Avyakt murli du mardi 30 janvier 1979

>

30-01-79om shanti avyakt baapdaadaamdhuban

sarva bandhanon se mukti ki yukti

sarva bandhanon se mukti dilaanevaale mukteshvar shivbaaba, trikaaldarshi saakshi drishta bachchon prati bole –

aaj baap-daada sabhi snehi sikeeldhe bachchon ko dekh harsha rahe hain। jaise baapdaada door desh se bachchon se milne aate hain vaise bachche bhi door deshon se baap ke saath milne aate hain। yeh alaukik mela arthaat baap bachchon ka milan kalpa ke andar ab sangam par hi hota hai - ab nahin to kab nahin। baap-daada sabhi bachchon ki vishesh dhaarnaaon ko dekh rahe hain। sunna - yeh to janma-janmaantar se karte hi aaye lekin is alaukik janma mein arthaat brahman jeevan mein visheshta hai hi dhaarna swaroop banne ki। to baap-daada result dekh rahe hain। harek brahman bachcha karma karne ke pahle trikaaldarshi stage par sthit ho teenon kaalon ko jaanne vaale ban karma ke aadi, madhya,ant ko jaan karma karte hain! aur phir karma karte samay saakshi drishta ho part bajaate hain। aise part bajaane vaale vartamaan samay aur bhavishya mein bhi poojya swaroop ban anek aatmaon ke aage drishtaanta roop bante hain। trikaaldarshi,saakshi drishta aur phir drishtaanta roop। teenon hi sthiti mein abhi kahaan tak pahunche hain? jaise saakaar baap ko dekha aise follow father hain? har karma trikaaldarshi ban karne se kabhi bhi koi karma vikarma nahin ho sakta,sada sukarma hoga। trikaaldarshi na banne ke kaaran hi vyartha karma va paap karma hote hain। aise hi saakshi drishta ban karma karne se koi bhi karma ke bandhan mein karma bandhani aatma nahin banenge। karma ka phal shreshtha hone ke kaaran karma sambandh mein aavenge,bandhan mein nahin। sada karma karte hue bhi nyaare aur baap ke pyaare anubhav karenge aisi nyaari aur pyaari aatmaayen abhi bhi anek aatmaon ke saamne drishtaanta arthaat example bante hain - jisko dekhkar anek aatmaayen svayan bhi karmayogi ban jaati hain aur bhavishya mein bhi poojyaneey ban jaati hain। aise baap samaan bane ho? bandhan mukta aatma bane ho? sarva sambandh baap ke saath jodna arthaat sarva bandhanon se mukta hona। anek janmon ke anek prakaar ke bandhan ko samaapta karne ka sahaj saadhan baap se sarva sambandh। agar kisi bhi prakaar ka bandhan anubhav karte ho to uska kaaran hai sambandh nahin। baap-daada result dekh rahe the ki abhi tak kaun-kaun se bandhan yukta hain। deh ke bandhan ka kaaran hai dehi ka sambandh baap se nahin joda hai। baap ki smriti aur dehi swaroop ke smriti ki dhaarna nahin hui hai। pahla paath kachcha hai। second mein deh se nyaare banne ka abhyaas second mein deh ke bandhan se mukta bana deta hai। switch on hua aur bhasma। jaise science ke saadhnon dvaara bhi vastu second mein parivartan ho jaati hai vaise silence ki shakti se, dehi ke sambandh se bandhan khatma। ab tak bhi agar pahli stage deh ke bandhan mein hain to kya kahenge! abhi tak pahle class mein hain। jaise koi student kamzor hone ke kaaran kai varsha ek hi class mein rehte hain - to socho eeshvareey padhaai ka last time chal raha hai aur ab tak bhi deh ke sambandh ki pahli chaupdi mein hain, aise student ko kya kahenge। kis line mein aavenge! paane vaale va dekhne vaale। to ab tak pahli class mein to nahin baithe ho। pardharma mein sthit hona sahaj hota hai va svadharma mein? svadharma hai dehi arthaat aatmik swaroop। pardharma hai deh swaroop - to sahaj kya anubhav hota hai। jaisa naam hai sahaj raajayogi vaisa hi anubhav hai?va naam aur kaam mein pharka hai!

