Avyakt murli du lundi 16 mai 1977

>

16-05-77om shanti avyakt baapdaadaamdhuban

maaya ke vaar ka saamna karne ke liye do shaktiyon ki aavashyakta

master knowledgeful, sada successful,sada harshit banaane vaale avyakt baap-daada, manzil ke sameep pahunchi hui aatmaon prati baba bole-

baapdaada sabhi bachchon ke purooshaartha ke raphtaar ki result dekh rahe the। nae athva puraane, donon ki purooshaartha ki raphtaar dekhte hue, baap ko bachchon par ati sneh bhi hua aur saath-saath raham bhi hua। sneh kyon hua? dekha ki chhote-bade parichay milte,parichay ke saath apne yatha shakti praapti ke aadhaar par past life (Past Life;gat jeevan) aur vartamaan brahman life, donon mein mahaan antar anubhav karte, bhatakte hue ka sahaara dikhaai dete hue, nishchay buddhi ban, ek do ke sahayog se, ek do ke anubhav ke aadhaar se manzil ki or chal pade hain। khushi, shakti,shanti va sukh ki anubhooti mein koi lok-laaz ki parvaah na karte hue, alaukik jeevan ka anubhav kadam ko aage badhaata ja raha hai। praapti ke aage kuchh chhod rahe hain va tyaag kar rahe hain, koi sudh-budh nahin rehti। baap mila sab kuchh mila, us khumaari va nashe mein tyaag bhi,tyaag nahin laga, yaad aur seva mein tan-man-dhan se lag gae। pahla nasha,pahli khushi,pahla umang,utsaah, ‘nyaara aur ati pyaara’anubhav kiya। yeh tyaag aur aadikaal ka nasha,trikaaldarshi master gyaan saagar, master sarvashaktivaan ki sthiti ka pahla josh jismen kuchh hosh nahin, puraani duniya ka sab kuchh tuchchha anubhav hua, asaar anubhav hua। aisi harek ki pahli stage dekhte hue ati sneh hua ki harek ne baap ke prati kitna tyaag aur lagan se aage badhne ka purooshaartha kiya hai। aise tyaagmoortta,gyaan moortta,nishchay buddhi bachchon ke oopar baap-daada bhi apne sarva sampatti sahit kurbaan hue। jaise bachchon ne sankalp kiya, ‘baba! ham aapke hain।’vaise baap bhi return mein (badle mein) yahi kehte ki, ‘jo baap ka so aapka’, aise adhikaari bhi bane, lekin aage kya hota hai? chalte-chalte jab mahaaveer arthaat roohaani yoddha ban maaya ko challenge (chetaavni) karte hain, vijayi banne ka adhikaar bhi samajhte hain lekin maaya ke anek prakaar ke vaar ko saamna karne ke liye do baaton ki kami ho jaati hai। woh do baaten kaun si hain? ‘ek saamna karne ki shakti ki kami,doosra parakhne aur nirnay karne ki shakti ki kami।’ in kamiyon ke kaaran maaya ke anek prakaar ke vaar se kab haar, kab jeet hone se kab josh, kab hosh mein aa jaate hain। saamna karne ki shakti na hone ka kaaran? baap ko sada saathi banaana nahin aata hai, saath lene ka tareeka nahin aata। sahaj tareeka hai - ‘adhikaareepan ki sthiti।’isliye kamzor dekhte hue maaya apna vaar kar leti hai।

parakhne ki shakti na hone ka kaaran? buddhi ki ekaagrata nahin hai। vyartha sankalp va ashuddha sankalpon ki halchal hai। ek mein sarva ras lene ki ekras sthiti nahin। anek ras mein buddhi aur sthiti dagmag hoti hai। is kaaran parakhne ki shakti kam ho jaati hai। aur na parakhne ke kaaran maaya apna graahak bana deti hai। yeh maaya hai, yeh bhi pahchaan nahin sakte। yeh wrong (galat) hai,yeh bhi jaan nahin sakte। aur hi maaya ke graahak athva maaya ke saathi ban, baap ko va nimitta bani hui aatmaon ko bhi apni samajhdaari pesh karte hain ki - yeh to hota hi hai, jab tak sampoorn banen tak yeh baaten to hongi। aise kai prakaar ke vichitra points (sanket) maaya ke taraph se vakeel bankar baap ke saamne va nimitta bane hue ke saamne rakhte hain। kyonki maaya ke saathi banne ke kaaran opposition party (Oppossition Party;virooddha dal) ke ban jaate hain। maayaajeet banne ki position (Position;sthiti) chhod dete hain। kaaran? parakhne ki shakti kam hai।

