Avyakt murli du dimanche 5 juin 1977

>

05-06-77om shanti avyakt baapdaadaamdhuban

alaukik jeevan ka karttavya hi hai - vikaari ko nirvikaari banaana

laukik se alaukik banaane vaale, svayan ke parivartan se vishwa-parivartan karne vaale anubhvi bachchon prati baap-daada bole:-

sada svayan ko baap-daada ke sahayogi vishwa parivartan ke kaarya mein usi lagan se lage hue ho samajhkar chalte ho? jo baap-daada ka kaarya, vahi hamaara - yeh smriti rehti hai? jaise baap sarva shaktiyon aur gunon ke saagar hain vaise svayan ko bhi sampanna anubhav karte ho? svayan ke kamzor sankalp aur sanskaaron ko parivartan karne ki shakti mein samarthi aai hai? kyonki jab tak svayan parivartan karne ki shakti mein samartha nahin honge,to vishwa ko bhi parivartan nahin kar sakenge। to svayan ko dekho ki ab kahaan tak parivartan hua hai। sankalp mein, vaani mein, karma mein kitne parsainta mein ‘laukik se alaukik’ hue hain। parivartan hai hi - ‘laukik se alaukik’ hona। to yeh shakti anubhav hoti hai? kisi bhi laukik vastu va vyakti ko dekhte hue alaukik swaroop mein parivartan karna aata hai?drishti ko,vritti ko,vibrations ko, vaayumandal ko laukik se alaukik banaane ka abhyaas hai?jab braahmanon ka janma hi alaukik hai to aisa alaukik janma, alaukik baap, alaukik parivaar, vaise hi karma bhi alaukik hai? brahman jeevan ka vishesh karma hi hai - laukik ko alaukik banaana। apne janma ke karma ka attention rehta hai? sirf yeh laukik ko alaukik banaane ka purooshaartha hi sarva samasyaaon, se sarva kamzoriyon se mukta kar sakta hai।

amritvele se raat tak jo bhi dekhte ho, sunte ho, sochte ho va karma karte ho, usko laukik se alaukik mein parivartan karo। yeh practice hai bahut sahaj। lekin attention rakhne ki aavashyakta hai। jaise shareer ki kriyaaen - khaana-peena-chalna svatah hi sahaj reeti karte rehte ho, to shareer ki kriyaaon ke saath-saath aatma ka maarga, aatma ka bhojan, aatma ka purooshaartha arthaat chalna,aatma ka sair, aatma roop ka dekhna va aatma roop ka sochna kya hai - yeh saath-saath karte chalo to ‘laukik se alaukik’jeevan sahaj anubhav karenge। kisi bhi laukik vyavhaar ko nimitta-maatra karte hue, apne laukik kaarya ka aakarshan va bojh apne taraph kheenchega nahin। aise anubhav karenge jaise laukik kaarya hote hue alaukik kaarya ke kaaran double kamaai ka anubhav hoga। alaukik swaroop hai hi trustee, trustee bankar kaarya karne se, kya hoga? kaise hoga? yeh bojh samaapta ho jaata hai। ‘alaukik swaroop arthaat kamal pushpa samaan।’kaisa bhi tamoguni vaataavran hoga,vibrations honge, lekin sada kamal samaan। laukik keechad mein rehte bhi nyaare arthaat aakarshan se pare aur sada baap ke pyaare anubhav karenge। kisi bhi prakaar ke maayaavi arthaat vikaaron ke vasheebhoot vyakti ke samparka se,svayan vasheebhoot nahin honge। kyonki apna alaukik kaarya sada smriti mein rahega ki vasheebhoot aatmaon ko bandhanayukta se bandhanmukta banaana, vikaari se nirvikaari banaana, arthaat laukik se alaukik banaana yahi alaukik jeevan ka hamaara kaarya arthaat karttavya hai। vasheebhoot aatma ko chhudaane vaala svayan vasheebhoot ho nahin sakta।

ham sab ek baap ki santaan roohaani bhaai hain - yeh alaukik drishti ki smriti rahne se dehdhaari drishti arthaat laukik drishti, jiske aadhaar se vikaaron ki utpatti hoti hai, woh beej hi samaapta ho jaata hai। jab beej samaapta ho gaya, to phir anek prakaar ke vistaar roopi vikaaron ka vriksha svatah hi samaapta ho jaata hai।

