Avyakt murli du mercredi 21 novembre 1984

>

21-11-84om shanti avyakt baapdaadaamdhuban

svadarshan dhaari hi divya darshaneey moorta

avyakt baapdaada apne svadarshan chakradhaari bachchon prati bole-

aaj baapdaada apne vishwa prasiddha svadarshan dhaari, divya darshaneey siddhi swaroop bachchon ko dekh rahe hain। svadarshandhaari hi vishwa-divya darshaneey bante hain। svadarshandhaari nahin to divya darshaneey moorta bhi nahin। har kadam mein, har sankalp mein svadarshan se hi divya darshan kara sakte ho। svadarshan nahin to divya darshan bhi nahin। svadarshan-sthiti mein sthit rahne vaale chalte-phirte natural roop mein apne divya sankalp, divya drishti, divya bol, divya karma dvaara anya aatmaon ko bhi divya moorta anubhav honge। saadhaaranta nahin dikhaai degi, divyata dikhaai degi। to vartamaan samay brahman aatmaon ko divyata ka anubhav karna hai। devta bhavishya mein banenge। abhi divyata swaroop hona hai। divyata swaroop so devta swaroop। pharishta arthaat divyata swaroop। divyata ki shakti saadhaaranta ko samaapta kar deti hai। jitni-jitni divyata ki shakti har karma mein laayenge utna hi sabke man se, mukh se svatah hi yeh bol niklenge ki ‘yeh divya darshaneey moorta hain।’anek bhakton ko jo darshan ke abhilaashi hain, aise darshan-abhilaashi aatmaon ke saamne aap svayan divya darshan moorta pratyaksha honge tab hi sarva aatmaayen darshan kar prasanna hongi। aur prasannta ke kaaran aap divya darshaneey aatmaon par prasannata ke pushpa varsha karengi। harek aatma ke dvaara yahi prasannata ke bol niklenge,janmajanma ki jo pyaas thi va aash thi ki mukti ko praapta ho jaaen va ek jhalak maatra darshan ho jaaen,aaj mukti va moksha ka anek janmon ka sankalp poora ho gaya। va darshan ke bajaae darshaneey moorta mil gae। hamaare eeshta humein mil gae। isi thode samay ki praapti ke nashe aur khushi mein janma-janma ke dukh darda bhool jaayenge। thode se samay ki yeh samartha sthiti aatmaon ko yathaashakti bhaavna ke phalasvaroop kuchh paapon se bhi mukta kar degi। isliye aatmaayen svayan ko yatha shakti halka anubhav karengi। isliye hi paap haro deva va paap nashta karne vaali devi, shakti, jagat maa yeh bol zaroor bolte hain। kisi bhi devi va devta ke paas jaate hue yeh bhaavna va nishchay rakhte hain ki yeh hamaare paap naash kar hi lenge। aur ab ant mein devtaaon ke saath guru log bhi yahi temptation dete hain ki main tumhaare paap naash kar doonga। bhakta bhi isi bharose se guru karte hain। lekin yeh rasam aap divya darshaneey aatmaon se pratyaksha roop mein hone ka yaadgaar chala aa raha hai। aise jaldi hi yeh divya drishya vishwa ke saamne aaya ki aaya! abhi apne aapko dekho ki ham divya darshaneey moorta darshan yogya, sarva shringaar sampanna bane hain? baap samaan paap kateshvar swaroop mein sthit hain? paap kateshvar va paap harni tab ban sakte, jab yaad ke jvaala swaroop banenge - aise bane hain? darshan ke liye parda kholte hain, parda hatta aur darshan hota hai। aise sampanna darshaneey swaroop bane ho jo samay ka parda hat jaae aur aap divya darshaneey moorta practical pratyaksha ho jaao। va darshaneey moorta abhi tak sampanna saj rahe ho? darshan sada sampanna swaroop ka hota hai। to aise taiyaar ho va hona hai! va yahi sochte ho ki samay aayega tab taiyaar honge! jo samay par taiyaar honge to woh apni hi taiyaari mein honge va darshaneey moorta banenge?woh sva prati rahenge,na ki vishwa prati। woh svakal yaankaari honge aur woh vishwa-kalyaankaari। ant ka title vishwa-kalyaankaari hai na ki sirf sva-kalyaankaari। sva-kalyaankaari so vishwa-kalyaankaari,double kaarya karnevaale hi double taajdhaari banenge। sirf sva-kalyaankaari double taajdhaari nahin ban sakte। raajya mein aa sakte hain lekin raajya adhikaari nahin ban sakte hain। to samay pramaan abhi purooshaartha ki gati teevra hai! abhi yaad ki shakti aur teevragti se badhaao। abhi saadhaaran swaroop mein hai। isliye kabhi bhi paristhitiyon ke vash dhokha mil jaayega। shaktishaali yaad ki bhatthi mein rahenge to safe rahenge। seva ke jhanjhat se bhi pare ho jaao। jab seva mein kya-kyon,tu-main, tera-mera aa jaata hai to seva bhi jhanjhat ho jaati hai। to is jhanjhat se bhi pare ho jaao। seva ke peechhe svamaan na bhoolo। jis seva mein shaktishaali yaad nahin to us seva mein saphalta kam aur svayan ko, aur aur ko bhi pareshaani jyaada। naam ki seva nahin - lekin kaam ki seva karo। isko kaha jaata hai - shakti sampanna seva। to aise naajuk samay aane hain, jismen yaad ki shakti hi safety ka saadhan hai na। aise yaad ki shakti aapke chaaron or sarva shastradhaari safety ke saadhan hai। isliye sada svayan ko,seva sthaan ko va pravritti ke sthaan ko aur aane vaale sarva centres ke vidyaarthiyon ko yaad ki shakti-swaroop vritti aur vaayumandal mein laao। abhi saadhaaran yaad ki sthiti safety ka saadhan nahin ban sakti।

