Avyakt murli du lundi 21 mars 1983

>

21-03-83 om shanti avyakt baapdaada madhuban

geeta paathshaala chalne vaale bhaai-baheno ke sammukh avyakt baapdaada ke mahaavaakya

aaj param aatma apne mahaan aatmaon se milne aaye hain। baapdaada sabhi bachchon ko mahaan aatmaayen dekhte hain। duniya vaale jin aatmaon ko mahaatma kehte aise mahaatmaayen bhi aap mahaan aatmaon ke aage kya dikhaai denge! sabse bade se badi mahaanta jisse mahaan bane ho, woh jaante ho?

jin aatmaon ko, vishesh maataaon ko har baat mein ayogya bana diya hai aisi ayogya aatmaon ko yogya arthaat baap ke bhi adhikaari aatmaayen bana diya। jinko charnon ki jooti samjha hai, baap ne naynon ka noor bana diya। jaise kahaavat hai - ‘noor nahin to jahaan nahin’। aise hi baapdaada bhi duniya ko dikha rahe hain -‘bhaarat maata shakti avtaar nahin to bhaarat ka uddhaar nahin’। aise ayogya aatmaon se yogya aatma banaaya। to mahaan aatmaayen ban gaye na! jinhonne bhi baap ko jaana aur jaankar apna banaaya woh mahaan hain। paandavon ne bhi jaana hai aur apna banaaya hai va sirf jaana hai?apna banaane vaale ho na! jaanne ki list mein to sabhi hain। apna bana lena ismen nambarvaar ban jaate hain।

apna banaana arthaat apna adhikaar anubhav hona aur adhikaar anubhav hona arthaat sarva prakaar ki adheenta samaapta hona। adheenta anek prakaar ki hai। ek hai sva ki sva prati adheenta । doosri hai sarva ke sambandh mein aane ki। chaahe gyaani aatmaayen, chaahe agyaani aatmaayen, donon ke sambandh samparka dvaara adheenta । teesri hai prakriti aur paristhitiyon dvaara praapta hui adheenta। teenon mein se kisi bhi adheenta ke vash hain to siddha hai sarva adhikaari nahin hai।

abhi apne ko dekho ki apna banaana arthaat adhikaari banne ka anubhav sada aur sarva mein hota hai। va kabhi kabhi aur kis baat mein hota hai aur kismen nahin hota hai। baapdaada bachchon ke shreshtha takdeer ko dekh harshit bhi hote hain। kyonki duniya ki anek prakaar ki aag se bach gaye। aaj ka maanav anek prakaar ki aag mein jal raha hai। aur aap bachche sheetal saagar ke kanthe par baithe ho। jahaan saagar ki sheetal lahron mein, ateendriy sukh ki, shanti ki praapti mein samaaye hue ho। atomic bombs ya anek prakaar ke bombs ki agni jvaala jisse log itna ghabra rahe hain,woh to sirf sekandon ki,minute ki baat hai। lekin aajkal ke anek prakaar ke dukh,chintaayen,samasyaayen yeh bhinna-bhinna prakaar ki chot jo aatmaon ko lagti hai yeh agni jeete hue jalaane ka anubhav karaati hai। na jinda hain,na mare hue hain। na chhod sakte, na bana sakte। aise jeevan se nikal shreshtha jeevan mein aa gaye ho - isliye sada sarva ke prati raham aata hai na। tab to ghar-ghar mein sevaakendra banaaya hai। bahut achha seva ka lakshya rakha hai। ab to gaanv gaanv ya mohalle mein hain, lekin ab gali gali mein ‘gyaan-sthaan’ho। bhakti mein dev-sthaan banaate hain lekin yahaan ghar-ghar mein brahman aatma ho। jaise ghar ghar mein aur kuchh nahin to devtaaon ke chitra zaroor honge। aise ghar ghar mein chaitanya brahman aatma ho। gali gali mein gyaan-sthaan ho tab har gali mein pratyakshata ka jhanda lahraayenge। abhi to seva bahut padi hai। phir bhi bachchon ne himmat rakh jitni bhi seva ki hai,baapdaada himmatvaan bachchon ko mubaarak dete hain। aur sada madad lete hue aage badhne ki shubh aasheervaad bhi dete hain। aur phir jab ghar- ghar mein deepak jagaakar deepaavli manaakar aayenge to inaam bhi denge।

