Avyakt murli du jeudi 15 mars 1984

>

15-03-84om shanti avyakt baapdaadaamdhuban

holi utsav pavitra banne, banaane ka yaadgaar

holi hans aatmaon prati avyakt baapdaada bole:-

holiest baap holeehanson se holi de manaane aaye hain। holi de is sangamayug ko kaha jaata hai। sangamayug hai hi holi de। to holiest baap holi bachchon se holi de manaane aaye hain। duniya ki holi ek-do din ki hai aur aap holi hans sangamayug hi holi manaate ho। vo rang lagaate hain aur aap baap ke sang ke rang mein baap samaan sada ke liye holi ban jaate ho! had se behad ke ho jaane se sadaakaal ke liye holi arthaat pavitra ban jaate ho। yeh holi ka utsav holi arthaat pavitra banaane ka, banne ka utsaah dilaane vaala hai। jo bhi yaadgaar vidhi manaate hain un sab vidhiyon mein pavitra banne ka saar samaaya hua hai। pahle holi banne va holi manaane ke liye apvitrata,buraai ko bhasma karna hai,jalaana hai। jab tak apvitrata ko sampoorn samaapta nahin kiya hai tab tak pavitrata ka rang chadh nahin sakta। pavitrata ki drishti se ek-do mein rang rangane ka utsav mana nahin sakte। bhinna-bhinna bhaav bhoolkar ek hi parivaar ke hain,ek hi samaan hain arthaat bhaai-bhaai ke ek samaan vritti se manaane ka yaadgaar hai। ve to laukik roop mein manaane liye chhota bada, nar-naari samaan bhaav mein manaaven is bhaav se manaate hain। vaastav mein bhaai-bhaai ke samaan swaroop ki smriti avinaashi rang ka anubhav karaati hai। jab is samaan swaroop mein sthit ho jaate hain tab hi avinaashi khushi ki jhalak anubhav hoti hai aur sada ke liye utsaah rehta hai ki sarva aatmaon ko aisa avinaashi rang lagaaven। rang pichkaari dvaara lagaate hain। aapki pichkaari kaun-si hai? aapke divya buddhi roopi pichkaari mein avinaashi rang bhara hua hai na। sang ke rang se anubhav karte ho, un bhinna-bhinna anubhvon ke rang se pichkaari bhari hui hai na। bhari hui buddhi ki pichkaari se kisi bhi aatma ko drishti dvaara, vritti dvaara mukh dvaara is rang mein rang sakte ho jo woh sada ke liye holi ban jaae। vo holi manaate hain, aap holi banaate ho। sab din holi de ke bana dete ho। vo alpakaal ke liye apni khushi ki mood banaate hain manaane ke liye lekin aap sabhi sada manaane ke liye holi aur happy mood mein rehte ho। mood banaani nahin padti hai। sada rehte ho holi mood mein aur kisi prakaar ki mood nahin। holi mood sada halki,sada nishchinta,sada sarva khazaanon se sampanna, behad ke svaraajya adhikaari। yeh jo bhinna-bhinna mood badalte hain,kab khushi ki,kab jyaada sochne ki, kabhi halki, kabhi bhaari - yeh sab mood badal kar sada happy aur holi mood vaale ban jaate ho। aisa avinaashi utsav baap ke saath manaate ho। mitaana, manaana aur phir milan manaana। jiska yaadgaar jalaate hain, rang lagaate hain aur phir milan manaate hain। aap sabhi bhi jab baap ke rang mein rang jaate ho, gyaan ke rang mein,khushi ke rang mein, kitne rangon ki holi khelte ho। jab in sab rang se rang jaate ho to baap samaan ban jaate ho। aur jab samaan aapas mein milte hain to kaise milenge? sthool mein to gale milte, lekin aap kaise milte?jab samaan ban jaate to sneh mein sama jaate hain। samaana hi milna hai। to yeh saari vidhi kahaan se shuru hui? aap aavinaashi manaate, vo vinaashi yaadgaar roop manaakar khush ho jaate hain। isse socho ki aap sabhi kitne avinaashi utsav arthaat utsaah mein rahne ke anubhvi bane ho jo ab sirf aapke yaadgaar din ko bhi manaane se khush ho jaate hain। ant tak bhi aapke utsaah aur khushi ka yaadgaar anek aatmaon ko khushi ka anubhav karaata rehta hai। to aise utsaah bhare jeevan, khushiyon se bhari jeevan bana li hai na!

