Avyakt murli du mardi 18 janvier 1977

>

18-01-77om shanti avyakt baapdaadaamdhuban

18January ka vishesh mahatva

atal, achal,akhand, sada har paristhiti mein bhi adol,sarva gun aur sarva shaktiyon se sampanna banaane vaale baba bole:-

sabhi smriti-swaroop arthaat samarthi-swaroop sthiti mein sthit ho? aaj ka din vishesh roop mein smriti-swaroop banne ka hai। baap-daada ke sneh mein samaae hue arthaat baap samaan banne vaale sneh ki nishaani hai - samaanta। to aaj saara din smriti-swaroop arthaat baap samaan svayan ko anubhav kiya?baap-daada ke sneh ka response (RESPONSE) ‘baap samaan bhav’ ka vardaan anubhav kiya? aaj ka vishesh divas svatah aur sahaj aur thode samay mein baap samaan sthiti anubhav karne ka din hai। jaise sabhi yugon mein se sangamayug sahaj praapti ka yug gaaya jaata hai, vaise brahman ke liye sangamayug mein bhi yeh din vishesh sarvashaktiyon ke vardaan praapta hone ka, ‘baap samaan’ki sthiti ka anubhav karne ka drama mein noondha hua hai। vishesh din ka vishesh mahatva jaan, mahaan roop se manaaya?amritvele se baap-daada ne vishesh anubhvon ke golden chance (Golden Chance) ki lottery (Lottery) kholi hai। aisi lottery lene ke adhikaar ko anubhav kiya?sneh-yukta rah va yog-yukta, sarvashaktayon ke prati yukta,sarva prakaar ke prakriti va maaya ke aakarshan se pare rahe? aaj baap-daada ne bachchon ke purooshaartha ki result dekheen। result mein kya dekha,jaante ho?

bahut bachche baap-daada ke sir ke taaj ke roop mein dekhe। aur kai bachche gale ke haar ke roop mein dekhe; aur kai bachche bhujaaon ke shrringaar ke roop mein dekhe। ab har ek apne se poochhe ki ‘‘mera sthaan kahaan hai?’’ (jahaan baba bithaayenge) baba bithaaye,lekin baithna to aapko padega na! baap ki aagya bahut badi hai। usko jaante ho na?videshi so svadeshi kis mein honge?sab videshi taaj mein aayenge to svadeshi kahaan jaayenge? taaj mein to bahut thode hote hain। mejaariti (Majority) gale aur bhujaaon ka shrringaar hain। taajdhaari arthaat baap ke taaj mein chamakte hue ratna,jin ki vishesh pooja hoti hai unki nishaani hai ‘sada baap mein samaae hue aur samaan’। un ke har bol aur karma se sada aur svatah baap pratyaksha hoga। unki seerat aur soorat ko dekh har ek ke mukh se yahi bol niklenge ki kamaal hai, jo baap ne aise yogya banaaya! unke gun dekhte hue nirantar baap-daada ke gun sab gaayenge। un ki drishti sabhi ki vritti ko parivartan karengi। aisi sthiti vaale sir ke taaj gaae jaate hain।

gale ka shrringaar arthaat second number sadaiv apne gale ki aavaaz arthaat mukh ke aavaaz dvaara baap ko pratyaksha karne ke prayatna mein rehte hain। sada baap-daada ko apne saamne rakhte hain; lekin samaae hue nahin rehte। sada baap-daada ke gun gaate rehte lekin svayan sada gun moortta nahin rehte। samaan banne ki bhaavna aur shreshtha kaamna rakhte hain lekin har prakaar ki maaya ke vaaron ka saamna nahin kar paate। aisi sthiti vaale gale ka shrringaar hain।

teesri quality (Quality-prakaar) to sahaj hi samajh gae honge, bhuja ki nishaani hai sahayog ki, jo kisi bhi prakaar se, man se, vaani se aathva karma se, tanman va dhan se baap ke karttavya mein sahayogi hote hain, lekin sada yogi nahin hote - aise bhi anek bachche hain। baap-daada ne rivaaeez course (REVISE Course) ke saath riylaaeejeshan course (REALIZATION Course) bhi diya hai। ab baaki kya raha? kya kami rah gai hai baaki?

