Avyakt murli du mercredi 5 décembre 1979

>

05-12-79om shanti avyakt baapdaadaamdhuban

vijay ka jhanda lahraane ke liye realisation course shuru karo

aaj baap-daada apni roohaani sena ko dekh rahe the। sena mein sab prakaar ki nambarvaar sthiti anusaar mahaarthi, ghode-savaar aur pyaade dekhe। mahaarthiyon ke mastak mein arthaat smriti mein sada vijay ka jhanda lahra raha tha। ghode-savaar arthaat second number - unke mastak arthaat smriti mein vijay ka jhanda to tha hi lekin sada nahin lahra raha tha। kabhi khushi ki jhalak se va nishchay ki phalak se jhanda lahraata tha aur kabhi jhalak aur phalak ki vaayu kam hone ke kaaran jhanda lahraane ki bajaae ek hi jagah khada ho jaata tha। teesre, pyaade bahut prayatna se nishchay ki rassi se, khushi ki jhalak se jhande ko lahraane ke prayatna mein khoob lage hue the। lekin kaheenkaheen kamzori ki gaanth hone ke kaaran atak jaata tha, lahraata nahin tha। phir bhi khoob purushaartheer mein lage hue the। kisi-kisi ka purushaarthi ke baad lahraata bhi tha lekin kuchh samay ke baad,kuchh mehnat ke baad। isliye woh jhalak aur phalak nahin thi। baap-daada bachchon ki mehnat dekh door se sakaash bhi de rahe the arthaat ishaara de rahe the ki aise karo। koi-koi bachche ishaare ko dekh saphal bhi ho rahe the lekin koi-koi itna mehnat mein busy the jo ishaare ko catch karne ki phursat hi nahin thi। aisi sena mein teenon prakaar ke yoddha dekhe। jab mehnat se ya sahaj hi sabka jhanda achhi tarah se lahraane laga to jhande ke lahraane se hi vijay ke pushpon ki arthaat baap aur bachchon ke pratyakshata ke pushpon ki varsha-samaan raunak ho gai। bachche jo mehnat kar rahe hain unko baap-daada sahaj saadhan sunaate hain।

nirantar yogi banne ka aadhaar sarva sambandhon ka sahayog

samay par va nirantar vijay ka jhanda kyon nahin lahraata hai, uska kaaran kya hai?aap log bhi function mein jhanda lahraate ho to samay par kyon nahin lahraata hai। kaaran? pahle se rehearsal nahin karte। aise vijay ka jhanda lahraane ke liye mukhya baat realisation nahin hai। amritbele se realisation course shuru karo। varnan to sabhi karte ho lekin varnan karna aur realisation karna arthaat anubhooti karna,usmein antar ho jaata hai। ek hai sunna, va sunaana ki baap se sarva sambandh hain। lekin harek sambandhon ki anubhooti aur praapti apni-apni hai। to sarva sambandhon ki anubhooti va praapti mein magna raho to puraani duniya ke vaataavran se sahaj hi upraam rah sakte ho। har kaarya ke samay bhinna-bhinna sambandh ka anubhav kar sakte ho। aur usi sambandh ke sahayog se nirantar yog ka anubhav kar sakte ho। har samay baap ke bhinna-bhinna sambandhon ka sahayog lena arthaat anubhav karna hi yog hai। aise sahaj yogi va nirantar yogi kyon nahin bante ho? baap kaise bhi samay par sambandh nibhaane ke liye bandhe hue hain। jab baap saath de rahe hain to lene vaale kyon nahin lete। sahayog lena hi yog kaise hota hai,yeh anubhav karo। maata ka sambandh kya he? baap ka sambandh kya hai? sakha aur bandhu ka sambandh kya hai, sada saajan ke sang ka anubhav kya hai yeh alag-alag sambandh ka rahasya anubhav mein aaya hai! agar ek bhi sambandh ki anubhooti se vanchit rah gaye to saara kalpa hi vanchit rah jaayenge। kyonki kalpa mein ab hi sarva anubhvon ki khaan praapta hoti hai। ab nahin to kabhi nahin। to apne aapko check karo kis sambandh ki anubhooti ab tak nahin kar paaye hain। isi prakaar se gyaan ki subject mein jo bhi paanintas varnan karte ho us har paaninta ka anubhav kiya hai? jaise varnan karte ho ham svadarshan chakradhaari hain to sva ke darshan ka anubhav,kis aadhaar se kehte ho? darshan arthaat jaanna। jaanne vaala us jaanne ki authority mein rehta hai। jaise aajkal ke shaastravaadi sirf shaastra padhte hain, ratte hain phir bhi svayan apne ko shaastra ki authority samajhte hain। aap sab ratte nahin ho lekin usmein raman karte ho। raman karne vaala arthaat manan dvaara swaroop mein laane vaala, aisa sada gyaan ki authority arthaat sada gyaan ki har paaninta ke nashe mein rahne vaala hoga। aise har gyaan ki paaninta ke authority arthaat anubhav ke nashe mein rehte ho? isi prakaar se jo dhaarna ki subject mein bhinna-bhinna gunon ka varnan karte ho us har gun ke anubhav ki authority ho?speaker ho,shrota ho ya authority ho?isi mein number ho jaate hain।

