Avyakt murli du mardi 19 décembre 1978

>

19-12-78om shanti avyakt baapdaadaamdhuban

reality hi sabse badi royalty hai

sarva ki takdeer banaane vaale, bhaagya vidhaata, shiv baba apne hovanhaar takdeervaan bachchon prati boleh -

aaj baap-daada bachchon ko dekh harshit hote hain kyonki baap jaante hain ki yahi bachche hovanhaar hain, har bachchen ke vartamaan aur bhavishya takdeer ko dekhte hue baap-daada har bachche ki tasveer mein takdeer dekhte hain। braahmanon ke vartamaan features se future ko dekhte hain। harek bachcha svarga ka adhikaari hai। bachchon ke adhikaar ko dekh baap-daada ko bhi eeshvareey phakhur hai ki saare vishwa mein aise takdeervaan bachche kisi ke ho nahin sakte। aisa phakhur bachchon ko bhi rehta hai ki hamaare jaisi takdeer kisi ki ho nahin sakti।

baap-daada aaj vishesh roop se har bachche mein ek visheshta dekh rahe hain ki har ek mein reality (Reality) ki raayalti (Royalty) kahaan tak aai hai! reality hi raayalti hai। isse badi raayalti aur koi nahin hai। raayalti kin baaton ki va reality kis baat ki ? pahle apne swaroop ki reality। agar reality arthaat apne asli swaroop ki sada smriti hai to swaroop ki reality se is sthool soorat mein bhi alaukik raayalti nazar aayegi। jo bhi dekhenge unke mukh se yahi niklega ki yeh is duniya ke nahin hain lekin alaukik duniya ke pharishte hain athva yeh svarga ka koi devta utra hai। aise raayalti se anubhav hoga। doosri baat smriti mein bhi reality arthaat ek baap doosra na koi। is reality ki smriti se karma mein va bol mein raayalti dikhaai degi। har karma satya arthaat shreshtha hone ke kaaran jo bhi samparka mein aayenge unhein har karma mein baap samaan charitra anubhav honge। har bol mein baap ke samaan authority aur praapti ki anubhooti hogi arthaat har bol samartha arthaat phal dene vaala hoga। jisko kaha jaata hai sat-vachan। aise karma aur bol mein reality ki raayalti hogi। samparka arthaat sang real hone ke kaaran paaras ka kaarya karega। jaise paaras lohe ko parivartan kar deta hai - aise reality ki raayalti vaali aatma ka sang asmartha ko samartha bana dega arthaat nakli ko asli bana dega। aisi aatma ke real aur royal nayan arthaat divya drishti jaadu ki vastu samaan kaam karenge। abhi-abhi mukti ke stage ki anubhooti,abhi-abhi jeevanmukti ke stage ki anubhooti, abhi-abhi last antim janma, abhi-abhi first janma ka spashta saakshaatkaar karaayenge। abhi-abhi ati duhkhi stage,abhi-abhi ati sukhmay jeevan ka anubhav karaayenge। ‘ham so-so ham’ke jaadu ke mantra ka anubhav karaayenge arthaat 84janmon ka hi gyaan smriti mein dilaayenge। abhi-abhi sthool vatan, sangam yug ke sukh ki anubhooti karaayenge,abhi-abhi sukshma pharishte swaroop ka anubhav karaayenge। abhi-abhi paramdham nivaasi aatmik swaroop ka anubhav karaayenge,abhi-abhi svarga ke sukhmay jeevan ka anubhav karaayenge। ek second mein in chaaron hi dhaamon ka anubhav karaayenge, yeh hai jaadu mantra।

