Avyakt murli du mercredi 12 décembre 1984

>

12-12-84om shanti avyakt baapdaadaamdhuban

vishesh aatmaon ka pharz

sada daata, vardaata shivbaaba apne bachchon prati bole-

aaj dilaaraam baap apne dilkhush bachchon se milne aaye hain। saare vishwa mein sada dil khush aap bachche hi hain। baaki aur sabhi kabhi na kabhi kisi na kisi dil ke darda mein dukhi hain। aise dil ke darda ko haran karne vaale duhkh harta sukh daata baap ke sukh swaroop aap bachche ho। aur sabhi ke dil ke darda ki pukaar haay-haay ka aavaaz nikalta hai। aur aap dil-khush bachchon ki dil se sada vaah-vaah ka aavaaz nikalta hai। jaise sthool shareer ke darda bhinna-bhinna prakaar ke hain aise aaj ki manushya aatmaon ke dil ke darda bhi anek prakaar ke hain। kabhi tan ke karma bhog ka darda, kabhi sambandh samparka se dukhi hone ka darda, kabhi dhan jyaada aaya va kam ho gaya donon ki chinta ka darda, aur kabhi praakritik aapdaaon se praapta hue duhkh ka darda। kabhi alpakaal ki ichchhaaon ki apraapti ke duhkh darda, aise ek darda se anek darda paida hote rehte hain। vishwa hi duhkh darda ki pukaar karne vaala ban gaya hai। aise samay par aap sukhdaai sukh swaroop bachchon ka pharz kya hai?janma-janma ke duhkh darda ke karz se sabhi ko chhudaao। yeh puraana karz duhkh darda ka merge ban gaya hai। aise samay par aap sabhi ka pharz hai daata ban jis aatma ko jis prakaar ke karz ka merge laga hua hai unko us praapti se bharpoor karo। jaise tan ke karmabhog ki duhkh darda vaali aatma ko karmayogi ban karmayog se karma bhog samaapta kare,aise karmayogi banne ki shakti ki praapti mahaadaan ke roop mein do। vardaan ke roop mein do,svayan to karzadaar hain arthaat shaktiheen hi hain, khaali hain। aise ko apne karmayog ki shakti ka hissa do। kuchh na kuchh apne khaate se anek khaate mein jama karo tab woh karz ke merge se mukta ho sakte hain। itna samay jo direct baap ke vaaris ban sarva shaktiyon ka varsa jama kiya hai us jama kiye hue khaate se pharaakhdili se daan karo,tab dil ke darda ki samaapti kar sakenge। jaise antim samay sameep aa raha hai,vaise sarva aatmaon ke bhakti ki shakti bhi samaapta ho rahi hai। dvaapar se rajoguni aatmaon mein phir bhi daan-punya, bhakti ki shakti apne khaaton mein jama thi। isliye apne aatma-nirvaah ke liye kuchh na kuchh shanti ke saadhan praapta the। lekin ab tamoguni aatmaayen is thode samay ke sukh ke aatma-nirvaah ke saadhnon se bhi khaali ho gai hain। arthaat bhakti ke phal ko bhi khaakar khaali ho gai hain। ab naamdhaari bhakti hai। phalasvaroop bhakti nahin hai। bhakti ka vriksha vistaar ko pa chuka hai। vriksha ki rang-birangi rangat ki raunak zaroor hai। lekin shaktiheen hone ke kaaran phal nahi mil sakta। jaise sthool vriksha jab poora vistaar ko praapta kar leta, jadajdeebhoot avastha tak pahunch jaata hai to phaldaayak nahin ban sakta hai। lekin chhaaya dene vaala ban jaata hai। aise bhakti ka vriksha bhi dil khush karne ki chhaaya zaroor de raha hai। guru kar liya, mukti mil jaayegi। teerthayaatra daan-punya kiya,praapti ho jaayegi। yeh dil khush karne ke dilaase ki chhaaya abhi rah gai hai। ‘‘abhi nahin to kabhi mil jaayega!’’isi chhaaya mein bichaare bhole bhakta aaraam kar rahe hain lekin phal nahin hai। isliye sabke aatma-nirvaah ke khaate khaali hain। to aise samay par aap bharpoor aatmaon ka pharz hai apne jama kiye hue hisse se aisi aatmaon ko himmat hullaas dilaana। jama hai ya apne prati hi kamaaya aur khaaya! kamaaya aur khaaya usko raajayogi nahin kahenge। svaraajya adhikaari nahin kahenge। raaja ke bhandaare sada bharpoor rehte hain। praja ke paalna ki jimmevaari raaja par hoti hai। svaraajya adhikaari arthaat sarva khazaane bharpoor। agar khazaane bharpoor nahin to ab bhi praja- yogi hain। raajayogi nahin। praja kamaati aur khaati hai। saahookaar praja thoda bahut jama rakhti hai। lekin raaja khazaanon ka maalik hai। to raajayogi arthaat svaraajya adhikaari aatmaayen। kisi bhi khazaane mein jama ka khaata khaali nahin ho sakta। to apne ko dekho ki khazaane bharpoor hain? daata ke bachche sarva ko dene ki bhaavna hai va apne mein hi masta hain? sva ki paalna mein hi samay beet jaata va auron ki paalna ka samay aur khazaana bharpoor hai। yahaan sangam se hi roohaani paalna ke sanskaar vaale bhavishya mein praja ke paalanhaar vishwa raajan ban sakte hain। raaja va praja ka stamp yahaan se hi lagta hai। status vahaan milta hai। agar yahaan ki stamp nahin to status nahin। sangamayug stamp aaiphas hai। baap dvaara brahman parivaar dvaara stamp lagti hai। to apne aap ko achhi tarah se dekho। stock check karo। aise na ho samay par ek apraapti bhi sampanna banne mein dhokha de deve! jaise sthool stock jama karte, agar sab raashan jama kar liya lekin chhota-si maachis rah gayi to anaaz kya karenge? anek praaptiyaan hote bhi ek apraapti dhokha de sakti hai। aise ek bhi apraapti sampannata ka stamp lagaane ke adhikaari banne mein dhokha de degi।