mahaarthi arthaat har shabd ke anubhav ki authority। ghodesvaar arthaat sunne sunaane vaale jyaada, anubhav ki authority mein kam। to sahaj saadhan kya hua? realisation ki kami arthaat anubhvi moorta banne ki kami। bhakti aur gyaan ka vishesh antar hi yeh hai। woh varnan hai aur yeh anubhav hota hai। nirantar yogi banne ka aadhaar - sada sarva sambandhon ka sahayog lo। anubhvi bano। samjha? anubhav ki khaan ko achhi tarah se praapta karo। thoda-sa nahin lekin sarva praapti karo। do-teen sambandh ka,do-teen paainta ka anubhav nahin lekin sarva anubhvi moortta। master almighty authority bano to sada vijay ka jhanda lahraata rahega।

baap ka sarva par sneh hai। mahaaraashtra vaalon se bhi sneh hai। mahaaraashtra vaale, sabhi anubhvi moorta banna। to mahaaraashtra ki visheshta sab vijayi ho jaaen। kshatriy nahin jo sada hi mehnat mein lage rahen। lekin sada vijayi। ab kshatriy-pan ke samay ki samaapti ho gai। agar is samay tak bhi kshatreey rahenge to chandravanshi ban jaavenge। ab samay hai brahman arthaat vijayi banne ka। bahut kaal ka vijayi sanskaar chaahiye। ab to samay hi kam hai। to ab se vijayi-pan ke sanskaar nahin bharenge to chandravanshi ban jaavenge। isliye apne bhaagya ki lakeer ko abhi bhi parivartan kar sakte ho।

aise sada vijayi, sarva sambandhon ke anubhvon ki authority, gyaan ki har paaninta ke authority,har gun ke anubhav ki authority, seva ki subject mein all-rounder aur ever ready is visheshta ki authority, aise baap-samaan shreshtha aatmaon ko baap-daada ka yaad-pyaar aur namaste।

(mahaaraashtra zone ki party ke saath)

