Avyakt murli du mardi 5 décembre 1978

>

05-12-78om shanti avyakt baapdaadaamdhuban

marjeeva janma ka niji sanskaar- pahli smriti aur pahla bol

sarva aatmaon par taras khaane vaale, vishwa ki sarvashreshtha aatmaon prati baap-daada boleh -

aaj baap-daada vishwa ki sarvashreshtha aatmaon ko dekh harshit ho rahe hain। sarva aatmaon mein se bahut thodi-si aatmaon ka aisa shreshtha bhaagya hai - jaise bachche bhaagya vidhaata baap ko dekh harshit hote hain vaise baap bhi bhaagyavaan bachchon ko paakar bachchon se bhi jyaada khush hote hain। kyonki itne samay se aur itne sab bachche bichhde hue phir se mil jaaen to kyon nahin khushi hogi। har bachche ki visheshta ya har sitaare ki chamak, har rooh ki rangat,roohaaniyat ki eeshvareey jhalak jitna baap jaante hain utna bachche svayan bhi kab bhool jaate hain। sarva vighnon se, sarva prakaar ki paristhitiyon se ya tamoguni prakriti ki aapdaaon se saikanda mein vijayi banne ke liye sirf ek baat nishchay aur nashe mein rahe -- woh kaun si? jo baar-baar jaante bhi ho, sankalp tak smriti mein rehte ho lekin sanskaar roop mein nahin rehte ho - sochte bhi ho, samajhte bhi ho, sunte bhi ho, phir bhi kabhi-kabhi bhool jaate ho। woh kya? bahut puraani baat hai - vaah re main - yeh sunte khush bhi hote ho phir bhi bhool jaate ho। is marjeeva jeevan ke janma ke sanskaar - vaah re main - hi hain। to apne janma ke niji sanskaar janma ki pahli smriti, janma ka pahla bol - main shreshtha brahman aatma hoon isko bhi bhool jaate hain। bhoolne ka khel achha lagta hai। aadha kalpa bhoolne ke khel mein khela - ab bhi yahi khel achha lagta hai kya ? brahman arthaat smriti swaroop। brahman arthaat samarthi swaroop। swaroop ko bhoolna, isko kya kahenge?baap-daada ko bachchon ke is khel ko dekh taras aata hai - hansi bhi aati hai। itni mahaan aatmaaen aur karti kya hain? aur bhi ek bahut wonderful khel karte ho,kaunsa? jaante bhi ho achhi tarah se - aap log hi bataao ki kya karte ho - koi naaz-nakhre karte,koi aankh michauni karte। kabhi vaah kehte ho kabhi haay karte ho - achha yeh to sab jaante hain ki karte hain - isse bhi wonderful aur khel hai - jab baap ke bachche bane, marjeeva bane to pahli pratigya kaunsi ki ? yeh bhi achhi tarah se jaante ho - vaayda kya kiya, usko bhi jaante ho। baap ne vaayda karaaya aur aapne sveekaar bhi kiya। sveekaar karne ke baad phir kya karte ho। baap ne kaha shoodrapan ke vikaari sanskaar chhodo - aatma ke vikaari sanskaar roopi chola parivartan kiya aur eeshvareey sanskaar ka divya chola pahna - shoodrapan ki nishaaniyaan ashuddha vritti aur drishti parivartan kar pavitra drishti aur vritti vishesh nishaaniyaan dhaaran ki - sarvashreshtha te shreshtha sambandh aur sampatti ke adhikaari bane - yeh bhi achhi tarah se yaad hai,lekin phir kya karte - jo shreshtha aatmaayen hoti hain woh sankalp se bhi chhodi hui arthaat tyaag ki hui baat phir se dhaaran nahin karti hain। jaise dharni par giri hui va phenki hui cheez royal bachche kabhi nahin uthaavenge। aap sabne sankalp dhaaran kiya aur yeh vikaar buddhi se phenke। bekaar samajh, bigdi hui vastu samajh pratigya ki aur tyaag kiya,vachan liya ki phir se yeh vish sevan nahin karenge - phir kya karte ho। phenki hui cheez,gandi cheez,bekaar cheez,jali sadi hui vastu phir se uthaakar use kyon karte ho - samjha kya khel karte ho - anjaane ka khel karte ho - khel dekh taras bhi padta aur hansi bhi aati। jaaneejaananhaar to bane ho lekin banna hai karanhaar। ab kya karenge ? karanhaar banne ka vishesh kaaryakram karke dikhaao। sankalp dvaara tyaag ki hui bekaar vastuon ko sankalp mein bhi sveekaar nahin karo। socho aur svayan se poochho - kaun hoon aur kya kar raha hoon। vachan kya kiya aur karma kya kar rahe hain? vaayda kya kiya or nibha kya rahe hain। apne svamaan, shreshtha smriti, shreshtha jeevan ke samarthi swaroop bano। kehna kya aur kiya kya? aise wonderful khel ab banda karo। shreshtha swaroop,shreshtha paartadhaari ban shreshthata ka khel karo। aisi sampoorn aahuti ka sankalp karo tab parivartan samaaroh hoga। is samaaroh ki date sangathit roop mein nishchit karo। achha।

