Avyakt murli du lundi 14 janvier 1980

> 14-01-1980 om shanti avyakt baapdaada madhuban

"roohaani senaaniyon se roohaani commander ki mulaakaat"

aaj vishesh kaun-sa sangathan hai? is sangathan ko, apne double sevaadhaari bachchon ko, jo harek double sevaadhaari va double nolenjaphul hain, aise group ko dekh aaj vatan mein ek vishesh sanvaad chala –

brahma baap bole - `ye vishesh meri bhujaayen hain।'shiv baap bole - `yeh meri roodra maala hai'। roodra maala mein vishesh manke hain। aisi chit-chat chalte hue shivbaaba ne poochha brahma baap se ki aap ki yeh sab bhujaayen right hands hain ya left hands bhi hain। right hand arthaat sada samaan, svachchha aur satyavaadi। to sab right hands hain?to brahma baap muskaraaye,aur muskaraate hue bole ki harek ka potaamel to aapke paas hai hi। jab potaamel dekhne ki baat aai, harek bachche ka potaamel saamne emerge hua। kaise emerge hua? ek ghadi ke roop mein। jismen harek ki chaar sabjektsa ke chaar bhaag the। jaise yahaan srishti chakra ka chitra banaate ho। har bhaag mein alag-alag kaante lage hue the jo harek ke chaaron hi sabjektsa ki percentage bata rahe the। sabke potaamel spashta dikhaai de rahe the। potaamel dekhte hue baap-daada aapas mein bole - samay ki ghadi aur bachchon ke purooshaartha ki ghadi donon ko dekhte hue kya dikhaai diya। samay ki ghadi fast hai aur bachchon ke purooshaartha ki ghadi majority ki do bhaag arthaat do sabjektsa ki result 75% phir bhi theek thi। lekin do sabjektsa ke percentage ki result bahut kam thi। to baap-daada bole - is result ke pramaan ever ready group kahenge। jaise vinaash ka button dabaane ki deri hai, second ki baaji par baat bani hui hai, aise sthaapna ke nimitta bane hue bachche ek second mein taiyaar ho jaaen aisa smriti ka samartha button taiyaar hai? jo sankalp kiya aur ashareeri hue। sankalp kiya aur sarva ke vishwa-kalyaankaari oonchi stage par sthit ho gae aur usi stage par sthit ho saakshi drishta ho vinaash leela dekh saken। deh ke sarva aakarshan arthaat sambandh, padaartha,sanskaar in sabki aakarshan se pare, prakriti ki halchal ki aakarshan se pare,pharishta ban oopar ki stage par sthit ho shanti aur shakti ki kirnen sarva aatmaon ke prati de saken - aise smriti ka samartha button taiyaar hai?jab donombatan taiyaar hon tab to samaapti ho। is group ko dekhkar vatan mein potaamel emerge hua। jaise baahubal vaali sena mein bhi variety prakaar ke sainik hote hain। koi bordar par jaane vaale, yuddha ke maidaan par jaane vaale arthaat direct vaar karne vaale aur doosre unki paalna karne vaale peechhe hote hain। director to backbone hote hain। aise hi yeh jo group hai woh maidaan par seva karne vaala group hai। maidaan mein aane vaali sena ke aadhaar par hi vijay athva haar ki baat hoti hai। agar maidaan mein aane vaale kamzor,shastraheen,darpok hote hain to kabhi bhi director ki vijay nahin ho sakti hain। vishwa-kalyaan ke maidaan par yeh sevaadhaari group hai। yeh group bahaadur hai। saamna karne ki shakti arthaat anubhav karaane ki shakti, sabhi ko shreshtha charitra dvaara baap-daada ka chitra dikhaane ki shakti - aise shastradhaari hain? kya samajhte ho - aise shakti swaroop group hai? chaaron hi sabjektsa ke chaaron hi alankaardhaari hon?do bhuja vaale shakti swaroop ho ya chaar bhuja vaale ho? yeh chaar alankaar chaar sabjektsa ki nishaani hain। to sabhi alankaar dhaaran kie hain? ya kisi ne do dhaaran kie hain, kisi ne teen kiye hain ya ek dhaaran karte hain to doosra chhoot jaata hain? to is group ka mahatva samjha।