aise raayalti vaale sada sarva karma indriyon dvaara koi na koi praapti karaane vaale arthaat dene vaale daata honge। aise raayalti vaale kisi bhi prakaar ke maayaavi aakarshan taraph sankalp dvaara bhi jhukenge nahin arthaat prabhaavit nahin honge। jaise aajkal ki raayalti vaali aatmaayen sada bharpoor rahne ke kaaran yahaan vahaan kisi ke adheen nahin hogi। aise sada buddhi bharpoor rahne ke kaaran, sthool mein kehte hain pet bhara hua hai aur yahaan buddhi har khazaane se bharpoor hogi,iseelie koi bhi vyakti va vaibhav ke taraph jo alpagya aur alpakaal ke hain, vahaan buddhi nahin jaayegi arthaat apraapta koi vastu nahin hogi -jo lene ke liye kahaan nazar jaae। unke naynon mein sada bindu roop baap hi samaaya hua hoga। yeh hai raayalti arthaat reality। yeh deh bhi real nahin, dehi real hai। to apne aap se poochho reality ki raayalti kahaan tak aai hai। nambarvaar hogi na mera number kaun sa hai -yeh chaik karo। first division mein hain va second mein hain, third to nahin kahege na। panjaab ka number kaun sa hai?- sab first division vaale hain na?agar sekend mein bhi ho to aaj first mein aa jaana। second number vaalon ko bhi sangamayug mein bhi sarva praapti ki anubhooti nahin hogi। koi praapti hogi koi nahin hogi - jaise kai kehte hain shanti ki anubhooti to hoti hai lekin atiindriy sukh ka anubhav nahin hai। khushi ki anubhooti hoti hai lekin shakti roop ki anubhooti nahin hoti। first diveezan vaale ko har gun ki anubhooti har shakti ki anubhooti hogi। agar koi bhi kami hai arthaat 14kala hai second diveezan। aisi aatmaayen abhi abhi shreshtha praapti se vanchit rah jaati aur bhavishya mein bhi satopradhaan praapti ke bajaay sato praapti karti hain। to second divijan ho gaye na। first division vaale raajya ke, prakriti ke satopradhaanta ka sukh lenge aur woh sato ka sukh lege, satopradhaan ka nahin। to ab socho ki kya lena hai?satopradhaanta ki praapti va sato ki praapti। sarva praapti ki anubhooti va koi-koi praapti ki anubhooti, khud hi apna judge bano- to dharmaraaj ke paas jaana nahin padega। samjha - reality hi raayalti kaise hai। phir sunaayege ki raayalti ka vistaar aur bhi kya hai। achha

aise sada royalty mein rahne vaale, sada sarva praapti ke anubhooti swaroop, har karma charitra arthaat shreshtha karnevaale, ek second mein chaaron dhaam ka anubhav karaanevaale,aise shreshtha takdeervaan bachchon ko baapdaada ka yaad-pyaar aur namaste।

deedi ji se baatcheet

bhavishya raajya ki royal family abhi se pratyaksha hoti jaayegi na। jo baapdaada ke bol sune hain ki ant mein sab spashta saakshaatkaar hoga - to kya woh divya drishti se hoga? saakshaatkaar mein ki saakshaat roop mein hoga? sabko divya drishti se saakshaatkaar hone ka drama to aur hoga lekin yeh saakshaat roop mein saakshaatkaar hoga। abhi jaldi hi harek aatma apne reality dvaara raayalti ka roop pratyaksha roop mein dikhaayegi - jismen yeh kisko bhi question nahin hoga ki yeh hoga ya nahin hoga। abhi to aapas mein agar number bhi nikaalo to phir bhi question uthte hain, yeh kaise yeh aise! lekin abhi jaldi hi pratyaksha dekhenge। raaja kaun-raani kaun va royal family kaun! iske bhi purooshaartha ki gati badi gahan hai। samaan hote hue bhi chaahe abhi plus mein bhi dikhaai dete hon- phir bhi purooshaartha ki gati guhya hone ke kaaran number one tu ho hi jaayega। abhi harek ke purooshaartha ki visheshta dikhaai bhi deti hai lekin jaise koi dhool ke andar heera chamakta ho - kabhi spashta dikhaai dega, kabhi chhipa hua nazar aayega- to abhi ke purooshaartha mein chamakte hue heere nazar zaroor aate hain lekin aise dikhaai dete hain, aur phir ant mein ant arthaat last ghadi nahin sangam ka ant arthaat kuchh samay pahle se hi pratyakshata zaroor hogi। pratyakshata ka part bajaate hue apna vartamaan maala ke manke ka number aur bhavishya raajya ka swaroop donon hi pratyaksha honge। lekin abhi thoda sa rees ki dhool ka parda hai। abhi race mein chalte-chalte kabhi race ke bajaae rees mein badal jaata hai, yahi dhool ka parda chamakte hue heeron ko chhipa deta hai aur jab yeh parda hat jaayega to chhipe hue heere apne pratyakshake sampanna swaroop mein aa jaayenge- yeh parda samaapta ho jaayega। sampannata ka saakshaatkaar hone se koi mein sankalp hi nahin uthega ki yeh bhi yeh number le sakte hain। arthaat rees ka parda khatma ho jaayega aur sampanna heere chamakte hue stage par pratyaksha ho jaayenge। jaise saakaar mein mama baba ki taraph koi ki rees nahin ho sakti na - aise nambarvaar itne spshta honge jo koi rees kar heen nahin sake। aise royal family abhi se hi raayalti mein dikhaai degi। abhi to 8 number bhi nahin nikaal sakte na! abhi phir bhi question mark aa jaata hai phir fullstop aa jaayega। abhi spashta roop mein 8 number nikaalne mein bhi question uthta hai rakhen na rakhen।

