Avyakt murli du mercredi 18 novembre 1981

>

18-11-81 om shanti avyakt baapdaada madhuban

"sampoornata ke sameepta ki nishaani"

sada dilkhush, khushanseeb bachchon prati baapdaada bole:-

‘‘aaj dilaaraam baap apne diltakhtansheen bachchon se dil ki baaten karne aaye hain। sabhi bachche jaante hain ki dilaaraam ke dil mein kaun si ek baat rehti hai? dilaaraam baap ki dil mein sada sarva ko aaraam dene vaale, aise dil vaale bachche dil mein rehte hain। baap ki dil mein sarva bachchon vo prati ek hi baat yahi hai ki har ek bachcha vishesh aatma vishwa ka maalik bane। vishwa ke raajya bhaag adhikaari banen। harek bachcha ek do se shreshtha saja-sajaaya,gun sampanna, shakti sampanna number one bane। har ek ki visheshta ek do se jyaada aarkashanmay ho jo vishwa dekhkar harek ke gun gaaye। harek vishwa ki aatmaon ke liye light house ho, might house ho, dharti ke chamakte hue sitaare ho। harek sitaare ki shreshtha karma, shreshtha sankalp dvaara jama ki hui visheshtaaen va khazaane itne akhut hon jo harek sitaare ki apni vishesh duniya dikhaai de। harek dekh-dekh apne duhkh bhoolkar sukh ki anubhooti kar harshit ho jaayen। sarva praaptiyon ki harek ki alaukik duniya dekh vaah-vaah ke geet gaaen। yeh hai dilaaraam baapdaada ke dil ki baat।

ab bachchon ke dil mein kya hai harek apni apni dil ko achhi tarah se jaante ho? doosron ki dil ko bhi jaante ho? va sirf apne ko jaante ho? jab aapas mein rooh-roohaan karte ho to apne dil ke umang utsaah sunaate ho na! usmein mukhya kya varnan karte ho? sabka vishesh yahi sankalp rehta hi hai ki jo baap kehte hain woh karke dikhaayenge। va baap samaan ban hi jaaenge। to baap ki dil aur bachchon ke dil ki baat to ek hi hai। phir bhi nambarvaar purooshaarthi kyon? sabhi number one kyon nahin?kya sabhi number one ho sakte hain? sab vishwa ke raaje ban sakte hain ki woh bhi nahin ban sakte hain?sirf ek vishwa ka raaja banega ya aur bhi banenge apne apne samay par vishwa ke raaje banenge? phir sabhi kyon kehte ho ki ham vishwa ka raajya le rahe hain va vishwa ke raajya-adhikaari ban rahe hain?raajya mein aayenge ya raajya karenge koi karne vaale aur koi raajya mein aane vaale banenge va sab karne vaale banenge, kya hoga? praja to aur bahut mil jaayegi,uski chinta nahin karo। bas sirf raajya mein aane ke liye hi itni mehnat kar rahe ho? raajya paane ke liye nahin, raajya mein aane ke liye? to raajya sab karenge na? harek samajhta hai main to karoonga baaki koi aave, karen woh vo jaane। raajayog seekh rahe ho na? raaja banne ka yog seekh rahe ho ya raajya mein aane ka yog seekh rahe ho? raajayogi ho na? raajya mein aane vaale yogi to nahin ho na? aise hi sab number one banenge ya nambarvaar hi ant tak rahenge?