shreemat ka kaanta theek to taraazu ke donon palde baraabar rahenge

seva ke maidaan par aane vaala group hai arthaat vijay ke aadhaarmoorta group hai। aadhaarmoorta, majboot ho na? aadhaar hilne vaale to nahin hain na। jaise gyaan aur seva in do sabjektsa ke oopar result 75% dekhi। vaise yaad aur dhaarna in do sabjektsa par bhi jyaada attention de chaaron hi alankaardhaari bano, nahin to srishti ki aatmaon ko sampoorn saakshaatkaar kara nahin sakenge। isliye in do alankaaron ko dhaaran karne ke liye vishesh kya attention rakhenge, double sevaadhaari ho?laukik aur eeshvareey। shareer nirvaah arth aur aatma nirvaah arth double seva mili hui hai। aur donon hi seva baap-daada ke direction pramaan mili hui hain, lekin donon hi sevaaon mein samay ka, shaktiyon ka samaan attention dete ho? taraazu ke donon taraph samaan rakhte ho?kaanta theek rakhte ho ki bina kaante ke taraazu rakhte ho?kaanta hai -`shreemat'। agar shreemat ka kaanta theek hai to donon side samaan hongi। arthaat taraazu ka balance theek hoga। agar kaanta hi theek nahin hai to balance rah nahin sakta। koi-koi bachche ek taraph ka vajan jyaada rakhte hain। kaise? laukik zimmevaariyaan nibhaani hi hain,aise samajhte hain aur eeshvareey zimmevaareeyaan nibhaani to hain,aise kehte hain। woh nibhaani hi hain aur woh nibhaani to hai। isliye ek taraph ka vajan jyaada ho jaata hai aur result kya hoti hai? bojh unko hi neeche le aata hai। oopar nahin uth sakte। bojh vaala side sada neeche dharti par lag jaata hai aur halka oopar uth jaata hai। aur samaan vaala bhi ooncha uthta, neeche dharti par nahin lagega। dharti par lagne ke kaaran dharti ke aakarshan vash ho jaate hain। bojh ke kaaran eeshvareey seva ke maidaan par halke hokar sada saphalta moorta nahin ban sakte। karma bandhan ke, loklaaj ke bojh neeche le aate hain। jis lok ko chhod chuke us lok ki laaj rakhte hain aur jis sangamayug va sangam lok ke ban chuke, us lok ki laaj rakhna bhool jaate hain। jo lok bhasma hone vaala hai us lok ki laaj sada smriti mein rakhte aur jo lok avinaashi hai aur isi lok se bhavishya lok banna hai us lok ki smriti dilaate bhi kabhi-kabhi smriti swaroop bante hain। grihastha vyavhaar aur eeshvareey vyavhaar donon mein samaanta rakhna arthaat sada donon mein halke aur saphal hona।

grihastha vyavhaar nahin, trust vyavhaar

vaastav mein grihastha vyavhaar shabd change karo। grihastha shabd bolte hi grihasthi ban jaate ho। isliye grihasthi nahin ho, trustee ho। grihastha vyavhaar nahin,trust vyavhaar hai। grihasthi bante hain to kya karte hain?grihasthiyon ka kaun-sa khel hai? grihasthi bante ho to bahaane baaji bahut karte ho। aise aur vaise ki bhaasha bahut bolte ho। aise hain na, vaise hain na। baat ko bhi badhaane lag jaate hain। yeh to aap jaante ho karna hi padega, yeh to aise hi hai,vaise hi hai - yeh paath baap ko bhi padhaane lag jaate ho। trustee ban jaao to bahaane baaji khatma ho chadhti kala ki baaji shuru ho jaayegi। to aaj se apne ko grihastha vyavhaar vaale nahin samajhna। trust vyavhaar hai। jimmevaar aur hai, nimitta aap ho। jab aise sankalp mein parivartan karenge to bol aur karma mein parivartan ho hi jaaega। to yahi group ek-ek bahut kamaal kar sakte hain। karmayogi, sahajyogi ka harek sample anek aatmaon ko shreshtha sauda karne ke nimitta bana sakte hain। aur jo bhi had ke guru hote hain unka ek gaddi nasheen shishya apne guru ka naam baala karta hain aur yahaan satguru ke itne sab takhta nasheen bachche ho - ek-ek bachcha kitna shreshtha kaarya kar sakte hain!

baap-daada sabhi bachchon ko aise serviceable, vishwa mein naam baala karne vaale vishwa-kalyaankaari bachcha samajhte hain। jab ek deepak deep maala bana deta hai to aap ek-ek deepak saare vishwa mein deepaavli kar denge। samjha –

is group ko kya karna hai। variety group ko variety varga vaali aatmaon ke sevaadhaari ban sarva ki sadgati va shreshtha jeevan banaane ka aadhaarmoorta banna hai। jaise double videshi hain vaise yeh double knowledgeful hain, double serviceable hain। result bhi double nikaalni hai।

aise sada sarva bandhan-mukta, sada jeevanmukta,vishwa show case ke vishesh show pees, vishwa-parivartan karne ke aadhaar moorta, sada shreemat ke aadhaar par sva-uddhaar aur vishwa-uddhaar karne vaale, aise sada vishwa-sevaadhaariyon ko, behad ke sevaadhaari yon ko baap-daada ka yaad-pyaar aur namaste।

