Avyakt murli du lundi 4 février 1980

>

04-02-1980 om shanti avyakt baapdaada madhuban

"bhaagya vidhaata baap aur bhaagyashaali bachche"

aaj gyaan-daata, bhaagya vidhaata baap bachchon ke bhaagya ko dekh rahe hain। sarva shreshtha aatmaon ka bhaagya kitna shreshtha hai,aur kaise shreshtha hai?jaise aap sabhi baap ka parichay dete ho to vishesh 6baaten sunaate ho। jis dvaara baap ke parichay ko spashta karte ho। agar in 6 baaton ko jaan jaaen to aatma shreshtha pad ko pa sakti hai। vartamaan aur bhavishya, donon mein sarva praapti ke adhikaari ban sakte hain। aise baap-daada bhi bachchon ke bhaagya ko 6baaton ke aadhaar se dekh rahe the।6 baaten to achhi tarah se jaante ho?

1. aap shreshtha aatmaon ke naam ka bhi bhaagya hai - jo aapke naam ab bhi vishwa ki aatmaaen varnan karti hain। jaise `brahman choti'। aapke brahman naam se aaj ke naamdhaari brahman ab last samay tak bhi shreshtha gaaye ja rahe hain। ab tak bhi kaam badal gaya hai lekin naam ka maan mil raha hai। aise hi `paandav sena', aaj tak bhi is paandav naam se dilshikasta aatma svayan ko utsaah dilaati hai ki paanch paandavon ke samaan baap ka saath lene se vijayi ban jaayenge। thode hain to koi harja nahin। paandav sada vijayi rahe hain। ham bhi vijayi ban sakte hain। isi prakaar `gop-gopiyaan'। aaj bhi gop gopiyon ki mahima karte khushi mein aa jaate hain। naam sunte hi prem mein lavleen ho jaate hain। isi prakaar se aapke naam ka bhi bhaagya hai।

2. roop ka bhi bhaagya hai - shaktiyon ke roop mein ab tak bhi bhakta log darshan ke liye sarda-garma sahan kar rahe hain। yahaan to phir bhi aaraam hai। woh to dharti aur aakaash ke beech khade-khade tapasya karte hain। to shaktiyon ke roop mein,devi-devtaaon ke roop mein poojan hone ka bhaagya hai। donon roop mein poojya bante ho। to roop ka gaayan aur poojan hai। vishesh poojan ka hi bhaagya hai।

3. aapke gunon ka bhaagya hai - aaj tak keertan ke roop mein varnan kar rahe hain। aisa varnan karte hain jo aap ke gunon ke bhaagya ka prabhaav alpakaal ke liye keertan karne vaalon ko bhi shanti aur khushi ka, aananda ka anubhav hota hai। yeh hai gunon ka bhaagya। aur aage chalo –

4. karttavya ka bhaagya - aaj tak saare varsha mein bhinna-bhinna prakaar ke utsav manaate hain। aap shreshtha aatmaon ne anek prakaar ke saadhnon dvaara aatmaon ke jeevan mein utsaah dilaaya hai। isliye karttavya ke bhaagya ki nishaani utsav manaate hain। aage chalo –

5. nivaas sthaan - nivaas-sthaan arthaat rahne ka dhaam। uska yaadgaar`teerthasthaan'hai। aap ke sthaan ka bhi itna bhaagya hain jo sthaan teertha sthaan ho gaye hain। jiski mitti ka bhi bhaagya hain। agar teerthasthaan ki mitti bhi mastak mein lagaate hain to apne ko bhaagyashaali samajhte hain। jo sthaan ka bhaagya hai aur aage –

6. is sangam samay ke bhaagya ka varnan vishesh amritvele ke roop mein gaaya jaata hai। amritvela arthaat amrit dvaara amar banne ki vela। saath-saath dharmaau yug `purooshottam yug'। numaashaam ka samay bhi shreshtha bhaagya ka maante hain। yeh sab samay ka gaayan aapke is samay ka gaayan hai। to samjha,apne shreshtha bhaagya ko।