aise dridh sankalpadhaari, sankalp aur swaroop mein samaan moortta,jaananhaar aur karanhaar, har karma dvaara svayan ki shreshthata aur baap ki pratyakshata karne vaali sarvashreshtha aatmaon ko baap-daada ka yaadapyaar aur namaste।

deedi ji se

baatcheet baap to har bachchon ke bulaane par aa jaate hain। bachche jo aagya karen woh maante hain lekin is baar kuchh saath mein le bhi jaana hai। bachche to saath hain hi। lekin saath le kya jaayenge? har bachche ke dridh sankalp ki antim aahuti le jaayenge। yagya ka prasaad antim aahuti hoti hai। yagya ki rachna saakaar srishti mein saakaar dvaara hui - brahma ne apna part bajaakar braahmanon ko yagya ki zimmevaari to di, yagya ki vishesh prasaadi baap-daada lenge। koi bhi milne aate hain to unko prasaad dete ho na। baap-daada bhi prasaadi le jaayenge। yeh prasaad dena arthaat vishwa parivartan hona hai। is shivraatri par seva ke saadhan,jisse anya anek aatmaon ko parichay mile woh to karenge hi lekin saath-saath aisa sankalp karo ki parichay ke saath baap ki jhalak dekhne ya anubhav karne ka prasaad bhi leven। jaise koi function aadi hota hai to jahaan prasaad milta hai vahaan sabhi ko aakarshan hoti hai। na chaahte hue bhi svatah hi log aa jaate hain prasaadi ki aakarshan se। to aisa lakshya rakho - vaayumandal banaao - apni samarthi ke aadhaar par asmartha aatmaon ko vishesh raham ke sankalp ki aakarshan se praapti ya anubhooti ka prasaad baanto। saath-saath apne mahaaveeron ka aisa vishesh group banaao jo dridh sankalp dvaara jaananhaar aur karanhaar ka saakshaat swaroop ban karke dikhaaen -jaise kahaavta hai dharat pariye dharma na chhodiye। aisi dhaarna ho,kuchh bhi sarakmastaansej aa jaaen, maaya ke mahaaveer roop saamne aa jaayen lekin dhaarna na chhoote - jaise shuru mein aapas mein purooshaartha ke group banaaye the na। divaaeen unity bhi banaai, abhi kaun si party banaayenge?

is shivraatri par paandav aur shaktiyaan donon vishesh group banaaven jo vighna-vinaashak group ho। yeh prasaad baap-daada le jaayenge। yagya ki aahuti ki khushbu door tak phailti hai - to baap-daada bhi saakaar vatan se sukshmavtan tak yagya ki is vishesh khooshbu ki khushkhabri le jaayen - aisa prasaad taiyaar karo - saath mein kuchh le hi jaayenge। yahi aahuti jaane ka get bhi kholegi। abhi itni sankhya vriddhi ko pa rahi hai to jaane ke get bhi khulne chaahiye। to get kholne vaale kaun hain ?baap akela kuchh nahin karega। kab kuchh kiya hai kya?abhi bhi akele nahin hain (bachchon ki chitchet chal rahi hai ki baba aap akele chale gaye) pahle to baap-daada do saathi hain। akela to ho nahin sakta। bachche bhi hain - aap saath nahin rehte ho? vaayda kya kiya hai ?saath rahenge saath chalenge, saath khaayenge, peeyenge -- yeh vaayda hai na। abhi vaayda badal gaya hai kya? abhi bhi vahi vaayda hai badla nahin hai। chale gaye - aisa nahin hai। saakaar mein to aur bhi thode samay ka saakaar saath tha aur thodon ke liye saakaar ka saath tha। abhi to sabhi ke saath hain। saakaar mein to phir bhi kai prakaar ke bandhan the, abhi to nirbandhan hain। abhi to aur hi teevragti hai - baap ko bulaaya aur haazra hajoor।

moh se bhi oopar - balihaar hona hai - jab balihaar ho gaye to moh to usmein ek anchali hai। abhi saath rahenge saath chalenge। sirf aaj kyon, sada hi saath chalenge।achha to ab prasaadi taiyaar karna। paandav kya karenge ? (bakri eed) kuchh bhi karo lekin kuchh karke dikhaao। dekhenge paandavon ka group race karta hai ya shaktiyon ka। bakri eed manaao ya koi bhi eed manaao। main main ka tyaag karna isko kaha jaata hai eed manaana। ab dekhenge kya prasaad taiyaar kar dete hain। paandav taiyaar karte hain ya shaktiyaan taiyaar karti hain ya donon hi taiyaar karte hain - achha।

