Avyakt murli du dimanche 22 avril 1984

>

22-04-84om shanti avyakt baapdaadaamdhuban

vichitra baap dvaara vichitra padhaai tatha vichitra praapti

shreshtha praapti ke adhikaari banaane vaale sat baap, sat shikshak - gyaan swaroop bachchon prati bole:-

aaj roohaani baap apne roohaani bachchon se milne aaye hain। roohaani baap har- ek rooh ko dekh rahe hain ki har-ek mein kitni roohaani shakti bhari hui hai। har ek aatma kitni khushi swaroop bani hai। roohaani baap avinaashi khushi ka khazaana bachchon ko janma-siddha adhikaar mein diya hua dekh rahe hain ki harek ne apna varsa, adhikaar kahaan tak jeevan mein praapta kiya hai। khazaane ke baalak so maalik bane hain! baap daata hai, sabhi bachchon ko poora hi adhikaar dete hain। lekin har ek bachcha apni-apni dhaarna ki shakti pramaan adhikaari banta hai। baap ka to sabhi bachchon ke prati ek hi shubh sankalp hai ki har ek aatma roopi bachcha sada sarva khazaanon se sampanna anek janmon ke liye sampoorn varse ke adhikaari ban jaaen। aise praapti karne ke umang utsaah mein rahne vaale bachchon ko dekh baapdaada bhi harshit hote hain। har ek chhota-bada, bachcha yuva va vriddha meethi-meethi maataayen, anpadh ya padhe hue,shareer se nirbal phir bhi aatmaayen kitni balvaan hain! ek paramatma ki lagan kitni hai! anubhav hai ki hamne paramatma baap ko jaana,sab kuchh jaana। baapdaada bhi aise anubhvi aatmaon ko sada yahi vardaan dete hain - ‘he lagan mein magan rahne vaale bachche, sada yaad mein jeete raho। sada sukh shanti ki praapti mein palte raho। avinaashi khushi ke jhoole mein jhoolte raho। aur vishwa ki sabhi aatmaon roopi apne roohaani bhaaeeyon ko sukh-shanti ka sahaj saadhan sunaate hue,unhon ko bhi roohaani baap ke roohaani varse ke adhikaari banaao’। yahi ek paath sabhi ko padhaao। ham sab aatmaayen ek baap ke hain। ek hi parivaar ke hain, ek hi ghar ke hain। ek hi srishti manch par part bajaane vaale hain। ham sarva aatmaon ka ek hi svadharma shanti aur pavitrata hai। bas isi paath se sva-parivartan aur vishwa parivartan kar rahe ho aur nishchit hona hi hai। sahaj baat hai na! mushkil to nahin। anpadh bhi is paath se knowledgeful ban gaye ho। kyonki rachayita beej ko jaan rachayita dvaara rachna ko svatah hi jaan jaate। sabhi knowledgeful ho na! saari padhaai - rachta aur rachna ki, sirf teen shabdon mein padh li hai। ‘aatma paramatma aur srishti chakra।’ in teenon shabdon se kya ban gaye ho! kaun-sa saartiphiket mila hai? bi.A.,em.A. ka saartiphiket to nahin mila। lekin ‘trikaaldarshi,gyaan swaroop’ yeh title to mile hain na। aur source aaph income kya hua? kya mila? sat shikshak dvaara avinaashi janma-janma sarva praapti ki guarantee mili hai। vaise teacher guarantee nahin deta ki sada kamaate rahenge va dhanvaan rahenge। woh sirf padha ke yogya bana dete hain। tum bachchon ko va godly student ko baap-shikshak dvaara, vartamaan ke aadhaar se 21 janma satayug treta ke sada hi sukh shanti,sampatti,aananda, prem,sukhdaai parivaar milna hi hai। milega nahin, milna hi hai। yeh guarantee hai। kyonki avinaashi baap hai, avinaashi shikshak hai। to avinaashi dvaara praapti bhi avinaashi hai। yahi khushi ke geet gaate ho na ki humein sat baap, sat shikshak dvaara sarva praapti ka adhikaar mil gaya। isi ko hi kaha jaata hai - vichitra baap, vichitra students aur vichitra padhaai va vichitra praapti। jo koi bhi kitna bhi padha hua ho lekin is vichitra baap aur shikshak ki padhaai va varse ko jaan nahin sakte। chitra nikaal nahin sakte। jaane bhi kaise। itna bada oonche te ooncha baap shikshak aur padhaata kahaan aur kisko hain! kitne saadhaaran hain! maanav se devta banaane ki, sada ke liye charitravaan banaane ki padhaai hai aur padhne vaale kaun hain?jisko koi nahin padha sakte unko baap padhaate hain। jisko duniya padha sakti, baap bhi unhon ko hi padhaave to kya badi baat hui! na ummeed aatmaon ko hi ummeedvaar banaate hain। asambhav ko sambhav karaate hain। isliye hi gaayan hai - ‘tumhaari gat mat tum hi jaano।’baapdaada aise naaummeed se ummeedvaar banne vaale bachchon ko dekh khush hote hain। bhale aaye। baap ke ghar ke shrringaar bhale padhaare। achha-

