Avyakt murli du mardi 1 mars 1983

>

01-03-83 om shanti avyakt baapdaada madhuban

vishwa ke har sthaan par aadhyaatmik light aur gyaan jal pahunchaao

sada ekras sthiti mein sthit karne vaale avyakt baapdaada bole:-

aaj baapdaada vatan mein rooh-roohaan kar rahe the। saath-saath bachchon ki rimjhim bhi dekh rahe the। vartamaan samay madhuban vardaan bhoomi par kaise bachchon ki rimjhim lagi hui hai woh dekh-dekh harsha rahe the। baapdaada dekh rahe the ki madhuban power house se chaaron or kitne kanekshansa gaye hue hain। jaise sthool power house se anek taraph light ke connection jaate hain। aise is power house se kitne taraph connection gaye hain। vishwa ke kitne konon me light ke connection gaye hain aur kitne konon mein abhi connection nahin hua hai। jaise aajkal ki government bhi yahi koshish karti hai ki apne raajya mein sabhi konon mein sabhi gaanvon mein chaaron taraph light aur paani ka prabandha zaroor ho। to paandav government kya kar rahi hai! gyaan gangaayen chaaron or ja rahi hain। power house se chaaron or light ka connection ja raha hai। jaise oopar se kisi bhi shahar ko ya gaanv ko dekho to kahaan-kahaan roshni hai। nazdeek mein roshni hai ya door-door hai, woh drishya spashta dikhaai deta hai। baapdaada bhi vatan se drishya dekh rahe the ki kitne taraph light hai aur kitne taraph abhi tak light nahin pahunchi hai। result ko to aap log bhi jaante ho ki desh videsh mein abhi tak kai sthaan rahe hue hain jahaan abhi kanekshansa dene hain। jaise light aur paani bigar us sthaan ki value nahin hoti। aise jahaan aadhyaatmik light aur gyaan jal ki poorti nahin hui hai vahaan ki chaitanya aatmaayen kis sthiti mein hai! andhakaar mein pyaas mein bhatak raheen hain,tadap raheen hain। aise aatmaon ki value kya bataate ho? chitra banaate ho na kaudi tulya aur heere tulya! light aur gyaan jal milne se kaudi se heera ban jaate hain। to value badh jaati hai na। baapdaada dekh rahe the ki aaye hue desh-videsh se bachche, power house se vishesh power lekar apne apne sthaan par ja rahe hain।

ek taraph to bachchon ke sneh mein baapdaada samajhte hain ki madhuban arthaat baapdaada ke ghar ka shringaar ja rahe hain। jab bhi bachche madhuban mein aate hain to madhuban ki raunak ya sweet hom ki jhalak kya ho jaati hai! bachche bhi khush hote hain aur ghar bhi saja hua lagta hai। madhuban vaale bhi aise mahsoos karte hain ki madhuban ki raunak badhaane vaale hamaare snehi saathi aaye hain। jaise aap log vahaan yaad karte ho, chalte,phirte,uthte-baithte madhuban ki smriti sada taaji rehti hai vaise baapdaada aur madhuban nivaasi bhi aap sabko yaad karte hain। sneh ke saath-saath seva bhi vishesh subject hai - isliye sneh se to samajhte hain yahaan hi baith jaaen। lekin seva ke hisaab se chaaron or jaana hi pade। haan, aisa bhi sayam aayega jo jaana nahin padega lekin ek hi sthaan par baithe-baithe chaaron or ke parvaane svatah shama par aayenge। yeh to chhota sa sample dekha ki aabu hamaara hi hai। abhi to kiraaye par makaan lene pade na! phir bhi thodi si raunak dekhi। aisa samay aayega jo chaaron or pharishte najar aayenge। abhi mukh dvaara seva ka part chal raha hai aur abhi kuchh raha hua hai isliye door-door jaana padta hai। abhi shreshtha sankalp ki shaktishaali seva jo pahle bhi sunaai hai,ant mein vahi seva ka swaroop spashta dikhaai dega। humein koi bula raha hai koi divya buddhi dvaara, shubh sankalp ka bulaava ho raha hai, aise anubhav karenge। koi divya drishti dvaara baap aur sthaan ko dekhenge। donon prakaar ke anubhvon dvaara bahut teevragti se apne shreshtha thikaane par pahunch jaayenge। is varsha kya karenge?