yu.pi. zone vishesh bhaagyashaali raha – yu.pi. ki visheshta hai ‘‘bhaavna vaali dharni’’hai। bhakti ki bhaavna jyaada hai। aisi bhakta dharni ko bhakti ka phal dene ke nimitta bane hue hain। sabhi zone mein se yaadgaar bhi jyaada yu.pi. main hain - to yu.pi. ki yaadgaar dharni ko phir se vishesh yaad dilaao। yu.pi. ka vistaar bahut hai। vistaar se apne gyaan ka beej daal baap ki kalpa pahle vaali phulvaadi aur adhik taiyaar karo। vaise bhi yu.pi. ki dharni phaleebhoot dharni hai isliye aur bhi jyaada phulvaadi badha sakte ho - har sthaan se gyaan ganga bahti jaae। nadi ka mahattva bhi yu.pi.mein hai - nahaan ka mahattva bhi yu.pi. mein hai। jaise sthool nahaan ka mahattva hai vaise chaaron or gyaan-nahaan ka mahattva badhaao। yu.pi. ka mahattva hai - mahaan hai na। niyam- poorvak gyaan ke teerthasthaan ki aadi bhi yu.pi. se hui hai। niyam-poorvak nimantran arth kaanpur aur lakhnau ki aatmaayen nimitta bani hui theen। dehli mein sirf maataaon ka nimantran tha - niyam-poorvak nimantran kaanpur, lakhnau ka tha। dehli ki mahima apni,yu.pi. ki mahima apni hai। mahaanta to bahut hai, ab jitni mahaanta gaai gai hai usi pramaan mahaan kaarya karke dikhaao। aisa vishesh kaarya karo jo abhi tak koi zone ne nahin kiya ho - harek zone ko abhi koi nai invainshan nikaalni chaahiye। mele bhi hue, sammelan bhi hue - abhi koi nai rooprekha banaao jisko dekh-sunkar samjhen ki aisa kabhi na suna aur na dekha।

aagra zone se mulaakaat

sada apne bhaagya ka simran karte khushi mein rehte ho? vaah mera bhaagya! yeh geet sada man mein bajta rehta hai ? vaah baap, vaah drama aur vaah mera part - sada isi smriti mein har kaarya karte aise anubhav hota hai -- jaise karma karte hue bhi karma ke bandhan se mukta, sada jeevan mukta hai। satayug ki jeevanmukti ka varsa to praapta hoga hi lekin abhi ke jeevanbandha se jeevanmukta sthiti ka anubhav satayug se bhi jyaada hai। to abhi bhi apne gyaan aur yog ki shakti se jeevanmukta avastha ka anubhav karte hain ki abhi bhi bandhan hain? bandhan sab samaapta ho gaye aur jeevanmukta ho gae। kuchh bhi ho jaaye lekin jeevan mukta hone ke kaaran aise anubhav hota hai jaise ek khel kar rahe hain, pareeksha nahin lekin khel hai। tan ka rog ho jaae - maaya ke anek prakaar ke vaar bhi hon lekin khel anubhav ho। khel mein duhkh nahin hota, khel kiya hi jaata hai manoranjan ke liye, duhkh ke liye nahin। to khel samajhne se jeevan-mukta sthiti ka anubhav karenge। jeevanmukta ho ya jeevan bandha ho? shareer ka,sambandh ka koi bhi bandhan na ho। yeh to khel-khel mein pharja adaai nibha rahe hain। pharja adaai ka bhi khel kar rahe hain। nirbandhan aatma hi oonchi sthiti ka anubhav kar sakegi। bandhan vaala to neeche hi bandha rahega, nirbandhan oopar udega। sabhi ne apna pinjara tod diya hai, bndhan hi pinjara hai। to bandhanon ka pinjara tod diya। pharja adaai bhi nimittamaatra nibhaani hai, lagaav se nahin। phir kahenge nirbandhan। trustee bankar chalte ho to nirbandhan ho। koi bhi meraapan hai to pinjare mein banda ho। abhi pinjare ki maina nahin svarga ki maina ho gai। shuru-shuru ka geet hai na pinjare ki maina… abhi to svarga ki pariyaan ho gaeen,sabhi svarga mein udne vaali ho। pinjare ki maina se pharishte ban gaeen। abhi kahaan bhi zara bhi bandhan na ho। man ka bhi bandhan nahin। kya karoon, kaise karoon,chaahta hoon,hota nahin yeh bhi man ka bandhan hai। chaahta hoon kar nahin paata to kamzor hua na। is bandhan se bhi mukta usko kaha jaata hai nirbandhan। jab baap ke bachche bane to bachcha arthaat svatantra। iseelie kaha jaata hai student life is di baista life। to kaun ho aap - bachche ho ya boodhe ho? bachcha arthaat nirbandhan। agar apne ko past jeevan vaale samjhenge to bandhan hai, marjeeva ho gaye to nirbandhan। chaahe kumaar ho chaahe vaanaprasthi ho lekin sab bachche hain। sirf ek kaarya jo baap ne diya hai ‘‘yaad karo aur seva mein raho’’,isi mein sada busy raho।

sthaapna ke kaarya mein aadi se jo aatmaayen sahayogi hain, unheen ko vishesh sahayog drama anusaar kisi na kisi roop se praapta zaroor hota hai। guarantee hai। baap-daada yahaan ka yahaan return bhi karte hain aur bhavishya ke liye bhi jama hota hai। achha।