Avyakt murli du lundi 7 janvier 1980

>

07-01-1980 om shanti avyakt baapdaada madhuban

"sangamayugi baadshaahi banaam satayugi baadshaahi"

baapdaada aaj sangam yugi begampur ke baadshaahon ki sabha dekh rahe hain। sangam yug hai hi - begampur। sangamayugi sarva brahman begampur ke baadshaah hain। satayugi baadshaahi is sangamayug ki begampur ki baadshaahi ke aage kuchh bhi nahin hai। vartamaan samay ki praapti ka nasha, khushi, satayug ki baadshaahi se padmaguna shreshtha hain।

aaj vatan mein satayugi baadshaahi aur sangamayugi baadshaahi donon ke antar par rooh-roohaan chal rahi thi। satayug ki baadshaahi ki baaten to us din bahut suni, aur khush bhi bahut hue। lekin sangamayug ki shreshthata kitni shreshtha hai,uske bhi anubhvi ho na?

1. satayug ki dincharya mein prakriti mein natural saaz jagaayenge lekin sangamayugi braahmanon ke aadikaal - amritbele se shreshthata dekho to kitni mahaan hai। vahaan prakriti ka saadhan hai aur sangamayug par aadikaal arthaat amritvele kaun jagaata hai? svayan prakriti ka maalik bhagwan tumhein jagaata hain।

2. madhur saaz kaun sa sunte ho? baap roj ``bachche - meethe bachche''kahkar bulaate hain। yeh natural saaj, eeshvareey saaz satayugi prakriti ke saaz se kitna mahaan hai। uske anubhvi ho na?to satayugi saaz mahaan hai ya ye sangamayug ke saaz mahaan hain? saath-saath satayug ke sanskaar aur praalabdha banaane va bharne ka samay hai। sanskaar bharte hain, praalabdha banti hai। isi sangamayug par hi sab hota hai।

3. vahaan satopradhaan ati svaadishta ras vaale, vriksha ke phal khaayenge। yahaan vrikshapti dvaara sarva sambandhon ke ras, sarva praapti-sampanna pratyaksha phal khaate ho।

4. woh golden ej ka phal hai। aur yeh diamond ej ka phal hai, to shreshtha kaun-sa hua?

5. vahaan daas-daasiyon ke haath mein palenge yahaan baap ke haathon mein pal rahe ho।

6. vahaan mahaan aatmaaen maa-baap honge,yahaan paramatma maata-pita hain।

7. vahaan ratan jadit jhlon mein jhoolenge yahaan sabse bade-se-bada jhoola kaun-sa hai, woh jaante ho? baap ki godi jhoola hai। bachche ke liye sabse pyaara jhoola maata-pita ki godi hai sirf ek jhoola bhi nahin, bhinna-bhinna jhoolon mein jhool sakte ho। ateendriy sukh ka jhoola,khushiyon ka jhoola, vahaan ratan jadit jhoola hai aur yeh jhoola kitna mahaan hai।

8. vahaan ratnon se khelenge, khilaunon se khelenge,aapas mein khelenge lekin yahaan baap kehte hain sada mere se, jis bhi roop mein chaaho us roop mein khel sakte ho। sakha ban karke khel sakte ho, bandhu banaakar bhi khel sakte ho। bachcha ban karke bhi khel sakte ho, bachcha banaakar bhi khel sakte ho। aisa avinaashi khilauna to kabhi nahin milega। jo na tootega na phootega aur kharcha bhi nahin karna padega।

9. vahaan aaraam se gadelon par soyenge, yahaan yaad ke gadelon par so jaao।

10. vahaan nindra-lok mein chale jaate ho lekin sangam par baap ke saath sookshm vatan mein chale jaao।

11. vahaan ke vimaanon mein sirf ek lok ka sair kar sakenge ab buddhi roopi vimaan dvaara teenon lokon ka sair kar sakte ho।

12. vahaan vishvanaath kahlaayenge aur ab trilokeenaath ho।

13. vahaan do netri honge, yahaan teen netri ho।

14. sangamayug ke antar mein arthaat knowledgeful,powerful,blissful iske antar mein vahaan kya ban jaayenge?royal buddhu ban jaayenge।

15. duniya ke hisaab se parampoojya honge, vishwa dvaara maanneey honge lekin knowledge ke hisaab se mahaan antar pad jaayega।

16. yahaan to good morning,goodnight baap se karte ho aur vahaan aatmaaen aatmaon se karengi।

17. vahaan vishwa raajya-adhikaari honge, raajyakartta honge aur yahaan vishwa kalyaankaari,mahaadaani, vardaani ho। to shreshtha kaun hue? satayugi baaten to sunkar sada khushi swaroop ban jaao।