doosre number ka bandhan hai man ka bandhan। is man ke bandhan ka saadhan hai sada manamnaabhav। yeh pahla mantra sada jeevan mein anubhav karte ho? sada ek baap doosra na koi। yeh pahla vaayda nibhaana arthaat man ke bandhanon se mukta hona - to pahla vaayda nibhaana aata hai na! kehna aata hai va nibhaana aata hai? nibhaana arthaat paana- ismen bhi chaik karo ki kahaan tak bandhan mukta bane hain। sada sarva aakarshanon se pare ek hi lagan mein magan hain? ek ras hain? achal hain va chanchal hain। agar ab tak chanchal hain to kya kahenge?abhi tak chhota bachcha hai aur stage aakar pahunchi hain vaanaprastha ki,aisi stage ke samay yeh chanchalta! bachpan ki stage achhi lagti hai?brahman janma ka adhikaar master sarvashaktivaan ka praapta kiya hai - adhikaar ke aage yeh deh va man ke bandhan rah sakte hain! practical anubhav kya hai?sada yeh teen baaten yaad karo - trikaaldarshi phir saakshi drishta aur uski result vishwa ke aage drishtaanta roop। is sthiti ko sada yaad rakho to sada bandhan mukta jeevanmukta avastha ka anubhav karenge। purooshaartha ka samay bahut beet chuka। ab thode ka bhi thoda-sa raha hai। samay ke pramaan apni result chaik karo। is mele ka bhi thoda-sa samay rah gaya hai - isliye ab suna to bahut, sunna arthaat vaani dvaara hi yeh brahman janma liya isliye mukh vanshaavli kahlaate ho। to janma se hi sunte aaye ho ab kya karna hai?sunne ke baad hai swaroop banna। isliye last stage smriti swaroop ki hai। aisi stage tak kahaan tak pahunche ho। season ki result bhi kya! sunna aur milna va samaan banna। sneh ka saboot hai hi samaan banna। jis stage se baap ka sneh hai aisi stage ko paana। aise snehi ho na?sada apne sampoorn swaroop ko saamne rakhne se maaya ka saamna karna bahut sahaj hoga। baap-daada yahi result dekhne chaahta - is result ko practical mein laane ke liye vishesh dhaarnaayen yaad rakho - 1. madhurta2. namrata। in vishesh do dhaarnaaon se sada vishwa kalyaankaari mahaadaani vardaani ban jaavenge - aur sahaj hi sneh ka saboot de sakenge। samjha - abhi kya karna hai?yeh karna hai aur kuchh chhodna bhi hai। chhodna kya hai? gyaani tu aatma hone ke kaaran bhakti ke sanskaar bhikhaari ban maangane ka va sirf baap ki mahima va keertan gaane ka, man dvaara yahaan vahaan bhatakne ka,apne khazaanon ko vyartha ganvaane ka yeh puraane sanskaar sada ke liye samaapta karo arthaat puraane sanskaaron ka sanskaar karo। yeh hai chhodna। to ab samjha kya karna hai। kya chhodna hai। gyaani tu aatma arthaat vijayi। achha –

aise second mein sva parivartan karne vaale, sva parivartan dvaara vishwa parivartan karne vaale, sarva bandhanon se mukta sada yogayukta, jeevan mukta, baap-daada ke snehi arthaat samaan banne vaale aise sada vijayi ratnon ko baapdaada ka yaad-pyaar aur namaste।

baap-daada ki vyaktigat mulaakaat - (bangaal bihaar zone)

1. sada apne ko padmaapadmapti samajhte ho? jo har kadam mein padmon ki kamaai jama karte hain woh kya ho gaye? padmaapadmapti ho gaye na! aapke aage aajkal ke number one dhanvaan bhi kya hain? bhikhaari। kyonki jitna dhan hoga to dhan ke saath aur kya hota hai, dukh bhi hota hai। to jo dukhi honge woh sukh ke bhikhaari to honge na। to chaahe jitna bhi bada vishwa mein prasiddha naami-graami dhanvaan ho lekin aapke aage sab bhikhaari hain। ab aisa samay practical mein dekhenge jo naami-graami dhanvaan abhi sunne ke liye taiyaar nahin hain, jinhen sochne ki phursat nahin hai woh sab aapke aage bhikhaari ki queue mein honge, tarsenge,tadphenge ek second ke sukh ke liye। aise samay par aap sabhi mahaadaani stage par sthit ho sabko daan denge। to itna nasha rehta hai? ki ham vishwa mein sabse maalaamaal hain। shuru mein bhi sthaapna ke samay akhbaar mein kya dalvaaya tha - logon ne kaha om mandali gai ki gai aur baap ne dalvaaya om mandali saare world mein richest hai, maalaamaal hai, sab bhookh mar sakte hain lekin baap ke bachche bhookhe nahin mar sakte। kyonki ‘amarbhav’ka vardaan mila hua hai। jo vardaani hain woh sada maalaamaal hain to aisa nasha aur khushi sada kaayam rahe, kabhi-kabhi nahin। amarbhav arthaat nirantar sada khushi mein baap ke saath samaanta ki raas khelte raho। baap ke saath raas bhi vahi khelenge jo samaan honge। sada samaanta hi raas hai to aise raas khelte ho? jo yahaan sada baap ke samaan rehte hain va khushi mein naachte rehte hain vahi phir bhavishya mein bhi saath-saath raas karenge। brahma baap ke saath part bajaana, to baap samaan honge tab to part bajaayenge na।

