Avyakt murli du mercredi 26 décembre 1984

>

26-12-84om shanti avyakt baapdaadaamdhuban

satyata ki shakti

sat baap, shikshak aur satguru apne sat bachchon prati bole –

‘‘sarva shaktivaan baap aaj vishesh do sattaaon ko dekh rahe hain। ek raajya satta,doosri hai eeshvareey satta। donon sattaaon ka ab sangam par vishesh part chal raha hai। raajya satta halchal mein hai। eeshvareey satta sada achal avinaashi hai। eeshvareey satta ko satyata ki shakti kaha jaata hai kyonki dene vaala sat baap,sat shikshak,satguru hai। isliye satyata ki shakti sada shreshtha hai। satyata ki shakti dvaara satayug, sachkhanda sthaapan kar rahe ho। sat arthaat avinaashi। avinaashi aur sach ko bhi sat kaha jaata hai। sachcha bhi hai avinaashi bhi hai।। to satyata ki shakti dvaara avinaashi varsa, avinaashi pad praapta karne vaali padhaai, avinaashi vardaan praapta kiye hain? is praapti se koi bhi mita nahin sakta। satyata ki shakti se saari vishwa aap satyata ki shakti vaalon ka bhaktimaarga ke aadi se ant tak avinaashi gaayan aur poojan karti aati hai। arthaant gaayan poojan bhi avinaashi sat ho jaata hai। sat arthaat satya। to sabse pahle kya jaana? apne aapko ‘sat aatma’jaana। sat baap ke satya parichay ko jaana। is satya pahchaan se satya gyaan se satyata ki shakti svatah hi satya ho jaati। satyata ki shakti dvaara asatya roopi andhakaar,agyaan roopi andhakaar svatah hi samaapta ho jaata hai। agyaan sada asatya hota hai। gyaan sat hai,satya hai। isliye bhakton ne baap ki mahima mein bhi kaha hai ‘‘satyam shivam sundaram’’। satyata ki shakti sahaj hi prakriti jeet,maayaajeet bana deti hai। abhi apne aap se poochho - sat baap ke bachche hain to satyata ki shakti kahaan tak dhaarna ki hai?

satyata ke shakti ki nishaani hai - woh sada nirbhay hoga। jaise murli mein suna hai - ‘‘sach to bitho nach’’arthaat satyata ki shakti vaala sada bephikar nishchinta hone ke kaaran,nirbhay hone ke kaaran khushi mein naachta rahega। jahaan bhay hai, chinta hai vahaan khushi mein naachna nahin। apni kamzoriyon ki bhi chinta hoti hai। apne sanskaar va sankalp kamzor hain to satya maarga hone ke kaaran man mein apni kamzori ka chintan chalta zaroor hai। kamzori man ki sthiti ko halchal mein zaroor laati hai। chaahe kitna bhi apne ko chhipaave va aartipheeshial alpakaal ke samay pramaan, paristhiti pramaan baahar se muskaraahat bhi dikhaave lekin satyata ki shakti svayan ko mahsoosta avashya karaati hai। baap se aur apne aap se chhip nahin sakta। doosron se chhip sakta hai। chaahe albelepan ke kaaran apne aap ko bhi kabhi-kabhi mahsoos hote hue bhi chala leve phir bhi satyata ki shakti man mein uljhan ke roop mein,udaasi ke roop mein, vyartha sankalp ke roop mein aati zaroor hai। kyonki satyata ke aage asatya tik nahin sakta। jaise bhakti maarga mein chitra dikhaaya hai - saagar ke beech saanp ke oopar naach rahe hain। hai saanp lekin satyata ki shakti se saanp bhi naachne ki stage ban jaate hain। kaisi bhi bhayaanak paristhiti ho,maaya ke vikraal roop hon, sambandh samparka vaale pareshaan karne vaale hon, vaayumandal kitna bhi jahreela ho lekin satyata ki shakti vaala in sabko khushi mein naachne ki stage bana deta hai। to yeh chitra kiska hai? aap sabhi ka hai na! sabhi krishna banne vaale hain। isi mein haath uthaate hain na। raam ke charitron mein aisi baaten nahin hain। uska abhi-abhi viyog abhi-abhi khushi hai। to krishna banne vaali aatmaayen aisi sthiti roopi stage par sada naachti rehti hain। koi prakriti va maaya va vyakti, vaibhav use hila nahin sakta। maaya ko hi apni stage va shaiya bana dega। yeh bhi chitra dekha hai na। saanp ko shaiya bana diya arthaat vijayi ban gaye। to satyata ki shakti ki nishaani sach to nach yeh chitra hai। satyata ki shakti vaale kabhi bhi doob nahin sakte। satya ki naeeya dagmag khel kar sakti hai lekin doob nahin sakti। dagamgaana bhi khel anubhav karenge। aajkal khel bhi jaan boojh kar uphar neeche hilne ke banaate hain na। hai girna lekin khel hone ke kaaran vijayi anubhav karte। kitni bhi halchal hogi lekin khel karne vaala yeh samjhega ki mainne jeet praapta kar li। aise satyata ki shakti arthaat vijayi ke vardaani apne ko samajhte ho?apna vijayi swaroop sada anubhav karte ho?agar ab tak bhi koi halchal hai, bhay hai to satya ke saath asatya abhi raha hua hai। isliye halchal mein la raha hai। to check karo - sankalp, drishti,vritti bol aur sambandh samparka mein satyata ki shakti achal hain? achha - aaj milne vaale bahut hain isliye is satyata ki shakti par,brahman jeevan mein kaise visheshta sampanna chal sakte hain iska vistaar phir sunaayenge। samjha!

