Avyakt murli du mercredi 26 janvier 1977

>

26-01-77om shanti avyakt baapdaadaamdhuban

antarmukhta dvaara sookshm shakti ki leelaaon ka anubhav

silence (Silence;shanti) shakti dvaara aatmaon ki seva karne ki vidhi bataate hue vishwa-kalyaankaari pita shivbaaba bole :-

apni vaastavik silence ki shakti ko achhi tarah se jaan gae ho? jaise vaani ki shakti ka, karma ki shakti ka pratyaksha parinaam dikhaai deta hai, vaise sabhi se powerful (Powerful;shaktishaali) silence shakti ka pratyaksha pramaan dekha hai, anubhav kiya? jaise vaani dvaara kisi aatma ko parivartan kar sakte ho, vaise silence ki shakti dvaara arthaat mansa dvaara kisi aatma ki vritti, drishti ko parivartan karne ka anubhav hai?vaani dvaara to jo saamne hon unka hi parivartan karenge, lekin mansa dvaara va saaylens ki shakti dvaara kitni bhi sthool mein door rahne vaali aatma ho, unko sammukh ka anubhav kara sakte ho। jaise science (Science;vigyaan) ke yantron dvaara door ka drishya sammukh anubhav karte ho, vese silence ki shakti se bhi doori samaapta ho saamne ka anubhav aap bhi karenge aur anya aatmaaen bhi karengi। isko hi yogbal kaha jaata hai। lekin jaise science ke saadhan ka yantra bhi tab kaam karega jiska connection (Connection;jod) men station (Main Station) se hoga, isi prakaar silence ki shakti dvaara anubhav tab kar sakenge, jab ki baap-daada se nirantar clear connection (Clear Connection;seedha sambandh) hoga। vahaan sirf connection hota hai, lekin yahaan connection arthaat relation (RELATION;sambandh)। sabhi clear anubhav honge tab mansa shakti ka pratyaksha pramaan dekh sakenge।

abhi tak mansa shakti dvaara aatmaon ka aahvaan kar parivartan karne ki yeh sookshm seva bahut kam karte ho। jab aatmik shakti vaali, semi pure (Semi Pure;arddha pavitra) aatmaaen apni saadhna dvaara aatmaon ka aahvaan kar sakti hain,alpakaal ke saadhnon dvaara door baithi hui aatmaon ko chamatkaar dikhaakar apni taraph aakarshit kar sakti hain, to parmaatma shakti arthaat sarva shreshtha shakti kya nahin kar sakti? iske liye vishesh ekaagrata chaahiye। sankalpon ki bhi ekaagrata,sthiti ki bhi ekaagrata। ekaagrata ka aadhaar hai - ‘antarmukhta।’antarmukhta mein rahne se andar hi andar bahut kuchh vichitra anubhav karenge। jaise divya drishti mein sookshm vatan,sookshmasrishti arthaat sookshmalok ki anek vichitra leelaaen dekhte ho, vaise antarmukhta dvaara sookshm shakti ki leelaaen anubhav karenge। aatmaon ka aahvaan karna, aatmaon se rooh-roohaan karna, aatmaon ke sanskaar,svabhaav ko parivartan karna, aatmaon ka baap se connection judvaana, aise roohaani leela ka anubhav kar sakte ho? apraapta aatma ko, ashaanta,duhkhi, rogi aatma ko door baithe bhi shanti, shakti,nirogeepan ka vardaan de sakte ho? jaise shaktiyon ke jad chitron mein vardaan dene ka sthool roop haston ke roop mein dikhaaya hai, hasta bhi ekaagra roop dikhaate hain। vardaan ka poj (Pose,sthiti) hasta, drishti aur sankalp ekaagra hi dikhaate hain, aise chaitanya roop mein ekaagrachit ki shakti ko badhaao,to roohon ki duniya mein roohaani seva hogi। roohaani duniya mool vatan nahin lekin rooh rooh ko aahvaan karke roohaani seva kare। yeh roohaani leela ka anubhav karo। yeh roohaani seva fast speed (teevra gati) mein kar sakte ho। to vaacha aur karmana ki seva mein, jo teri-meri ka takraav hota hai, naam,maan, shaan ka takraav hota hai, svabhaav,sanskaaron ka takraav hota hai, samay va sampatti ka abhaav hota hai,isi prakaar ke jo bhi vighna padte hain, yeh sarva vighna samaapta ho jaayenge। roohaani seva ka ek sanskaar ban jaayega। isi sanskaar mein bhi tatpar rahenge। is varsha yeh powerful service bhi aarambha karo। jo bhi aatmaaen vaani dvaara va praikteekal life (Practical Life;vyavhaarik jeevan) ke prabhaav dvaara samparka mein aai hain, va samparka mein aane ki ummeedvaar hain, un aatmaon ko roohaani shakti ka anubhav karaao। mehnat ka anubhav, mahaanta ka anubhav karaaya hai। ab mehnat tatha mahaanta ke saath roohaaniyat ka bhi anubhav karaaon। teenon baaton ka anubhav ho।