aise wonderful (Wonderful;aashcharyajnak) aur ramneek case baap-daada ke saamne bahut aate hain। pvaaeentas bhi badi achhi-achhi hoti hain। invenshan (Invention;aavishkaar) bhi bahut nai-nai karte hain, kyonki backbone (Backbone) maaya hoti hai। jab bachchen ki aisi sthiti dekhte hain to raham aata hai,baap sikhaate hain aur bachche chhoti si galti ke kaaran kya karte rehte hain?chhoti si galti hai, shreemat mein manmat mix (Mix;milaana) karna। uska aadhaar kya hai? ‘albelaapan aur aalasya।’ anek prakaar ke maaya ke aakarshan ke peechhe aakarshit hona। iseelie jo pahla umang aur utsaah anubhav karte hain, woh chalte-chalte, maayaajeet banne ki sampoorn shakti na hone ke kaaran koi purooshaartha heen ho jaate hain। kya karen, kab tak karen, yeh to pata hi nahin tha? aise vyartha sankalpon ke chakkar mein aa jaate hain। lekin yeh sab baaten sidescene (Sight Seeing) arthaat raaste ke nazaare hain। manzil nahin hai। inko paar karna hai,na ki manzil samajhkar yahaan hi rook jaana hai। lekin kai bachche isko hi apni hi manzil arthaat mera part hi yeh hai, va takdeer hi yeh hai, aise raaste ke nazaare ko hi manzil samajh vaastavik manzil se door ho jaate hain। lekin oonchi manzil par pahunchne se pahle aandhi toofaan lagte hain, steamer (Steamer;jahaaj) ko us par jaane ke liye beech bhanvar mein cross (Cross;paar) karna hi padta hai। isliye jaldi mein ghabraao mat, thako mat, rooko mat। bhagwan ko saath banaao to har mushkil sahaj ho jaaegi। himmatvaan bano to madad mil hi jaayegi। si father (See Father) karo। follow father (Follow Father) karo to sada sahaj umang ullaas jeevan mein anubhav karenge। raaste chalte koi vyakti va vaibhav ko aadhaar nahin banaao। jo aadhaar hi svayan vinaashi hai, woh avinaashi praapti kya kara sakta। ‘ek bal ek bharosa’is paath ko sada pakka rakho,to beech bhanvar se sahaj nikal jaayenge। aur manzil ko sada sameep anubhav karenge।

suna, yeh thi purooshaarthiyon ki result (parinaam)। majority(Majority;adhiktar) beech bhanvar mein ulajh rahe hain,lekin baap kehte hain yeh sab baaten apne manzil mein aage badhne ki good sign (Good Signs;shubh chinha) samjho। jaise vinaash ko ‘good sign’ kalyaankaari kehte ho, yeh pareekshaaen bhi paripakva karne ka aadhaar hai। maarga cross kar aage badh rahe hain - yeh nishaaniyaan hain। is sab baaton ko dekhte hue ghabraao mat। sada yahi ek sankalp rakho ki ab manzil par pahunche ki pahunche। samjha? jaise bijli ki halchal pasanda nahin aati, ek ras sthiti pasanda aati hai, aise baap ko bhi bachchon ki ekras sthiti pasanda aati hai - yeh prakriti khel karti hai lekin aisa khel nahin karna - sada achal, atal,adol rehna।

aise master knowledgeful, sada successful (Successful;saphaltaamoortta) sada harshit rahne vaale, maaya ke sarva aakarshan se pare rahne vaale, manzil ke sameep pahunchi hui aatmaon ko baap-daada ka yaad pyaar aur namaste।

mela sevaadhaari group:-

kitna bhavishya jama kiya? seva ka meva milta hi hai arthaat jo karte hain uska padamguna jyaada jama ho jaata hai। jaise ek beej daala to phal kitne nikalte, ek to nahin nikalta? beej ek daale, phal har season (Season;mausam) mein milta rehta। yeh bhi seva ka meva padam guna jama ho jaata hai aur har janma mein milta rehta । mansa-vaacha-karmana teenon prakaar ki seva harek ne ki? vaani aur karma ki seva ke saath-saath mansa shubh sankalp va shreshtha vritti dvaara bhi bahut seva kar sakte ho। agar teenon sevaaen saath-saath nahin to phal itna phaleebhoot nahin hoga। vartamaan samay pramaan teenon saath-saath honi chaahiye - alag-alag nahin। vaani mein bhi shakti tab aati jab mansa shaktishaali ho। nahin to bolne vaale pandit samaan ho jaate। pandit log katha kitni badhiya karte,lekin pandit kyon kehte,kyonki tote muaafik padhkar repeat (Repeat;dohraate) karte hain। gyaani arthaat samajhdaar, samajh kar service karne se saphalta hogi। samajhdaar bachche teenon prakaar ki seva saath-saath karenge। chitra conscious(Conscious;chitron ki or dhyaan) nahin lekin baap conscious (baap ki or dhyaan) ho to teenon hi seva saath mein ho jaaegi।

duty (Duty;karttavya) samajhkar agar seva karenge to aatmaon ko aatmik smriti nahin aaegi। woh bhi ek sunne ki duty samajh chale jaaenge। agar raham dil ban kalyaan ki bhaavna rakhkar service karte to aatmaaen jaagrat ho jaateen। unhon ko bhi apne prati raham aata hai ki ham kuchh karen। baap to bachchon ko sadaiv aage badhne ka eeshaara dete। baaki jitna kiya woh draamaanusaar bahut achha mehnat kiya,samay diya usse vartamaan bhi hua aur bhavishya bhi jama hua। achha।