1. nishchay buddhi ke man ki khushi ki aavaaz - paana tha jo pa liya :-

sada sarva khazaanon se sampanna arthaat apne ko maalaamaal samajhte ho? jaise baap sada sampanna hai, aise baap-samaan sabhi khazaanon se sampanna ho?koi bhi khazaane ki kami nahin। aise man se khushi ka aavaaz nikalta hai ki paana tha vo pa liya? mukh ka aavaaz nirantar ka nahin ho sakta,lekin man ka aavaaz nirantar avinaashi hai। to yeh man se aavaaz nikalta hai ki pa liya hai? andar se aata hai ya abhi samajhte ho ki paayenge,pa to rahe hain। atal nishchaybuddhi bachche ban gaye ho? bachcha banna arthaat adhikaari banna। kabhi bhi apne mein bhi sanshay na ho। sampoorn banenge ya nahin? sooryavanshi banenge ya chandravanshi?sada nishchaybuddhi! jaise baap mein nishchay hai vaise svayan mein bhi nishchay। svayan mein agar kamzori ka sankalp utpanna hota hai to kamzori ke sanskaar ban jaayege। jaise koi ek baar bhi shareer se kamzor ho jaata hai,thode samay mein tanduroosta nahin ban saka to kamzori ke germs pakke ho jaate hain। aise vyartha sankalp roopi kamzori ke germs apne andar pravesh nahin hone dena। nahin to unko khatma karna mushkil ho jaayega।

jo bhi drama ki scene dekhte ho, chaahe woh halchal ki scene ho ya achal ki, lekin donon mein nishchay। halchal ki scene mein bhi kalyaan ka anubhav ho। aisa nishchaybuddhi। vaataavran hilaane vaala ho, samasya vikraal ho lekin sada nishchaybuddhi। isko kehte hain - vijayi। to nishchay ke aadhaar se vikraal samasya bhi sheetal ho jaayegi।

bhinna-bhinna bhaasha ke hote hue bhi ek mat, ek baap, ek hi nishchay aur ek hi manzil। sirf sevaartha bhinna-bhinna sthaanon par rahe hue ho। agar sabhi ek sthaan par baith jaaen to chaaron or ki seva kaise hogi? jab seva samaapta ho jaayegi tab sabhi madhuban aa jaayenge। lekin woh bhi kaun aayenge?jo nashtomoha honge। jinki buddhi ki line clear hogi। us samay telephone va telegram se bulaava nahin hoga, lekin buddhi ki line clear hone se bulaava pahunch jaayega। aisi haalten banengi jo jis train se aapko pahunchna hoga vahi chalegi, uske baad nahin। agar line clear hogi to saadhan bhi mil jaavenge। nahin to kahin-na-kahin atak jaayenge। isliye bahut kaal ka nirantar yog chaahiye। kavach hai, kavach vaala sada safe rehta hai। safety ki dress hai hi - yaad ka kavach।

maataayen teevra purushaarthi ho na? abhi ghar mein nahin baith jaana, abhi group banaakar chaaron or seva ke liye phail jaao। centre kholo। agle saal dekhenge kitne centre khole। samasyaaon ke pahle sabko sandesh de do। to sabhi aapke bahut gungaan karenge। abhi seva kendra kholte jaao। sandesh dene ke liye koi saadhan apnaao।

2. drama ki knowledge se kya-kyon ke question ko samaapta karne vaale hi prakritijeet aur maayaajeet bante hain - sabhi prakritijeet va maayaajeet bane ho? yeh 5 tatva bhi apni taraph aakarshit na karen aur 5vikaar bhi vaar na karen। aise maayaajeet aur prakritijeet dono hi paper mein paas ho! agar koi prakriti dvaara paper aaye to paas hone ki shakti dhaaran ho gai hai?halchal mein to nahin aayenge?zara bhi halchal mein aana arthaat fail। yeh kya, yeh kyon, yeh question bhi utha to kya result hogi। agar zara bhi koi prakriti ki samasya vaar karne vaali ban gai to fail ho jaayenge। kuchh bhi ho, lekin andar se sada yeh aavaaz nikle vaah meetha drama। itna drama ka gyaan pakka kiya hai! ya jab achhi baate hai to drama hai,halchal ki baaten hain to haay-haay। ‘haay kya hua’ yeh sankalp mein bhi na aaye, aise mazboot ho? kyonki aage chalkar ab aisi samasyaayen prakriti dvaara bhi aane vaali hai! praakritik aapdaayen to din-pratidin badhne vaali hain na। to aisi sthiti ho jo koi bhi sankalp mein bhi halchal na ho। aise achal aur adol bane ho?agar bahut samay ka maayaajeet va prakritijeet ka abhyaas nahin hoga to result kya hogi! ek second ka paper aana hai। us samay agar taiyaari karne mein lag gaye to result nikal jaayega। ek second mein paas ho jaaen, iska abhyaas chaahiye। agar yeh bhi socha ki yog lagaayen,yaad mein baithen to bhi second to beet jaayega। yuddha mein hi shareer chhod denge। purushaarthi jeevan mein yuddha karte-karte hi shareer chhoota to result kya hogi! chandravanshi ban jaayenge। isliye harek sada 108 ki maala mein aane ka lakshya rakho। lakshya shreshtha hoga to lakshan automatically aa jaayenge। 16 hajaar ka lakshya kabhi nahin karna। number one aane ka purooshaartha aur lakshya rakho।

