Avyakt murli du vendredi 12 janvier 1979

>

12-01-79om shanti avyakt baapdaadaamdhuban

vardaata baap dvaara mile hue khushi ke khazaanon ka bhandaar

vishwa ke rachayita, sarva khazaanon ke daata, sarva vardaanon ke daata baap-daada bole:-

baap-daada bachchon ke raajbhaagya ko dekh kar harshit ho rahe hain। saari srishti ki sarva aatmaon se kitni shreshtha aatmaayen hain। kitni sarva khazaanon se sampanna aatmaayen hain। is samay ki sampannata ka gaayan aap shreshtha aatmaon ke kaaran sthaan ka gaayan sada chalta aa raha hai। ab ant tak bhi bhaarat bhoomi ka gaayan videsh mein bhi mahaan hai। sthaan ka mahatva aap chaitanya mahaan aatmaon ke kaaran hai। aaj tak bhi aadhyaatmik khajaane ke liye sabki nazar bhaarat ke taraph hi jaati hai। sthool dhan mein gareeb maana jaata hai lekin aadhyaatmik khazaane avinaashi sukh aur shanti, shakti in khazaanon mein bhaarat hi sabse sampattivaan gaaya jaata hai - to aapki is sangamayugi ki sampanna sthiti ke kaaran hi sthaan ka gaayan hai। itne khazaanon se sampanna hote ho jo aadha kalpa vahi praapta khajaane chalte rehte hain। itna khazaana jama hota jo anek janma khaate rehte। aisa kabhi koi saare kalpa mein nahin ban sakta। sangamayug sarva yugon mein se chhota yug hone ke kaaran inki bahut thodi-si aayu hai। jitni chhoti-si jeevan hai chhota-sa yug hai itni kamaai sab yugon se shreshtha hai। sada apne khazaanon ko smriti mein rakhte ho। kya-kya khazaane mile hain,kis dvaara mile hain aur kitne samay tak chalne vaale hain - baap ne khazaane to sabko ek samaan diye hain kisko ek laakh,kisko hajaar nahin diya he। sab bachchon ko behad ka akhut khazaana baap dvaara mila hai। aise akhut khazaane se svayan ko sada bharpoor tripta aatma samajhte ho! tripta aatma ko sada baap aur khazaana hi saamne rehta hai। sada isi nashe mein jhoomte rehte hain - sabse bade te bada khazaana, jis khazaane ke liye anek aatmaayen anek prakaar ke saadhnon ko apnaati hain phir bhi vanchit hain। woh kaunsa khazaana aapko mil gaya hai। aaj duniya mein kis khajaane ki ichchha hai jis ichchha ke kaaran aatmaayen jagah-jagah bhatak rahi hain। aap sabke paas sirf ab ke liye nahin lekin anek janmon ke liye bhi jama hai - woh kaun-sa khazaana mila hai? sabse bade se bada khazaana hai khushi ka khazaana। isi khushi ke liye log tadaphte hain। aur aap sab sada khushi mein naachne vaale ho। aap sabke yaadgaar chitra mein bhi khushi ka pose dikhaaya hua hai - apna chitra yaad hai na! amritvele se lekar is khushi ke khazaane ko use karo - socho - va apne aap se baaten karo - okh khulte kaun saamne aata hai! pahle-pahle sankalp mein kisse milan hota hai - vishwa ke rachta,sarva khazaanon ke daata, sarva vardaanon ke daat beej se milan hota hai। jismen saara vriksha samaaya hua hai - sarva aatmaayen bhikhaari ban baap ki ek second ki jhalak dekhne ki ichchha se kitne kathin maarga apnaate hain - aur aap shreshtha aatmaayen sarva sambandhon se milan manaane ke anubhvon ke shreshtha khajaane ke adhikaari ho - to sabse pahli khushi ki baat hai amritvele sarva sambandh se baap se milan manaana। duniya bhikhaari hai aur aap ho bachche -isse badi khushi aur koi ho sakti hai kya - to amritvele se is khushi ke khajaane ko use karo। use karna hi khazaanon ki chaabi hai।

