Avyakt murli du mercredi 7 décembre 1983

>

07-12-83 om shanti avyakt baapdaada madhuban

shreshtha pad ki praati ka aadhaar - ‘‘murli’’

murleedhar baapdaada apne murleedhar bachchon ke prati bole:-

aaj murleedhar baap apne murli ke snehi bachchon ko dekh rahe hain ki kitna murleedhar baap se sneh hai aur kitna murli se sneh hai। murli ke peechhe kaise masta ho jaate hain। apni deh ki sudh-budh bhool dehi ban, videhi baap se sunte hain। jara bhi dehdhaari smriti ki sudh-budh nahin। is vidhi se masta ho kaise khushi mein naachte hain। svayan ko bhaagya vidhaata baap ke sammukh padmaapadma bhaagyavaan samajh roohaani nashe mein rehte hain। jaise-jaise yeh roohaani nasha,murleedhar ki murli ka nasha chadh jaata hai to apne ko is dharni aur deh se oopar udta hua anubhav karte hain। murli ki taan se arthaat murli ke saaj aur raaz se murleedhar baap ke saath anek anubhvon mein chalte jaate। kabhi mool vatan,kabhi sookshm vatan mein chale jaate,kabhi apne raajya mein chale jaate। kabhi light house might house ban is duhkhi ashaanta sansaar ki aatmaon ko sukh-shanti ki kirnen dete,roj teenon lokon ki sair karte hain। kiske saath? murleedhar baap ke saath। murli sunsun ateendriy sukh ke jhoole mein jhoolte hain। murleedhar ki murli ke saaj se avinaashi dua ki dava milte hi tan tanduroosta,manduroosta ho jaata hai। masti mein masta ho beparvaah baadshaah ban jaate hain। begampur ke baadshaah ban jaate hain। svaraajya-adhikaari ban jaate hain। aise vidhipoorvak murli ke snehi bachchon ko dekh rahe the। ek hi murli dvaara koi raaja koi praja ban jaata hai। kyonki vidhi dvaara siddhi hoti hai। jitna jo vidhipoorvak sunte utna hi siddhisvaroop bante hain।

ek hain vidhipoorvak sunne vaale arthaat samaane vaale। doosre hain niyampoorvak sunne kuchh samaane kuchh varnan karne vaale। teesron ki to baat hi nahin। yathaartha vidhipoorvak sunne aur samaane vaale swaroop ban jaate hain। unhon ka har karma murli ka swaroop hai। apne aap se poochho - kis number mein hain? pahle va doosre mein?murleedhar baap ka regard arthaat murli ke ek-ek bol ka regard। ek-ek varshan 2500varshon ki kamaai ka aadhaar hai। padmon ki kamaai ka aadhaar hai। usi hisaab pramaan ek vardaan miss hua to padmon ki kamaai miss hui। ek vardaan khazaanon ki khaan bana deta hai। aise murli ke har bol ko vidhipoorvak sunne aur usse praapta hui siddhi ke hisaab-kitaab ki gati ko jaanne vaale shreshtha gati ko praapta hote hain। jaise karmon ki gati gahan hai vaise vidhipoorvak murli sunne,samaane ki gati bhi ati shreshtha hai। murli hi brahman jeevan ki saans(shvaans) hai। shvaans nahin to jeevan nahin - aisi anubhvi aatmaaen ho na। apne aapko roj check karo ki aaj isi mahatva se, vidhipoorvak murli suni! amritvele ki yeh vidhi saara din har karma mein siddhisvaroop svatah aur sahaj banaati hai। samjha।

naye-naye aaye ho na। to last so fast jaane ka tareeka suna rahe hain। isse fast chale jaayenge! samay ki doori ko isi vidhi se gallop kar sakte ho। saadhan to baapdaada sunaate hain jisse kisi bhi bachche ka ulahna rah na jaaye। peechhe kyon aaye va kyon bulaaya… lekin aage badh sakte ho। aage badho, shreshtha vidhi se shreshtha number lo। ulahna to nahin rahega na। refine raasta bata rahe hain। bane banaaye par aaye ho। nikle hue makkhan ko khaane ke samay par aaye ho। ek mehnat se to pahle hi mukta ho। abhi sirf khaao aur hajam karo। sahaj hai na। achha!