haar aur vaar। maaya se kisi bhi prakaar ki haar aur vyakti tatha vaayumandal ka vaar saadhaaran yaad vaalon ko dhokhe mein la dega। isliye baapdaada pahle se hi sabhi bachchon ko eeshaara de rahe hain ki shaktishaali yaad ka vaayumandal banaao। jisse svayan bhi safe, brahman aatmaon ko bhi sahayog aur anya agyaani aatmaon ko bhi aapki shanti aur shakti ka sahayog milega। samjha-achha!

aise sarva svadarshandhaari, vishwa divya darshandhaari,divyata moorta, sarva ki bhaavna ko sampanna karne vaale, sarva ke master paap kateshvar ban paap haran karne vaale, shanti-shakti deva, shreshtha aatmaon ko baapdaada ka shakti sampanna yaadapyaar aur namaste।’’

teachers bahinon ke saath-avyakt baapdaada ki mulaakaat

sabhi teachers hain hi‘jvaala-swaroop’। is jvaala-swaroop ke dvaara anek aatmaon ki nirbalta ko door karne vaali। teachers arthaat shiv-shakti-combined rahne vaali। shiv ke bina shakti nahin,shakti ke bina shiv nahin। har second, har shvaas ‘baap aur aap’ combined। to aise shiv-shakti swaroop nimitta aatmaayen ho na! koi bhi samay saadhaaran yaad na ho। kyonki stage par hain na! to stage par har samay kaise baithte hain? kaise kaarya karte hain? alert hokar karenge na! saadhaaran activity nahin karenge। sada alert hokar har kaam karenge। sevaakendra stage hai, ghar nahin hai, stage hai। stage par sada attention rehta hai aur ghar mein albele ho jaate hain। to yeh sevaakendra seva ki stage hai। isliye sada jvaalaasva roop,shakti-swaroop। snehi bhi hain lekin sneh akela nahin। sneh ke saath shakti roop bhi ho। agar akela snehi roop hai,shakti roop nahin hai to kabhi bhi dhokha mil sakta hai। isliye snehi aur shakti roop donon combined। donon ka balance। isko kaha jaata hai - number one yogya teacher। to sada is smriti mein rahne vaale vijayi hain hi। vijay hogi ya nahin,yeh nahin। hain hi। vijay aisi aatmaon ko janma-siddha adhikaar ke roop mein praapta hai। vijay ke liye mehnat nahin karni padti lekin vijay svayan maala ban gale mein piroye, isko kaha jaata hai - ‘vijayi ratna।’to sabhi aise vijayi ratan ban aage badho aur auron ko aage badhaao। sabhi santushta aur khush hain na! seva mein santushta, sva se santushta aur aane vaale parivaar se santushta। teenon hi santushtata,isko kehte hain - santushta aatma। teacher ka arth hi hai - master daata ban sahayog dene vaali। drama mein teacher banna yeh bhi ek golden chance hai। isi golden chance ko kaamay rakhte udte raho aur udaate raho।

