Avyakt murli du lundi 16 novembre 1981

>

16-11-81 om shanti avyakt baapdaada madhuban

"vijaymaala mein number ka aadhaar"

avyakt baapdaada apne vijayi ratnon, bachchon ke prati bole:-

‘‘aaj baapdaada apne sikeeldhe shreshtha aatmaon se phir se milne aaye hain। yaad aata hai ki - isi samay, isi roop mein kitne baar mile ho?anek baar milan ki smriti spashta roop mein anubhav mein aati hai? knowledge ke aadhaar par,chakra ke hisaab se samajhte ho va anubhav karte ho?jitna spashta anubhav hoga utna hi shreshtha va sameep ki aatma honge। vartamaan sarva praapti aur bhavishya shreshtha praalabdha ki adhikaari aatma honge। apne aapko isi anubhav ke aadhaar par jaan sakte ho ki mujh aatma ka vijay maala mein kaun sa number hai! vartamaan samay baapdaada bhi bachchon ke purooshaartha aur praapti ke aadhaar par nambarvaar yaad karte arthaat maala aur yaadgaar roop ki vijay maala,jisko vaijayanti maala kehte hain। to donon maalaaon mein mera number kaun-sa hai, yeh jaante ho? apne number ko svayan hi jaante ho va yeh kahenge ki baapdaada sunaaven? baapdaada to jaante hi hain, lekin apne aap ko jaante zaroor ho। baahar se varnan karo, na karo lekin andar to jaante ho na?haan kahenge,va na kahenge?abhi agar baapdaada maala nikalvaayen to kya apna number nahin de sakte?sankoch vash na sunaao woh doosri baat hai। agar nahin jaante to kya kahenge? auron ko challenge karte ho, nishchay aur phakhur se kehte ho ki ham apne 84janmon ki jeevan kahaani jaante hain, yeh kehte ho na sabhi? to 84janma mein yeh vartamaan ka janma to sabse shreshtha hai na! isko nahin jaan sakte ho?main kaun? is paheli ko achhi tarah se jaana hai na?to yeh bhi kya hua? main kaun ki paheli। jaanne ka hisaab bahut sahaj hai। ek hai- yaad ki maala,to jitna sneh aur jitna samay aap baap ko yaad karte utna aur usi sneh se baap bhi yaad karte hain। to apna number nikaal sakte ho। agar aadha samay yaad rehta aur sneh bhi 50 ka hai, va75 ka hai to usi aadhaar se socho 50 sneh aur aadha samay yaad to maala mein bhi aadhi maala samaapta hone ke baad aayenge। agar yaad nirantar aur sampoorn sneh, sivaae baap ke aur koi najar hi nahin aata, sada baap aur aap bhi combined hain to maala mein bhi combined daane ke saath-saath aap bhi combined honge। arthaat saath-saath mile hue honge। sada sab baaton mein number one honge। to maala mein bhi number one honge। jaise laukik padhaai mein first division, second,third hoti hain, vaise yahaan bhi mahaarthi, ghode savaar aur paidal teen division hain।

first division- sada fast arthaat udti kala vaale honge। har second, har sankalp mein baap ke saath ka,sahayog ka,sneh ka anubhav karenge। sada baap ke saath aur haath mein haath ki anubhooti karenge। ‘sahayog do,'yeh nahin kahenge। sada svayan ko sampanna anubhav karenge।

second division- chadhti kala ka anubhav karenge lekin udti kala ka nahin। chadhti kala mein aaye hue vighnon ko paar karne mein kabhi jyaada, kabhi kam samay lagaayenge। udti kala vaale oopar se cross karne ke kaaran aise anubhav karenge jaise koi vighna aaya hi nahin। vighna ko vighna nahin lekin sidescene samjhenge,raaste ke najaare hain। aur chadhti kala vaale- rookenge,vighna hai yeh mahsoos karenge। isliye jara-sa lesmaatra kabhi-kabhi paar karne ki thakaavat va dilshikasta hone ka anubhav karenge।