aaj baap-daada harek bachche ke bhaagya ko vishesh in 6baaton se dekh rahe the। 6hi prakaar ke bhaagya ko kis percentage mein banaaya hai। apne shreshtha naam ki smriti mein kahaan tak rehte hain, kitna samay rehte hain aur kis stage mein rehte hain। apne divya gundhaari devta ka roop va master sarvashaktivaan shakti roop donon roop mein samartha swaroop kahaan tak hain?aise har baat ki result dekhi। sunaaya ki sookshm vatan mein mehnat nahin karni padti hai checking karne mein। sankalp ka switch on(Switch on)kiya aur harek ka sab prakaar ka total emerge ho jaata hai। saakaar duniya ke maaphik mehnat nahin karni padti hai। jo science ke saadhan abhi nikaal rahe hain uska refine roop vahaan pahle se hi hai। yeh T.vi. to abhi nikli hai lekin aap bachchon ko sookshm vatan mein sthool vatan ka drishya sthaapna ke aadi mein hi dikhaakar anubhav karaaya hai। science vaale mehanti bachche hain,ab sitaaron tak mehnat kar rahe hain। chandrama mein kuchh nahin mila to sitaaren hi sahi। lekin aap bachche silence ki shakti se sitaaron se bhi pare paramdham ka anubhav aadi se kar rahe ho phir bhi harek bachche ko mehnat ka phal zaroor milta hai। unko bhi vishwa mein naam-maan-shaan aur saphalta ki alpakaal ki khushi praapta ho jaati hai। yeh bhi drama ke andar parvash hain arthaat part ke vash hain। jo gaaya hua hai devtaaon ke aage prakriti heere ratnon ki thaaliyaan bhar kar aaye। prithvi aur saagar yeh aapke liye chaaron or phaila hua sona aur moteeheere, ek sthaan par ikattha karne ke nimitta banenge। isi ko kaha jaata hai - thaaliyaan bharkar aaye। thaali mein bikhri hui cheez ikatthi ho jaati hain na। to yeh bhaarat aur aaspaas, yeh sthaan thaali ban jaayenge। sevak bankar vishwa ke maalikon ke liye taiyaari kar aapke aage rakhenge। aise hi devtaaon ke liye sarva riddhi-siddhiyaan bhi sevaadhaari banti hain। yeh jo bhinna-bhinna prakaar ke saadhnon dvaara saphalta arthaat siddhi ko praapta karte hain yeh sab siddhiyaan arthaat science ka bhi refine roop, saphalta roop siddhi ke roop mein aapke sevaadhaari banenge। abhi to accident bhi hai aur praapti bhi hai। lekin refine siddhi roop mein duhkh ka kaaran samaapta ho sada sukh aur saphalta roop ban jaayenge। yeh jo bhinna-bhinna department vaale hain ve apni-apni knowledge ki siddhi, invention ki siddhi aapki seva mein laayenge। isko kaha jaata hai prakriti bhi daasi aur sarva riddhisiddhi ki praapti। order kiya aur kaarya hua। isko kaha jaata hai - `siddhi swaroop'। to samjha, aapka bhaagya kitna bada hai? baap ke bhaagya ko to aatmaayen varnan karti hain lekin aapke bhaagya ko baap varnan karte hain। isse bada bhaagya na hua hai, na hoga। abhi to sabko bhaagya ka sitaara dikhaai de raha hai, jaise abhi spashta dikhaai de raha hai aise sada apne bhaagya ke sitaare ko chamakta hua dekho।

aise shreshtha bhaagyashaali, sarva aatmaon ke bhaagya banaane ke nimitta bani hui aatmaaen sada prakritijeet ban prakriti ko bhi sevaadhaari banaane vaale,master sarvashaktivaan ban shaktiyon ke aadhaar par sarva riddhi-siddhi praapta karne vaale, aise sada sarvashaktivaan ban vishwa-kalyaankaari ban, vishwa ki aatmaon ko mahaadaan va vardaan dene vaale gyaandaata,bhaagya-vidhaata ke bachchon ko baap-daada ka yaad-pyaar aur namaste।

vaayumandal ko power full banaana hi behad ki seva hai

nimitta sevaadhaari bahnon prati -sevaadhaari bachchon ki vishesh seva hi hai - `svayan bharpoor rehna aur sarva ko karna'। shakti swaroop rehna aur shakti swaroop banaana। to isi kaarya mein busy ho?course karaana,bhaashan karna,ye to 7din ke students bhi kar lete hain। jo kaam koi bhi na kare woh aapko karna hai। aapko nimitta banaaya hi hai vishesh kaarya arth। woh vishesh kaarya hai - baap dvaara praapta hui visheshtaaon ko nirbal aatmaon mein apni shubh bhaavna aur shreshtha kaamna se bharna। aapka kaarya hi hai - sada shubh bhaavna aur shreshtha kaamna swaroop banna। shreshtha bhaavna ka arth yeh nahin ki kisi mein bhaavna rakhte-rakhte uske bhaavvaan ho jaao। yeh galti nahin karna। kyonki chalte-chalte ulta bhi kar lete hain। bhaavvaan banna yaani uske bhakta ban jaana arthaat uske gunon par nyauchhaavar ho jaana, maana bhakta banna। to shubh bhaavna bhi behad ki ho। ek ke prati vishesh bhaavna bhi had hai। had mein nuksaan hai,behad mein nahin। vartamaan samay aap bachchon ka kaarya hai - nirbal aatmaon ko apni praapta hui shaktiyon ke aadhaar par shuddh vibrations,vaayumandal dvaara shaktishaali banaana। isi kaarya mein sada busy rehte ho? course karaane ka samay abhi gaya, abhi force ka course karaana hai। course karaane vaale doosre bhi taiyaar ho gaye hain। isliye aap vaayumandal ko powerful banaane ki seva karo। kyonki duniya ka vaayumandal din-pratidin maayaavi banta jaayega,maaya bhi last chance mein apne yantra-mantra aur jantra jo bhi hain woh sab use karegi। attack (Attack) to karegi na?aise vidaai nahin legi। isliye aise vaayumandal ke beech apne seva sthaanon ka vaayumandal bahut hi avyakt aur shaktishaali banaao। jaise aapke jad mandiron ka vaayumandal kaisi bhi aatma ko apni taraph kheenchata hai, alpakaal ke liye ashaanta,shant ho jaate hain। jab jad chitron ke sthaan par aisa vaayumandal hai to chaitanya seva sthaanon par kaisa powerful vaayumandal chaahiye? to check karo - aaj ka vaayumandal shakti shaali raha? jo bhi aaye woh vyakta aur vyartha baaton se pare ho jaae। yeh jo chalte-chalte anek prakaar ke vighna padte hain, ya koi vyakta bhaav mein aa jaate hain to uska kaaran vaayumandal mein vyakta bhaav hai। agar avyakt ho to koi vyakta bhaav ki baaten lekar bhi aayenge to badal jaayenge। jaise jad mandiron mein alpakaal ke liye badal jaate hain na। yeh sadaakaal ki baat hai। kyonki woh jad hai, yeh chaitanya hai। to ab sirf bhaashan ya pradarshani ki list nahin banaani hai lekin saath-saath shaktishaali vaayumandal ki bhi checking karo।

