Avyakt murli du lundi 4 janvier 1982

>

04-01-82 om shanti avyakt baapdaada madhuban

"satguru ka pratham vardaan - ‘‘manmanaabhav''"

satguru shiv baba guru pautron se bole:-

‘‘aaj gyaan saagar baap, saagar ke kanthe par gyaan ratna chugne vaale holi hanson se milne aaye hain। harek holi hans kitna gyaan ratnon ko chunkar khushi mein naach rahe hain, woh hanson ke khushi ka dance dekh rahe hain। yeh alaukik khushi ki roohaani dance kitni pyaari hai aur saare kalpa se nyaari hai!

saagar ki bhinna-bhinna lahron ko dekh harek hans kitna harshit ho rahe hain। to aaj baapdaada kya dekhne aaye hain? hanson ki dance। dance karne mein to hoshiyaar ho na? harek ke man ke khushi ke geet bhi sun rahe hain। bina geet ke dance to nahin hoti hai na। to saaj bhi baj rahe hain aur dance bhi ho raha hai। aap sabhi bhi khushi ke geet sun rahe ho? yeh geet kaanon se nahin sunenge। lekin man ke geet man se hi sunenge। ‘manmanaabhav'hue aur geet gaana va sunna shuru hua। ‘‘manmanaabhav''is mahaamantra ke vardaani to sabhi ban gaye। satguru ke bane to satguru dvaara pahla-pahla vardaan kya mila? ‘manmanaabhav'। satguru ke roop mein vardaani bachchon ko dekh rahe hain। sabhi mahaamantradhaari,mahaadaani,vardaani, satguru ke bachche ‘master satguru' ho। va yeh kaho ki ‘guru pautre'ho। potron ka hak jyaada hota hai। brahma ke bachche, to pautre bhi hue na। bachche bhi ho, pautre bhi ho। jitne baap ke sambandh utne aapke sambandh। sarva sambandh mein adhikaari aatmaayen ho। bholenaath baap se sab kuchh lene mein hoshiyaar ho। saudaagar bhi achhe ho। sauda kar liya hai na? aise kabhi socha tha ki bhagwan se sauda karenge?aur saude mein liya kya? saude mein kya mila? (mukti-jeevanmukti) bas sirf mukti-jeevanmukti mili? saudaagar ke saath jaadoogar bhi ho। sauda kiya hai to itna bada kiya jo aur sauda karne ki aavashyakta hi nahin। koi vastu ka sauda nahin kiya hai lekin vastu ke daata ka sauda kar liya। usmein to sab aa gaya na! daata ko hi apna bana liya। achha - double videshi bachchon se ‘‘rooh-roohaan''karni hai na!''

(alag-alag party se mulaakaat)

New York (America)-apne ko koton mein koi, koi mein bhi koi aatma ham hain - aisa anubhav karte ho? drama ke andar ham aatmaon ka baap ke saath direct sambandh aur part hai, itna nasha aur khushi rehti hai? sada khushi mein rahne ki kitni baaten dhaaran kar li hain? baapdaada har sikeeldhe bachche ko dekh harshit hote hain। kitne samay ke baad mile ho?smriti aati hai na? isi smriti mein raho ki ham shreshtha aatmaon ka oonche se oonche baap ke saath vishesh part hai। to jaisi smriti hogi vaisi sthiti svatah ban jaayegi। jo sunte ho usko samaate jaao। jitna samaate jaayenge utna practical swaroop bante jaayenge। har gun ka anubhav ho। ek-ek gun ki anubhooti kahaan tak hai,yeh sada apne aapko dekho। knowledgeful hain ya anubhvi moorta hain? yeh check karo,kyonki sangam par hi har gun ka anubhav kar sakte ho। kisi bhi gun ka anubhav kam ho to uske oopar attention dekar anubhvi zaroor bano। jitna anubhvi moorta honge utna foundation pakka hoga। maaya hila nahin sakegi। kisi bhi prakaar ka vighna va samasya abhi khel ke samaan anubhav honi chaahiye। vaar nahin hai,khel hai! to khel samajhne se khushi-khushi paar kar lenge aur vaar samajhne se ghabraayenge bhi aur halchal mein bhi aa jaayenge। drama mein paartadhaari hone ke kaaran koi bhi scene saamne aati hai to drama ke hisaab se sab khel hai, yeh smriti rahe to ekras rahenge,halchal nahin hogi। to abhi se yeh parivartan karke jaana। halchal yahaan hi samaapta karte jaana। sada apne mastak par vijay ka tilak laga hua anubhav karo to halchal khatma ho jaayegi। dekho,America vishwa mein ooncha sthaan hai,to brahman kitne oonche honge? jaise desh ki mahima hai usse jyaada brahman aatmaon ki mahima hai। to aap logon ko seva mein number one lena chaahiye। harek agar baap ko pratyaksha karne ke liye light house ho jaae to ‘white house' aur ‘light house'kaantraasta ho jaayega। woh vinaashkaari aur yeh sthaapna vaale। abhi kamaal karke dikhaao। vishesh aatmaon ko nimitta to banaaya hai, abhi aur samparka se sambandh mein laana hai। aisa sameep sambandh mein laao jo unhon ke mukh dvaara baap ki mahima saare vishwa mein ho jaae। dekho, baapdaada ne jo bachche aur-aur dharmon mein mix ho gaye hain, unhon ko bhi chun karke nikaala hai। to vishesh bhaagyavaan hue na! aapne baap ko nahin dhoondha lekin baap ne aapko dhoondh liya hai। aap dhoondhate to bhi nahin dhoondh sakte kyonki parichay hi nahin tha na। iseelie baap ne aap aatmaon ko chunkar apne bageeche ke pushpa bana diya। to abhi aap sab allaah ke bageeche ke roohaani gulaab ho। aise bhaagyavaan apne ko samajhte ho na?