teesri division- usko to jaan gaye honge। rookna aur chalna aur chillaana। kabhi chalenge, kab chillaayenge। yaad ki mehnat mein rahenge। kyonki sada combined nahin rehte। sarva sambandh nibhaane ke prayatna mein rehte hain। purooshaartha mein hi sada lage rehte hain। woh prayatna mein rehte aur woh praapti mein rehte।

to isse abhi samjho- ‘‘mera number kaun-sa?''maala ke aadi mein hai arthaat first division mein hai va maala ke madhya mein arthaat second division mein va maala ke ant mein arthaat third division mein hai? to yaad aur vijay donon ke aadhaar se apne aapko jaan sakte ho। to jaanna sahaj hai va mushkil hai? to harek ka number nikalvaayen?nikaal sakenge na?

baapdaada sada amritvele se bachchon ki maala simran karne shuru karte hain। harek ratna ki va manke ki visheshta dekhte hain। to amri- tavele sahaj hi apne aapko bhi check kar sakte ho। yaad ki shakti se, sambandh ki shakti se,spashta roohaani T.vi. mein dekh sakte ho ki baapdaada kis number mein mujhe simran kar rahe hain। uske liye vishesh baat- buddhi ki line bahut clear chaahiye। nahin to spashta nahin dekh sakenge। achha, samjha main kaun hoon!

ab to samay ki sameepta kaaran svayan ko baap ke samaan arthaat samaanta dvaara sameepta mein laao। sankalp, bol,karma, sanskaar aur seva sab mein baap jaise samaan banna arthaat sameep aana। chaahe peechhe aane vaale hon chaahe pahle। lekin samaanta se sameep aa sakte ho। abhi sabhi ko chance hai। abhi seat fix ki seeti nahin baji hai। isliye jo chaaho woh ban sakte ho। abhi ‘tu let' ka board nahin laga hai। isliye kya karenge?mahaaraashtra aur madhya pradesh donon hain na! mahaaraashtra ka to naam hi ‘‘maha'' hai। to mahaan hi ho gaya na! madhyapradesh ki kya visheshta hai?jaante ho?baapdaada ki seva ke aadi mein pahli najar madhyapradesh ki taraph gai। bachchon ko bhi bheja tha। to seva ke kshetra mein pahli najar jab madhya pradesh par gai to madhya pradesh ki seva mein aur seva ka pratyakshaphal khaane mein pahla number hoga na?kyonki baapdaada ki vishesh najar padi। jahaan najar padi va number one najar se nihaal ho gaye na! isliye donon hi mahaan ho।

mahaaraashtra mein baapdaada ke saakaar mein charan pade। charitra bhoomi bhi mahaaraashtra ko banaaya। to mahaaraashtra kya karega? mahaaraashtra ko to double phal dena padega। kya double phal denge? dekhen,pahle touch hota hai ki kya phal dena hai? agar touch nahin hota to mahaaraashtra se madhya pradesh one number ho jaayega।

ek hai vaaris aur doosre hain vi. aai. Ps.। to vaaris bhi nikaalne hain aur vi. aai. Ps. bhi nikaalne hain, yeh hai double phal। kahaan vi. aai. Ps. nikaalte, kahaan vaaris nikaalte lekin donon nikaalne hain। vaaris bhi naameegraami hon aur vi. aai. Ps. bhi naameegraami hon। to ismen kaun number one lega? foreign lega, mahaaraashtra lega va madhyapradesh lega? kaun lega? aur bhi le sakte hain lekin aaj to yeh saamne baithe hain? achha to kya suna?jo ote so arjun gaaya hua hai na? ismen jo bhi aage jaaye ja sakta hai। abhi number out nahin hui hain isliye jo bhi nimitta ban number one aane chaahe woh aa sakte hai। samjha kya karna hai?uska saadhan bhi sunaaya-’’udti kala''। chadhti kala nahin udti kala। uske liye sada double light raho। yeh to jaante ho na! jaante sab ho abhi swaroop aur anubhav mein laao। achha!

aise sada baap ke saathi, har sankalp, bol aur karma mein baap samaan arthaat baap ke sameep ratna,sada swaroop aur saphalta swaroop, vijay maala ke sameep ratnon ko baapdaada ka yaadapyaar aur namaste।''