vaayumandal ko powerful banaane ka saadhan kya hai? apne avyakt swaroop ki saadhna hai। yahi saadhan hai। iska baar-baar attention rahe। jis baat ki saadhna ki jaati hai, usi baat ka dhyaan rehta hai na। agar ek taang par khade hone ki saadhna hai to baar-baar yahi attention rahega। to yeh saadhna arthaat baar-baar attention ki tapasya chaahiye। check karo ki main avyakt pharishta hoon? agar svayan nahin honge to doosron ko kaise bana sakenge?

baap ke jo bhi ishaare milte hain un ishaaron ko samajhkar chalte raho। abhi yeh poochhne ka samay gaya ki kaise purooshaartha karen? agar aap hi poochhenge to aur aane vaale kya karenge?isliye jo bhinna-bhinna purooshaartha ki yuktiyaan sunaai hain, unmein se ek bhi yukti apnaao to svayan bhi saphal ho jaayenge aur auron ko bhi saphal bana sakenge।

to ab kya karoon aur kaise karoon ki bhaasha samaapta। murli mein roj kya karoon aur kaise karoon ki baaton ka response milta hai। agar phir bhi poochhte hain to maana murli ko practical mein laane ki shakti kam hai।

phir bhi sabhi sevaadhaari bachchon ko baap-daada hamashreek saathi arthaat phrendsa samajhte hain। isliye phrendsa ko mubaarak ho। lekin apne phrendsa ke samaan aise hi sada saphalta moorta bano। agar ek phrend sada saphalta moorta ho aur doosra dheere-dheere chalne vaala ho to haath mein haath kaise milaakar chalenge? phrendsa maana hi samaan saathi। peechhe-peechhe aane vaale ko phrenda nahin kahenge। baap ho manzil ke nazdeek aur bachche rookne aur chalne vaale hon। to pahunchne ke bajaae dekhne ki line mein aa jaayenge। to aise to nahin ho na?saath chalne vaale ho na?

party se - sabhi apne ko most luckiest samajhte ho? aise anubhav karte ho ki hamne jo dekha, hamne jo paaya woh vishwa ki aatmaayen nahin pa sakti। woh ek boond ke liye bhi pyaasi hain aur aap sab master saagar ban gaye to most luckiest hue na! aisa apna bhaagya samajhkar sada chalte ho? saara din yaad rehta hai ya pravritti mein bhool jaate ho? jo cheez apni ho jaati hai woh kabhi bhoolti nahin hain। apni cheez par adhikaar rehta hai na! to baap ko apna banaaya isliye apne par adhikaar rehta hai na। adhikaari kabhi bhi bhool nahin sakte। yaad mein nirantar rahne ka sahaj saadhan hai - `pravritti mein rehte par-vritti mein rehna'। par-vritti arthaat aatmik roop। aise aatmik roop mein rahne vaala sada nyaara aur baap ka pyaara hoga। kuchh bhi karega lekin aise mahsoos hoga jaise kaam nahin kiya hai lekin khel kiya hai। khel mein maja aata hai na,isliye sahaj lagta hai। to pravritti mein rehte khel kar rahe ho, bandhan mein nahin। sneh aur sahaj yog ke saath-saath shakti ki aur addition karo to teenon ke balance se highjump laga lenge।

is naye varsha mein vishesh apne ko saakshaat baap-samaan banaake chaaron or ke tadapti hui aatmaon ko light house, might house bankar raasta bataate chalo। lakshya rakho ki har aatma ko kuchh-na-kuchh dena zaroor hai। chaahe mukti chaahe jeevanmukti। koi mukti vaale hain to unko bhi baap ka parichay dekar mukti ka vardaan do। to sarva ke prati mahaadaani aur vardaani ban jaayenge। apne-apne sthaan ki seva to karte ho lekin abhi behad ke vishwa-kalyaankaari bano। ek sthaan par rehte bhi mansa shakti dvaara, vaayumandal aur vibration dvaara vishwa-seva kar sakte ho। aisi powerful vritti banaao jisse vaayumandal bane।