Avyakt murli du mardi 10 avril 1984

>

10-04-84om shanti avyakt baapdaadaamdhuban

prabhu pyaar - brahman jeevan ka aadhaar

pyaar ke saagar shivbaaba, prabhu pyaar ki paalna mein rahne vaale shreshtha aatmaon prati bole

‘‘aap sabhi snehi sahayogi, sahajyogi aatmaon ko dekh rahe hain। yogi aatmaayen to sabhi hain। aise hi kahenge ki yeh yogiyon ki sabha hai। sabhi yogi tu aatmaayen arthaat prabhu priy aatmaayen baithi hain। jo prabhu ko priy lagti hain woh vishwa ki priy banti hi hain। sabhi ko yeh roohaani nasha,roohaani roohaab, roohaani phakhar sada rehta hai ki ham parmaatma-pyaare,bhagwan ke pyaare, jagat ke pyaare ban gaye। sirf ek aadhi ghadi ki najar va drishti pad jaae, bhakta log iske pyaase rehte hain। aur isi ko mahaanta samajhte hain। lekin aap eeshvareey pyaar ke paatra ban gaye। yeh kitna mahaan bhaagya hai। aaj har aatma bachpan se mrityu tak kya chaahti hai?besmajh bachche bhi jeevan mein pyaar chaahta hai। paisa peechhe chaahta lekin pahle pyaar chaahta। pyaar nahin to jeevan,niraasha ko jeevan anubhav karte, beras anubhav karte hain। lekin aap sarva aatmaon ko parmaatma pyaar mila,paramatma ke pyaare bane। isse badi vastu aur kuchh hai? pyaar hai to jahaan hai,jaan hai। pyaar nahin to bejaan, bejhaan hain। pyaar mila arthaat jahaan mila। aisa pyaar, shreshtha bhaagya anubhav karte ho? duniya iski pyaasi hai। ek boond ki pyaasi hai aur aap bachchon ka yeh prabhu pyaar property hai। isi prabhu pyaar se palte ho। arthaat brahman jeevan mein aage badhte ho। aisa anubhav karte ho?pyaar ke saagar mein lavleen rehte ho? va sirf sunte va jaante ho?arthaat saagar ke kinaare par khade-khade sirf sochte aur dekhte rehte ho! sirf sunna aur jaanna yeh hai kinaare par khada hona। maanna aur sama jaana yeh hai prem ke saagar mein lavleen hona। prabhu ke pyaare bankar bhi saagar mein sama jaana, leen ho jaana yeh anubhav nahin kiya to prabhu pyaar ke paatra ban karke paane vaale nahin lekin pyaase rah gaye। paas aate bhi pyaase rah jaana isko kya kahenge?socho kisne apna banaaya! kiske pyaare bane! kiski paalna mein pal rahe hain? to kya hoga? sada sneh mein samaaye hue hone kaaran samasyaayen va kisi bhi prakaar ki halchal ka prabhaav pad nahin sakta। sada vighna-vinaashak,samaadhaan swaroop, maayaajeet anubhav karengen।

kai bachche kehte hain- gyaan ki guhya baaten yaad nahin rahteen। lekin ek baat yeh yaad rehti hai ki main paramatma ka pyaara hoon, parmaatma-pyaar ka adhikaari hun। isi ek smriti se bhi sada samartha ban jaayenge। yeh to sahaj hai na। yeh bhi bhool jaata phir to bhool bhulaiya mein phans gaye। sirf yeh ek baat sarva praapti ke adhikaari banaane vaali hai। to sadaiv yahi yaad rakho,anubhav karo ki main prabhu ka pyaara jag ka pyaara hoon। samjha! yeh to sahaj hai na। achha - suna to bahut hai,ab samaana hai। samaana hi samaan banna hai। samjha!

sabhi prabhu pyaar ke paatra bachchon ko, sabhi sneh mein samaae hue shreshtha aatmaon ko,sabhi pyaar ki paalna ke adhikaari bachchon ko, roohaani phakhar mein rahne vaali,roohaani nashe mein rahne vaali shreshtha aatmaon ko baapdaada ka yaadapyaar aur namaste।’’