yeh nahin socho - yaad ki shakti to hai, kisi gun ki kami hai to koi harja nahin। yaad ki shakti mahaan hai,number one hai yeh theek hai। lekin kisi bhi ek gun ki kami bhi samay par full paas hone mein fail kar degi। yeh chhoti baat nahin samjho। ek ek gun ka mahatva aur sambandh kya hai, yeh bhi gahra hisaab hai, woh phir kabhi sunaayenge।

aap vishesh aatmaon ki pharz adaai kya hai, aaj yeh vishesh smriti dilaai। samjha! is samay dehli raajdhaani vaale aaye hain na। to raajya adhikaari ki baaten sunaai। aise hi raajdhaani mein mahal nahin mil jaayega। paalna kar praja banaani hogi। dehli vaale to jor-shor se taiyaari kar rahe honge na। raajdhaani mein rehna hai na, door to nahin jaana hai na!

gujraat vaale to abhi bhi saath hain। sangam par madhuban ke saath hain to raajya mein bhi saath honge na! saath rahne ka dridh sankalp kiya hain na। teesra hai Indore। in-dor arthaat ghar mein hi rahne vaale। to Indore zone vaale raajya ke ghar mein rahenge na। abhi bhi baap ke dil roopi ghar mein rahne vaale। to teenon ki sameepta ki raashi milti hai। sada aise hi is bhaagya ki rekha ko spashta aur vistaar ko praapta karte rehna। achha –

aise sada sampanna-pan ki pharz-adaai paalan karne vaale, apne daata-pan ke shreshtha sanskaaron se sarva ke darda mitaane vaale,sada svaraajya adhikaari ban roohaani paalna karne vaale, sarva khazaanon se bharpoor bhandaare karne vaale, master daata vardaata,aise raajayogi shreshtha aatmaon ko baapdaada ka yaadapyaar aur namaste।’’

party se avyakt baapdaada ki mulaakaat

1. sada apne ko saaksheepan ki seat par sthit aatmaayen anubhav karte ho?yeh saaksheepan ki sthiti sabse badhiya shreshtha seat hai। is seat par baith karma karne ya dekhne mein bahut maja aata hai। jaise seat achhi hoti hai to baithne mein maja aata hai na। seat achhi nahin to baithne mein maja nahin। yeh ‘saaksheepan ki seat’ sabse shreshtha seat hai। isi seat par sada rehte ho? duniya mein bhi aajkal seat ke peechhe bhaag-daud kar rahe hain। aapko kitni badhiya seat mili hui hai। jis seat se koi utaar nahin sakta। unhon ko kitna dar rehta hai, aaj seat hai kal nahin। aapko avinaashi hai, nirbhay hokar baith sakte ho। to saakshi-pan ki seat par sada rehte ho? upset vaala set nahin ho sakta। sada is seat par set raho। yeh aisi aaraam ki seat hai jis par baithkar jo dekhne chaaho jo anubhav karne chaaho woh kar sakte ho।

2. apne ko is srishti ke andar koton mein koi aur koi mein bhi koi… aisi vishesh aatma samajhte ho? jo gaayan hai koton mein koi baap ke bante hain,woh ham hain। yeh khushi sada rehti hai? vishwa ki anek aatmaayen baap ko paane ka prayatna kar raheen hain aur hamne pa liya! baap ka banna arthaat baap ko paana। duniya dhoondh rahi hai aur ham unke ban gaye! bhakti maarga aur gyaan maarga ki praapti mein bahut antar hai। gyaan hai padhaai, bhakti padhaai nahin hai। woh thode samay ke liye aadhyaatmik manoranjan hai। lekin sada kaal ki praapti ka saadhan ‘gyaan’hai। to sada isi smriti mein rah auron ko bhi samartha banaao। jo khyaal khvaab mein na tha - woh practical mein pa liya। baap ne har kone se bachchon ko nikaal apna bana liya। to isi khushi mein raho।