double videshi bachchon ne krisimas manaai ki aaj bhi Christmas hai? brahman bachchon ke liye sangamayug hi manaane ka yug hai। to roj naacho, gaao,khushi manaao। kalpa ke hisaab se to sangamayug thode dinon ke samaan hai na। isliye sangamayug ka har din bada hai। achha –

sabhi satyata ke shakti swaroop, sat baap dvaara sat vardaan va varsa paane vaale,sada satyata ki shakti dvaara vijayi aatmaayen, sada prakriti jeet,maayaajeet,khushi mein naachne vaale,aise sat bachchon ko sat baap, shikshak aur satguru ka yaadapyaar aur namaste।’’

panjaab mein eeshvareey sevaaon ki yojnaaon par aayojit meeting mein jaane hetu daadi chandramni ji baapdaada se chhutti le rahi hain

sabhi panjaab nivaasi so madhuvan nivaasi bachchon ko yaadapyaar sveekaar ho। sabhi bachche sada hi bephikar baadshaah ban rahe ho। kyon? yogayukta bachche sada chhatrachhaaya ke andar rahe hue hain। yogi bachche panjaab mein nahin rehte lekin baapdaada ki chhatrachhaaya mein rehte hain। chaahe panjaab mein ho chaahe kahaan bhi ho lekin chhatrachhaaya ke beech rahne vaale bachche sada safe rehte hain। agar halchal mein aaye to kuchh na kuchh chot lag jaati hai। lekin achal rahe to chot ke sthaan par hote hue bhi baal baanka nahin ho sakta। isliye baapdaada ka haath hai, saath hai, to bephikar baadshaah hokar raho aur khoob aise ashaanta vaataavran mein shanti ki kirnen phailaao। naaummeed vaalon ko eeshvareey sahaare ki ummeed dilaao। halchal vaalon ko avinaashi sahaare ki smriti dilaae achal banaao। yahi seva panjaab vaalon ko vishesh karni hai। pahle bhi kaha tha ki panjaab vaalon ko naam baala karne ka chance bhi achha hai। chaaron or koi sahaara najar nahin aa raha hai। aise samay par anubhav karen ki dil ko aaraam dene vaale, dil ko shanti ka sahaara dene vaale yahi shreshtha aatmaayen hain। ashaanti ke samay shanti ka mahatva hota hai to aise time par yeh anubhav karaana, yahi pratyakshata ka ek nimitta aadhaar ban jaata hai। to panjaab vaalon ko darna nahin hai lekin aise samay par woh anubhav karen ki aur sabhi daraane vaale hain lekin yeh sahaara dene vaale hain aisa koi meeting karke plan banaao jo ashaanta aatmaayen hain unhon ke sangathan mein jaakar shanti ka anubhav karaao। ek do ko bhi shanti ki anubhooti karaai to ek do se lahar phailti jaayegi aur aavaaz bulanda ho jaayega। meeting kar rahe hain, bahut achha, himmat vaale ho, hullaas vaale ho aur sada hi har kaarya mein sahayogi snehi saath rahe ho aur sada rahenge। panjaab ka number peechhe nahin hai, aage hai। panjaab sher kaha jaata hai,sher peechhe nahin rehte, aage rehte hain। jo bhi programme mile usmein haan ji, haan ji karna to asambhav hi sambhav ho jaayega। achha –

sabhi bachchon se milan ke baad 5.30baje praatah baapdaada ne satguroovaar ki yaadapyaar di

chaaron or ke sachche-sachche sat-baap, sat-shikshak,satguru ke ati sameep, snehi,sada saathi bachchon ko satguroovaar ke din bahut-bahut yaadapyaar sveekaar ho। aaj satguroovaar ke din baapdaada sabhi ko sada saphalta swaroop raho, sada himmat hullaas mein raho, sada baap ki chhatrachhaaya ke andar safe raho,sada ek bal ek bharose mein sthit rah saakshi ho sab drishya dekhte hue harshit raho, aise vishesh sneh bhare vardaan de rahe hain। inheen vardaanon ko sada smriti mein rakhte hue samartha raho, sada yaad rahe aur sada yaad mein raho। achha - sabhi ko good morning aur sada har din ki badhaai। achha –