Avyakt murli du jeudi 16 février 1978

>

16-02-78om shanti avyakt baapdaadaamdhuban

maaya aur prakriti dvaara satkaar praapta aatma hi sarvashreshtha aatma hai

vishwa ka raajya bhaagya praapta karaane vaale, maaya aur prakriti dvaara bhi satkaar praapta yogya sarvashreshtha aatma banaane vaale merciful shiv baba boleh –

aaj baap-daada harek bachche ke naynon se, mastak ki lakeeron se vishesh baat dekh rahe hain। woh kaun si hogi ?jaante ho ?jo doosron ko parichay mein sunaate ho ki baap dvaara kya-kya praapti 21 janmon ke liye hoti hai। challenge (Challenge) karte ho na ?ever haildi,vaildi aur happy (Ever Healthy, Wealthy & Happy) yeh teenon hi praapti vartamaan samay ki praapti ke hisaab se 21 janma karte ho। aaj baap-daada harek ki praapti ki lakeer mastak aur naynon dvaara dekh rahe hain। ab tak challenge pramaan sada shabd prekteekal mein kahaan tak hai। challenge mein sirf haildi vaildi nahin kehte ho lekin ever haildi vaildi kehte ho। pahle vartamaan aur vartamaan ke aadhaar par bhavishya hai। to sada shabd par andar-line (Underline) kar result dekh rahe the - kya result hogi?yeh bol vartamaan ke hain ya bhavishya ke hain। service ke prati aisi stage ki aavashyakta abhi hai ya bhavishya mein hai। ek hi samay par tan, man aur dhan, man, vaani aur karma se sarva prakaar ki seva saath-saath hone se sahaj saphalta praapta hoti hai। aisi stage anubhav karte ho?jaise shaareerik vyaadhi, mausam ke prabhaav mein,vaayumandal ke prabhaav mein,ya khaan paan ke prabhaav mein,beemaari ke prabhaav mein aa jaate hain। aise man ki sthiti par prabhaav padta hai। ever haildi ke bajaay rogi ban jaate। lekin ever haildi in sab baaton mein knowledgeful hone ke kaaran safe (Safe) rehte hain। is prakaar ever haildi, arthaat sada sarva shaktiyon ke khazaane se, sarva gunon ke khazaanon se, gyaan ke khazaane se sampanna honge। kya karoon, kaise karoon, chaahte hain lekin kar nahin paate hain। kabhi bhi aise shaktiyon ki nirdhanta ke bol ya sankalp nahin kar sakte। svayan ko bhi sada sampanna moortta anubhav karenge aur anya nirdhan aatmaaen bhi sampannamoortta ko dekh unki bharpoorta ki chhatrachhaaya mein svayan bhi umang,utsaahvaan anubhav karenge। aise hi ever happy arthaat sada khush। kaisa bhi duhkh ki lahar utpanna karne vaala vaataavran ho, neeras vaataavran ho, apraapti ka anubhav karaane vaala vaataavran ho,aise vaataavran mein bhi sada khush rahenge aur apni khushi ki jhalak se duhkh aur udaasi ke vaataavran ko aise parivartan karen jaise soorya andhakaar ko parivartan kar deta hai। andhakaar ke beech roshni karna, ashaanti ke andar shanti laana,neeras vaataavran mein khushi ki jhalak laana isko kaha jaata hai ever happy। aisi seva ki aavashyakta abhi hai na ki bhavishya mein । aaj baap-daada harek ke praapti ki lakeer dekh rahe the ki sadaakaal aur spashta lakeer hai ? jaise haston dvaara aayu ki lakeer ko dekhte ho na। aayu lambi hai, nirogi hai। baap-daada bhi lakeer ko dekh rahe the। teenon hi praaptiyaan janma hote abhi tak akhanda rahi hain va beech-beech mein praapti ki lakeer khandit hoti hai। bahut kaal rahi hai va alpakaal। result mein akhanda aur spashta uski kami dekhi। bahut thode the jinki akhanda thi lekin akhanda bhi spashta nahin,na ke samaan। lekin beeti so beeti। vartamaan samay mein jabki vishwa seva ki stage par hero aur heroine part baja rahe ho usi pramaan yeh teenon hi praaptiyaan mastak aur naynon dvaara sadaakaal aur spashta dikhaai deni chaahiye। in teenon praaptiyon ke aadhaar par hi vishwa kalyaankaari ka part baja sakte ho। aaj sarva aatmaon ko in teenon praaptiyon ki aavashyakta hai। aise apraapta aatmaon ko praapta karaakar challenge ko practical mein laao। duhkhi ashaanta aatmaayen, rogi aatmaayen, shaktiheen aatmaayen ek second ki praapti ki anchali ke liye va ek boond ke liye bahut pyaasi hain। aapka khush naseeb sada khush arthaat harshit mukh chehra dekh unheen mein maanav jeevan ka jeena kya hota hai, uski himmat, umang utsaah aayega। ab to jinda hote bhi naaummeedi ki chita par baithe hue hain। aisi aatmaon ko marjeeva banaao। naye jeevan ka daan do। arthaat teenon praaptiyon se sampanna banaao। sada smriti mein rahe yeh teenon praaptiyaan hamaara janma-siddha adhikaar hain। teenon hi praikteekal dhaarna ke liye double andar line lagaao। prabhaav daalne vaale bano। kisi bhi prakriti va vaataavran ke parasthitiyon ke prabhaav ke vash nahin bano। jaise kamal ka pushpa keechad teevra purushaarthi ki nishaani socha aur turanta kiya।48aur paani ke prabhaav mein nahin aata। aise hota hi hai,itna to zaroor hona hi chaahiye,aisa to koi bana hai, aise prabhaav mein nahin aao। koi bhale na bana ho lekin aap bankar dikhaao। jaise shuddh sankalp rakhte ho ki pahle number mein ham aakar dikhaayenge,vishwa mahaaraajan bankar dikhaayenge vaise vartamaan samay pahle main banoonga। baap ko follow kar number one mein egzaampal (Example) ban dikhaaoonga। aisa lakshya rakho। lakshya ke saath lakshan dhaaran karte raho। ismen pahle main। yeh dridh sankalp rakho। ismen doosre ko nahin dekho। svayan ko dekho aur baap ko dekho tab kahenge chelainja aur practical samaan hain। achha sunaaya to bahut hai। aur suna bhi bahut hai। is baar to baap-daada sirf sunaane nahin aaye hain,dekhne aaye hain, dekhne mein jo dekha woh suna rahe hain। baap jaante hain banne to in aatmaon mein se hi hain,adhikaari aatmaayen bhi aap hi ho lekin baar-baar smriti dilaate hain। achha।