shaktiyaan sada shastradhaari shrringaareemoorta aur sanhaar karne vaali - donon hi swaroop mein sthit rehti ho? kabhi rone vaali to nahin ho na?sada harshit। man se bhi rone vaali nahin। zara bhi maaya se haar hui to man se rona hota hai। maataaon ko to sada khushi mein naachna chaahiye - kyonki na-ummeed se ummeedvaar ho gai, baap ne sir ka taaj bana diya to kitni khushi honi chaahiye। paandav bhi maataaon dekhkar khush hote hain। kyonki shaktiyaan hain hi paandavon ke liye dhaal। dhaal mazboot hogi to vaar nahin hoga। isliye maataaon ko aage rakhne mein paandavon ko khush hona chaahiye। agar svayan aage rahenge to dande khaane padenge। shaktiyon ko aage rakhenge to paandavon ki bhi mahima hai। aage rakhna bhi aage hona hi hai।

3. apni visheshta ko jaanne vaale hi vishesh aatma bante hain :- jaise bachche baap ke sneh mein sada magan rehte hain vaise baap bhi bachchon ki seva mein hi sada magan rehte hain। bachchon ko baap ke sivaae koi nahin aur baap ko bachchon ke sivaae koi nahin। jaise aap baap ke gun gaate ho vaise baap bhi har bachche ke gun gaate hain। roz har bachche ki visheshta aur gunon ko saamne laate hain kyonki jo bhi baap ke bachche bane hain woh hain hi vishesh aatmaayen। to vishesh aatmaon ki visheshta baap bhi gaate hain। jaise jauhri har ratna ki value ko jaante hain vaise baap bhi har bachche ki shreshthata ko jaante hain। har ratan ek-doosre se shreshtha hai। to aise shreshtha samajhkar chalte ho?saadhaaran nahin ho। last daana bhi saadhaaran nahin hai baap ko jaanne ki visheshta to last mein bhi hai। aap last nahin lekin first jaane vaale ho। abhi koi bhi number fix nahin hai। sab seat khaali hain। seeti nahin baji hai। seeti bajegi,seat len lenge। last vaala bhi fast jaakar first le sakta hai। maataapita ko chhod karke baaki sab seeten khaali hain। abhi takdeer aapke haath mein hain,bhaagyavidhaata baap ne takdeer aapke haath mein de di hai jo chaaho woh banaao। abhi is sangam ke samay ko vardaan mila hai jo chaahe, jaisa chaahe, jitna chaahe utna bana sakte hain। to aise golden chance ko apnaaya hai?

seva ka kitna bhi vistaar ho lekin svayan ki sthiti saar roop mein ho। abhi-abhi direction mile ek second mein master beej ho jaao to ho jaao। time na lage। second ki baazi hai। ek second ki baazi se saare kalpa ki takdeer bana sakte ho। jitni chaaho utni banaao।