drama ke andar yahi sangamayug ka wonderful part hai jo avinaashi utsav manaate hue apna yaadgaar utsav bhi dekh rahe ho। ek taraph chaitanya shreshtha aatmaayen ho। doosre taraph apne chitra dekh rahe ho। ek taraph yaad swaroop bane ho, doosre taraph apne har shreshtha karma ka yaadgaar dekh rahe ho। mahima yogya ban gaye ho aur kalpa pahle ki mahima sun rahe ho। yeh wonder hai na। aur smriti se dekho ki yeh hamaara gaayan hai! vaise to har aatma bhinna naam roop se apna shreshtha karma ka yaadgaar chitra dekhte bhi hain lekin jaante nahin hai। abhi gaandhi ji bhi bhinna naam roop se apni film dekhta to hoga na। lekin pahchaan nahin। aap pahchaan se apne chitra dekhte ho। jaante ho ki yeh hamaare chitra hain! yeh hamaare utsaah bhare dinon ka yaadgaar utsav ke roop mein mana rahe hain। yeh gyaan saara aa gaya hai na। double videshiyon ke chitra mandiron mein hai? yeh delvaada mandir mein apna chitra dekha hai? ya sirf bhaarat vaalon ke chitra hain? sabhi ne apne chitra dekhe?yeh pahchaana ki hamaare chitra hain। jaise he arjun! ek ka misaal hai, vaise yaadgaar chitra bhi thode dikhaate hain। parantu hain sabhi ke। aise nahin samjho ki yeh to bahut thode chitra hain। ham kaise honge। yeh to sample dikhaaya hai। lekin hai aap sabka yaadgaar। jo yaad mein rehte hain unka yaadgaar zaroor banta hai। samjha। to pichkaari badi sabhi ki bhari hui hai na! chhoti-chhoti to nahin jo ek baar mein hi samaapta ho jaae। phir baar-baar bharna pade। aisi mehnat karne ki bhi darkaar nahin। sabhi ko avinaashi rang se rang lo। holi banaane ki holi manaao। aapki to holi ho gai hai na -ki manaani hai?holi ho gai arthaat holi mana li। rang laga hua hai na। yeh rang saaph nahin karna padega। sthool rang lagaate bhi khushi se hain aur phir unse bachne bhi chaahte hain। aur aapka yeh rang to aisa hai jo kahenge aur bhi lagaao। isse koi darega nahin। us rang se to darte hain - aankh mein na lag jaae। yeh to kahenge jitna lagaao utna achha। to aisi holi mana li hai na। holi ban gaye! yeh pavitra banne banaane ka yaadgaar hai।

yahaan bhaarat mein to anek kahaaniyaan bana di hain kyonki kahaaniyaan sunne ki roochi rakhte hain। to har utsav ki kahaaniyaan bana di hain। aapki jeevan kahaani se bhinna-bhinna chhoti-chhoti kahaaniyaan bana di hain। koi raakhi ki kahaani bana di koi holi ki kahaani, koi janma ki kahaani bana di। koi raajya divas ki bana di। lekin yeh hain sab aapke jeevan kahaaniyon ki kahaaniyaan। dvaapar mein vyavhaar mein bhi itna samay nahin dena padta tha,free the। sankhya bhi aaj ke hisaab se kam thi। sampatti bhi rajopradhaan thi - sthiti bhi rajopradhaan thi। isliye busy rahne ke liye yeh katha, kahaaniyaan,keertan yeh saadhan apnaaye hain। kuchh to saadhan chaahiye na। aap log to free hote ho to seva karte ho ya yaad mein baith jaate ho। vo us samay kya karen! praarthana karenge ya katha keertan karenge। isliye free buddhi ho karke kahaaniyaan badi achhi-achhi banaai hain। phir bhi achha hai jo apvitrata mein jyaada jaane se bach gaye। aajkal ke saadhan to aise hain jo 5 varsha ke bachche ko hi vikaari bana dete hain। aur us samay phir bhi kuchh maryaadaayen bhi theen- lekin hain sab aapka yaadgaar। itna nasha aur khushi hai na ki hamaara yaadgaar mana rahe hain। hamaare geet ga rahe hain। kitne pyaar se geet gaate hain। itne pyaar swaroop aap bane hain tab to pyaar se gaate hain। samjha- holi ka yaadgaar kya hai! sada khush raho, halke raho - yahi manaana hai। achha - kabhi mood aaph nahin karna। sada holi mood, light mood! happy mood। abhi bahut achhe samajhdaar bante jaate hain। pahle din jab madhuban mein aate hain woh photo aur phir jab jaate hain woh photo donon nikaalne chaahiye। samajhte eeshaare se hain। phir bhi baapdaada ke va baapdaada ke ghar ke shringaar ho। aapke aane se dekho madhuban ki raunak kitni achhi ho jaati hain। jahaan dekho vahaan pharishte aa-ja rahe hain। raunak hai na! baapdaada jaante hain aap shringaar ho। achha-

sabhi gyaan ke rang mein range hue, sada baap ke sang ke rang mein rahne vaale, baap samaan sampanna ban auron ko bhi avinaashi rang mein rangane vaale, sada holi de manaane vaale, holi hans aatmaon ko baapdaada ki sada happy aur holi rahne ki mubaarak ho। sada svayan ko sampanna banaane ki, umang utsaah mein rahne ki mubaarak ho। saath-saath chaaron or ke lagan mein magan rahne vaale,sada milan manaane vaale,vishesh bachchon ko yaad pyaar aur namaste!