Avyakt murli du jeudi 8 avril 1982

>

08-04-82 om shanti avyakt baapdaada madhuban

“laukik,alaukik sambandh ka tyaag”

avyakt baapdaada bole:-

aaj baapdaada apne mahaadaani vardaani vishesh aatmaon ko dekh rahe hain। mahaadaani vardaani banne ka aadhaar hai - ‘mahaatyaagi'banne ke bigar mahaadaani vardaani nahin ban sakte। mahaadaani arthaat mile hue khajaane bina svaartha ke sarva aatmaon prati dene vaale - ‘nihsvaartha'। sva ke svaartha se pare aatma hi mahaadaani ban sakti hai। vardaani, sada svayan mein gunon, shaktiyon aur gyaan ke khajaane se sampanna aatma sada sarva aatmaon prati shreshtha aur shubh bhaavna tatha sarva ka kalyaan ho, aisi shreshtha kaamna rakhne vaali sada roohaani merciful,pharaakhdil,aisi aatma ‘vardaani' ban sakti hai। iske liye ‘mahaatyaagi'banna aavashyak hai। tyaag ki paribhaasha bhi sunaai hai ki pahla tyaag hai - apne deh ki smriti ka tyaag। doosra deh ke sambandh ka tyaag। deh ke sambandh mein pahli baat karmenndriyon ke sambandh ki sunaai - kyonki24 ghante ka sambandh in karmendriyon ke saath hai। indriyjeet banna, adhikaari aatma banna yeh doosra kadam। iska spashteekran bhi suna। ab teesri baat yeh hai - deh ke saath vyaktiyon ke sambandh ki। ismen laukik tatha alaukik sambandh aa jaata hai। in donon sambandh mein mahaatyaagi arthaat ‘nashtomoha'। nashtomoha ki nishaani - donon sambandhon mein na kisi mein ghrina hogi, na kisi mein lagaav va jhukaav hoga। agar kisi se ghrina hai to us aatma ke avgun va aapke dilapsanda na karne vaale karma baarbaar aapki buddhi ko vichlit karenge, na chaahte bhi sankalp mein,bol mein, svapna mein bhi usi ka ulta chintan svatah hi chalega। yaad baap ko karenge aur saamne aayegi woh aatma। jaise dil ke jhukaav mein lagaav vaali aatma na chaahte bhi apne taraph aakarshit kar hi leti hai। woh gun aur sneh ke roop mein buddhi ko aakarshit karti hai aur ghrina vaali aatma svaartha ki poorti na hone ke kaaran, svaartha buddhi ko vichlit karta hai। jab tak svaartha poora nahin hota tab tak us aatma ke saath virodhi sankalp va karma ka hisaab samaapta nahin hota।