yeh bhi baap ko khushi hai ki bhaasha ko na samajhte hue bhi kaise snehi aatmaayen apna adhikaar lene ke liye pahunch gai hain। apne ko adhikaari aatma samajhte ho na! bahut lagan vaali aatmaayen hain jo phir se apna adhikaar lene ke liye mahaan teertha par pahunch gai hain। achha –

jaapaan group se- sabhi baapdaada ke diltakhtansheen aatmaayen ho। apne ko itni shreshtha aatma samajhte ho? variety phoolon ka guldasta kitna badhiya hai। aap us guldaste mein kis sthaan par ho? chhota subhaan alla hota hai। bachchon ko kitne samay se yaad karte hain?baapdaada jaapaani bachchon ko kitne samay se,bahut samay pahle aap bachchon ko yaad kiya aur abhi practical mein baap ki vardaan bhoomi par pahunch gaye ho। to aisa bhaagyavaan apne ko samajhte ho?jaapaan ki vishesh nishaani kaun-si dikhaate hain? ek to flag doosra phain (hava ke liye sabko pankha dete hain) to baapdaada bhi bachchon ko sadaiv yaad dilaate hain udte raho,isliye pankha dikhaate hain। pahle-pahle videsh ki seva ka foundation bhi jaapaan hi hai। to mahatva ho gaya na। baapdaada ke aahvaan se aap log yahaan pahunche। baapdaada ne bulaaya tab aaye ho। sabhi achhe showcase ke showpiece ho। sabhi brahman parivaar bhi aap ‘golden dolsa'ko dekhkar khush hota hai। aisa anubhav kiya hai ki parivaar ke bhi sikildhe hain aur baapdaada ke bhi sikildhe hain।

ab jaapaan se aisi koi vishesh aatma nikaalo jo ek ke aane se anekon ko sandesh mil jaae। vahaan variety prakaar ki service nikal sakti hai। thodi-si mehnat karenge to phal jyaada nikal aayega। iske liye ek to sthaan ka vaataavran bahut powerful banaao। aise anubhav ho jaise ek chaitanya mandir mein ja rahe hain। aisa vaataavran roohaani khushbu ka ho jo door-door se vaayumandal aakarshan kare। vaataavran bahut hi aatmaon ko kheench sakta hai। dharni bahut achhi hai aur phal bhi bahut nikal sakta hai, sirf thodi-si mehnat aur vaayumandal chaahiye। seva ka sankalp karenge aur saphalta aapke aage aayegi। vaayumandal jab roohaani ho jaayega to aur sab baaten svatah theek ho jaayengi। sab ekmat aur ekras ho jaayenge phir maaya bhi nahin aayegi kyonki vaayumandal shaktishaali hoga। vaayumandal ko shaktishaali banaane ke liye yaad ke programme rakho aur aapas mein unnati ke liye rooh-roohaan ki classes karo। sneh milan karo। dhaarna ki classes rakho to saphalta mil jaayegi।

vidaai ke samay-deedi daadi se- aap logon ko bhi jaagna padta hai। saara din mehnat karte ho aur raat ko bhi jaagna padta hai। baapdaada to bachchon ko sada aaphreen dete hain। himmat aur umang donon par balihaar jaate hain। dekh-dekh harshit hote hain। mahima karen to kitni ho jaayegi। jaise baap ki mahima ke liye kaha hua hai ki saagar ko syaahi banaao to bachchon ki bhi kitni mahima karen! baap bachchon ki mahima dekh sada baar-baar balihaar jaate hain। harek bachcha apni- apni stage par hero part baja raha hai। ek baap ke sachche hero paartadhaari ho to baap ko kitna naaz hoga। saare kalpa mein aisa baap bhi nahin ho sakta, to aise bachche bhi nahin ho sakte। ek-ek ki mahima ke geet gaane lage to kitni badi geetmaala ho jaayegi। brahma aur shivbaaba bhi aapas mein bahut chit-chat karte hain। woh kehte hain- vaah mere bachche! aur woh bhi kehte - vaah mere bachche! (kis samay chit-chat karte hain) jab chaahen tab kar sakte hain। busy bhi hain aur saara din free bhi hain। svatantra bhi hai aur saathi bhi hain। jab hain hi combined to alag kaise dikhaai denge, alag kar sakte ho aap?aap alag karenge woh aapas mein mil jaayenge। jaise baapdaada ka aapas mein combined roop hai to aapka bhi hai na! aap bhi baap se alag nahin ho sakte।

achha - omshaanti!