Avyakt murli du samedi 3 décembre 1983

>

03-12-83 om shanti avyakt baapdaada madhuban

sangamayugi brahman - chatur sujaan saudaagar, ratnaagar

ratnaagar baapdaada apne chatur sujaan bachchon ke prati bole:-

aaj ratnaagar baap apne saudaagar bachchon ko dekh rahe hain। sauda sabhi bachchon ne kiya hai। kisse sauda kiya aur kinhonne kiya hai? duniya ke hisaab se to bahut bhole bachche hain lekin bhole bachchon ne chatur-sujaan baap ko jaana। to bhole va chatur hue! duniya vaale jo apne ko anek baaton mein chatur samajhte hain uske antar mein aap sabko bhole samajhte hain lekin aap sab unko bhole kehte ho - kyonki chatur-sujaan baap ko jaanne ki samajh, chaturaai unhon mein nahin hai। aap logon ne mool ko jaan liya aur woh vistaar mein ja rahe hain। aap sabne ek mein padam pa liya aur woh arab-kharab ginte hi rah gaye। pahchaanne ki aankh, jisko shreshtha knowledge ki aankh kehte hain, woh kalpa-kalpa kisko praapta hoti hai? aap bholi aatmaon ko। ve kya aur kyon, aise aur kaise ke vistaar mein dhoondhate hi rah jaate hain aur aap sabhi ne ‘vo hi mera baap hai’, mera baba kahkar ratnaagar se sauda kar liya। gyaan saagar kaho, ratnaagar kaho, ratnon ki thaaliyaan bhar-bharkar de rahe hain। un ratnon se khelte ho! ratnon se palte ho। ratnon mein jhoolte ho। ratna hi ratna hain। hisaab kar sakte ho। kitne ratna mile hain। amritvele aankh kholte baap se milan manaate,ratnon se khelte ho na। saare din mein dhandha kaun sa karte ho! ratnon ka dhandha karte ho na! buddhi mein gyaan ratnon ki paaintsa ginte ho na। to ratnon ke saudaagar, ratnon ki khaanon ke maalik ho। jitne kaarya mein lagaao utne badhte hi jaate। sauda karna arthaat maalaamaal banna। to sauda karna aa gaya hai! sauda kar liya hai va abhi karna hai? saudaagar nambarvaar hain va sabhi number one hain? lakshya to sabhi ka number one hai lekin number one sada ratnon mein itna busy rahega jo aur koi baaton ko dekhne, sunne aur sochne ki phursat hi nahin hogi। maaya bhi busy dekh vaapas chali jaayegi। maaya ko baar-baar bhagaane ki mehnat nahin karni padegi। to aaj baapdaada ek taraph bade-bade naameegraami knowledgeful kahlaane vaale bachchon ko dekh rahe the,kya-kya kar rahe hain! anek baaton ki samajh hai, ek baat ki samajh nahin hai। uske antar mein brahman bachchon ko dekh rahe the। baapdaada bhi donon ka antar dekh geet ga rahe the। aap bhi woh geet gaate ho। jo brahma baap ko bahut priy lagta hai। baapdaada bachchon ke prati ga rahe hain। jo brahma baap aaj bahut masti mein ga rahe the - kitne bhole kitne pyaar meethe-meethe bachche। jaise aap log baap ke liye gaate ho na। baap bhi bachchon ke liye yahi geet gaate, aise hi isi smriti-swaroop mein kiske pyaare hain,kiske meethe hain, kaun bachchon ka geet gaata hai! yeh smriti sada nirmaan banaae sva-abhimaan ke nashe mein sthit kar deti hai। isi nashe mein koi nuksaan nahin। itna nasha rehta hai! aadha kalpa aapne bhagwan ke geet gaaye aur ab bhagwan geet ga rahe hain। donon taraph ke bachchon ko dekh ham aur sneh donon aa rahe the।

brahma baap ko aaj bhaarat ke aur videsh ke anjaan bachche vishesh yaad aa rahe the। duniya vaale to unhon ko vi.aai.pi (VIP) kehte hain lekin baap un bachchon ko vi.aai.pi. arthaat very innocent parsan, (Very Innocent Person) is roop mein dekh rahe the। aap saint (Saint) ho ve innocent hain lekin abhi unhon ko bhi anchali do। anchali dene aati hai! aapke line mein unhon ka number abhi peechhe hai va aage hai? kya samajhte ho?(silence ki drill)

aise vishesh silence ki shakti un aatmaon ko do। abhi sankalp uthta hai ki koi sahaara, koi naya raasta milna chaahiye। abhi chaah utpanna ho rahi hai। ab raah dikhaana aap sabka kaarya hai। ‘ekta aur dridhta’ - yeh do saadhan hain raah dikhaane ke। sangathan ki shubh bhaavna aisi aatmaon ko bhaavna ka phal dilaane ke nimitta banegi। sarva ka shubh sankalp,un aatmaon mein bhi shubh kaarya karne ke sankalp ko utpanna karega। isi vidhi ko abhi se apnaao। phir bhi bada kaarya saphal tab hota hai jab sabke shubh sankalpon ki aahuti padti hai। samjha। baapdaada to yahi sabhi ke prati kehte hain ki koi bachcha vanchit na rah jaae। aap sabhi to maalaamaal ho gaye na। achha-