pahle bhi sunaaya tha ki harek apni stage ke anusaar, apne hisaab se number one to banenge na! unke liye to vahi number one golden stage hogi na! sabse shreshtha number one stage,uske hisaab se to ant mein ban hi jaayenge na! apne hisaab se sampanna aur sampoorn to banenge hi na! saare kalpa ke andar us aatma ki number one shreshtha stage to vahi hogi na! us hisaab mein nambarvaar hote bhi number one ban jaayenge। harek aatma ki apni sampoorn stage hai। jaise brahma ki purooshaarthi aur sampoorn stage donon dekhi aur anubhav bhi kar rahe ho ki sampoorn stage par pahunchne se kya-kya visheshtaaen avyakt roop mein bhi part mein la rahe hain। jaise brahma baap ki sampoorn stage aur purooshaarthi stage, donon ka antar anubhav kar rahe raho vaise har ek brahman aatma ka bhi sampoorn stage ka swaroop hai। jo avyakt vatan mein baapdaada emerge kar dekhte rehte hain aur dikha bhi sakte hain। usi sampoorn swaroop ko dekhte hue baapdaada dekh rahe hain ki harek ke sampoorn swaroop kitne roohaani aur jhalak aur phalak vaale hain। abhi sampoornata ko pa rahe ho aur paana bhi zaroor hai। lekin koi bachchon ki sampoorn stage sameep hai। jiski nishaani jaise brahma baap ko dekha-sada apne sampoorn stage aur bhavishya praalabdha arthaat pharishta swaroop aur devpad swaroop donon hi sada aise spashta smriti mein rehte the jo saamne jaane vaale bhi purooshaarthi swaroop hote hue bhi pharishta roop aur bhavishya shreekrishna ka roop dekhte aur varnan karte the। aise bachchon mein bhi sampoornata ke sameep aane ki nishaani svayan bhi sameepta ka anubhav karenge aur auron ko bhi anubhav hoga। vyakta mein hote avyakt roop ki anubhooti karenge। jisse saamne aane vaali aatmaayen vyakta bhaav ko bhool avyakt sthiti ka anubhav karengi। yeh hai sameepta ki nishaani। aur kai bachchon ko abhi sampoornata spashta aur sameep nahin anubhav hoti, unki nishaani kya hogi? jo spashta cheez hoti hai aur sameep cheez hoti hai usko anubhav karna sahaj hota hai। aur door ki cheez ko anubhav karna, usmein vishesh buddhi lagaani padti hai। aise hi aisi aatmaaen bhi knowledge ke aadhaar se buddhiyog dvaara sampoorn stage ko kheenchakar mehnat se usmein sthit rah sakti hain।

doosri baat- aisi aatmaon ko spashta aur sameep na hone ke kaaran kabhi kabhi yeh bhi sankalp utpanna hota hai ki banna to chaahiye lekin ban sakoongi? svayan ke prati jara-sa vyartha sankalp ke roop mein shak paida hoga-jisko kaha jaata hai - ‘‘sanshay ka royal roop''। shak jara-sa lahar ke maaphik bhi aaya to gaya। lekin nishchay buddhi vijayanti। usmein yeh svapna maatra sankalp, lahar maatra sankalp bhi final number mein use door kar deta hai। uska vishesh sanskaar va svabhaav abhi abhi bahut umang-utsaah mein udne vaale aur abhi abhi svayan se dilshikasta। baar-baar jeevan mein yeh seedhi utarte aur chadhte rahenge। dilkhush aur dilshikasta ki seedhi, kaaran?apni sampoorn stage spashta aur sameep nahin। to abhi kya karna hai? abhi sampoorn stage ko sameep laao। kaise laayenge?uski vidhi ko jaante bhi ho। kya jaante ho? hai to hansi ki baat। baapdaada kya dekhte hain। kai bachche,sab nahin lekin majority,kya karte hain? oonche te oonche baap ke laadle hone ke kaaran jyaada laadle ho jaate hain। to jyaada laadle hone ke kaaran naajuk ban jaate hain। naajuk to naaj-nakhre hi karenge। naaj nakhre bhi kaun se karte hain?baap ki baaten baap ko hi sunaane lagte hain। aap naajuk bante aur baap ko kehte hain hamaare taraph se aap karo। sahanshakti ki majbooti kam hai,sahanshakti hai sarva vighnon se bachne ka kavach। kavach na pahanne ke kaaran naajuk ban jaate hain। mujhe karna hai,yeh paath bahut kachcha rehta hai। lekin doosra kare ya baap kare, yeh paath naajuk bana deta hai। isi kaaran albelepan ka parda aa jaata hai aur sampoorn stage sameep aur spashta nahin dikhaai deti hai। isliye teen lokon mein chakkar lagaane ke bajaaai isi dilkhush aur dilshikasta ki baaton mein, isi duniya mein ya isi seedhi par utarte chadhte hain। to iseelie kya karna pade? laadle bhale bano lekin albelepan ke laadle nahin bano। to kya ho jaayega?apni sampoornata ko sahaj pa sakenge। pahle to apne sampoorn stage ko, svayan ko varna hai arthaat sada umangautsaah ki varmaala pahanni hai tab phir lakshmi ko varenge। va naaraayan ko varenge। samjha kya karna hai?aap sabki sampoorn stage aap purooshaarthi ka aahvaan kar rahi hai। jab aap sab sampoorn stage ko paao tab hi sampoorn brahma aur brahman saath-saath brahmaghar mein ja saken aur phir raajya adhikaari ban saken। achha!