abhi teevra purooshaartha ki polish ho rahi hai, polish mein thodi bahut kami chhip jaati hai। jab 8number hain to kuchh to kami hogi na pahle se। lekin itni nahin hogi jo spashta dikhaai de isliye polish ho rahi hai। abhi to teevra purooshaartha ke programme ka sankalp hai। family mein to bahut aa jaayenge। achha। aaj to panjaab ka tarna hai। jaisa naam hai vaisa hi kaam hai na! sher ki visheshta kya hoti hai? sher ki visheshta hai akele hote hue bhi apne ko baadshaah samajhte hain arthaat nirbhay hote hain। to panjaab ke nivaasi aise nirbhay hain na। kisi bhi prakaar ke maaya ke roop se darne vaale nahin। aisa hai na panjaab!

panjaab ki dharni ka vishesh mahattva kya hai - jaante ho? panjaab ne sthaapna ke aadi mein apna vishesh shakti roop ka drishya achha dikhlaaya। anek prakaar ki halchal mein bhi achal rahe hain। kyonki panjaab ki dharni vishesh dharma ki dharni hai, aise dharma ki dharni mein aadi sanaatan dharma ki sthaapna karna ismen saamna karke vijayi bane hain। panjaab ki dharni ki visheshta charitra mein hai ki chaaron or hangaame ki aag ke beech thode se bachche vijayi bankar panjaab mein bhi vijay ka jhanda lahraaya। hinsak dharni ke oopar ahinsak ki vijay hui। to yeh bhi panjaab ki dharni ka charitra vishesh roop mein gaaya jaata hai। doosri visheshta - panjaab mein nadiyon ka gaayan jyaada hai - aise hi panjaab se gyaan gangaayen bhi adhik nikli hain। aadi samay ke hisaab se panjaab se gyaan nadiyaan bhi jyaada nikli hain to panjaab ki dharni kanya daan mein shreshtha nikli arthaat mahaadaani nikli। teesri bhi visheshta hai - panjaab ki bhoomi mein seva ke vistaar ki bhoomi bhi mahattvapoorna hai jaise nadiyon ka paani chaaron or vistaar se phaila hua hai vaise panjaab mein bhi sevaakendron ka vistaar achha hai। jagah-jagah par teertha sthaan banaaye hue hain।

mahima sun karke khush ho gaye, sada hi aise khush raho। panjaab ka vistaar dekh baap-daada khush hote hain - abhi kya karna hai?panjaab ki dharni se naam se kaam karne vaali,saar vaali aatmaayen nikaalo। jiska naam sunte anek aatmaayen apna bhaagya bana sake। aisi vishesh seva abhi aur bhi karni hai। sirf seva nimitta aisi vishesh aatmaon ka bhi part hai। to aisi aatmaon ko ab samparka sambandh mein laao। samjha kya karna hai! bade aavaaz se lalkaar karo - chhote aavaaz se karte ho to chhota aavaaz vahaan ke guroodvaaron ke aavaaz mein chhip jaata hai। achha।