party se mulaakaat

sabhi bephikar baadshaah ho na? abhi bhi baadshaah aur anek janma bhi baadshaah! jo abhi bephikar baadshaah nahin bante to bhavishya ke bhi baadshaah nahin bante। abhi ki baadshaahi janma-janma ki baadshaahi ke adhikaari bana deti hai। koi phikar rehta hai?chalte-chalte koi bhi circumstance hote,paper aate to phikar to nahin hota?kyonki jab sab kuchh baap ke havaale kar diya to phikar kis baat ka। jab mera-pan hota hai tab phikar hota। jab baap ke havaale kar diya to baap jaane aur baap ka kaam jaane! svayan bephikar baadshaah। yaad ki mauj mein raho aur seva karte raho। yaad mein rah seva karo isi mein hi mauj hai। maujon ke yug ki maujen manaate raho। yeh mauj satayug mein bhi nahin hogi। yeh eeshvareey maujen hain। woh devtaai maujen hongi। eeshvareey maujon ka samay abhi hai। isliye mauj manaao, moonjho nahin jahaan moonjh hai vahaan mauj nahin। kisi bhi baat mein moonjhana nahin, kya hoga, kaise hoga! yeh to nahin hoga…yeh hai moonjhana। jo hota hai woh achha aur kalyaankaari hota hai isliye mauj mein raho। sada yahi title yaad rakho ki ham bephikar baadshaah hain। to purooshaartha ki raphtaar teevra ho jaayegi। mauj karo, mauj mein raho, koi bhi baat ko socho nahin, baap sochne vaale baitha hai,aap asoch ban jaao।

Australia tatha landan nivaasi bachchon ke prati baapdaada ne tape mein yaadapyaar bhari

sarva padmaapadma bhaagyavaan aatmaon ko baapdaada padmaguna yaadapyaar de rahe hain। sabhi ne jo bhi vishesh seva ke plan banaaye aur practical mein laaye woh har bachche ke vishesh plan mein visheshta rahi aur jahaan visheshta hai vahaan saphalta samaai hui hai। vishesh aatmaayen ban vishesh kaarya ke umang utsaah mein rahne vaale bachche bahut-bahut yaadapyaar ke paatra aatmaayen hain। abhi bhi baapdaada ke saamne saakaar swaroop mein aise vishesh bachche hain aur ek-ek bachche ki visheshtaaon ke swaroop ko dekhte hue baapdaada mubaarak bhi de rahe hain aur saath-saath sada ekras umang utsaah mein rahne ka vishesh vardaan bhi de rahe hain। sankalpon dvaara, patron dvaara rooh-roohaan dvaara jo bhi sochte ho, baaten karte ho woh baap ke paas pahoonchati hain। aur baapdaada bhi aise bachchon ko sada return karte hain aur abhi bhi return mein mubaarak ke saath-saath ‘amar bhav’ ka vishesh vardaan de rahe hain। seva achhi vriddhi ko pa rahi hai isse siddha hai ki sevaadhaari bhi sva ki vriddhi ki sthiti mein aage badh rahe hain। pratyaksha karne ka dridh sankalp achha sabke dil mein hai aur avashya pratyakshata ka jhanda jaldi lahraayega। sabhi apni-apni visheshta sahit,naam sahit yaadapyaar sveekaar karna। janak bachchi bhi (Australia) pahunch rahi hai। ramta yogi to hai hi lekin aaj baapdaada ne udta yogi ki vishashtaayen sunaai hain। aisi visheshta swaroop bachche sada baap ke saath hain। sada baap ki paalna mein rah auron ko bhi baap ki paalna ka anubhav karaate rehte hain। nirmal aashram (nirmala behen) yeh bhi bahut himmat aur utsaah se aage badh rahi hai aur sada sheetalta ki visheshta se vijayi rahi hai aur amar vijayi ratna hai। achha - jaise sabhi umang utsaah se seva mein aage badh rahe hain,us umang utsaah ki khushbu baapdaada ke paas pahunch rahi hai aur baapdaada aisi sevaadhaari aatmaon ka sada saphalta ki maalaaon se svaagat karte hain। aur aage bhi vishesh aavaaz phailaane ke liye jaise umang se plan bana rahe hain woh banaate hue saphalta ko paate rahenge। achha - ek-ek ko apne naam se yaadapyaar…।