Avyakt murli du mardi 17 mars 1981

>

17-03-81 om shanti avyakt baapdaada madhuban

"is sahaj maarga mein mushkil ka kaaran aur nivaaran"

aaj vishesh double videshi bachchon se milne ke liye aaye hain। double videshi double bhaagyashaali hain, kyon?ek to baapdaada ko jaana aur varse ke adhikaari bane। doosra last mein aate bhi fast jaae first jaane ke bahut hi ummeedvaar hain। last mein aane vaale kisi hisaab se bhaagyashaali hain jo bane banaaye par aaye hain। pahle pahle vaale bachchon ne manan kiya, mehnat ki, makkhan nikaala aur aap sab makkhan khaane ke samay par aaye ho। aap logon ke liye bahut-bahut sahaj hai kyonki pahle vaale bachche raasta tay karke anu- bhavi ban gaye hain aur aap sabhi un anubhviyon ke sahayog se sahaj hi manzil par pahunch gaye ho। to double bhaagyashaali hue na?

double bhaagya to drama anusaar mila hi hai, abhi aur aage kya karna hai?

jaise anubhvi mahaarthi nimitta aatmaon ne aap sabki anubhvon dvaara seva ki hai। use aap sabko bhi apne anubhvon ke aadhaar se anekon ko anubhvi banaana hai। anubhav sunaana sabse sahaj hai। jo bhi gyaan ki paaintsa hai, woh points nahin hain lekin har point ka anubhav hai। to har point ka anubhav sunaana kitna sahaj hai! itna sahaj anubhav karte ho va mushkil lagta hai? ek to anubhav ke aadhaar ke kaaran sahaj hai,doosri baat - aadi se ant tak ka gyaan ek kahaani ke roop mein baapdaada sunaate hain। to kahaani sunna aur sunaana bahut sahaj hota hai। teesri baat - baap abhi jo suna rahe hain woh aapas sarva aatmaon ne pahli baar nahin suna hai lekin anek baar suna hai aur ab phir se repeat kar rahe ho। to koi bhi baat ko repeat karne mein, sunne mein ya sunaane mein ati sahaj hota hai। nai baat mushkil lagti hai lekin kai baar ki suni hui baaten repeat karna to ati sahaj hota hai। yaad ko dekho - kitne pyaare aur sameep sambandh ki yaad hai। najdeek ke sambandh ko yaad karna mushkil nahin hota, na chaahte bhi unki yaad aati hi rehti hai। aur praapti ko dekho, praapti ke aadhaar par bhi yaad karna ati sahaj hai। gyaan bhi ati sahaj aur yaad bhi ati sahaj। aur ab to gyaan aur yog ko aap ati sikeeldhon ke liye gyaan ka course saat din mein hi samaapta ho jaata hai aur yog shivir 3din mein hi poora ho jaata। to saagar ko gaagar mein sama diya। saagar ko uthaana mushkil hai,gaagar uthaana mushkil nahin। aapko to saagar ko gaagar mein sama karke sirf gaagar di hai, bas। do shabdon mein gyaan aur yog aa jaata hai - ‘‘aap aur baap''। to yaad bhi aagaya aur gyaan bhi aa gaya, to do shabdon ko dhaaran karna kitna sahaj hai। iseelie title hi hai - sahaj raajayogi। jaisa naam hai vaise hi anubhav karte ho? aur kuchh inse sahaj ho sakta hai kya? vaise mushkil kyon hota hai uska kaaran apni hi kamjori hai। koi na koi puraana sanskaar sahaj raaste ke beech mein bandhan ban rookaavat daalta hai aur shakti na hone ke kaaran patthar ko todne lag jaate hain aur todte-todte dilshikasta ho jaate hain। lekin sahaj tareeka kya hai? patthar ko todna nahin hai lekin jump lagaake paar hona hai। yeh kyon hua? yeh hona nahin chaahiye। aakhir yeh kahaan tak hoga। yeh to bada mushkil hai। aisa kyon?yeh vyartha sankalp patthar todna hai। lekin ek hi shabd ‘‘drama''yaad aa jaata to ek drama shabd ke aadhaar se high jump de dete। usmein jo kuchh din va maas lag jaate hain, usmein ek second lagta। to apni kamjori hui ya knowledge ki?

doosri kamjori yeh hoti jo samay par woh point touch nahin hoti hai vaise sab points buddhi va daayriyon mein bhi bahut hoti hain, lekin samay roopi diary mein us samay woh point dikhaai nahin deti। iske liye sada gyaan ki mukhya points ko roj revise karte raho। anubhav mein laate raho,check karte raho aur apne ko check karte change karte raho। phir kabhi bhi time vesta nahin hoga। aur thode hi samay mein anubhav bahut kar sakenge। sada apne ko master sarvashaktivaan anubhav karenge। samjha। abhi kabhi bhi vyartha sankalpon ke hammer se samasya ke patthar ko todne mein nahin lagna। ab yeh majdoori karna chhodo, baadshaah bano। begampur ke baadshaah ho। to na samasya kaashabda hoga na baar-baar samaadhaan karne mein samay jaayega। yahi sanskaar puraane, aapke daas ban jaayenge, vaar nahin karenge। to baadshaah bano। takhtansheen bano। taajdhaari bano। tilakdhaari bano।