“alag-alag group se avyakt baap-daada ki madhur mulaakaat”

doctors ke prati - double doctors group hain na। jaise sabhi doctors apne had ki doktari ke speshaalista hote hain vaise roohaani doktari mein vishesh kis seva ke nimitta bane hue ho? jaise had ki doktari mein koi aankhon ka, koi vishesh gale ka,koi surgeon,koi sirf davaaeeyaan dene vaala hota hai। to is roohaani doktari mein kya visheshtaayen hain? ek second mein kisi ke puraane sanskaar roopi beemaari ko naynon ki drishti dvaara samaapta kar den arthaat us samay us beemaari se usko bhula den,aisi visheshta vaale doctors ho?jaise woh aankhen theek kar dete ho, aise apni drishti dvaara kisi ke puraane sanskaar ko pahle dava den phir samaapta kara den, us samay shant kar den, aisi visheshta vaale doctors ho। yeh hua aankhon ka doctor jo drishti se parivartan kar den। jaise doctor goli dekar thode samay ke liye darda ko daba dete hain aise aankhon ke doctor ho jo drishti se usko santushta kar do। had ke nahin, roohaani। roohaani aankhon ke doctor arthaat roohaani drishti se shapha dene vaale।

2. operation vaale doctor,jaise woh aujaaron se operation karte ho vaise apne mein jo shaktiyaan hain,yeh shaktiyaan hi yantra ho jaayen, jin yantron dvaara unki kamzoriyaan samaapta ho jaayengi। jaise apne hi thiyetar ke yantron dvaara operation karte ho, patient ke yantra to nahin use karte ho na, aise apni shaktiyon ke yantra dvaara beemaari ko theek kar do, kaami ko nishkaami aur krodhi ko nikrodhi bana do। iske liye sahanshakti ka yantra use karna pade। to aise operation vaale doctor ho? jaise usmein aankh, naak sabke alag-alag speshaalista hote hain aise yahaan bhi alag-alag visheshtaayen hain। yahaan bhi jitni koi degree lena chaahe to le sakta hai। jo sarva visheshtaaon mein all-rounder ho jaate hain ve naameegraami ho jaate hain।

doctors to bahut seva kar sakte hain - kyon? kyonki patient us samay bilkul bhikhaari ke roop mein aate hain। agar us samay doctor unhein jhoothi davaai bhi de dete, paani bhi de dete to bhi bhaavna ke kaaran woh theek ho jaate hain। unhein khushi ki khuraak mil jaati, jisse woh theek ho jaate, davaai se theek nahin hote,khushi se theek ho jaate। to doctors ke paas bhikhaari ke roop mein aate hain, do ghadi ke liye bhi darda mitaao,unhein aap us samay kya bhi sunaao to sunne ke liye taiyaar ho jaate hain। to jaise injection lagaakar second mein uske darda ki sudhbudh bhula dete ho, aise gyaan ka injection bhi lagaao jo puraane sanskaaron ki sudhbudh bhool jaaen। aisa injection aap sabke paas hai na? jo pahle apne ko injection lagaakar sanskaaron ko bhoola sakte hain, woh anubhav ke aadhaar se auron ko bhi laga sakenge। to double doctors ki koi to visheshta honi chaahiye na! abhi koi bhi aayega to aapke paas bhejenge, aise nahin case vaapas chala jaae। bahut achha chance hai seva mein aage badhne ka। doctors to ek din mein kaaphi praja bana sakte hain,roj praja bani-banaai aapke paas aati hai,dhoondhane nahin jaana padta hai। vaise mele pradarshani mein kitna kharcha karke bulaate hain,aapko to bahut sahaj hai। jitnon ko samparka mein laayenge utni praja banti jaayegi। agar sambandh mein laaya to bachche bhi ban sakte hain। koi-koi achha- achha kahkar chale bhi jaayenge lekin woh ant mein halchal ke samay ichchhuk hokar mahsoosta shakti ke saath-saath aayenge। isliye seva karte rehna chaahiye। phir bhi aapko ishta maanenge zaroor। aur kuchh nahin to kam-se-kam aapke bhakta to ban jaayenge। agar ant mein yeh bhi kaha ki inhonne sandesh achha diya, sandeshi the, paigambar the, yeh bhi socha to bhakta ban jaayenge। last stage bhakta hai, woh bhi to chaahiye।

