Avyakt murli du mardi 28 décembre 1982

>

28-12-82 om shanti avyakt baapdaada madhuban

“sada ek ras, sampoorn chamakta hua sitaara bano”

paramshikshak, sadguru,baap apne chamakte hue sitaaron, bachchon prati bole :-

‘‘baapdaada sabhi bachchon ko dekh har bachche ke vartamaan lagan mein magan rahne ki sthiti, aur bhavishya praapti ko dekh harshit ho rahe hain। kya the, kya bane hain aur bhavishya mein bhi kya banne vaale hain। harek bachcha vishwa ke aage vishesh aatma hai। har ek ke mastak par bhaagya ka sitaara chamak raha hai। aisa hi abhyaas ho, sada chamakte hue sitaare ko dekhte rahen,isi practice ko sada badhaate chalo। jahaan dekho,jab bhi kisko dekho, aisa natural abhyaas ho jo shareer ko dekhte hue na dekho। sada nazar chamakte hue sitaare ki taraph jaaye। jab aisi roohaani nazar sada natural roop mein ho jaayegi tab vishwa ki nazar aap chamakte hue dharti ke sitaaron par jaayegi। abhi vishwa ki aatmaayen dhoondh rahi hain। koi shakti kaarya kar rahi hai, aisi mahsoosta, aisi touching abhi aane lagi hai। lekin kahaan hai,kaun hai,yehædhoondhate hue bhi jaan nahin sakte। bhaarat dvaara hi aadhyaatmik light milegi,yeh bhi dheere-dheere spashta hota ja raha hai। is kaaran vishwa ki chaaron taraph se nazar hatkar bhaarat ki taraph ho gai hai lekin, bhaarat mein kis taraph aur kaun aadhyaatmik light dene ke nimitta hain,abhi yeh spashta hona hai। sabhi ke andar abhi yeh khoj hai ki bhaarat mein anek aadhyaatmik aatmaayen kahlaane vaali hain, aakhir bhi inmen dharmaatma kaun aur paramatma kaun hai? yeh to nahin hai,yeh to nahin hai - isi soch mein lage hue hain। ‘‘yahi hai'' isi phaisle par abhi tak pahunch nahin paaye hain। aisi bhatakti hui aatmaon ko sahi nishaana,yathaartha thikaana dikhaane vaale kaun? double videshi samajhte hain ki ham hi woh hain। phir itna bichaaron ko bhatkaate kyon ho? sada ke liye aisi sthiti banaao jo sada chamakte hue sitaare dekhen। door se hi aapki chamakti hui light dikhaai de। abhi tak jo sammukh aate hain, samparka mein aate hain,unheen ko anubhav hota hai lekin door-door tak yeh touching ho, yeh vibration phailen - usmein abhi aur bhi abhyaas ki aavashyakta hai। abhi nimantran dena padta hai ki aao, aakar anubhav karo।lekin jab chamakte hue sitaare - soorya, chandrama samaan, apni sampoorn stage par sthit honge phir kya hoga? jaise sthool roshni ke oopar parvaane svatah hi aate hain,shama bulaane nahin jaati hai lekin pyaase parvaane kahaan se bhi pahunch jaate hain। aise aap chamakte hue sitaaron par bhatakti hui aatmaayen, dhoondhane vaali aatmaayen svatah hi paane ke liye, milne ke liye aisi fast gati se aayenge jo aap sabko second mein baap dvaara mukti, jeevanmukti ka adhikaar dilaane ki teevragti se seva karni padegi। is samay master daata ka part baja rahe ho। master shikshak ka part chal raha hai। lekin abhi satguru ke bachche ban ‘gati aur sadgati' ke vardaata ka part bajaana hai। master satguru ka swaroop kaun sa hai, jaante ho? abhi to baap ka bhi, baap aur shikshak ka part vishesh roop mein chal raha hai isliye bachchon ke roop mein kabhi-kabhi baap ko bhi naaz aur nakhre dekhne padte hain। shikshak ke roop mein baar-baar ek hi paath yaad karaate rehte hain। satguru ke roop mein ‘gati-sadgati ka certificate',final vardaan second mein milega।

master satguru ka swaroop arthaat sampoorn follow karne vaale। satguru ke vachan par sada sampoorn reeti chalne vaale - aisa swaroop ab practical mein baap ka aur apna anubhav karengen। satguru ka swaroop arthaat sampanna, samaan banaakar saath le jaane vaale। satguru ke swaroop mein master satguru bhi nazar se nihaal karne vaale hai। mat di aur gati hui। isliye ‘guru mantra' prasiddha hai। second ka mantra liya aur samajhte hain, gati ho gai। mantra arthaat shreshtha mat। aisi powerful stage se shreemat denge jo aatmaayen anubhav karenge ki humein gati sadgati ka thikaana mil gaya। aisi shaktishaali sthiti ko ab se apnaao। sitaare to abhi ho lekin abhi light kya hoti hai…?