aise sampoorn stage ke sameep aatmaayen, brahma baap ke saath-saath sampoorn stage ko varne vaale, sada apne sampoorn stage ke anubhooti dvaara auron ko bhi sampoorn banne ki prerna dene vaale, harek ko apne spashtata dvaara darpan ban, sampoorn stage ka spashta saakshaatkaar karaane vaale, sada dilkhush, aise khushanseeb bachchon ko baapdaada ka yaad pyaar aur namaste।''''

teachers ke saath-’’baap samaan roohaani sevaadhaari। to sevaadhaariyon ko kaun si saugaat chaahiye? jab ek do mein samaan milte hain te ek do ko saugaat dete hain na! to sevaadhaari hain hi baap samaan। to baap kya saugaat dega?va aap denge?gyaan to bahut suna hai। murli bhi suni। abhi baaki kya rah gaya? sevaadhaari baapdaada ke ati sameep aatmaayen ho,sameep aatmaon ko baapdaada kaun-si saugaat denge? sevaadhaariyon ko aaj baapdaada vishesh ek golden versions ki saugaat dete hain। woh kya hai? ‘‘sada har din sva-utsaah aur sarva ko bhi utsaah dilaane ka utsav manaao।''yeh hai sevaadhaariyon ke liye sneh ki saugaat। isi saugaat ko phir murli mein spashta karenge lekin saugaat to chhoti achhi hoti hai। to aaj murli nahin chalaayenge lekin saar roop mein suna rahe hain ki utsaah mein rahne aur utsaah dilaane ka utsav manaao। isse kya hoga?jo mehnat karni padti hai woh khatma ho jaayegi। sanskaar milaane ki, sanskaar mitaane ki mehnat se chhoot jaayenge। jaise jab koi vishesh utsav manaate ho to usmein tan ka rog, dhan ki kami, sambandh samparka ki khitpit sab bhool jaata hai। aise agar yeh utsav sada manaao to saari samasyaayen khatma ho jaayengi। phir samay bhi nahin dena padega, shaktiyaan bhi nahin lagaani padengi। sada aise anubhav karenge jaise sabhi pharishte bankar chal rahe hain। vaise bhi kahaavat hai - pharishton ke pair dharni par nahin hote। khushi mein jo naachta rehta hai uske liye bhi kehte ho ki yeh to udta rehta hai,iske paanv dharni par nahin hain। to sab udne vaale pharishte ban jaayenge। isliye roohaani sevaadhaari ab yeh seva karo। course dena,dilaana, prad- rshani karna-karaana,mele karna-karaana,yeh bahut mehnat ki। abhi is mehnat ko sahaj karne ka saadhan yeh hai (jo oopar sunaaya) isse ghar baithe anubhav karenge jaise shama ke oopar parvaane svatah hi bhaagte hue aa rahe hain। aakhir bhi yeh mehnat kab tak karenge,yeh saadhan bhi to parivartan honge na! to kam kharcha vaala masheen, va kam mehnat saphalta jyaada uska saadhan hai- yeh saugaat। phir aapko mela nahin karna padega lekin mela karne vaale aur anek nimitta ban jaayenge। aapko nimantran dekar bulaayenge। jaise abhi bhi bhaashan ke liye bani banaai stage par bulaate hain na! vaise mele aadi ki phir itni mehnat nahin karni padegi। abhi aap sab deedi-daadiyon ko udghaatan ke liye bulaate ho phir aap bhi deedi-daadeeyaan ho jaayengi,udghaatan karne vaali darshaneey moortta ho jaayengi। to yeh achha hai na! abhi tak bhi lagaao tent,guide bulaao,lagaane vaalon ko bulaao… yahi mehnat karni hai! achha-abhi to saugaat mil gai na? abhi dengi kya?yahi sankalp karo ki ‘‘na kabhi utsaah kam karenge aur na doosron ka utsaah kam hone denge।'' yahi dena hai। kuchh bhi ho jaay, jaise sthool vrat rakhte hain, to usmein bhi bhookh aur pyaas lagti hai lekin lagte hue bhi vrat nahin chhodte,chaahe behosh bhi kyon na ho jaayen। to aap bhi vrat lo- koi bhi samasya aa jaae, koi utsaah ko mitaane vaala aa jaae lekin na utsaah chhodenge, na auron mein kam karaayenge। badhenge aur badhaayenge। to sada hi utsav honge, sada mele hoge, sada seminar honge, sada international conference hogi achha-mili bhi saugaat, le bhi li aur kya chaahiye।'' videshi bachchon ki seva ki mubaarak dete hue-seva ke prati aur bhi ishaara-