is shivraatri par aisi sthool aur sookshm stage banaao, jisse aane vaali aatmaon ko apne swaroop rooh aur roohaaniyat ka anubhav ho। vaani dvaara vaani se pare jaane ka anubhav ho। aise samparka mein aane vaali aatmaon ka vishesh programme rakho। lakshya rakho ki anubhav karaana hai, na ki sirf bhaashan karna hai, chaahe chhote-chhote sangathan banaao lekin roohaaniyat aur roohaani baap ke sambandh aur anubhav mein sameep laao। kuchh naveenta karo। sthaan aur sthiti donon se door se hi roohaaniyat ki aakarshan ho। general sandesh dene ki baat alag hai। woh karna hai bhale karo,lekin yeh zaroor karo। iske liye nimitta bani hui aatmaon ko arthaat serviceable (Serviceable;sevaadhaari) aatmaon ko vishesh us din ekaagrata ka antarmukhta ka vrat rakhna padega। is vrat se vrittiyon ko parivartan karenge। jaise bhakta log sthool bhojan ka vrat rakhte hain,to saarvisebal gyaani tu aatmaon ko vyartha sankalp,vyartha bol,vyartha karma ki halchal se pare ekaagrata arthaat roohaaniyat mein rahne ka vrat lena pade। tab aatmaon ko gyaan soorya ka chamatkaar dikha sakenge। koi alaukik plan (Plan;yojna) banaao। jaise bhakti mein agarbatti ki khushbu door se aakarshan karegi। samjha,ab kya karna hai? samparka vaalon ko sambandh mein laao। anubhvon dvaara un vishesh aatmaon ko aavaaz phailaane ke nimitta banaao। achha।

aise roohaaniyat mein ekaagrata ka anubhav karaane vaale, har sankalp aur har second roohaani seva mein tatpar rahne vaale, rooh ko anubhvon dvaara raahat dene vaale, aise roohaani sevaadhaariyon ko baap-daada ka yaad-pyaar or namaste।

daadi ji ke

saath saakaar roop mein ekaagrata ki shakti ke kai pratyaksha pramaan dekhe। door baithe hue bachche praikteekal anubhav karte the ki aaj vishesh roop se baap-daada ne mujhe yaad kiya va vishesh roop se mujhe shakti ki praapti ka anubhav kara rahe hain। sankalp aur baaten donon taraph ki milti thi। aise praikteekal anubhav dekhe na? jaise telephone dvaara koi message (Message;sandesh) milna hota hai,to ring (Ring;ghanti) bajti hai। vaise baap ka sandesh va sankalp ka direction bachchon ko jab pahunchta hai to andar hi andar aatma mein achaanak khushi ki lahar mein romaanch khade ho jaate hain। lekin jaise kai ring sunte hue bhi ansuna kar dete to message nahin le sakte। vaise bachchon ko anubhav hote zaroor hain, lekin albelepan mein chala dete hain। ekaagrata ki shakti ki leela ko catch (Catch) nahin kar paate। lekin anubhav hota zaroor hai। vaise aatmaon ko bhi aatmaon ka hota hai,lekin jaise taaron mein halchal ho jaae,telephone ke stambhon mein halchal ho jaae to message catch nahin kar sakte। vahaan vaataavran ka, vaayumandal ka prabhaav hota hai; yahaan phir vritti ka prabhaav hota hai। vritti chanchal hone ke kaaran message ko catch nahin kar paate। to is varsha mein ekaagrata ka dridh sankalp karne vaala group taiyaar hona chaahiye,jo yeh vichitra anubhav kar sake। yeh saagar ke tale mein jaakar anubhav ke heere,moti lena aur woh hai gyaan saagar ki lahron mein lahraane ka anubhav karna। lahron mein ho yeh to anubhav kiya ab andar tale mein jaana hai। amoolya khazaane tale mein milte hain। yeh baat pakki karne se aur sabhi baaton se automatically kinaara ho jaayega। isko hi svachintan,svadarshan,samartha seva kaha jaata hai। light haaoos (Light House) might haaoos (Might House) ki yeh stage hai। phir drishti ka daan dena padega। nazar se nihaal karne ki yeh stage hai। ekaagrata shakti bahut vichitra rang dikha sakti hai। vo siddhiyaan vaale bhi ekaagrata se hi siddhi praapta karte hain। svayan ki aushdhi bhi ekaagrata ki shakti se kar sakte hain। anek rogiyon ko nirogi bhi bana sakte hain। bahut vichitra anubhav isse kar sakti ho। koi ne chalti hui cheez ko roka,yeh ekaagrata ki siddhi hai। stop kaho to stop ho jaae tab vardaani roop mein jay-jaykaar ke naare bajenge। abhi vaah-vaah ke naare lagaate hain। bhaashan bahut achha kiya, mehnat bahut achhi ki hai, life bahut achhi hai। phir jay-jaykaar ke naare bajenge। to is varsha ka em object (AIM-Object;uddeshya) samjha na। double seva chaahiye। amritvele yeh special (Special;vishesh) seva kar sakti ho। phir bhakton ke aavaaz bhi sunaai denge। aise samjhenge jaise yahaan sammukh koi bula rahe hain, yeh shakti badhaani hai। jitna bhi samay mile do minute, paanch minute - chale jaao is ekaagrata ki shakti mein। to thoda-thoda karte bhi jama ho jaayega, tab shaktiyon dvaara sarva shaktivaan ki pratyakshata hogi। shaktiyon ki sampoornata jaise andhon ke aage aaeene ka kaam karegi। sampoornata varsha arthaat yeh sampoornata। achha।