baapdaada ko yeh dekh khushi hai ki mahaan aatmaon ko bhi challenge karne vaale pavitra pravritti ka saboot dikhaane vaale, had ke ghar ko baap ki seva ka sthaan banaane vaale,sapoot bachchon ka pratyaksha part baja rahe hain। isliye baapdaada aise sevaadhaari bachchon ko dekh sada harshit rehte hain। ismen bhi sankhya jyaada maataaon ki hai। agar paandav kisi bhi baat mein aage jaate hain to shaktiyon ko sada khushi hoti hai। baapdaada bhi paandavon ko aage karte hain। paandav svayan bhi shaktiyon ko aage rakhna zaroori samajhte hain। pahli koshish kya karte ho?murli kaun sunaav,ismen bhi brahma baap ko follow karte ho। shiv baap ne brahma maa ko aage badhaaya aur brahma maa ne sarasvati maa ko aage badhaaya। to follow father mother ho gaya na। sadaiv yeh smriti mein rakho ki aage badhaane mein aage badhta samaaya hua hai। jabse baapdaadaane maataaon ke oopar najar daali tab se duniya vaalon ne bhi ‘ledeej first’ ka naara zaroor lagaaya। naara to lagaate hain na? bhaarat ki raajneeti mein bhi dekho to sabhi puroosh bhi naari ke liye mahima to gaate hain na। aise to paandav bhi kisi hisaab se naariyaan hi ho। aatma naari hai aur paramatma puroosh hai। to kya hua। aatma kehti hai,aatma kehta hai - aise nahin kaha jaata। kuchh bhi ban jaao lekin naari to ho। paramatma ke aage to aatma naari hai। aashik nahin ho? sarva sambandh ek baap se nibhaane vaale ho। yeh to vaayda hai na। yeh to baapdaada bachchon se rooh-roohaan kar rahe hain। sabhi sikeeldhe bachche sada ‘ek baap doosra na koi’ -isi anubhav mein sada rahne vaale hain। aise bachche hi baap samaan shreshtha aatmaayen bante hain। achha –

aise sada seva ke umang utsaah mein rahne vaale, sada sarva aatmaon prati shreshtha kalyaan ki bhaavna rakhne vaale, shreshtha himmat dvaara baap daada ke madad ke paatra aatmaayen - aise sevaasthaan ke nimitta bane hue mahaan aatmaon ko param aatma ka yaadapyaar aur namaste।’’

party se

baapdaada ne bachchon ki visheshta ke gun to suna hi diye। jo baapdaada ke samaan sevaadhaari hain un bachchon ko baapdaada sada kahaan rakhte hain? (naynon mein) nayan saare shareer mein sookshm hain or naynon mein bhi jo noor hai woh kitna sookshm hai,bindi hai na। to baap ke naynon mein samaane vaale arthaat ati sookshm। ati nyaare aur baap ke pyaare। aise hi anubhav karte ho na! bahut achha chance drama anusaar mila hai। kyon achha kehte hain? kyonki jitna busy rahenge utna hi maayaajeet ho jaayenge। busy rahene ka achha saadhan mila hai na। seva busy rahne ka saadhan hai। chaahe kisi bhi samay maaya ka vighna aaya hua hai lekin jab seva vaale saamne aayenge to apne ko theek karke unki seva karenge। kya bhi hoga,taiyaar hokar ke hi murli sunaayenge na। aur sunaate sunaate svayan ko bhi suna lenge। doosron ki seva karne se svayan ko bhi madad mil jaati hai। isliye bahut bahut shreshtha saadhan mila hua hai। ek hota hai apna purooshaartha karna, ek hota hai doosre ke sahayog ka saadhan। to double ho gaya na! pravritti sambhaalte seva ki jimmevaari sambhaal rahe ho yeh bhi double laabh ho gaya। yeh to raaste chalte khuda dosta dvaara baadshaahi mil gai। double praapti, double jimmevaari,lekin double jimmevaari hote bhi double light double light samajhne se kabhi laukik jimmevaari bhi thakaayegi nahin kyonki trustee ho na। trustee ko kya thakaavat। apni grihasthi, apni pravritti samjhenge to bojh hai। apna hai hi nahin to bojh kis baat ka। paandav ko kabhi laukik vyavhaar, laukik vaayumandal mein bojh to nahin lagta। bilkul nyaare aur pyaare! baalak so maalik,aisa nasha rehta hai?maalikpan ka nasha behad ka hai। behad ka nasha behad chalega aur had ka nasha had tak chalega। sada is behad ke nashe ko smriti mein laao ki kya-kya baap ne diya hai,us diye hue khazaane ko saamne laate hue phir apne ko dekho ki sarva khazaanon se sampanna hue hain, agar nahin to kaun sa khazaana aur kyon nahin dhaaran hua hai,phir usi pramaan se dekho aur dhaaran karo। samay kaun sa hai? baap bhi shreshtha,praapti bhi shreshtha aur svayan bhi। jahaan shreshthata hai vahaan zaroor praapti hai hi। saadhaaranta hai to praapti bhi saadhaaran। achha –