jarman party se -sahaj gyaan aur yog ke anubhvi moortta ho? baapdaada harek shreshtha aatma ki shreshtha takdeer ko dekhte hain। jaise baap harek ke mastak par chamka hua sitaara dekhte hain। vaise aap bhi apne mastak par sada chamakta hua sitaara dekhte ho? sitaara chamakta hai? maaya chamakte hue sitaare ko kabhi dhak to nahin deti? maaya aati hai? maayaajeet jagatjeet kab banenge? aaj aur ab yeh dridh sankalp karo ki master sarvashaktivaan ban, maayaajeet jagatjeet ban karke hi rahenge। himmat hai na?agar himmat rakhenge to baapdaada bhi madad avashya hi karenge। ek kadam aap uthaao to hajaar kadam baap madad denge। ek kadam uthaana to sahaj hai na। to aaj se sab sahajyogi ka title madhuban vardaan bhoomi se vardaan le jaana। yeh group jarman group nahin lekin sahaj yogi group hai। koi bhi baat saamne aaye to sirf baap ke oopar chhod do। jigar se kaho - ‘‘baba''। to baat khatma ho jaayegi। yeh‘‘baba'' shabd dil se kehna hi jaadu hai। itna shreshtha jaadu ka shabd mila hua hai। sirf jis samay maaya aati hai us samay bhula deti hai। maaya pahla kaam yahi karti hai ki baap ko bhula deti। to yeh attention rakhna pade। jab yeh attention rakhenge to sada kamal ke phool ke samaan apne ko anubhav karenge। chaahe maaya ke samasyaaon ki keechad kitni bhi ho lekin aap yaad ke aadhaar par keechad se sada pare rahenge। aapka hi chitra hai na - kamal pushpa! iseelie dekho jarman vaalon ne jhaanki mein kamal pushpa banaaya na। sirf brahma baap kamal par baithe hain ya aap bhi baithe ho? kamal pushpa ki stage aapka aasan hai। aasan ko kabhi nahin bhulaana। to sada cheerful rahenge। kabhi bhi kisi bhi baat mein halchal mein nahin aayenge। sada ek hi mood hogi - ‘cheerful'। sab dekh karke aapki mahima karenge ki yeh sada sahajyogi, sada cheerful hain। samjha? kamal pushpa ke aasan par sada raho। sada cheerful raho। sada baap shabd ke jaadu ko kaayam rakho। yeh teen baaten yaad karna। jarman vaalon ki visheshta hai jo madhuban mein bahut pyaar se bhaagte hue aakarshit hote hue aaye hain। madhuban se pyaar arthaat baap se pyaar। baapdaada ka bhi itna hi bachchon se pyaar hai। baap ka pyaar jyaada hai ya bachchon ka? (baap ka) aapka bhi baap se padamguna jyaada hai। baap to sada bachchon ko aage rakhenge na। bachche baap ke bhi maalik hain। dekho, aap vishwa ke maalik banenge,baap maalik banaayega, banega nahin। to aap aage hue na। itna pyaar baap ka hai bachchon se। ek janma ki takdeer nahin hai, 21janmon ki takdeer aur avinaashi takdeer hai। yeh guarantee hai na?

jarman group ko kamaal dikhaani hai, jaise abhi mehnat karke geeta ke bhagwan ke chitra banaaye,aise koi naameegraami vyakti nikaalo to aavaaj nikaale ki haan geeta ka bhagwan shiv hai। baapdaada bachchon ki mehnat ko dekh bahut-bahut mubaarak dete hain। topic bahut achhi chuni hai। isi topic ko siddha kiya to saare vishwa mein jayjaykaar ho jaayegi। jaise abhi mehnat ki hai vaise aur bhi mehnat karke aavaaj bulanda karna। vichaar saagar manthan achha kiya hai, chitra bahut achhe banaaye।

prashn:- baapdaada har sthaan ki result kis aadhaar par dekhte hain?

uttar:- us sthaan ka vaayumandal va paristhiti kaisi hai, usi aadhaar par baapdaada result dekhte hain। agar sakhta dharni se kalraathi jameen se do phool bhi nikal aaye to woh 100 se bhi jyaada hai। baba ‘‘do ko nahin dekhte lekin do bhi 100 ke baraabar dekhte hain।''kitna bhi chhota centre ho, chhota nahin samajhna। kahaan quality hai to kahaan quantity hai। jahaan bhi bachchon ka jaana hota hai vahaan saphalta aapka janma siddha adhikaar hai।

prashn:- kis double swaroop se seva karo to vriddhi hoti rahegi?

uttar:-roop aur basanta - donon swaroop se seva karo, drishti se bhi seva aur mukh se bhi seva। ek hi samay donon roop ki seva double result nikaalegi।''