abhi tak bhi bahut bachchon ki complaint (Complaint;shikaayat) hai ki drishti chanchal hoti hai va drishti kharaab hoti hai। kyon hoti hai?jabki baap ka pharmaan hai - laukik deh arthaat shareer mein alaukik aatma ko dekho, phir deh ko dekhte kyon ho? agar aadat kehte ho,aadat se majboor ho va alpakaal ke kisi na kisi ras ke vasheebhoot ho jaate hain,to isse siddha hai ki aatma-paramatma-praapti ke ras mein abhi tak anubhvi nahin hai। paramatma-praapti ka ras aur dehdhaari karmendriyon dvaara alpakaal ka praapta hua ras - iske mahaan antar ko anubhav nahin kiya hai। jab alpakaal ka kaan ka ras, mukh ka ras, naynon ka ras va kisi bhi karmendriy ka ras aakarshit karta hai, us samay is mahaan antar ke yantra ko use karo। pahle bhi sunaaya tha, jabki ab jaan gae ho ki yeh deh ki aakarshan,deh ki drishti, deh dvaara praapta hue yeh ras, saamp samaan sadaakaal ke liye khatma karne vaala hai। yeh saamp ka vish hai na ki aakarshan karne vaala ras hai। phir bhi amrit-ras ko chhod vish ki taraph aakarshit hona, isko kya kaha jaaega? aise ko knowledgeful va master sarvashaktativaan kahenge? vasheebhoot aatma sada kamzor aur svayan se asantushta hogi। isi kaaran laukik ko alaukik mein parivartan karo।

pahla paath aatmik smriti ka pakka karo। aatma is shareer dvaara kisko dekhegi? aatma-aatma ko dekhegi na ki shareer ko,aatma karmendriyon dvaara karma kar rahi hai। to anya aatmaon ka bhi karma dekhte hue yeh smriti rahegi ki yeh bhi aatma karma kar rahi hai। aise alaukik drishti - jisko dekho aatma roop mein dekho। is abhyaas ki kami hone ke kaaran ka paath pakka nahin kiya। lekin auron ko paath padhaane lag gae। is kaaran svayan prati attention kam rehta, doosron ke prati attention jyaada rehta hai। svayan ko dekhne ke kaaran doosron ko dekhte hue alaukik ke bajaae laukik roop dikhaai de deta hai। apni kamzoriyon ko kam dekhte hue,doosron ki kamzoriyon ko jyaada dekhte hain। alaukik vritti dvaara harek se shubh bhaavna,kalyaan ki bhaavna se samparka mein aana - isko kaha jaata hai alaukik jeevan ki alaukik vritti। lekin alaukik vritti ke bajaae laukik vritti, avgun dhaaran karne ki vritti, eershya aur ghrina ki vritti dhaaran karne se alaukik jeevan ke alaukik parivaar dvaara alaukik sahayog ki khushi, alaukik sneh ki praapti ki shakti praapta nahin kar paate। is kaaran laukik vritti ko bhi alaukik vritti mein parivartan karo। to purooshaartha mein kamzor rahne ka kaaran?laukik ko alaukik mein parivartan karna nahin aata। laukik sambandh mein bhi alaukik sambandh - ‘roohaani bhaai-behen ki smriti mein rakho।’ kisi bhi sambandh ki taraph laukik sambandh ki aakarshan aakarshit karti hai, arthaat moh ki drishti jaati hai, to laukik sambandh ke antar mein baap se sarva avinaashi sambandh ki smriti ki va baap ke sarva sambandhon ke anubhav ki knowledge kam hone ke kaaran, laukik sambandh taraph buddhi bhatakti hai। to sarva sambandhon ke anubhvi moortta bano,to laukik sambandh ki taraph aakshan nahin hogi। uthte-baithte laukik aur alaukik ke antar ko smriti mein rakho to laukik se alaukik ho jaayenge। phir yeh complaint samaapta ho jaaegi। baar-baar ek hi complaint karna kya siddha karta hai? alaukik jeevan ka anubhav nahin। to abhi svayan ko parivartan karte hue vishwa-parivartak bano। samjha? chhoti si baat samajh mein nahin aati? theka to bahut bada liya hai। duniya ko challenge to bahut badi ki hai। challenge karte ho na ki second mein mukti-jeevanmukti denge! nimantran mein kya likhte ho? ek second mein baap se varsa aakar praapta karo, va mukti-jeevanmukti ke adhikaari bano। to duniya ko challenge karne vaale apne vritti,drishti ko change nahin kar sakte? svayan ko bhi challenge do ki parivartan karke hi chhodenge। arthaat vijayi bankar hi dikhaayenge। achha।

har sankalp, samay,sambandh aur samparka, laukik se alaukik banaane vaale,alaukik brahman jeevan ke anubhvi moortta, vishwa parivartan ke saath-saath svayan parivartan dvaara vishwa ko sahi raasta dikhaane vaale,sada baap ke sarva sambandhon ke anubhvi moortta sarva praaptiyon ke ras mein magan rahne vaale, ek baap doosra na koi aise anubhav mein rahne vaale anubhvi moorta ko baap-daada ka yaad-pyaar aur namaste।