aise sarva vidhi sampanna, sarva siddhi ko praapta karne vaale, murleedhar ki murli par deh ki sudh-budh bhoolne vaale, khushiyon ke jhoole mein jhoolne vaale,roohaani nashe mein masta yogi ban rahne vaale, murleedhar aur murli ke regard rakhne vaale, aise master murleedhar, murli va murleedhar swaroop bachchon ko baapdaada ka saakaari aur aakaari donon bachchon ko sneh sampanna yaad-pyaar aur namaste।’’

party ke saath avyakt baapdaada ki mulaakaat

1. sada ek baap ki yaad mein rahne vaali,ekras sthiti mein sthit rahne vaali shreshta aatmaaen ho na! sadaiv ekras aatma ho ya aur koi bhi ras apni taraph kheench leta hai? koi anya ras apni taraph kheenchata to nahin hai na?aap sabko to hai hi ek। ek mein sab samaaya hua hai। jab hai hi ek, aur koi hai nahin। to jaayenge kahaan। koi kaaka, maama,chaacha to nahin hai na। aap sabne kya vaayda kiya? yahi vaayda kiya hai na ki sab kuchh aap hi ho। kumaariyon ne pakka vaayda kiya hai?pakka vaayda kiya aur varmaala gale mein padi। vaayda kiya aur var mila। var bhi mila aur ghar bhi mila। to var aur ghar mil gaya। kumaariyon ke liye maa-baap ko kya sochna padta hai। var aur ghar achha mile। tumhein to aisa var mil gaya jiski mahima jag karta hai। ghar bhi aisa mila hai jahaan apraapta koi vastu nahin। to pakki varmaala pahni hai? aisi kumaariyon ko kaha jaata hai - ‘samajhdaar’। ‘kumaariyaan’to hain hi samajhdaar। baapdaada ko kumaariyon ko dekhkar khushi hoti hai kyonki bach gayeen। koi girne se bach jaae to khushi hogi na। maataaen jo giri hui thi unko to kahenge ki gire hue ko bacha liya lekin kumaariyon ke liye kahenge girne se bach gai। to aap kitni lucky ho! maataaon ka apna luck hai,kumaariyon ka apna luck hai। maataayen bhi lucky hain kyonki phir bhi gaoopaal ki gaooen hain।

2. sada maayaajeet ho?jo maayaajeet honge unko vishwa-kalyaankaari ka nasha zaroor hoga। aisa nasha rehta hai? behad ki seva arthaat vishwa ki seva। ham behad ke maalik ke baalak hain, yeh smriti sada rahe। kya ban gaye, kya mil gaya yeh smriti rehti hai! bas isi khushi mein sada aage badhte raho। badhne vaalen ko dekh baapdaada harshit hote hain।

sada baap ke yaad ki masti mein masta raho। eeshvareey masti kya bana deti hai? ekdam pharsha se arsha nivaasi। to sada arsha par rehte ho ya pharsha par? kyonki oonche te oonche baap ke bachche bane to neeche kaise rahenge! pharsha to neeche hota hai। arsha hai ooncha to neeche kaise aayenge। kabhi bhi buddhi roopi paanv pharsha par nahin। oopar। isko kaha jaata hai - oonche te oonche baap ke oonche bachche। yahi nasha rahe। sada achal adol sarva khazaanon se sampanna raho। thoda bhi maaya mein dagmag hue to sarva khazaanon ka anubhav nahin hoga। baap dvaara kitne khazaane mile hue hain,un khazaanon ko sada kaayam rakhne ka saadhan hai - sada achal adol raho। achal rahne se sada hi khushi ki anubhooti hoti rahegi। vinaashi dhan ki bhi khushi rehti hai na। vinaashi neta-pan ki kursa milti hai, naam-shaan milta hai to bhi kitni khushi hoti hai। yeh to avinaashi khushi hai। yeh khushi use rahegi jo achal adol honge।

sabhi braahmanon ko svaraajya praapta ho gaya hai! pahle gulaam the, gaate the main gulaam,main gulaam… ab svaraajyadhaari ban gaye। gulaam se raaja ban gaye। kitna pharka pad gaya। raat din ka antar hai na! baap ko yaad karna aur gulaam se raaja banna। aisa raajya saare kalpa mein nahin praapta ho sakta। isi svaraajya se vishwa ka raajya milta hai। to abhi isi nashe mein sada raho - ‘ham svaraajya adhikaari hain’to yeh karmendriyaan svatah hi shreshtha raaste par chalengi। sada isi khushi mein raho ki paana tha so pa liya… kya se kya ban gaye। kahaan pade the aur kahaan pahunch gaye!

prashn:- maayaajeet banne ka sahaj saadhan kya hai?

uttar:-maayaajeet banne ke liye apni buraaeeyon par krodh karo। jab krodh aaye to aapas mein nahin karna, buraaeeyon se krodh karo,apni kamzoriyon par krodh karo to maayaajeet sahaj ban jaayenge।

prashn:- gaanv vaalon ko dekh baapdaada vishesh khush hote hain, kyon?

uttar:-kyonki gaanv vaale bahut bhole hote hain। baap ko bhi bholaanaath kehte hain। jaise bholaanaath baap vaise bhole gaanv vaale to sada yeh khushi rahe ki ham vishesh bholaanaath ke pyaare hain।

achha - om shanti।