18. vahaan variety prakaar ka bhojan khaayenge aur yahaan brahma bhojan khaate jiski mahima devtaaon ke bhojan se bhi ati shreshtha hai। to sada satayugi praalabdha aur vartamaan samay ke mahatva aur praapti ko saath saath rakho। to vartamaan samay ko jaante hue har second aur sankalp ko shreshtha bana sakenge। samjha।

aaj panjaab ka zone aaya hai। panjaab ki do visheshtaayen hain। ek panjaab ka paani aur doosra panjaab ki kheti। kaurav government ne panjaab mein do visheshtaayen dikhaai hain aur paandav government ki taraph se panjaab ne kya visheshta dikhaai hai। panjaab ne gyaan nadiyaan roopi hands to nikaale lekin wonder bhi kiya hai। panjaab ki nadiyaan panjaab mein hi rehti hain। isliye panjaab ka paani mashhoor ho gaya hai। jaise panjaab mein bina season ke anaaj paida kar lete hain, aise saadhan banaaye hain to panjaab vaalon ko 12hi maas ke 12hi phal dene chaahiye। jab science ki shakti se bina season ke anaaj paida kar lete hain to kya silence ki shakti sangamayug ki full season hote hue bhi har maas ka phal nahin de sakti? jaise woh log saadhan apnaate hain jo asambhav se sambhav kar ke dikhaate hain to saadhna dvaara panjaab ki dharti ko parivartit karo। pratyaksha phal dena pade। panjaab ko yeh naye varsha mein salogan yaad rakhna hai। kaun-sa slogan? ``turant daan mahaapunya''abhi to gyaan gangaaon ka part hai,paandav baikbaun hain। lekin aage nimitta to shaktiyon ko rakhenge। ismen bhi paandavon ka phaayda hai। nahin to dande khaane padenge। vishesh panjaab mein to bahut dande padenge। isliye shaktiyaan guide aur paandav guard theek hain। guard aur god raas mil jaati hai। jaise baap backbone ho ke shaktiyon ko aage karte hain vaise paandav bhi baap-samaan backbone ho shaktiyon ko aage rakhen। to ab naye varsha mein panjaab kya naveenta dikhaayega? dharti parivartan ki naveenta। samjha।

videsh seva mein achhe-achhe mahaaveer mahaaveerniyaan science par silence power se vijay praapta karne vaale taiyaar ho rahe hain। achhe-achhe serviceable, baap ki bhujaayen taiyaar hui padi hain। right hands hain। right hands dvaara sada shreshtha aur sahaj kaarya hota hai। to videsh mein right hands taiyaar ho rahe hain। achha,phir milenge to visheshta sunaayenge। desh aur videsh ke donon bachchon ko baap-daada mubaarak dete hain। jo nazdeek va door se milan mele mein pahunch gaye hain।

aise sada baap se milan manaane vaale, din-raat - ``ek baap doosra na koi''isi dhun mein rahne vaale, sada vishwa ki aatmaon prati sarva khazaanon se mahaadaan aur vardaan dene vaale, sada sangamayug ki visheshta ko saamne rakh shreshtha bhaagya ke smriti-swaroop,aise sada shreshtha vritti, shreshtha vibration dvaara vishvakalyaankaari aatmaon ko baap-daada ka yaad, pyaar aur namaste।

karmendriyon ka raaja hi raajya-adhikaari

party se - panjaab zone

panjaab vaasiyon ko vishesh aatma hone ke kaaran vishesh phal avashya dena pade। panjaab mein vishesh `akaaltakhta'ka yaadgaar hai। jahaan takhta ka yaadgaar hai vahaan ke nivaasi svayan bhi sada akaaltakhta par viraajmaan hain। apni karmendriyon dvaara saakshi ho kaarya karte hue svaraajya adhikaari ho। akaaltakhtansheen aatma arthaat raajya-adhikaari। aise raajya adhikaari ban karke chalte ho?karmendriyon ke adheen to nahin hote। jahaan adheenta hogi, vahaan kamzori hogi। aadha kalpa kamzor rahe ab apna raajya liya hai?raajya athva adhikaar lene ke baad adheenta samaapta ho jaati hai। to raajya adhikaari ho na! koi karmendriy arthaat kaaryakartta aapke oopar raajya to nahin karta? jaise aajkal ki duniya mein praja ka praja par raajya hai, vaise aapke jeevan mein praja ka raajya to nahin hai na? praja hain yeh karmendriyaan। praja ke raajya mein sada halchal rehti hai aur raaja ke raajya mein achal raajya chalta। to achal raajya chal raha hai na?

vartamaan samay sankalp ki halchal bhi badi gini jaayegi। pahle samay tha jab sankalp ko free chhod diya, vaacha,karmana par attention rakhte the lekin abhi mansa bhi halchal na ho। kyonki last mein hai hi mansa dvaara vishwa-parivartan। abhi mansa ka ek sankalp bhi vyartha hua to bahut kuchh ganvaaya। ek sankalp ko bhi saadhaaran baat na samjho। itna attention। ab samay badal gaya,purooshaartha ki gati bhi badal gai। to sankalp mein hi fullstop chaahiye। mansa par bhi attention ho isko hi kaha jaata hai - `chadhti kala'। sada chadhti kala rahe, abhi sada ka hi sauda hai।