sada svayan ko shreshtha praapti ke adhikaari anubhav karne vaali shreshtha aatmaon ko, ek janma mein anek janmon ki praapti karaane vaale gyaan swaroop bachchon ko, sada ek paath padhaane aur padhne vaale shreshtha bachchon ko, sada vardaata baap ke vardaanon mein palne vaale bhaagyavaan bachchon ko baapdaada ka yaadapyaar aur namaste।’’

baapdaada ke sammukh sirohi ke income tax officer baithe hain, unke prati uchchaare hue madhur mahaavaakya

yeh to samajhte ho na ki apne ghar mein aaye hain? yeh ghar kiska hai?paramatma ka ghar, sabka ghar hua na? to aapka bhi ghar hua na? ghar mein aaye yeh to bahut achha kiya - ab aur achhe te achha kya karenge? achhe te achha karna aur oonche te ooncha banna yeh to jeevan ka lakshya hota hi hai। ab achhe te achha kya karna hai? jo paath abhi sunaaya - woh ek hi paath pakka kar liya to is ek paath mein sab padhaai samaai hui hai। yeh wonderful vishwa vidyaalay hai, dekhne mein ghar bhi hai lekin baap hi sat shikshak hai,ghar bhi hai aur vidyaalay bhi hai। isliye kai log samajh nahin sakte hain - ki yeh ghar hai ya vidyaalay hai। lekin ghar bhi hai aur vidyaalay bhi hai kyonki jo sabse shreshtha paath hai, pah padhaaya jaata hai। college mein va school mein padhaane ka lakshya kya hai? charitravaan bane, kamaai yogya bane, parivaar ko achhi tarah se paalna karne vaala bane, yahi lakshya hai na। to yahaan yeh sab lakshya poora ho hi jaata hai। ek-ek charitravaan ban jaata hai।

bhaarat desh ke netaayen kya chaahte hain? bhaarat ka baapu ji kya chaahta tha?yahi chaahta tha na - ki bhaarat light house bane। bhaarat - duniya ke aadhyaatmik shakti ka kendra bane। vahi kaarya yahaan gupta roop se ho raha hai। agar ek bhi raam-seeta samaan ban jaae to ek raam-seeta ke kaaran raamraajya hua aur itne sab raam-seeta ke samaan ban jaaen to kya hoga?to yeh paath mushkil nahin hai, bahut sahaj hai। is paath ko pakka karenge to aap bhi sat teacher dvaara roohaani saartiphiket bhi lenge aur phir guarantee bhi le lenge - source aaph income ki। baaki wonderful zaroor hai। daada bhi, pardaada bhi yahaan hi padhta hai to potra-dhotra bhi yahaan hi padhta hai। ek hi class mein donon hi padhte hain kyaanki aatmaon ko yahaan padhaaya jaata hai, shareer ko nahin dekha jaata hai। aatma ko padhaaya jaata hai - chaahe paanch saal ka bachcha hai, woh bhi yeh paath to padh sakta hai na। aur bachcha jyaada kaam kar sakta hai। aur jo bujurga ho gaye unhon ke jie bhi yeh paath zaroori hai, nahin to jeevan se niraash ho jaate hain। anpadh maataayen unhon ko bhi shreshtha jeevan to chaahiye na। isliye sat shikshak sabhi ko padhaata hai। chaahe kitna bhi vi.vi.vi.aai.pi. ho lekin sat shikshak ke liye to sab student hain। yeh ek hi paath sabko padhaata hai। to kya karenge?paath padhenge na,phaayda aapko hi hoga। jo karega vo paayega। jitna karenge utna phaayda hoga - kyonki yaho ek ka padmaguna hokar milta hai। vahaan vinaashi mein aisa nahin hai। avinaashi padhaai mein ek ka padma ho jaayega kyonki daata hai na! achha-

raajasthaan zone se baapdaada ki mulaakaat:-

raajasthaan zone ki visheshta kya hai? raajasthaan mein hi mukhya kendra hai। to jaise zone ki visheshta hai vaise raajasthaan nivaasiyon ki bhi visheshta hogi na! abhi raajasthaan mein koi vishesh heere nikalne hain ya aap hi vishesh heere ho?aap to sabse vishesh ho hi lekin seva ke kshetra mein duniya ki najron mein jo vishesh hain, unhon ko bhi seva ke nimitta banaana hai। aisi seva ki hai?raajasthaan ko sabse number one hona chaahiye। sankhya mein, quality mein, seva ki visheshta mein, sab mein number one! mukhya kendra number one to hai hi lekin uska prabhaav saare raajasthaan mein hona chaahiye। abhi number one sankhya mein mahaaraashtra,gujraat ko ginti karte hain। abhi yeh ginti karen ki sabse number one - raajasthaan hai। abhi is varsha taiyaari karo। agle varsha mahaaraashtra aur gujraat se bhi number one jaana। nishchay buddhi vijayi। kitne achhe-achhe anubhvi ratna hain। seva ko aage badhaayenge - zaroor badhegi। achha-