‘‘baapdaada seva ke liye kabhi bhi mana nahin karte hain,khoob dhoomdhaam se seva karo। jinhon ko bhi nimantran dena ho de sakte ho। foreign vaalon ko seva ki mubaarak ho। sabhi seva ki umang-utsaah mein achhe aage badh rahe hain। aur aise badte hue vishesh aatmaon ki sevaartha nimitta ban jaayenge। jinko vishesh vi.aai.pi. kehte ho, abhi vi.aai.Ps. ke nikalne ka samay pahunch gaya hai। isliye seva se svatah nikalte rahenge।

sabhi ko vishesh roohaaniyat ka anubhav karaao। shanti, shakti ka anubhav karaao। knowledge to bahut hai lekin ek second ki anubhooti hi unhon ke liye naveenta hai। saari videsh ki majority aartipheeshiyal shanti hai, to real shanti, real sukh real swaroop ki anubhooti hai hi nahin। agar woh ek second ki bhi ho jaayegi to naveenta ka anubhav karenge। vaise bhi videsh mein sada nai cheez pasanda karte hain। isliye yeh naveenta karo। koi bhi naamdhaari mahaatma yeh anubhooti nahin kara sakte। aatma paramatma ka shabd to sunte rehte hain lekin connection judvaakar anubhav karna yeh naveenta hai। jisko kaha jaata hai- reality ka anubhav karna। yahi saadhan hai। sabhi serviceable sameep ratnon ko naam sahit yaad। achha!''

kumaaron ke saath-avyakt baapdaada ki mulaakaat-’’kumaaron ko sada yeh smriti rahe ki ham kumaar nahin lekin brahmaakumaar hain, roohaani sevaadhaari hain। sevaadhaari arthaat svayan sampanna swaroop hokar auron ko dene vaale। to sada apne ko sarva khazaanon se sampanna anubhav karte ho?sevaadhaari samajh kar seva karenge to saphaltaamoortta honge। seva ki visheshta hi hai sada namrachit। nimitta aur namrachit yeh donon visheshtaaen seva mein saphalta swaroop banaati hain। kumaar seva ke kshetra mein aage badhne vaale hote hain। lekin baage badhte hue nimitta aur namrachit ki visheshta nahin hogi to seva karenge, mehnat karenge saphalta kam dikhaai degi। to kumaar seva mein to hoshiyaar ho na?sabhi planning buddhi ho। jaise seva ki bhaag daud mein hoshiyaar ho vaise in do visheshtaaon mein bhi hoshiyaar bano। visheshtaaon sahit vishesh sevaadhaari bano। nahin to temporary time ki saphalta to hogi lekin chalte-chalte thode time ke baad kanaphyujad ho jaayenge। yeh kya hua,yeh kyon hua, yeh deevaar aa jaayegi।

to sada yeh do baaten smriti mein rakhna। isse service mein fast aur first ho jaayenge। kumaaron ko seva to karni hai lekin marya- daaon ki lakeer ke andar rahkar karni hai phir dekho saphalta hui padi hai।

kumaaron ko sab prakaar ke chance hain, seva karne mein bhi chance, purooshaartha mein aage jaane ka bhi chance aur saath-saath apne parivaar ko aage badhaane ka chance hai। kumaar jeevan lucky jeevan hai। kumaar arthaat sada svatantra। kisi bhi prakaar ke bandhan ke vash nahin। aise svatantra anubhav karte ho na? svayan ke vyartha sankalp bhi ek bandhan hai,yeh bandhan bhi udti kala se neeche le aate hain। to nirbandhan kumaar। vyartha sankalp bhi samaapta। nirbandhan aatma hi teevragti mein ja sakti hai। baapdaada ko kumaaron ke oopar naaj hai ki kumaar apne jeevan ko kitna shreshtha bana rahe hain। sada isi smriti mein raho ki jamaare jaisa bhaagyavaan koi nahin, kumaaron ka apna bhaagya,kumaariyon ka apna। kumaariyaan svatantra hokar seva nahin kar sakti। kumaar to kahaan bhi akele jaakar seva kar sakte hain। kumaaron ko kya bandhan hai। kumaariyaan to phir bhi aajkal ki duniya ke hisaab se bandhan mein hain, kumaar to all-round seva kar sakte hain।