ghrina ka beej hai svaartha ka royal swaroop - ‘‘chaahiye''। isko yeh karna chaahiye,yeh na karna chaahiye, yeh hona chaahiye। to ‘chaahiye'ki chaah us aatma se vyartha sambandh jod deti hai। ghrina vaali aatma ke prati sada vyartha chintan hone ke kaaran pardarshan chakradhaari ban jaate। lekin yeh vyartha sambandh bhi ‘nashtomoha'hone nahin denge। muhabbat se moh nahin hoga lekin majboori se। phir kya kehte hain - main to tang ho gai hoon। to jo tang karta hai usmein buddhi to jaayegi na। samay bhi jaayega,buddhi bhi jaayegi aur shaktiyaan bhi jaayengi। to ek hai yeh sambandh। doosra hai vinaashi sneh aur praapti ke aadhaar par va alpakaal ke liye sahaara banne ke kaaran lagaav va jhukaav। yeh bhi laukik, alaukik donon sambandh mein buddhi ko apni taraph kheenchata hai। jaise laukik mein deh ke sambandhiyon dvaara sneh milta hai, sahaara milta hai, praapti hoti hai to us taraph vishesh moh jaata hai na। us moh ko kaatne ke liye purooshaartha karte ho, lakshya rakhte ho ki kisi bhi taraph buddhi na jaae। laukik ko chhodne ke baad alaukik sambandh mein bhi yahi sab baaten buddhi ko aakarshit karti hain। arthaat buddhi ka jhukaav apni taraph sahaj kar leti hain। yeh bhi dehdhaari ke hi sambandh hain। jab koi samasya jeevan mein aayegi, dil mein koi uljhan ki baat hogi to na chaahte bhi alpakaal ke sahaare dene vaale va alpakaal ki praapti karaane vaale, lagaav vaali aatma hi yaad aayegi। baap yaad nahin aayega। phir se aise lagaav lagaane vaali aatmaayen apne aapko bachaane ke liye va apne ko right siddha karne ke liye kya sochti aur bolti hain ki baap to niraakaar aur aakaar hai na! saakaar mein kuchh chaahiye zaroor। lekin yeh bhool jaati hain agar ek baap se sarva praapti ka sambandh,sarva sambandhon ka anubhav aur sada sahaare daata ka atal vishvaas hai, nishchay hai to baapdaada niraakaar ya aakaar hote bhi sneh ke bandhan mein baandhe hue hain। saakaar roop ki bhaasna dete hain। anubhav na hone ka kaaran?knowledge dvaara yeh samjha hai ki sarva sambandh ek baap se rakhne hain lekin jeevan mein sarva sambandhon ko nahin laaya hai। isliye saakshaat sarva sambandh ki anubhooti nahin kar paate hain। jab bhakti maarga mein bhakta maala ki shiromni meera ko bhi saakshaatkaar nahin lekin saakshaat anubhav hua to kya gyaan saagar ke direct gyaan swaroop bachchon ko saakaar roop mein sarva praapti ke aadhaar moorta,sada sahaare daata baap ka anubhav nahin ho sakta! to phir sarvashaktivaan ko chhod yatha shakti aatmaon ko sahaara kyon banaate ho! yeh bhi ek guhya karmon ka hisaab buddhi mein rakho। karmon ka hisaab kitna guhya hai - isko jaano। kisi bhi aatma dvaara alpakaal ka sahaara lete ho va praapti ka aadhaar banaate ho, usi aatma ke taraph buddhi ka jhukaav hone ke kaaran karmaateet banne ke bajaae karmon ka bandhan bandh jaata hai। ek ne diya doosre ne liya - to aatma ka aatma se len-den hua। to len-den ka hisaab bana va samaapta hua?us samay anubhav aise karenge jaise ki ham aage badh rahe hain lekin woh aage badhna,badhna nahin,lekin karma bandhan ke hisaab ka khaata jama kiya। result kya hogi! karma-bandhani aatma, baap se sambandh ka anubhav kar nahin sakegi। karmabandhan ke bojh vaali aatma yaad ki yaatra mein sampoorn sthiti ka anubhav kar nahin sakegi, woh yaad ke subject mein sada kamjor hogi। knowledge sunne aur sunaane mein bhal hoshiyaar, sensible hogi lekin isensaphul nahin hogi। serviceable hogi lekin vighna vinaashak nahin hogi। seva ki vriddhi kar lenge lekin vidhipoorvak vriddhi nahin hogi। isliye aisi aatmaayen karma bandhan ke bojh kaaran speaker ban sakti hain lekin speed mein nahin chal sakti arthaat udti kala ki speed ka anubhav nahin kar sakti। to yeh bhi donon prakaar ke deh ke sambandh hain jo ‘mahaatyaagi'nahin banne denge। to sirf pahle is deh ke sambandh ko check karo - kisi bhi aatma se chaahe ghrina ke sambandh mein, chaahe praapti va sahaare ke sambandh se lagaav to nahin hai? arthaat buddhi ka jhukaav to nahin hai? baar-baar buddhi ka jaana va jhukaav siddha karta hai ki bojh hai। bojh vaali cheej jhukti hai। to yeh bhi karmon ka bojh banta hai isliye buddhi ka jhukaav na chaahte bhi vahaan hi hota hai। samjha - abhi to ek deh ke sambandh ki baat sunaai।

to apne aap se poochho - ki deh ke sambandh ka tyaag kiya? va laukik se tyaag kar alaukik mein jod liya? karmaateet banne vaali aatmaayen, is karma ke bandhan ka bhi tyaag karo। to braahmanon ke liye is sambandh ka tyaag hi tyaag hai। to samjha tyaag ki paribhaasha kya hai? abhi aur aage sunaayenge। yeh tyaag ka saptaah course chal raha hai। aaj ka paath pakka hua? braahmanon ki visheshta hai hi ‘mahaatyaagi'। tyaag ke bina bhaagya pa nahin sakte। aise to nahin samajhte brahmaakumaar-kumaari ho gaye to tyaag ho gaya?brahmaakumaar-brahmaakumaari ke liye tyaag ki paribhaasha guhya ho jaati hai। samjha? achha-

aise sada nisvaartha, sarva kalyaankaari,sarva praaptiyon ko seva mein lagaae jama karne vaale, sada daata ke bachche dene vaale, lene ke alpakaal ke praapti se nishkaami,sada sarva prati shubh bhaavna, kalyaan ki kaamna rakhne vaale mahaadaani,vardaani shreshtha aatmaon ko baapdaada ka yaadapyaar aur namaste।''