aise vishwa ke raajya bhaag ke adhikaari baap dvaara sarva praaptiyon ke adhikaaron, maaya aur prakriti dvaara satkaar praapta karne ke adhikaari aise sarva shreshtha aatmaon ko baap-daada ka yaad pyaar aur namaste।

party se mulaakaat

(Australia)

serviceable ho na। serviceable arthaat har sankalp, bol aur karma service mein saath-saath laga hua ho। trimoorti baap ke bachche ho na to teenon hi service saathsaath honi chaahiye। ek hi samay teenon service ho to pratyaksha phal nikal sakta hai। to teenon service saath-saath chalti hai ? mansa dvaara aatmaon ko baap se buddhiyog lagaane ki seva,vaani dvaara baap ka parichay dene ki seva aur karma dvaara divyagun moortta banaane ki seva। to mukhya sab subject yog, gyaan aur divyagun teenon hi saath-saath hon aise har second agar powerful service karne vaale hain to jaise gaayan hai minute motor vaise ek second mein marjeeva banne ki stempa laga sakte ho। yahi antim seva ka roop hai। abhi vaani dvaara kehte bahut achha lekin achha nahin bante। jab vaani aur mansa se aur karma se teenon seva ikatthi hongi tab aise nahin kahenge ki bahut achha hai lekin mujhe practical bankar dikhaana hai aise anubhav mein aa jaayenge। to aise savisaebal bano। isi ko hi vardaani aur mahaadaani ki stage kaha jaata hai। service ka umang utsaah achha hai, baap ko bhi yogya bachchon ko dekh khushi hoti hai। abhi divya gunon ka shrringaar aur adhik karna hai। maryaada ki lakeer ke andar rehte hue maryaada purooshottam ka title lene ka attention ho to yeh taaj aur tilak attention dekar dhaaran karna।

2. sada har karma karte hue actor ban karke karma karte ho? svayan hi svayan ke saakshi ban chaik karo ki jo part bajaaya woh yathaartha va mahima yogya,charitra roop mein kiya। hamesha mahima us karma ki hoti jo shreshtha hota hai। to actor ban act karo phir saathi ban chaik karo ki mahaan hua ya saadhaaran। janma hi alaukik hai to karma bhi alaukik hone chaahiye, saadhaaran nahin। sankalp mein hi chaiking chaahiye kyonki sankalp hi karma mein aata hai। agar sankalp ko hi chaik kar change kar diya to karma mahaan honge। saare kalpa mein mahaan aatmaayen practical mein aap ho, to sankalp se bhi chaiking aur change। saadhaaran ko mahaanta mein parivartan karo। achha।

vidaai ke samay

jaise abhi khushi mein naach rahe ho vaise sada khushi mein naachte raho। koi bhi parasthiti aaye to parasthiti ke oopar bhi naachte raho। jaise chitra dikhaate hain sarpa ke oopar bhi naach rahe hain। yeh jad chitra aap sabka yaadgaar hai। jis samay bhi koi parasthiti aaye to yeh chitra yaad rakhna to parasthiti roopi saamp par bhi dance karne vaale hain। yahi saamp aapke gale mein saphalta ki maala daalenge। achha।