3. sabhi apne ko ek hi baap ke, ek hi mat par chalne vaale ekras sthiti mein sthit rahne vaale anubhav karte ho?jab ek baap hai, doosra hai hi nahin to sahaj hi ekras sthiti ho jaati hai। aise anubhav hai? jab doosra koi hai hi nahin to buddhi kahaan jaayegi aur kahaan jaane ki margin hi nahin hai। hai hi ek। jahaan do chaar baaten hoti hain to sochne ko margin ho jaati। jab ek hi raasta hai to kahaan jaayenge! to yahaan maarga bataane ke liye hi sahaj vidhi hai - ek baap, ek mat, ekras ek hi parivaar। to ek hi baat yaad rakho to one number ho jaayenge। ek ka hisaab jaanna hai, bas। kahaan bhi raho lekin ek ki yaad hai to sada ek ke saath hain,door nahin। jahaan baap ka saath hai vahaan maaya ka saath ho nahin sakta। baap se kinaara karke phir maaya aati hai। aise nahin aati। na kinaara ho na maaya aaye। ek ka hi mahatva hai।

adhar kumaaron se baapdaada ki mulaakaat

sada pravriti mein rehte alaukik vritti mein rehte ho? grihasthi jeevan se pare rahne vaale। sada trustee roop mein rahne vaale। aise anubhav karte ho?trustee maana sada sukhi aur grihasthi maana sada dukhi,aap kaun ho?sada sukhi। abhi duhkh ki duniya chhod di। usse nikal gaye। abhi sangamayugi sukhon ki duniya mein ho। alaukik pravritti vaale ho, laukik pravritti vaale nahin। aapas mein bhi alaukik vritti,alaukik drishti rahe।

trustee-pan ki nishaani hai -sada nyaara aur baap ka pyaara। agar nyaaraap yaara nahin to trustee nahin। grihasthi jeevan arthaat bandhan vaali jeevan। trustee jeevan nirbandhan hai। trustee banne se sab bandhan sahaj hi samaapta ho jaate hain। bandhanmukta hain to sada sukhi hain। unke paas dukh ki lahar bhi nahin aa sakti। agar sankalp mein bhi aata hai - mera ghar, mera parivaar, mera yeh kaam hai to yeh smriti bhi maaya ka aahvaan karti hai। to mere ko ‘tera’bana do। jahaan tera hai vahaan duhkh khatma। mera kehna aur moonjhana। tera kehna aur mauj mein rehna। abhi mauj mein nahin rahenge to kab rahenge! sangamayug hi maujon ka yug hai। isliye sada mauj mein raho। svapna aur sankalp mein bhi vyartha na ho। aadha kalpa sab vyartha ganvaaya, ab ganvaane ka samay poora hua। kamaai ka samay hai। jitne samartha honge utna kamaai kar jama kar sakenge।

itna jama karo jo 21janma aaraam se khaate raho। itna stock ho jo svayan bhi de sako। kyonki daata ke bachche ho। jitna jama hoga utni khushi zaroor hogi।

sada ek baap doosra na koi isi lagan mein magan raho। jahaan lagan hai vahaan vighna nahin rah sakta। din hai to raat nahin, raat hai to din nahin। aise yeh lagan aur vighna hain। lagan aisi shaktishaali hai jo vighna ko bhasma kar deti hai। aisi lagan vaali nirvighna aatmaayen hon?kitna bhi bada vighna ho,maaya vighna roop ban kar aaye lekin lagan vaale use aise paar karte hain jaise maakhan se baal। lagan hi sarva praaptiyon ka anubhav karaati hai। jahaan baap hai vahaan praapti zaroor hai। jo baap ka khazaana woh bachche ka।

maataaon ke saath - shakti dal hai na! maataayen, jagat maataayen ban gai। abhi had ki maataayen nahin। sada apne ko ‘jagat maata’ samjho। had ki grihasthi mein phansane vaali nahin। behad ki seva mein sada khush rahne vaali। kitna shreshtha martaba baap ne dila diya। daasi se sir ka taaj bana diya। ‘vaah mera shreshtha bhaagya’! bas yahi geet gaati raho। bas yahi ek kaam baap ne maataaon ko diya hai। kyonki maataayen bahut bhatak-bhatkar thak gai। to baap maataaon ki thakaavat dekh,unhein thakaavat se chhudaane aaye hain। 63janma ki thakaavat ek janma mein samaapta kar di। ek second mein samaapta kar di। baap ke bane aur thakaavat khatma! maataaon ko jhoolna aur jhulaana achha lagta hai। to baap ne maataaon ko khushi ka, ateendriy sukh ka jhoola diya hai। usi jhoole mein jhoolti raho। sada sukhi, sada suhaagin ban gai। amar baap ke amar bachche ban gaye। baapdaada bhi bachchon ko dekhkar khush hote hain। achha।