prayatna achha kiya hai। is varsha rahe hue sthaanon ko light to denge hi। lekin har sthaan ki visheshta is varsha yahi dikhaao ki har seva kendra usmein bhi vishesh bade-bade kendra jo hain usmein yeh lakshya rakho, jaise kabhi dharma sammelan karte ho to sabhi dharma vaale ikatthe karte ho ya raajneetik ko bulaate ho, science vaalon ko vishesh bulaate ho, alag-alag prakaar ke sneh milan karte ho to is varsha har sthaan par sarva prakaar ke vishesh occupation vaale,sambandh mein aane vaale taiyaar karo। to jaise abhi aise kehte hain ki yahaan kaale gore sab prakaar ki variety hai। ek sthaan par sarva rang, desh,dharma vaale hain, aise yeh kahen ki yahaan sarva occupation vaale hain। vishesh aatmaayen ek hi guldaste mein variety phoolon ke misal dikhaai den। har centre par har occupation vaali vishesh aatmaon ka sangathan ho। jo duniya mein yeh aavaaz bulanda ho ki yeh ek baap ek hi satya gyaan sarva occupation vaalon ke liye kitna sahaj aur saral hai! arthaat har seva sthaan ki stage par sarva occupation vaale ikatthe dikhaai den। koi bhi occupation vaala rah na jaaen। gareeb se lekar saahookaar tak, gaanv vaalon se lekar bade shahar vaale tak, majdoor se lekar bade se bade udyogapti tak,sarva prakaar ki vishesh aatmaon ki alaukik raunak dikhaai de। jisse koi bhi yeh nahin kah sake ki kya yeh eeshvareey gyaan sirf inheen ke liye hai? sarva ka baap sarva ke liye hai - bachche se lekar pardaade tak, sabhi aisa anubhav karen ki vishesh hamaare liye yeh gyaan hai jaise aap sabhi braahmanon ke man se, dil se ek hi aavaaz nikalti hai, ki hamaara baba hai। aise vishwa ke kone-kone se,vishwa ke har occupation vaali aatma dil se kahe ki hamaare liye baap aaye hain, hamaare liye hi yeh gyaan sahaara hai। gyaan daata aur gyaan donon ke liye sab taraph se sab prakaar ki aatmaon se yeh hi aavaaz nikle। vaise sarva occupation vaalon ki seva karte bhi rehte ho lekin har sthaan par sab variety ho। aur phir aise variety occupation vaalon ka guldasta baapdaada ke paas le aao। to har sevaakendra vishwa ki sarva aatmaon ke sangathan ka ek vishesh chaitanya museum ho jaayega। samjha! jo bhi samparka mein hain, unheen ko sambandh mein laate hue seva ki stage par laao। samay prati-samay jo bhi vi.aai.Ps. va papers vaale aaye hain unheen ko seva ki stage par laate raho to mukh se bolne se bhi woh mukh ka bol un aatmaon ke liye eeshvareey bandhan mein bandhane ka saadhan ban jaata hai। ek baar bola ki bahut achha hai aur phir sambandh se door ho gaye,to bhool jaate hain। lekin baar-baar bahut achha, bahut achha kehte rahen, anekon ke saamne, to woh bol bhi unheen ko achha banne ka utsaah badhaata hai। aur saath-saath sookshm niyam bhi hai ki jitnon ko anek bol dvaara parichay milta hai arthaat unke naam dvaara,bol dvaara jitnon par prabhaav padta hai un aatmaon ka share unko mil jaata hai। arthaat unhon ke khaate mein punya ki poonji jama ho jaati hai। aur vahi punya ki poonji arthaat punya ka shreshtha karma,shreshtha banne ke liye unheen ko kheenchata rahega। isliye jo abhi direct baap ki bhoomi se kuchh na kuchh le gaye hain chaahe thoda,chaahe bahut lekin unheen se daan karaao। arthaat seva karaao। to jaise sthool dhan ka phal sakaami alpakaal ka raajya milta hai vaise is gyaan dhan va anubhav ke dhan daan karne se bhi naye raajya mein aane ka paatra bana dega। bahut achhe prabhaavit hue, ab un prabhaavit hui aatmaon dvaara seva karaae un aatmaon ko bhi seva ke bal dvaara aage badhaao aur anekon ke prati nimitta banaao। samjha kya karna hai! service vriddhi ko to pa hi rahi hai aur paati rahegi lekin ab class mein students ki variety banaao

abhi to videsh vaalon ka milne ka saakaar roop ka is varsha ke liye season ka part poora ho raha hai। lekin desh vaalon ka to aahvaan ho raha hai sunaaya na saakaar vatan mein to samay ka niyam banaana padta hai aur aakaari vatan mein is bandhan se mukta hain achha –

chaaron or ke umang utsaah vaale sevaadhaari bachchon ko, sada baap ke saathsaath anubhav karne vaale sameep aatmaayen bachchon ko, sada ek hi yaad mein ekras rahne vaali shreshtha aatmaon ko baapdaada ka yaadapyaar aur namaste।