Avyakt murli du mardi 11 janvier 1983

>

11-01-83 om shanti avyakt baapdaada madhuban

samartha ki nishaani – sankalp,bol, karma,svabhaav,snskaar baap samaan

landan group ke prati baapdaada bole –

aaj roohaani baap bachchon se dilaaraam ko di hui dil ka samaachaar poochhne aaye hain। sabhi ne dilaaraam ko dil di hai na। jab ek dilaaraam ko dil de di to uske sivaae aur koi aa nahin sakta। dilaaraam ko dil dena arthaat dil mein basaana। isi ko hi sahaj yog kaha jaata he। jahaan dil hogi vahaan hi dimaarga bhi chalega। to dil mein bhi dilaaraam aur dimaag mein bhi arthaat smriti mein bhi dilaaraam। aur koi bhi smriti va vyakti dilaaraam ke beech aa nahin sakta - aisa anubhav karte ho? jab dil aur dimaag arthaat smriti, sankalp,shakti sab baap ko de di,to baaki raha hi kya। man,vaani aur karma se baap ko de di, to baaki raha hi kya। man, vaani aur karma se baap ke ho gaye। sankalp bhi yeh kiya ki ham baap ke hain aur vaani se bhi yahi kehte ho ‘mera baba’,main baba ka। aur karma mein bhi jo seva karte ho woh bhi baap ki seva woh meri seva- aise hi man,vaani aur karma se baap ke ban gaye na। baaki margin kya rahi, jahaan se koi sankalp maatra bhi aave। koi bhi sankalp va kisi prakaar ki bhi aakarshan aane ka koi darvaaja va khidki rah gai hai kya? aane ka raasta hain hi man, buddhi,vaani aur karma - chaaron taraph check karo ki jara bhi kisko aane ki margin to nahin hai। margin hai?dreemsa (svapna) bhi isi hi aadhaar par aate hain। jab baap ko ek baar kaha ki yeh sab kuchh tera phir baaki kya raha? isi ko hi nirantar yaad kaha jaata hai। kahne aur karne mein antar to nahin kar dete ho?tera mein mera mix to nahin kar dete ho? sooryavanshi arthaat golden ej। usmein mix to nahin hoga na। daaimanda bhi bedaag ho। koi daag to nahin gaya hai।

jis samay bhi koi kamzori varnan karte ho, chaahe sankalp ki, bol ki, chaahe sanskaar svabhaav ki, to shabd kya kehte ho?mera vichaar aisa kehta hai। va mera sanskaar hi aisa hai। lekin jo baap ka sanskaar,sankalp so mera sanskaar,sankalp। jab baap jaisa sankalp, sanskaar ho jaata hai to aise bol kab nahin bolenge ki kya karoon, mera svabhaav sanskaar aisa he। kaya karoon,yeh shabd hi kamzori ka hai। samartha ki nishaani hai - sada baap samaan sankalp, bol,karma, svabhaav,sanskaar ho। baap ke alag, mere alag yeh ho nahin sakta। unke sankalp mein, bol mein, har baat mein baba,baba shabd natural hoga। aur karma karte karaavanhaar kara raha hai - yeh anubhav hoga। jab sab mein baba aa gaya to baap ke aage maaya aa nahin sakti। ya baap hoga ya maaya। london nivaasi baba, baba kehte, smriti mein rakhte sadaakaal ke liye maayaajeet ho gaye hain। jab varsa sadaakaal ka lete ho to yaad bhi sadaakaal ki chaahiye na। maayaajeet bhi sadaakaal ke liye chaahiye।

london hai seva ka foundation sthaan। to foundation ke sthaan par rahne vaale bhi foundation ke samaan sada majboot hain। kya karen, kaise karen, aisi koi bhi complaint to nahin hai na। bahut karke drama bhi maaya ke hi karte ho na। har drama mein maaya na aane vaali bhi jaati hai। maaya ke bina shaayad drama nahin bana sakte ho। maaya ke bhi bhinna-bhinna swaroop dikhaate ho na। har baat ka parivartak swaroop ho, iska drama dikhaao। maaya ka mukhya swaroop kya hai, usko to achhi tarah se jaante ho। lekin maayaajeet banne ke baad vahi maaya ke swaroop kaise badal jaate hain,woh drama dikhaao। jaise shaareerik drishti jisko kaam kehte, to uske bajaae aatmik sneh roop mein badal jaata - aise sab vikaar parivartak roop mein ho jaate। to kya parivartan hua yeh practical mein anubhav bhi karo aur dikhaao bhi।