party se mulaakaat

baap-daada har bachche ko sarvashreshtha aatma ke roop mein dekhte hain, kyonki vishwa ke andar kitni bhi shreshtha aatmaayen hain lekin aapke aage kya hai?tuchchha arthaat kuchh bhi nahin। jo aatmaayen apne avinaashi baap ki vishesh rachna-svarga ke adhikaari nahin ban sakti - to kya hui?jo bachcha baap ke property ke adhikaar se vanchit rah jaae- to woh kya hua? to kitni bhi aajkal ki naameegraami aatmaayen hain lekin aapve shreshtha praapti ke aage kuchh bhi nahin hai। to sabse shreshtha hue na। aaj ki duniya ke president bhi aapko kahen brahmaakumaar ke bajaae president ban jaao to banenge? nahin na - kyonki jaante ho ki kahaan aaj ki puraani duniya ka alpakaal ka martaba aur kahaan sadaakaal ka martaba। to sankalp maatra bhi buddhi vahaan nahin jhuk sakti। kyonki jab raajaaon ke raaja ban rahe ho to yeh kya hai? yeh to betaaj bhi baadshaah nahin hain, baadshaah mein to power hoti hai-woh kahaan hai?ek betaaj doosra bina shakti, to aankh nahin doobegi na। aisi shreshthata va mahaanta sada smriti mein rahe। sada smriti swaroop rahne se sarva praapti ka anubhav kar sakenge। thode mein raazi hone vaale nahin, thode mein raazi kaun hote hain?bhakta। to bhakta to nahin ho na - adhikaari ho na। adhikaari ko apne sarva adhikaar ka anubhav hota,aaj ghar mein rahne vaale bhi apne poore adhikaar maangate hain, naukar bhi poore adhikaar maangega - agar thoda bhi kam hoga to kahega mera adhikaar do। to baap to sarva adhikaar dene vaale hain, to sarva adhikaar praapta karo। bhakta nahin lekin adhikaari bano। bhakta aatma jab tak brahman na bane tab tak svarga mein nahin aa sakte,bhakta se brahman banna pade, phir brahman se devta bane। bhaktapan ka anshamaatra bhi na ho - isko kaha jaata hai sampoorn adhikaari। bhakta aur bhagwan ka milan, bachche aur baap ka milan - donon mein raat din ka pharka hota hai na। to kaun sa milan achha lagta hai? jab maaya ke vasheebhoot ho jaate ho to kis roop mein milte ho? ‘‘kripa karo, aasheervaad karo, shakti do, kya karoon, kaise karoon koi raasta do, hamaare paas maaya ko na bhejo’’ - yeh kamjori hain na। mahaaveer kahe dushman na aaye aur main mahaaveer hoon, to usko kya kahenge?mahaaveer to dushman ka aahvaan karte hain ki aao aur ham vijayi banen। mahaaveer paper ko dekh ghabraayenge nahin, challenge karenge kyonki trikaaldarshi hone ke kaaran jaante hain ki ham kalpa-kalpa ke vijayi hain। achha

raajasthaan aur Indore zone ki party ke saath baat cheet baap-daada ki personal mulaakaat –