teachers ke saath- sevaadhaari aatmaon ka sada ek hi lakshya rehta hai ki baap samaan banna hai? kyonki baap samaan seat par set ho। jaise baap shikshak ban, shiksha dene ke nimitta bante hain vaise sevaadhaari aatmaayen baap samaan karttavya par sthit ho। to jaise baap ke gun vaise nimitta bane hue sevaadhaari ke gun। to sada pahle yeh check karo - ki jo bhi bol bolte hain yeh baap samaan hain? jo bhi sankalp karte hain yeh baap samaan hai! agar nahin to check karke change kar lo। karma mein nahin jaao। aise check karne ke baad practical mein laane se kya hoga? jaise baap sada sevaadhaari hote hue sarva ka pyaara aur sarva se nyaara hai,aise seva karte sarva ke roohaani pyaare bhi rahenge aur saath-saath sarva se nyaare bhi rahenge! baap ki mukhya visheshta hi hai - ‘jitna pyaara utna nyaara'। aise baap samaan seva mein pyaare aur buddhiyog se sada ek baap ke pyaare sarva se nyaare। isko kaha jaata hai - ‘baap samaan sevaadhaari'। to shikshak banna arthaat baap ki vishesh is visheshta ko follow karna। seva mein to sabhi bahut achhi mehnat karte ho lekin kahaan nyaara banna hai aur kahaan pyaara banna hai - iske oopar vishesh attention। agar pyaar se seva na karo to bhi theek nahin aur pyaar mein phansakar seva karo to bhi theek nahin। to pyaar se seva karni hai lekin nyaari sthiti mein sthit hokar karni hai tab seva mein saphalta hogi। agar mehnat ke hisaab se saphalta kam milti hai to zaroor pyaare aur nyaare banne ke balance mein kami hai। isliye sevaadhaari arthaat baap ka pyaara aur duniya se nyaara। yahi sabse achhi sthiti hai। isi ko hi ‘kamal pushpa samaan'jeevan kaha jaata hai। isliye shaktiyon ko kamal aasan bhi dete hain! kamal pushpa par viraajmaan dikhaate hain। kyonki kamal samaan nyaare aur pyaare hain। to sabhi sevaadhaari kamal aasan par viraajmaan ho na? aasan arthaat sthiti। sthiti ko hi aasan ka roop diya hai। baaki kamal par koi baitha hua to nahin hai na? to sada kamal aasan par baitho। kabhi kamal keechad mein na chala jaae iska sada dhyaan rahe! achha-

kumaaron ke saath

kumaar jeevan mein baap ka banna- kitne bhaagya ki nishaani hai! aise anubhav karte ho ki ham kitne bandhanon mein jaane se bach gaye? kumaar jeevan arthaat anek bandhanon se mukta jeevan। kisi bhi prakaar ka bandhan nahin। deh ke bhaan ka bhi bandhan na ho। is deh ke bhaan se sab bandhan aa jaate hain। to sada apne ko aatma bhaai-bhaai hain - aise hi samajhkar chalte raho। isi smriti se kumaar jeevan sada nirvighna aage badh sakti hai। sankalp va svapna mein bhi koi kamzori na ho isko kaha jaata hai - vighna vinaashak। bas chalte phirte yeh natural smriti rahe ki ham aatma hain। dekho to bhi aatma ko, suno to bhi aatma hokar। yeh paath kabhi bhi na bhoole। kumaar seva mein to bahut aage chale jaate hain lekin seva karte agar sva ki seva bhoole to phir vighna aa jaata hai। kumaar arthaat hard worker to ho hi lekin nirvighna banna hai। sva ki seva aur vishwa ki seva donon ka balance ho। seva mein itne busy na ho jaao jo sva ki seva mein albele ho jaao। kyonki kumaar jitna apne ko aage badhaane chaahen badha sakte hain। kumaaron mein shaareerik shakti bhi hai aur saath-saath dridh sankalp ki bhi shakti hai isliye jo chaahe kar sakte hain,in donon shaktiyon dvaara aage badh sakte hain। lekin balance ki kala chadhti kala mein le jaaegi। sva seva aur vishwa ki seva, donon ka balance ho to nirvighna vriddhi hoti rahegi।

2. kumaar sada apne ko baap ke saath samajhte ho? baap aur main sada saath-saath hain, aise sada ke saathi bane ho? vaise bhi jeevan mein sada koi na koi saathi banaate hain। to aapke jeevan ka saathi kaun? (baap) aisa sachcha saathi kabhi bhi mil nahin sakta। kitna bhi pyaara saathi ho lekin dehdhaari saathi sada ka saath nahin nibha sakte aur yeh roohaani sachcha saathi sada saath nibhaane vaala hai। to kumaar akele ho ya combined ho? (combined) phir aur kisko saathi banaane ka sankalp to nahin aata hai?kabhi koi mushkilaat aaye, beemaari aaye, khaana banaane ki mushkil ho to saathi banaane ka sankalp aayega ya nahin? kabhi bhi aisa sankalp aaye to ise ‘vyartha sankalp' samajh sada ke liye second mein samaapta kar lena। kyonki jise aaj saathi samajhkar saathi banaayenge kal uska kya bharosa! isliye vinaashi saathi banaane se phaayda hi kya! to sada combined samajhne se aur sankalp samaapta ho jaayenge kyonki sarvashaktivaan saathi hai। jaise soorya ke aage andhakaar thahar nahin sakta vaise sarvashaktivaan ke aage maaya thahar nahin sakti। to sab maayaajeet ho jaayenge।

achha - omshaanti।