aur connection (Connection) karna jaante hain, woh sada hi roohaani nashe mein honge।

2. agar number one teacher banna hai to koi bhi dhaarna pahle svayan karo, phir doosron ko kaho। aise nahin - khud karo nahin aur doosron se kehte raho। jo doosron ko direction (Direction) dete ho,woh pahle svayan mein dekho ki woh aap mein hai?

3. jaisa samay, vaisa swaroop dhaaran karne ki shakti badhaao।

4. saphaltaamoortta banne ke liye chaahiye। ek to yathaartha connection aur doosra har samay apni correction karne ki attention। correction karne ke liye sadaiv saaksheepan ki stage chaahiye। agar saakshi ho correction nahin karenge to yathaartha connection rakh na sakenge।