doosra khushi ka khazaana, itni sikeeldhe shreshtha aatmaayen ho jo svayan bhagwan aapko padhaane ke liye paramdham se aate hain। london va America se nahin aate hain - is lok se bhi paar jahaan tak science vaale svapna mein bhi pahunch nahin sakte aise paramdham se special aapke padhaane ke liye aate hain। aur phir padhaane ki fee nahin lete। aur hi padhaai ki praalbadh svarga ka svaraajya svayan nahin lete, aapko dete hain। to isse badi khushi aur kya hoti hai। is smriti se khazaane ko use karo - isse aage chalo।

kaarya karte hue karmayogi ka part bajaate karmayogi arthaat sada baap ke saath rehte hue har kaarya karne vaala karmayogi ke samay bhi chaahe koi bhi karma kar rahe ho। laukik va alaukik lekin almighty authority aapka saathi arthaat phrend bankar har samay saath nibhaate hain। aisa phrend phir kabhi mil nahin sakta। kabhi phrendaship nibhaate hain - kabhi combined yugal roop nibhaate hain - aisa combined swaroop vichitra yugal roop jo sada aapko kehte hain - saara bojh humein de do - aur tum sada halke raho - jahaan bhi koi mushkil kaarya aaye to woh mujhe arpan kar do to mushkil sahaj ho jaavega। aise karmayog ke part mein sada saathi pan ke khazaane ko va sada saath ke khushi ko use karo - aur aage chalo –

jab kaarya se khaali ho jaao to sabse bade te bada manoranjan ka dhan praapta hai - agar aapko sair karne ki roochi hai va dekhne ki roochi hai, padhne ki roochi hai, shrringaar ki roochi hai,dance ki roochi hai, rooh-roohaan karne ki roochi hai jo bhi roochi ho woh sab manoranjan ke saadhan aap ke saath hain। dekhne chaahte ho to svarga ko dekho - sangamayug ki shreshthata ko dekho। apne aur baap ke kartavya ki alaukik kahaani ka drama dekho। sair karna chaahte ho to teen lokon ka sair karo। shrringaar karna chaahte ho to har gun ke vistaar se svayan ko saja lo। drama dekhne chaahte ho to paanch hajaar varsha ka drama dekho। history padhne chaahte ho to apne 84 janmon ki history dekho। rooh-roohaan karna chaahte ho to rooh ban roohon ke rachta se rooh-roohaan karo। aur kya chaahiye। in sab saadhnon se sada apne ko khush rakho arthaat khajaane ko use karo।

bhojan banaate ho, bhojan banaane ke samay pahle bhog lagaana hai arthaat pyaare te pyaare baap ko sveekaar karaana hai - is smriti se bhojan banaao ki kisko khilaana hai! aajkal ki duniya mein agar koi praaeem minister va president aapke paas khaane aate hain kitni khushi hoti hai lekin baap ke aage yeh sab kya hain! to sada baap aapke saath bhojan khaate hain - bhakta bichaare baar-baar ghantiyaan baja-baja kar thak jaate hain, bulaate-bulaate bhool bhi jaate hain - lekin bachchon ke saath baap ka vaayda hai sada saath rahenge। tumheen se khaaven, tumheen se baithen, to isse badi khushi aur kya chaahiye - to bhojan ke samay bhi tumheen se khaaoon yeh salogan yaad rakho - aise khushi ke khajaane ko use karo। aur aage chalo।