sada ek ras sampoorn chamakta hua sitaara ho, aise svayan ko pratyaksha karo। suna, kya karna hai? double videshi teevragti vaale ho na?ya rookte ho,chalte ho?kabhi baadlo ke beech chhip to nahin jaate ho? - baadal aate hain? aisa sampoorn swaroop bahut kaal sada-sada rahe tab pratyakshata ho। abhi-abhi chamakta hua sitaara aur abhi abhi phir baadlon mein chhip jaaye to vishwa ki aatmaayen spashta anubhav kar nahin sakteen। isliye ek ras rahne ka,sada soorya samaan chamakte rahne ka sankalp karo। achha –

sabhi double videshi bachchon ko aur chaaron or ke sevaadhaari bachchon ko, sada baap samaan man,vaani aur karma mein follow karne vaale, sada baap ke diltakhtansheen,master dilaaraam, sada bhatakti hui aatmaon ko raasta dikhaane vaale light house bachchon ko baapdaada ka yaadapyaar aur namaste।''

party ke saath

nerobi party se - ‘‘sabhi race mein number one ho na?number one ki nishaani hai -har baat mein win karne vaale arthaat one number mein aane vaale। kisi bhi baat mein haar na ho। sada vijayi। to nerobi nivaasi sada vijayi ho na! kabhi chalte- chalte rookte to nahin ho। rookne ka kaaran kya hota?zaroor koi na koi maryaada va niyam thoda bhi neeche oopar hota hai to gaadi rook jaati hai। lekin yeh sangamayug hai hi ‘maryaada purooshottam'banne ka yug। puroosh nahin, naari nahin lekin ‘purooshottam'hain, isi smriti mein sada raho। purooshon mein uttam puroosh - ‘prajaapita brahma'ko kaha jaata hai। to brahma ke bachche aap sab ‘brahmaakumaar-kumaariyaan'bhi purooshottam ho gaye na। is smriti mein rahne se sada udti kala mein jaate rahenge,neeche nahin rookenge। chalne se bhi oopar sada udte rahenge kyonki sangamayug udti kala ka yug hai,aur koi aisa yug nahin jismen udti kala ho। to smriti mein rakho ki yeh yug udti kala ka yug hai, braahmanon ka karttavya bhi udna aur udaana hai। vaastavik stage bhi udti kala hai। udti kala vaala second mein sarva samasyaayen paar kar lega। aisa paar karega jaise-kuchh hua hi nahin। neeche ki koi bhi cheej disturb nahin karegi। rookaavat nahin daalegi। plen mein jaate hain to himaalay ka pahaad bhi rookaavat nahin daalta, pahaad ko bhi manoranjan ki reeti se paar karte hain। to aise hi udti kala vaale ke liye bade te badi samasya bhi sahaj ho jaati hai।

nerobi apna number aage le rahi hai na! abhi vi.aai.Ps. ki service mein number aage lena hai। sankhya to achhi hai, abhi dekhenge conference mein vi.aai.Ps. kaun kaun le aata hai?abhi hai woh number। sabse number one vi.aai.Ps. kaun laata hai, abhi yeh race baapdaada dekhenge।''

naye haal ke liye chitra banaane vaale chitrakaaron prati baapdaada ka eeshaara - ‘‘chitrakaar ban karke chitra bana rahe ho va svayan us sthiti mein sthit ho karke chitra banaate ho! kya karte ho? kyonki aur kahaan bhi koi chitra banaate hain to woh rivaaji chitrakaar chitra bana dete hain। yahaan chitra banaane ka lakshya kya hai? jaise baap ka chitra banaayenge to uski visheshta kya honi chaahiye? chitra chaitanya ko pratyaksha karen। chitra ke aage jaate hi anubhav karen ki yeh chitra nahin dekh raha hai, chaitanya ko dekh raha hai। vaise bhi chitra ki visheshta - chitra jad hote chaitanya anubhav ho, isi par prize milti hai। usmein bhi bhaav aur prakaar ka hota। lekin roohaani chitra ka lakshya hai - chitra roohaani rooh ko pratyaksha kar de। roohaaniyat ka anubhav karaaye। aise alaukik chitrakaar, laukik nahin। laukik chitrakaar to laukik baaton ko - nayan, chain ko dekhenge lekin yahaan roohaaniyat ka anubhav ho - aisa chitra banaao। (aasheervaad chaahiye) aasheervaad to kya aasheervaad ki khaan par pahunch gaye ho, maangane ki aavashyakta nahin hai, adhikaar lene ka sthaan hai। jab varse ke roop mein praapta ho sakta hai to thodi si blessing kyon? khaan par jaakar do mutthi bharkar aana usko kya kaha jaayega? baap jaise svayan saagar hai to bachchon ko bhi master saagar banaayenge na। saagar mein koi bhi kami nahin hoti। sada bharpoor hota hai। achha -''

sveedan party se :-’’sada nishchaybuddhi vijayi ratna hain।'' - isi nashe mein raho। nishchay ka foundation sada pakka hai! apne aap mein nishchay, baap mein nishchay aur drama ki har scene ko dekhte hue usmein bhi poora nishchay। sada isi nishchay ke aadhaar par aage badhte chalo। apni jo bhi visheshtaayen hain, unko saamne rakho, kamzoriyon ko nahin, to apne aap mein faith rahega। kamzori ki baat ko jyaada nahin sochna to phir khushi mein aage badhte jaayenge। baap ka haath liya to baap ka haath pakadne vaale sada aage badhte hain, yeh nishchay rakho। jab baap sarvashaktivaan hai to uska haath pakadne vaale paar pahunche ki pahunche। chaahe khud bhale kamjor bhi ho lekin saathi to majboot hai na। isliye paar ho hi jaayenge। sada nishchaybuddhi vijayi ratna,isi smriti mein raho। beeti so beeti, bindi lagaakar aage badho।''

mahaavaakyon ka saar

1. sada nazar chamakte hue sitaare ki taraph jaae। jab aisi roohaani nazar sada naturally roop mein ho jaavegi tab vishwa ki nazar aap chamakte hue dharti ke sitaaron par jaayegi।