shakti sena sada vijay ka jhanda lahraane vaali ho na? kitna ooncha jhanda lahraaya hai? itna ooncha jhanda hai jo saari vishwa dekh sakenge। jhanda lahraaya zaroor hai lekin abhi ooncha uthaana hai। agar koi attraction ki vastu kahaan bhi najar aati to sabki nazar automatically jaati hai, na chaahte bhi aakarshan hoti hai। to aisa aakarshan vaala jhanda lahraao jo na chaahte bhi sabki nazar jaae। vaise to dharni abhi parivartan hoti ja rahi hai, abhi sabke kaanon mein yeh aavaaz goonjane vaala hai ki agar satya kaarya hai to inhon ka hi hai, sab taraph se niraash honge aur isi taraph aasha ka deepak dikhaai dega। iske liye samparka badhaao। samay par samparka nahi sada samparka। samparka mein aane vaalon ko aage badhaate chalo, koi na koi programme samay prati samay rakhte ho। har varga ki seva karni hai, ant mein koi bhi ulhana na de sake ki humein nahi bataaya। isliye sab dharma vaalon ko sandesh zaroor dena hai।

2. tamoguni vaataavran se safety ka saadhan - baap ka saath :- apne ko is puraani duniya mein rehte kamal pushpa ke samaan nyaare aur baap ke ati pyaare anubhav karte ho?jaise kamal ka pushpa keechad mein rehte bhi nyaara rehta hai, aise puraani duniya mein rehte hue, tamoguni vaataavran se nyaare rehte ho? tamoguni vaataavran ka prabhaav to nahin padta। jo sada baap ko apna saathi banaate aur saakshi ho part bajaate woh sada nyaare honge। jaise waterproof hota hai na to kitna bhi paani pade lekin ek boond bhi asar nahin karengi। aise sada maayaaprooph ho ki maaya ka asar hota hai?jab baap ke saath ka kinaara karte ho tab asar hota hai। kinaara dekh maaya apna vaar kar deti hain। sada saath raho to maaya ka vaar nahin ho sakta। sabhi bachchon ko maayaajeet banne ka vardaan hai lekin maayaajeet ka paper to hoga na! paas nahin honge to paas with honour kaise kahlaayenge। sada yeh yaad rakho ki ham sarvashaktivaan ke saath hain। agar koi bahaadur ka saath hota hai to kitna nirbhay rehte hain, yeh to sarvashaktivaan ka saath hai to kitna nirbhay rehna chaahiye। sada apne bhaagya ka sitaara chamakta hua dekho। duniya vaale aaj bhi aapke bhaagya ka varnan kar rahe hain, to apne bhaagya ka sitaara dekhte raho।

3. double light ki sthiti se pahaad jaisa kaarya bhi rooi samaan :- sabhi double light ho na! kisi bhi prakaar ka bojh anubhav na ho yeh hai double light। double light arthaat bindi swaroop aatma mein bhi koi bojh nahin aur jab pharishte ban jaate to usmein bhi koi bojh nahin। to ya to apna bindu roop yaad rahe ya karma mein pharishta swaroop - aisi stage par sthit hone se kitna bhi bada kaarya aise anubhav karenge jaise karan karaavanhaar kara rahe hain। nimitta samjhenge to double light rahenge। trustee arthaat double light,grihasthi arthaat bojh vaala। trustee hokar chalne se bojh bhi nahin aur saphalta bhi jyaada। grihasthi samajhne se mehnat bhi jyaada aur saphalta bhi kam। to sada double light ke swaroop ki smriti ki samarthi mein raho to koi bhi pahaad jaisa kaarya bhi raai nahin lekin rooi jaisa ho jaayega। raai phir bhi sakhta hoti hai, rooi usse bhi halki,to rooi ke samaan arthaat asambhav bhi sambhav ho jaayega। achha –

4. apni sthiti ko shaktishaali banaane ka saadhan hai - shreshtha smriti :- sada apne ko shreshtha aatma samajhte hue har sankalp aur karma shreshtha karte ho? kyonki jaisi smriti hoti hai vaisi sthiti svatah ban jaati hai। to smriti rehti hai ki ham mahaan shreshtha aatma hain। smriti ko sada chaik karo ki nirantar vishesh aatma ki rehti hai - ya chalte- chalte saadhaaran ban jaati hai। sada apna occupation ki main vishwa mein brahman choti hoon। sada apne mastak par smriti ka tilak laga hua ho। laukik reeti se bhi brahman tilak lagaate hain, to yeh nishaani ab sangamayug ki hai,to sada tilak kaayam rehta hai?maaya mitaati to nahin hai। sada attention rahe to smriti ka tilak amit aur avinaashi rahega। achha - om shanti।