nashtomohah smriti-swaroop ho gae ki abhi hona hai? 1976 tak hona hi tha na?final vinaash tak rooki hui hai kya?intajaar to nahin kar rahe ho na? vinaash ka intajaar karna arthaat apni daith (Death;mrityu) ki date ki smriti rakhna,apni daith ka aahvaan kar rahe ho? kitne sankalp kar rahe ho, vinaash kyon nahin hua? kab hoga?kaise hoga?sangamayug suhaavna lagta hai va satayug?to ghabraate kyon ho ki vinaash kyon nahin hua? agar svayan is prashn se prasanna hain to doosre ko bhi prasanna kar sakte hain। svayan hi question mein hain to doosre bhi zaroor poochhenge। isliye ghabraao nahin। koi poochhte hain ki vinaash kyon nahin hua, to aur hi usko kaho ki aap ke kaaran nahin hua। baap ke saath ham sabhi bhi vishwa-kalyaankaari hain। vishwa ke kalyaan mein aap jaisi aur aatmaon ka kalyaan raha hua hai। isliye abhi bhi chance hai। hota kya hai ki jab koi question karta hai to aap log svayan hi ‘kyon’’kya’mein confuse (Confuse) ho jaate ho - haan ‘‘kaha to hai, likha hua to hai, hona to chaahiye tha’’। isliye doosre ko santushta nahin kar paate ho। phalak se kaho ki kalyaankaari baba ke is bol mein bhi kalyaan samaya hua hai। usko ham jaante hain,aap bhi aage chalkar jaanenge। daro mat।‘kya kahenge, kaise kahenge’ aise sochkar kinaara na karo। jin logon ko kaha hai, unse dar ke maare kinaara na karo। kya karenge?agar ulta propganda (Propaganda) karenge to vo ulta bol anekon ko sulta bana dega। pratyakshata ka saadhan ban jaayega। bachche bhi poochhte rehte hain, to logon ne poochha to kya badi baat hui! sochte hain ‘‘yeh karen ya na karen? pravritti ko kaise chalaayen! vyavhaar ko kaise sait karen! bachchon ki shaadi karen ya nahin karen! makaan banaayen ya nahin?’’ vaastav mein is question ka vinaash ki date se koi connection (Connection;sambandh) nahin hai। agar property hai aur banaane ka sankalp hai to isse siddha hai ki svayan prati use (USE;prayog) karne ki bhaavna hai। agar eeshvareey seva mein lagaana hi hai to makaan banaana ya vaise hi property rakhna uska to question hi nahin uthta। lekin aavashyakta hai aur direction pramaan banaate bhi hain, to uska banaana vyartha nahin hoga, lekin jama hoga। to vinaash ke kaaran ghabraane ki baat hi nahin, kyonki shreemat par chalna arthaat insurance (Insurance) karna। uska unko phal mil hi jaata hai।

baaki raha shaadi karaane ka va karne ka question। iske liye to pahle se hi direction (Direction) hai jahaan tak svayan ko aur anya aatmaon ko bacha sakte ho vahaan tab tak bachaao। vinaash agar 1976 mein nahin hua to kya vinaash ke kaaran pavitra rehte the kya?pavitrata to brahman janma ka svadharma hai। pavitrata ka sankalp brahman janma ka lakshya aur lakshan hai। jiska niji lakshan hi pavitrata hai uska vinaash ki date ke saath koi connection nahin। yeh to svayan ki kamzori chhipaane ka bahaana hai। kyonki brahman bahaanebaaji bahut jaante hain। achha, baaki rahi doosron ko shaadi karaane ki baat। uske liye jahaan tak bacha sako bachaao। svayan kamzor ban usko utsaah nahin dilaao। man mein bhi yeh sankalp na karo ki ab to karna hi padega। das varsha pahle bhi jin ko bacha na sake to unka kya kiya! saakshi hokar sankalp se vaani se, bhi bachaane ka prayatna kiya vaise hi abhi bhi isi prakaar dridh raho। baaki jinko girna hi hai unko kya karenge! vinaash ke kaaran svayan halchal mein na aao। aapki halchal agyaaniyon ko bhi halchal mein laayegi। aap achal raho। phalak se, nirbhayta se bolo। phir vo log aape hi chup ho jaayenge, kuchh bol nahin sakenge। aap nishchay buddhi se sankalp roop mein bhi sanshay-buddhi na bano। royal roop ka sanshay hai ki ‘aisa hona to chaahiye tha’, pata nahin baba ne kyon aisa kaha tha। pahle se hi baap-daada bata dete the। ab saamne kaise jaayenge? yeh royal roop ka sanshay, duniya vaalon ko bhi sanshay-buddhi banaane ke nimitta banega। ‘‘haan! kaha hai, abhi bhi kahenge’’ -isi nishchay aur nashe mein raho to vo namaskaar karne aayenge ki dhanya hai aapka nishchay। samjha? ghabraao nahin, kya jel mein jaane se darte ho?darte nahin,ghabraate hain। saamna karne ki shakti nahin hai। yahi kaho ki jo kuchh kaha tha usmein kalyaan tha। ab bhi hai। ham abhi bhi kehte hain। unko agar eeshvareey nashe aur ramneekta se sunaao to vo aur hi hansenge। lekin pahle svayan majboot ho। samjha?

aaj sabke sankalp pahunche, sabko intajaar tha 18 taareekh ko kya sunaayenge। ab suna? baap-daada saath hain; koi kuchh kar nahin sakta; kah nahin sakta, jalti hui bhatti mein bhi poongare salaamat rahe, yeh to kuchh bhi nahin hai। baal bhi baanka nahin kar sakta। saadhaaran saath nahin, sarvashaktivaan ka saath hai। isliye ‘nishchaybuddhi vijayanti’।

date bataane ki jaroorat hi nahin। kabhi bhi final (Final) vinaash ki date fix (Fix) nahin ho sakti। agar date fix ho jaae to sab seetsa (Seats) bhi fix ho jaaen,phir to paas with honours (Pass With Honours) ki lambi line ho jaae। isliye date se nishchinta raho। jab sab nishchinta honge to date aa hi jaayegi। jab sabhi is sankalp se nirsankalpa honge vahi date vinaash ki hogi। achha।

aise achal, atal, akhanda,sada har paristhiti mein bhi shreshtha sthiti mein adol,sarva gunon aur sarva shaktiyon ke stambha swaroop aatmaon ko baap-daada ka yaad-pyaar aur namaste।