aise shreshtha sauda karne vaale shreshtha saudaagar, sada ratnon se palne aur khelne vaale master ratnaagar, baap ke ati snehi sada sahayogi sikeeldhe, pahchaanne ke netradhaari,sada sevaadhaari, sada‘mera baba’ke geet gaane vaale, vishesh aatmaon ko baapdaada ka yaad-pyaar aur namaste।’’

party se mulaakaat

madraas nivaasiyon prati:- ‘‘sabhi umang-utsaah mein ho na। sabhi ke man mein ek hi umang-utsaah hai na ki baap ko kaise pratyaksha karen! abhi to stage bhi taiyaar kar rahe ho na। stage taiyaar kar rahe ho pratyakshata ka jhanda lahraane ke liye। sthool jhanda aur bhi lahraate hain, aap sabhi kaun sa jhanda lahraayenge,(kapde vaala jhanda lahraayenge) kya karenge?woh to hua nimitta maatra lekin asli jhanda kaun sa lahraayenge। baap ko pratyaksha karne ka। baap aaye hain yeh aavaaz phailaane ka jhanda lahraayenge। iski taiyaari kar rahe ho na। sabhi aatmaayen jo vanchit hain unhon ko roshni mil jaae, raasta mil jaae। yahi purooshaartha sabhi kar rahe hain aur aage bhi karna hai। abhi se yeh lahar phailaayenge tab us samay chaaron or yeh lahar phaila sakenge। aisi taiyaari ki hai na। sada yeh socho jo ab tak kahaan nahin hua hai woh ham karke dikhaayenge। naya kuchh karna hai। nai baat yahi hai jo sarva aatmaon ko parichay mile aur woh samjhen,varnan karen,anubhav karen ki baap aa gaye! achha -’’

prashn:- sabse bada khazaana kaun sa hai? jisse hi gyaan aur yog ki parakh hoti hai?

uttar:-sabse bada khazaana hai - ‘khushi’। chaahe kitna bhi gyaan ho, yog ho lekin khushi ki praapti nahin to gyaan theek nahin। koi bhi paristhiti aa jaae khushi gaayab nahin ho sakti। avinaashi baap ka avinaashi khazaana mila hai isliye khushi kabhi gaayab nahin ho sakti। yog lagaate lekin khushi nahin to yog theek nahin। aapki khushi dekh doosre aapse poochhen ki aapko kya mila hai! yahi gyaan aur yog ki pratyakshata ka saadhan hai।

prashn:- kis lagan ke aadhaar par vighnon ki samaapti svatah ho jaati hai?

uttar:- ek baap doosra na koi, isi lagan mein magan raho to vighna tik nahin sakta। vighna hai to lagan nahin। vighna bhal aayen lekin uska prabhaav na pade। jab svayan prabhaavshaali aatma ban jaate to kisi ka prabhaav nahin pad sakta। jaise soorya ko koi kitna bhi chhipaaye to chhip nahin sakta! sada chamakta rehta hai। aise hi prabhaavshaali aatmaon ko koi bhi prabhaav apne taraph kheench nahin sakta। to sada ‘ek baap doosra na koi’, isi lagan mein magan rahne vaale, yahi vishesh sangamayug ka anubhav hai।

prashn:- sada apne ko shreshtha paartadhaari aatmaayen hain - aisa anubhav karte ho?

uttar:-shreshtha te shreshtha kaun ? baap। aur baap ke saath part bajaane vaale kya hue?vishesh paartadhaari। oonche te oonche baap ke saath part bajaane vaali shreshtha aatmaayen hain, yahi sada yaad rahe। koi kitna bhi kai janma purooshaartha kare lekin aap jaisa oonch paartadhaari nahin ban sakta। mahaatma ban sakte, dharma pita ban sakte। woh messenger hain, aap bachche ho। kitna raat-din ka pharka hai। aise apne shreshtha bhaagya ko sada smriti mein rakhte ho va kabhi bhoolta, kabhi yaad rehta? jab hain hi bachche to bhool kaise sakta! avinaashi varsa praapta hota hai to yaad bhi avinaashi rahegi। ghar baithe bina mehnat ke baap ne svayan aakar apni pahchaan di aur apna banaaya,aap log to bhatakte rahe। parichay hi nahin tha, yathaartha roop ka maaloom hi nahin tha,jisko aaya usko hi baap maan liya। bada bhaai baap samaan ho sakta hai lekin bhaai se koi varsa nahin mil sakta। pahchaan na haaene ke kaaran dhoondhate rahe। baap ne jab parichay diya tab paaya। to aise khushi ke khazaane mein sada khelte raho, mitti se kabhi nahin khelna। chhote kul ke bachche mitti se khelte hain। royal bachche mitti se nahin khel sakte। woh to sada ratnon se khelenge।

achha - om shanti।