abhi jo aate hain woh 7din ke course se, apni himmat se chalne vaale kam hain,last poor hai na। last poor mein taakat nahin hoti। isliye abhi ki aatmaon ko svayan ke shaktiyon ke sahayog dvaara aage badhaane ka samay hai। aapke bhent mein abhi ki aatmaayen tu let ho gai,kyonki last poor ho gaya isliye svayan ka hullaas dekar unko chalaana hai। aapko mahaadaani,vardaani banna pade। woh apne aadhaar par nahi chal sakte। to aisa powerful yantra nikaalo jo ek second mein anubhav karaane vaala ho। ab apne hamjinsa ki sankhya ko badhaao। abhi aisa injection taiyaar karo jo lagaao aur sudhbudh bhool jaae। us duniya se behosh ho is duniya mein aa jaae। aisa injection taiyaar karna pade। ab dekhenge 80 ke varsha mein apni sankhya kitni badhaate ho। kam-se-kam aapke hamjinsa ulaahna to na den ki hamko bataaya hi nahin,agar ham nahin jaagte the to jagaana to pharja tha, yeh bhi ulaahna denge। ek baar nimantran de diya, parcha bhej diya to kaise jaagenge?jo kumbhakran ki neend mein soya hua ho use ek baar aavaaj de do - a, jaag jaao, to kaise jaagega?isliye baar-baar jagaana pade।

injeeniyarsa -engineer arthaat planning buddhi। engineer sada plan set kar kaarya ko aage badhaate hain। to engineer group arthaat roohaani planning buddhi group, aise ho? is roohaani seva mein bhi planning buddhi ban seva ka plan banaate ho? naya plan banaate ho ya bane hue plan ko practical mein laate ho?planning buddhi to plan banaane ke bina rah na saken। jiska jo kaam hota woh na chaahte bhi usi kaarya mein sada busy rehte hain। to sada jaise us department ka attention rehta hai na - kya karen, kaise karen, kaise saphal banaayen,kis vidhi se vriddhi karen,yahi injeeniyarsa ka kaam hai na to roohaani injeeniyarsa ko eeshvareey seva ki vidhi poorvak vriddhi kaise ho - uska plan banaana pade। agar sabhi apna naya plan taiyaar karen to itne saare plan se nai duniya to jaldi hi aa jaayegi। abhi aisa plan banaao jo kam kharcha aur adhik saphalta vaala ho। jaise sekreen ki ek bhi boond bahut kaam karti hai aise hi plan powerful ho lekin economy vaala ho। aajkal ke samay anusaar economy bhi chaahiye aur powerful bhi chaahiye। roohaani garvanment ke injeeniyarsa aisa plan taiyaar karo। jaise aajkal ek industry ke dvaara anekon ko kaam dene ka plan sochte hain to yahaan bhi plan economy ka ho,sandesh anekon ko mil jaae। jaise vahaan sochte hain ki anekon ko roji mil jaae to yahaan bhi anekon ko sandesh mil jaae। yahaan injeeniyarsa bahut chaahiye। kyonki satayug mein injeeniyarsa kam samay mein aur sundar cheejen taiyaar karenge to yahaan se hi sanskaar chaahiye na। tab to aisa plan banaayenge। aap raaja banenge to bhi banvaayenge to na। idea denge। to nai duniya ka plan banaane ke liye aur seva ki saphalta paane ke liye bhi injeeniyarsa chaahiye। to aapka kitna mahatva hai। aisa mahatva samajhte hue chalte ho?harek ko samajhna chaahiye mujhe saphalta ka saboot dena hai। harek naya plan banaakar pahle apne-apne zone mein practical mein laao phir saara vishwa aapko copy kare। plan paas na hone ka kaaran hota hai ki economy nahin hoti, agar economy aur saphalta ka plan ho to sabhi paas karenge। to 60injeeniyarsa agar 60plan nikaale to 80 mein hi samaapti ho jaae। to 80mein samaapti karenge ya aage। halchal to shuru karo jo sabhi queue mein aa jaaen। samaapti bhi ek second mein nahin hogi, dheere-dheere parivartan hoga। lekan shuru ho jaae aur sabke dil se yeh aavaaj nikle ki ab nai duniya aane vaali hai। jaise science vaalon ne chandrama par jaakar thodi jhalak dikhaai to sabne plot khareedne ki taiyaari shuru kar di,to kam se kam silence ki shakti vaale nai duniya mein plat khareedne ki taiyaari to kara do। booking to kara len। jaise science ki koi bhi invention pahle prayogshaala mein laakar announce karte hain, aise aap log bhi pahle apni area ki prayogshaala mein plan ka prayog karo। phir sab maanenge। plan ki practical saphalta nikle। jo pradarshani va mela dekh chuke unke liye ab naya plan chaahiye। nai aakarshan chaahiye। to planning buddhi plan nikaalo। drama anusaar jo visheshta mili hui hai, us visheshta ko kaarya mein lagaana arthaat vishesh lottery lena।

naye-naye saadhan banaane ka plan nikaalo, copy mein nahin, practical mein। vahaan ke to kaagaj par hi rah jaate hain। lekin yeh practical ke plan hon।