london nivaasiyaun ne vishesh sva ki unnati prati aur vishwa kalyaan prati kaun sa lakshya rakha hai? sabhi ko vishesh sada yahi smriti mein rahe ki ham hain hi pharishte। phirashte ka swaroop kaya,bol kya,karma kya hota woh svatah hi pharishte roop se chalte chalenge। ‘‘pharishta hoon, pharishta hoon’’ - isi smriti ko sada rakho। jabki baap ke ban gaye aur sab kuchh mera so tera kar diya to kya ban gaye। halke pharishte ho gaye na। to is lakshya ko sada sampanna karne ke liye ek hi shabd ki sab baap ka hai, mera kuchh nahin - yeh smriti mein rahe। jahaan mera aave to vahaan tera kah do। phir koi bojh nahin feel hoga। har varsha kadam aage badh raha hai aur sada aage badhte rahenge, udti kala mein jaane vaale pharishte hain yeh to pakka hai na। neeche oopar, neeche oopar hone vaale nahin। achha - london nivaasiyon ki mahima to sabhi jaante hain। aapko sab kis najar se dekhte hain? sada maayaajeet। kyonki powerful double paalna mil rahi hai। baapdaada ki to sada paalna hai hi lekin baap ne jinhon ko nimitta banaaya hai woh bhi powerful paalna mil rahi hai। niraakaar, aakaar aur saakaar teenon ko follow karo to kya ban jaayenge? pharishta ban jaayenge na। london nivaasi arthaat no complaint,no kanphyooj। alaukik jeevan vaale, svaraajya karnevaale sab king aur queen ho na। aapka nasha hai na।’’

kumaariyon se - kumaariyaan to apna bhaagya dekh sada harshit hoti hain। kumaari laukik jeevan mein bhi oonchi gai jaati hai aur gyaan mein to kumaari hai hi mahaan। laukik mein bhi shreshtha aatmaayen aur paarlaukik mein bhi shreshtha aatmaayen। aise apne ko mahaan samajhti ho? aap to ‘haan’aise kaho jo duniya sune। kumaariyon ko to baapdaada apne dil ki tijori mein rakhta hai ki kisi ki bhi najar na lage। aise amoolya ratan ho। kumaariyaan sada padhaai aur seva isi mein hi busy rehti hain। kumaari jeevan mein baap mil gaya aur chaahiye hi kya। anek sambandhon mein bhatakna nahin pada, bach gai। ek mein sarva sambandh mil gaye। nahin to pata hai kitne vyartha ke sambandh ho jaate, saasu ka, nannad ka, bhaabhiyon ka…sabse bach gai na। na jaal mein phansi, na jaal se chhudaane ka samay hi tha। kumaariyaan to hain hi double light। kumaariyaan sada baap samaan sevaadhaari aur baap samaan sarva dhaarnaaon swaroop। kumaari jeevan arthaat pure jeevan। pure aatmaayen shreshtha aatmaayen hui na। to baapdaada kumaariyon ko mahaan poojya aatma ke roop mein dekhte hain। pavitra aatmaayen sarva ki aur baap ki priy hain।

apne bhaagya ko sada saamne rakhte hue samartha aatma ban seva mein samarthi laate raho। yahi bada punya hai। jo svayan ko praapti hui hai woh auron ko bhi karaao। khazaanon ko baantane se khazaana aur hi badhega - aise shubh sankalp rakhne vaali kumaari ho na। achha –

teachers ke saath :- vishwa ke showcase mein vishesh showpiece ho na। sabki najar nimitta bane hue sevaadhaari kaho, shikshak kaho, unheen par hi rehti hai। sada stage par ho। kitni badi stage hai। aur kitne dekhne vaale hain। sabhi aap nimitta aatmaon se praapti ki bhaavna rakhte hain। sada yeh smriti mein rehta hai? centre par rehti ho va stage par rehti ho? sada behad ki anek aatmaon ke beech bade te badi stage par ho। isliye sada daata ke bachche dete raho aur sarva ki bhaavnaayen sarva ki aashaayen poon karte raho। mahaadaani aur vardaani bano,yahi aapka swaroop hai। is smriti se har sankalp,bol aur karma hero part ke samaan ho kyonki vishwa ki aatmaayen dekh rahi hain। sada stage par hi rehna,neeche nahin aana। nimitta sevaadhaariyon ko baapdaada apna phrendas samajhte hain। kyonki baap bhi shikshak hai to baap samaan nimitta banne vaale phrendas hue na। to itni sameep ki aatmaayen ho। aise sada apne ko baap ke saath va sameep anubhav karti ho?jab bhi baba kaho to hajaar bhujaaon ke saath baba aapke saath hai। aise anubhav hota hai? jo nimitta bane hue hain unheen ko baapdaada extra sahayog dete hain। iseelie bade phakhur se baba kaho, bulaao,to haajir ho jaayenge। baapdaada to obedient hain na।

achha - om shanti।