abhi din ka ant samay aa gaya - arthaat raat ka samay aaya - ab raat ko kya karenge? sone ke pahle saare din ke samaachaar ki len-den chaahe combined roop mein karo - chaahe baap ke roop mein karo - ek din ka samaachaar do aur doosre din ka shreshtha sankalp aur karma ki preran lo - sab samaachaar ki len-den karna arthaat halke ban jaana। jaise raat ko halki dress se sote hain na - aise buddhi ko halka karna arthaat halki dress pahanna hai - aise taiyaar ho saath mein so jaao - akele nahin soo - akele honge to maaya chance legi,isliye sada saath raho। akele rahne se dar bhi lagta hai,nirbhay bhi ho jaavenge। aap nirbhay rahenge or maaya daraaegi। to aise sada saath ke khushi ke khajaane ko saari raat ke liye use karo। ab bataao saare din mein shreshtha khushi ke khajaane praapta hote hue bhi shreshtha aatma kabhi udaas ho sakti hai! va anya koi manoranjan ke tarah va alpakaal ke khazaanon ki taraph aakarshit ho sakti hain! aisi shreshtha arthaat sampanna aatmaayen hain। aapke naam se bhi jab anek bhakta alpakaal ki khushi mein aa jaate hain। aapke jad chitron ko dekh khushi mein naachne lagte hain। aise khushanseeb aap sab ko khazaane bahut mile hain, ab sirf use karo arthaat chaabi lagaao। chaabi hote hue bhi samay par nahin milti hai - samay par kho jaati hai isliye sada saamne rakho arthaat sada smriti mein rakho। baar-baar swaroop smriti ko refresh karo। khazaana kya aur chaabi kya! har karma mein jaise sunaaya vaise praikikal mein laao - arthaat smriti ko swaroop mein laao। samjha - kya karna hai। achha –

aise sada sarva khazaanon se sampanna aatmaayen har karma mein baap ke saath sarva sambandh nibhaane vaale sada baap ko apna saathi anubhav karne vaale sada maaya ke bhay se nirbhay rahne vaale aisi tripta aatmaon ko, khajaane ke maalik aatmaon ko baap-daada ka yaad-pyaar aur namaste।om shanti।

paarteeyon ke saath mulaakaat (karnaatak zone)

1. sada apna kalpa pahle vaala sampanna pharishta swaroop saamne rehta hai?kalpa pahle bhi ham hi pharishte the - aur ab bhi ham hi pharishte hain। aise anubhav hota hai? pharishta arthaat jiska ek baap ke saath sarva rishta ho। arthaat sarva sambandh ho। ek baap doosra na koi aise anubhav hota hai ki aur bhi sambandh smriti mein aate hain, jiske sarva sambandh ek baap ke saath honge usko aur sab sambandh nimitta maatra anubhav honge। woh sada khushi mein naachne vaale honge। kabhi bhi thakaavat ka anubhav nahin karenge baap samaan stage vaale sada athak honge,thakenge nahin। sada baap aur seva isi lagan mein magan honge। to harek vighna vinaashak ho ya lagan aur vighna donon saath-saath chalte hain? vighnon ke aane se rookne vaale to nahin ho, har kalpa vighna aaye hain aur har kalpa vighna vinaashak bane ho। jo har kalpa ke anubhvi hain unko repeat karne mein kya mushkil! sada yeh smriti rahe ki ham kalpa-kalpa ke vijayi hain। anek baar kar chuke hain ab sipar repeat kar rahe hain, to sahaj yogi hona chaahiye na - kya karen kaise karen, in sab complain (Complaint) se complete (Complete) complete aatmaon ki sab complain khatma ho jaati hain। sampanna hona arthaat santushta,asantushta hone ka kaaran hai apraapti,apraapti hi asantushtata ko janma deti hai। apraapta nahin koi vastu…yeh devtaaon ka gaayan nahin, aap braahmanon ka gaayan hai,master sarvashaktivaan ka arth hi hai sampanna swaroop। jaisa lakshya hota vaise lakshan bhi hote hain, lakshya ek ho aur lakshan doosre hon, lakshya hai sampoorn banne ka aur dhaarna arthaat practical roop mein kami hain to antar hua na। achha - sabhi sada hansate rehte ho - rote to nahin ho! rone vaale baap ke yugal nahin ban sakte। kya karoon, chaahta hoon yeh hone nahin dete, madad karo, kripa karo yeh bhi rona hai, aise rone vaalon ko baap apne saath kaise le jaayenge! saath chalne ke liye jaisa baap vaise bachche bano, baap samaan bano, jo bhi karma karo pahle check karo yeh baap samaan hai,baap samaan nahin hai to kat kar do, aage nahin badho। koi bhi karma agar shreshtha nahin saadhaaran hai to use parivartan kar shreshtha banaao,isse sada sampanna arthaat baap samaan ho jaayenge।