raajasthaan ko vardaan bahut mila hua hai। pahle-pahle seva ka saadhan gift mein raajasthaan ko mila। pahla-pahla teerthasthaan to raajasthaan hi hua। baap daada donon ka raajasthaan ko vardaan hai। vardaan phal to zaroor dega heen lekin kis samay dega woh samay dekh rahe hain। mele ke saath-saath vishesh roop se aisa vaataavran banaao jaise chumbak sabko apne taraph aakarshit kar leta hai, aise roohaani vaataavran, roohon ko apne taraph aakarshit kare, yeh hai mele ki saphalta। vishesh attention rakhte hue har varga ki aatmaon ko is mele ke saadhan dvaara samparka mein laana। saadhan bahut aakarshan vaala hai,saadhan ka poora laabh uthaao,sabmen aavaaz phail jaaye। mehnat karne se phal zaroor niklega। ek din aayega zaroor jo raajasthaan ki sankhya kamaal ki list mein aayegi - sirf iske liye paropkaari bano। paropkaari se vishwa upkaari ban jaayenge। baap-daada ki vishwa dharni jis par baap ki nazar padi woh phal avashya degi। raajasthaan ki mahima baap jaante hain,raajasthaan mein rahne vaale kam jaante hain,baap jaante hain ki kya hone vaala hai। hoga phir sunna! mukhya kendra bhi raajasthaan mein hai na to aaspaas bhi zaroor aakarshan ke kendra banenge। woh bhi time aayega। saakaar baap ki pahli-pahli nazar kahaan gai? raajasthaan par, to koi to visheshta hogi na। samay jab pahunch jaata hai, parda khul jaata hai aur drishya saamne aa jaata। achha।

teachers se mulaakaat (ma.pra.)

teachers ka vishesh karttavya hi hai baap ki yaad aur seva। to sabhi teachers ne himmat achhi dikhaai hai, mehnat bhi achhi kar rahe hain, aur mehnat ka phal bhi din pratidin phaleebhoot hota jaayega। madhya-pradesh ko vardaan hai phalta phoolta rahega। kyonki ekmat aur ekras avastha mein rehte hue ek hi kaarya mein lagne vaali aatmaayen- svayan bhi sada praphullit rehte hain aur dharni ko bhi phaldaayak banaate hain। jaise aajkal science dvaara abhi-abhi beej daala abhi-abhi phal mila। pahle se teevragti hai jo beej daala woh praapta ho jaata hai। aise hi apne silence ke bal se sahaj aur teevragti se pratyakshata bhi dekhenge,high jump lagaane vaale ho na। patthar todne vaale to nahin। jaisi nimitta aatmaayen hoti hain, vaise vaayumandal bhi banta hai, svayan sahayogi hain to aane vaali aatmaon ko bhi sahayogi bana deti। svayan uljhan mein honge to aane vaali aatmaon mein bhi vahi vibration phailta hai। to nimitta aatmaon ko sada nirvighna ek baap ki lagan mein magan rahne vaale,isi sthiti mein rehna hai। achha।

prashn:- kis dhaarna ke aadhaar se sada sukh ke saagar mein samaaye rahenge?

uttar:-antarmukhi bano - antarmukhi sada sukhi। Indore nivaasi arthaat antarmukhi sada sukhi। baap sukh ka saagar hai to bachche bhi sukh ke saagar mein lavleen rehte honge। sukhdaata ke bachche svayan bhi sukh daata। sarva aatmaon ko sukh ka khazaana baantane vaale। jo bhi aave jis bhaavna se aaye woh bhaavna aapse sampanna karke jaae - sarva sampanna moortiyaan bano। jaise baap ke khazaane mein apraapta koi vastu nahin, vaise bachche bhi baap samaan tripta aatma honge।

prashn:-sthaai nashen mein kaun rah sakte hain? sthaai nashe mein rahne vaalon ki nishaani kya hogi?

uttar:- sthaai nashe mein vahi rah sakte jo baap-daada ke dil takhtansheen hain। sangamayugi shreshtha aatmaon ka sthaan hi hai baap ka diltakhta। aisa takhta saare kalpa mein nahin mil sakta, vishwa ke raajya ka va state ke raajya ka takhta to milta rahega lekin aisa takhta phir nahin milega - yeh itna vishaal takhta hai jo chalo phiro, khaao-soyo lekin sada takhtansheen। jo aise takhtansheen bachche hain woh puraani deh va deh ki duniya se vismrit rehte hain, dekhte hue bhi nahin dekhte।

achha - omshaanti।