party se avyakt baapdaada ki mulaakaat

1. sabhi sahaj yogi aatmaayen ho na! sarva sambandh se yaad sahaj yogi bana deti hai। jahaan sambandh hai vahaan sahaj hai। main sahajyogi aatma hoon, yeh smriti sarva samasyaaon ko sahaj hi samaapta kara deti hai। kyonki sahajyogi arthaat sada baap ka saath hai। jahaan sarva shaktivaan baap saath hai, sarva shaktiyaan saath hain to samasya samaadhaan ke roop mein badal jaayegi। koi bhi samasya baap jaane, samasya jaane। aise sambandh ke adhikaar se samasya samaapta ho jaayegi। main kya karoon! nahin। baap jaane samasya jaane। main nyaara aur baap ka pyaara hoon। to sab bojh baap ka ho jaayega aur aap halke jo jaayenge। jab svayan halke ban jaate to sab baaten bhi halki ho jaati hain। jara bhi soch chalta to bhaari ho jaate aur baaten bhi bhaari ho jaateen। isliye main halka hoon, nyaara hoon to sab baaten bhi halki hain। yahi vidhi hain,isi vidhi se siddhi praapta hogi। pichhla hisaab-kitaab chuktu hote hue bhi bojh anubhav nahin hoga। aise saakshi hokar dekhenge to jaise pichhla khatma ho raha hai aur vartamaan ki shakti se saakshi ho dekh rahe hain। jama bhi ho raha hai aur chuktu bhi ho raha hai। jama ki shakti se chuktu ka bojh nahin। to sada vartamaan ko yaad rakho। jab ek taraph bhaari hota to doosra svatah halka ho jaata। to vartamaan bhaari hai to pichhla halka ho jaayega na। vartamaan praapti ka swaroop sada smriti mein rakho to sab halka ho jaayega। to pichhle hisaab ko halka karne ka saadhan hai - vartamaan ko shaktishaali banaao। vartamaan hai hi shaktishaali। vartamaan ki praapti ko saamne rakhenge to sab sahaj ho jaayega। pichhla sooli ko kaanta ho jaayega। kya hai, kyon hai! nahin। pichhla hai। pichhle ko kya dekhna। jahaan lagan hai vahaan vighna bhaari nahin lagta। khel lagta hai। vartamaan ki khushi ki dua se aur dava se sab hisaab-kitaab chuktu karo।

teachers se

sada har kadam mein saphalta anubhav karne vaali ho na! anubhvi aatmaayen ho na! anubhav hi sabse badi athaarti hai। anubhav ki athaarti vaale har kadam mein har kaarya mein saphal hain hi। seva ke nimitta banne ka chance milna bhi ek visheshta ki nishaani hai। jo chance milta hai usi ko aage badhaate raho। sada nimitta ban aage badhne aur badhaane vaali hain। yeh ‘nimitta-bhaav’hi saphalta ko praapta karaata hai। nimitta aur nirmaan ki visheshta ko sada saath rakho। yahi visheshta sada vishesh banaayegi। nimitta banne ka part svayan ko bhi lift deta hai। auron ke nimitta banna arthaat svayan sampanna banna। dridhta se saphalta ko praapta karte chalo। saphalta hi hai,isi dridhta se saphalta svyan aage jaayegi।

janmate hi sevaadhaari banne ka golden chance mila hai to bade te badi chancellor ban gai na। bachpan se hi sevaadhaari ki takdeer lekar aai ho। takdeer jagaakar aai ho। kitni aatmaon ki shreshtha takdeer banaane ke karttavya ke nimitta ban gai! to sada yaad rahe - vaah mere shreshtha takdeer ki shreshtha lakeer! baap mila, seva mili,sevaasthaan mila aur seva ke saath-saath sarva aatmaon ka shreshtha parivaar mila। kya nahin mila! raajya bhaagya sab mil gaya। yeh khushi sada rahe। vidhi dvaara sada vriddhi ko paate raho। nimitta bhaav ki vidhi se seva mein vriddhi hoti rahegi।

kumaaron se

kumaar jeevan mein bach jaana yeh sabse bada bhaagya hai। kitne jhanjhaton se bach gaye! kumaar arthaat bandhamukta aatmaayen। kumaar jeevan bandhanmukta jeevan hai। lekin kumaar jeevan mein bhi free rehna maana bojh uthaana। kumaaron ke prati baapdaada ka direction hai - laukik mein rehte alaukik seva karni hai। laukik seva samparka banaane ka saadhan hai। ismen busy raho to alaukik seva kar sakenge। laukik mein rehte alaukik seva karo। to buddhi bhaari nahin rahegi। sabko apna anubhav sunaakar seva karo। laukik seva, seva ka saadhan samajhkar karo to laukik saadhan bahut seva ka chance dilaayega। lakshya eeshvareey seva ka hai lekin yeh saadhan hai। aise samajhkar karo। kumaar arthaat himmat vaale। jo chaaho woh kar sakte hain। isliye baapdaada sada saadhnon dvaara siddhi ko praapta karne ki raay dete hain। kumaar arthaat nirantar yogi। kyonki kumaaron ka sansaar hi ek baap hai। jab baap hi sansaar hai to sansaar ke sivaae buddhi aur kahaan jaayegi। jab ek hi ho gaya to ek ki hi yaad rahegi na! aur ek ko yaad karna bahut sahaj hai। anekon se to chhoot gaye। ek mein hi sab samaaye hue hain! sada har karma se seva karni hai, drishti se, mukh se - seva hi seva। jisse pyaar hota hai use pratyaksha karne ka umang hota hai। har kadam mein baap aur seva sada saath rahe। achha-