2. anek aatmaon ki duaayen praapta karne ka saadhan seva - sabhi baap ke sahayogi vishwa kalyaankaari samajhkar har kaarya karte ho?jab yeh lakshya rehta hai ki ham vishwa kalyaankaari hain to akalyaan ka kartavya ho nahin sakta, jaisa kaarya hota hai vaisi apni dhaarnaayen hoti hain, agar kaarya yaad rahe to sada merciful rahenge, sada mahaadaani rahenge। vishwa kalyaankaari ki smriti se svayan bhi har kadam mein kalyaankaari ki smriti se svayan bhi har kadam mein kalyaankaari vriti se chalenge aur chalaayenge। svayan prati bhi har kadam kalyaankaari ho tab vishwa ka kalyaan ho sakta hai, sada yeh yaad rahe ki nimitta maatra yeh kaarya kar rahe hain main pan samaapta ho jaayen aur nimitta pan yaad rahe, aise sada seva karne se baap ki yaad svatah rehti hai। jitni seva karte utni vishwa ki anek aatmaon dvaara duaayen milti hain। aasheervaad milti hain। achha –

3. eeshvareey nashe ki masti se karmaateet avastha ka nishaana ati sameep - aap shreshtha aatmaayen gyaan saagar baap dvaara direct sarva praapti karne vaali ho aur jo bhi aatmaayen hain woh shreshtha aatmaon ke dvaara kuchh na kuchh praapti karti hain, lekin aap direct baap dvaara sarva praapti karne vaale ho,aisa shreshtha nasha rehta hai? jitna nasha hoga utna apna karmaateet avastha ka nishaana nazdeek dikhaai dega। agar nasha kam hoga to nishaana bhi door dikhaai dega। is eeshvareey nashe mein rahne se dukhon ki duniya ko sahaj hi bhool jaate hain, us nashe mein bhi sab kuchh bhool jaata hai na to is eeshvareey nashe mein rahne se sadaakaal ke liye puraani duniya bhool jaati। is nashe mein koi nuksaan nahin, jitna nasha chadhaao utna achha, us nashe ko to jyaada piya to khatma ho jaate। yahaan is nashe se avinaashi ban jaate। jo nashe mein rehte hain unko dekhne vaale bhi anubhav karte ki yeh nashe mein hain,aise aapko bhi dekh yeh anubhav karen ki yeh nashe mein hain। abhi- abhi nasha chadha abhi-abhi utra to jo maza aana chaahiye woh nahin aayega,isliye sada nashe mein masta raho, is nashe mein sarva praapti hai। ek baap doosra na koi yeh smriti hi nasha chadhaati hai। isi smriti se samarthi aa jaati।

suna to bahut hai ab jo suna hai uska swaroop ban saakshaat karaao। baapdaada sabhi bachchon ko chaitanya saakshaatkaar karaane vaali saakshaat moortiyaan dekhna chaahte hain, jab chaitanya mootiyaan taiyaar ho jaayengi tab yeh jad moortiyaan samaapta ho jaayengi aur yahi bhaarat behad ka mandir ban jaayega, anek samaapta hokar ek hi bada mandir ho jaayega। achha।