paarteeyon ke saath-

trustee ka vishesh lakshan kya dikhaai dega? jo trustee hoga uska vishesh lakshan, sadaiv svayan ko har baat mein halka anubhav karega। double light anubhav karega। shareer ke bhaan ka bhi bojh na ho - isko kaha jaata hai - ‘trustee।’agar deh ke bhaan ka bojh hai to ek bojh ke saath anek prakaar ke bojh se pare rahne ka yeh saadhan hai। to chaik karo body kaansese (Body Conscious;dehbhaan) mein kitna samay rehte? jab baap ke bane,to tan-man-dhan sahit baap ke bane na? sab baap ko diya na? jab de diya to apna kahaan se raha?jab apna nahin to maan kis cheez ka?agar maan aata,to siddha hai,dekar ke phir lete ho। abhi-abhi diya,abhi-abhi liya, yeh khel karte ho। ‘trustee arthaat meraapan nahin।’jab meraapan samaapta ho jaata, to lagaav bhi samaapta ho gaya। trustee bandhan vaala nahin hota, svatantra aatma hota,kisi bhi aakarshan mein partantra hona bhi trasteepan nahin। ‘trustee maana hi svatantra।’

nashtomoha banne ki sahaj yukti kaunsi hai? sadaiv apne ghar ki smriti mein raho। aatma ke naate, aapka ghar ‘paramdham’hai aur brahman jeevan ke naate,saakaar srishti vriksha mein yeh ‘madhuban’aapka ghar hai,kyonki brahma baap ka ghar madhuban hai। yeh donon hi ghar smriti mein rahe, to nashtomoha ho jaayenge। kyonki jab apna parivaar,apna ghar koi bana lete to usmein moh jaata, agar usko daphtar samjho to moh nahin jaaega।

sadaiv buddhi mein rahe, seva sthaan par seva ke nimitta roop aatmaaen hain - na ki mera koi laukik parivaar hai। sab alaukik sevaadhaari hain;koi seva karne ke nimitta hain,koi ki seva karni hai। laukik sambandh bhi seva ke arth mila hai - ‘yeh mera ladka ya ladki hai’ nahin। seva ke nimitta yeh sambandh mila hai। main pati hoon, pita hoon, chaacha hoon - yeh sambandh samaapta ho jaae,to trustee ho jaayenge। smriti vismriti ka roop tab leti jab meraapan hai। agar meraapan khatma ho jaae,to nashtomoha ho jaaenge। ‘nashtomoha arthaat smriti swaroop।’

maataaon ka sabse bada paper hi ‘moh’ka hai। agar maataaen nashtomoha ho gai to number aage hi jaaengi। paandavon ko number one banne ke liye kaunsa purooshaartha karna hai? paandav agar ekras sthiti mein ekaagra buddhi ho gae to number one ho jaaenge। paandavon ki buddhi yahaan-vahaan bhaagne mein tej hoti hai, to paandavon ki buddhi ekaagra hui to number one। vaise bhi paandavon ko ghar mein ek sthaan par baithne ki aadat nahin hoti, sthir hokar nahin baithenge - chalenge, uthenge yeh aadat hoti hai। buddhi ko bhi bhaagne ki aadat pad jaati। uska asar buddhi par bhi aa jaata hai। aise to nahin samajhte chakravarti banna hai to yahi chakra lagaaven। yeh vyartha chakra nahin lagaao। svadarshan chakradhaari bano,pardarshan chakradhaari nahin।

sabhi apne nai jeevan arthaat brahman jeevan ke oonche te oonche nashe mein rehte ho? sabse oonch jeevan hai brahman jeevan। naya janma hai oonche te ooncha brahman janma, jisko alaukik janma kaha jaata hai। to yeh nasha rehta hai? oonche te oonchi aatmaon ka sankalp,karma sab ooncha, saadhaaran nahin। jaise laukik mein bhi agar koi saahukaar bhikhaari ka kaarya kare, to kya hoga? sab hansenge na?to oonche kaarya ki bajaae saadhaaran karen to sab kya kahenge? to brahman kab vyartha kaarya va vyartha sankalp nahin kar sakte।

sunne ke baad sune hue ko swaroop mein laana arthaat samaana। sunaana to parampara se chala aata, lekin sangamayug ki visheshta hai - swaroop mein laakar vishwa ko dikhaana। sunaane vaale bhi bahut,lekin swaroop mein laane vaale koton mein koi। to aap swaroop mein laane vaale ho, na ki sunaane vaale। dekhna chaahiye jo suna woh swaroop mein kahaan tak laae। swaroop mein laane vaale ko kaunsi moortta kahenge? ‘saakshaat aur saakshaatkaar moortta।’ to saakshaatkaar moortta ho na?svayan ko bhi saakshaatkaar karaane vaale aur svayan dvaara baap ka bhi saakshaatkaar karaane vaale। svayan ka saakshaatkaar arthaat aatmik swaroop ka saakshaatkaar karaane vaale aise saakshaatkaar moortta ko hi‘swaroop’moortta kaha jaata। sabhi aise ho na? achha।