(videshi party ke saath avyakt baap-daada ki mulaakaat)

landan-sada apne holeelainda ki smriti mein rehte ho? holeelainda mein rahne vaale sada apni holi stage mein sthit rahenge। apne ko sada sampoorn pavitra aatma ki stage par anubhav karte ho?jab yahaan pavitrata ke taajdhaari bante ho tab vahaan ratnajdit taaj bhi milega। sada apne upar light ka crown anubhav karo। jo raajkumaar aur raajkumaariyaan hoti hain ve taajdhaari hote hain na। aap to saahabjaade aur saahabjaadiyaan ho to bigar taaj ho kaise sakte! london nivaasi to sabhi taajdhaari hain na? aise taajdhaari jo sab aapke crown ko dekh namaskaar karen।

sada isi smriti mein raho ki ham pure aatmaayen purity ke light ke taajdhaari hain। maaya aapke taaj ko utaarti to nahin hai na? abhi maaya ko yahaan hi vidaai dekar jaana। maaya ka roop parivartit karke jaana। dushman ke bajaae khilaune ke roop mein aaye। is naye varsha mein yahi parivartan karo।

America -paanch paandav hain, paanch paandavon ne kalpa pahle bhi kya kamaal ki thi, 5 hote hue bhi kitni akshohini sena ke oopar vijayi bane। vijay ka jhanda lahraane vaali paandav sena ho na? ek-ek paandav kitne ke baraabar ho?woh akshohini sena yeh 5paandav। to kitne vailyoobal aur amoolya ho। abhi America ke chaaron or phail jaao। jaise jaal bichhaai jaati hai na, aise apne yog shakti ka jaal bichha do to jo bhi bhatakti hui aatmaayen hongi woh pahunch jaayengi। America mein vishesh khushi aur shanti ki abhilaashi aatmaayen jyaada hain,unhein khushi aur shanti ka daan dete raho to bahuton ki aasheervaad mil jaayegi।

gyaana party - sada serviceable ratan ho na? harek ke andar seva ka sanskaar aise bhara hua hai jaise shareer mein khoon samaaya hua hai। jaise agar khoon nikal jaae to shareer bekaar ho jaata hai। aise seva nahin karte to aise hi ban jaate hain jaise jeete hue bhi mare ke samaan hain। seva hi brahman jeevan ka vishesh aadhaar hai। sabhi ke andar seva hi samaai hui ho। serviceable ka tilak sabke mastak par laga hua ho,gyaana vaalon ne bhi service ka saboot achha dikhaaya hai। gyaana ke vishesh vyaktiyon ka drishtaanta dekar anek sthaanon par seva hogi। gyaana ke service mein vishesh nimitta bane hue hain। jaise naynon mein taara samaaya hua hai vaise jo baap-daada ke sikeeldhe ratan hain ve bhi naynon mein samaaye hue hain।

jarmani party -jarmani group ko to bahut hi kamaal karni hai। jarman vaale bhavishya ke liye aisa group taiyaar karo jo bhavishya mein aakar aapki seva ke nimitta bane। satayug mein bhi atomic energy ka kaarya chalna hai। to jarmani mein samparka mein aai hui aatmaayen aise kaarya ke nimitta vahaan banengi।

aap to maalik banenge lekin samparka mein aise aayenge jo seva ke nimitta banenge। to jarmani ko bahut seva karni hai। himmate bachche madde baap। jo samparka mein aaye unki seva karte chalo।

2- svadarshan chakradhaari kabhi bhi chadhti kala aur utarti kala ka chakra nahin chala sakte। abhi beeti so beeti। jaise pichhla varsha khatma hua vaise yeh sanskaar bhi khatma ho jaaen। sanskaar roop se parivartan। sanskaar hai beej। agar beej khatma ho jaayega to vriksha paida nahin hoga। beej, vriksha ko paida na kare uske liye use aag mein jalaaya jaata hai। to kamzoriyon ke sanskaar roopi beej ko yaad ke lagan ki agni mein jala do to vriksha paida nahin hoga arthaat man-vaani aur karma mein kamzori aayegi hi nahin। jaise holi jalaane mein hoshiyaar ho aise holi (pavitra) banne ki holi jalaana to holi (Holy) ho jaayenge। kamzoriyon ko jala diya to vighna-vinaashak ban jaayenge। sada yeh title yaad rakho ki - ham `vighna-vinaashak'hain। sva ke saath-saath vishwa ke bhi vighna-vinaashak। ab vishwa ki seva mein lagna hi padega।