kumaar hain double light। kisi bhi prakaar ka bojh nahin। na sankalpon ka bojh, na sambandh samparka ka bojh। kumaar hain hi nirbandhan,kyonki knowledgeful ho gaye। knowledgeful vyartha ki taraph kabhi bhi ja nahin sakte। vyartha sankalp bhi knowledgeful ke aage aa nahin sakta। sankalp mein bhi shaktivaan, karma mein bhi shaktivaan। master sarvashaktivaan ho। to sada aise anubhav karte ho ki ham master sarvashaktivaan hain? kyonki kumaaron ke peechhe maaya chakra bahut lagaati hai। maaya ko bhi kumaar-kumaariyaan achhe lagte hain। jaise baap ko bahut priy ho, aise maaya ko bhi priy ho। isliye maaya se saavdhaan rehna। sada apne ko combined samajhna, akela nahin, yugal saath hai। sada combined samjhenge to maaya aa nahin sakti। achha!''

party ke saath-vyaktigat mulaakaat

1. vartamaan samay ka vishesh attention- vyartha sankalpon ki samaapti h ‘‘sabhi apne ko samartha aatmaayen samajhte ho? samartha aatmaayen arthaat jinka vyartha ka khaata samaapta ho। nahin to brahman jeevan mein vyartha sankalp, vyartha bol, vyartha karma bahut samay vyartha ganva dete hain। jitni kamaai jama karne chaaho utni nahin kar sakte ho। vyartha ka khaata samartha banne nahin deta। ab vyartha ka khaata samaapta karo। jab naya chaupda rakhte ho to puraane ko khatma kar dete ho na! to vartamaan samay yahi vishesh attention rakho ki vyartha ka samaapta kar sada samartha rahen। master sarvashaktivaan jo chaaho woh kar sakte ho। jaise kisko tan ki va dhan ki shakti hai to jo chaaho woh kar sakta hai, agar shakti nahin to chaahte bhi majboor ho jaata। aise aap ma. sarvashaktivaan kya nahin kar sakte! sirf attention। baar-baar attention chaahiye। amritvele attention diya,raat ko diya,baaki madhya mein albelaapan ho gaya to result kya hogi?vyartha ka khaata samaapta nahin hoga। kuchh na kuchh puraana khaata rah jaayega। isliye baar-baar yahi attention do ki ham ma. sarvashaktivaan hain। chaiking chaahiye achhi tarah se। kyonki maaya abhi bhi apni baari lene ke liye hoshiyaar baithi hai। woh ant mein sabse jyaada hoshiyaar ho jaati hai kyonki sada ke liye vidaai leni hai na! to apni hoshiyaari to dikhaayegi na! isliye sada attention rakho। class mein gaye, yaad mein baithe us samay to attention rehta hai lekin baar-baar attention। aur jiska baar-baar attention hai uski nishaani hai- sab tension se pare। laadle to ho hi, baap ke bane, shreshtha bhaagya ka sitaara chamka aur kya chaahiye। sirf yahi chhota-sa kaam diya hai-ki baar-baar buddhi dvaara atainshan rakho। achha!''

party se:-

maayaajeet banne ke saath-saath prakritijeet bhi bano:- sada maayaajeet aur prakritijeet ho? maayaajeet to ban hi rahe ho lekin prakritijeet bhi bano kyonki abhi prakriti ki halchal to bahut honi hain na! halchal mein achal raho,aise achal bane ho? kabhi samudra ka jal apna prabhaav dikhaayega to kabhi dharni apna prabhaav dikhaayegi। agar prakritijeet honge to prakriti ki koi bhi halchal apne ko hila nahin sakegi। sada saakshi hokar sab khel dekhte rahenge। jaise pharishton ko sada oonchi pahaadi par dikhaate hain,to aap pharishte sada oonchi stage arthaat oonchi pahaadi par rahne vaale। aisi oonchi stage par rehte ho? jitna oonche honge utna halchal se svatah pare rahenge। abhi dekho yahaan pahaadi par aate ho to neeche ki halchal se svatah hi pare ho na! shahron mein kitni halchal aur yahaan kitni shanti aur saadhaaran sthiti mein bhi kitna raat-din ka antar hoga।