4. sangamayug ke samay ko har kadam mein padmon ki kamaai ka vardaan - sada svayan ko har kadam mein padmon ki kamaai karne vaale padmaapdam bhaagyashaali aatmaayen samajhte ho - check karte ho ki har kadam mein jama hota ja raha hai! sangamayug ko yahi vardaan mila hua hai,har kadam mein padam jama। to ek second bhi va ek kadam bhi jama nahin kiya to kitna nuksaan ho gaya, laukik mein bhi agar koi din kamaai nahin hoti hai to chinta lag jaati hai, woh to had ki kamaai hai yeh behad ki kamaai hai, abhi ka ek kadam padmon ki kamaai jama karne vaala hai to yahaan kitna attention chaahiye। itna attention hai ki saadhaaran kadam uthaate ho? abhi alaukik janma hua to har kadam alaukik hona chaahiye, saadhaaran nahin। jo har kadam mein padmon ki kamaai jama karne vaale honge unki nishaani kya dikhaai dengi? unke chehre se sada praapti ki jhalak dikhaai degi, jaise sthool koi cheej ki chamak dikhaai deti hai na vaise praapti ki,jhalak chehre se dikhaai degi। samparka mein aane vaale bhi samjhenge ki inko kuchh praapta hua hai। woh svayan hi aakarshit ho karke aapke saamne aayenge,to aapka sampanna chehra seva ke nimitta ban jaayega। sabhi sada khush rehte ho ki kabhi-kabhi khushi ka khazaana maaya chheen le jaati hai, maaya ka get banda hai ya khula hua hai! ab get mein achhi tarah se double laak lagaao - single laak bhi maaya khol kar andar aa jaayegi। double laak arthaat yaad aur seva mein busy raho,agar sirf yaad mein honge seva mein nahin to bhi maaya aa jaayegi। double laak mein maaya andar nahin aayegi। khatkaayegi andar nahin aayegi arthaat vaar nahin karegi। mansa seva bhi bahut hai, apni vriti se vaataavran ko shaktishaali banaao। saare vishwa ka parivartan hai na,to vriti se vaataavran parivartan hoga। achha।

5. first janma ki sampanna stage tak pahunchne ka saadhan - highjump :- abhi purooshaartha ka samay gaya,kyonki samay ki speed bahut teevra hai, peechhe aane vaalon ko thode samay mein sab padhaai poori karni hai। isliye teevra purooshaartha kar highjump lagaao। teevra purooshaartha ke liye sirf ek baat ka attention rakho - apni sampoorn stage ko saamne rakhte vartamaan ka potaamel chaik karo - sampoorn stage 16kala hai, to 16kalaaon mein kitni kalaayen mainne dhaaran ki,aise chaik karte jaao, jo kami hai usko bharte jaao isko kaha jaata hai purooshaartha। achha –

vidaai ke samay - jaise baap bachchon ko dekh khush hote hain vaise har bachcha sadaiv khushi mein naachta rahe। woh khushi ka chehra vaani se bhi jyaada seva karta hai, chehra chaitanya chalta phirta museum ho jaae, jaise museum mein bhinna-bhinna chitra rakhte ho - vaise chehre mein baap ke sarva gun dikhaai den - mukh ki service se to jaakar ke sunaana padta hai, chehre dvaara na bulaate bhi aap hi aayenge। to abhi sab apne ko chaitanya museum banaao। jab itne saare museum ban jaayenge tabhi svarga ka udghaatan hoga। brahma baap isi udghaatan ke liye rooke hue hain, to jaldi taiyaar ho jaao to jaldi udghaatan ho। kab udghaatan karenge? date fix ho sakti hai ki achaanak hoga, kya hoga?

sangamayug to achha hai lekin sabko sukh aur shanti dene ka bhi sankalp chaahiye, auron ko dukhi dekh,tadaphta hua dekh raham bhi to aana chaahiye na।achha - om shanti।