Avyakt murli du samedi 30 mars 1985

>

30-03-85om shanti avyakt baapdaadaamdhuban

teen-teen baaton ka paath

baapdaada ke vidaai ke din anmol mahaavaakya

aaj baapdaada apne sada ke saathi bachchon se milne aaye hain। bachche hi baap ke sada saathi hain, sahayogi hain, kyonki ati snehi hain। jahaan sneh hota hai uske hi sada sahayogi saathi bante hain। to snehi bachche hone kaaran baap bachchon ke bina koi kaarya kar nahin sakte। aur bachche baap ke sivaae koi kaarya kar nahin sakte। isliye sthaapna ke aadi se baap ne brahma ke saath brahman bachche rache। akela brahma nahin। brahma ke saath brahman bachche bhi paida hue। kyon?bachche sahayogi saathi kyon hain। isliye jab baap ki jayanti manaate ho to saath mein kya kehte ho? shiv jayanti so brahma ki jayanti, braahmanon ki jayanti। to saath-saath baapdaada aur bachche sabhi ki aadi rachna hui aur aadi se hi baap ke sahayogi saathi bane। to baap apne sahayogi saathiyon se mil rahe hain। saathi arthaat har kadam mein,har sankalp mein, bol mein saath nibhaane vaale। follow karna arthaat saath nibhaana। aise har kadam mein saath nibhaane vaale arthaat follow father karne vaale sachche saathi hain। avinaashi saathi hain। jo sachche saathi hain unhon ka har ek kadam svatah hi baap samaan chalta rehta hai। yahaan vahaan ho nahin sakta। sachche saathi ko mehnat nahin karni padti। yeh kadam aise uthaaoon va vaise uthaaoon। svatah hi baap ke kadam oopar kadam rakhne ke sivaae jara bhi yahaan vahaan ho nahin sakta। aise sachche saathi bachchon ke man mein, buddhi mein, dil mein kya samaaya hua hai? ‘main baap ka,baap mera’। buddhi mein hai jo baap ka behad ke khajaanon ka varsa hai woh mera। dil mein dilaaraam aur dilaaraam ki yaad। aur kuchh ho nahin sakta to jab baap hi yaad roop mein samaaya hua hai to jaisi smriti vaisi sthiti aur vaise hi karma svatah hi hote hain। jaise bhakti maarga mein bhi bhakta nishchay dikhaane ke liye yahi kehte hain ki dekho hamaare dil mein kaun hai! aap kehte nahin ho lekin svatah hi aapke dil se dilaaraam hi sabhi ko anubhav hota arthaat dikhaai deta hai। to sachche saathi har kadam mein baap samaan master sarvashaktivaan hain।

aaj baapdaada bachchon ko badhaai dene aaye hain। sabhi sahayogi saathi bachche apne-apne umang-utsaah se yaad mein, seva mein aage badhte ja rahe hain। harek ke man mein ek hi dridh sankalp hai ki vijay ka jhanda lahraana hi hai। saare vishwa mein ek roohni baap ki pratyakshata ka jhanda laharne vaala hi hai। jis oonche jhande ke neeche saare vishwa ki aatmaayen yeh geet gaayengi ki ek baap aa gaya। jaise abhi aap log jhanda lahraate ho to sabhi jhande ke neeche geet gaate ho aur phir kya hota hai! jhanda lahraane se sabhi ke oopar phoolon ki varsha hoti hai। aise sabhi ki dil se yeh geet svatah hi niklega। sarva ka ek baap। gati sadgati daata ek baap। aise geet gaate hi avinaashi sukh shanti ka varsa, pushpon ki varsha samaan anubhav karenge। baap kaha aur varse ka anubhav kiya। to sabke man mein yeh ek hi umang-utsaah hai। isliye baapdaada bachchon ke umang-utsaah par bachchon ko badhaai dete hain। vidaai to nahin denge na। badhaai। sangamayug ka har samay badhaai ka samay hai। to man ki lagan par, seva ki lagan par baapdaada sabhi bachchon ko badhaai de rahe hain। seva mein sada aage badhne ka sabhi ka umang hai। aisa koi nahin hoga jisko seva mein aage badhne ka umang na ho। agar umang nahin hota to yahaan kaise aate! yeh bhi umang ki nishaani hai na! umang-utsaah hai aur sada rahega। saathsaath umang-utsaah se aage badhte hue seva mein sada nirvighna hain? umang-utsaah to bahut achha hai, lekin nirvighna seva aur vighna paar karte-karte seva karna, ismen antar hai। nirvighna arthaat na kisi ke liye vighna roop bante aur na kisi vighna swaroop se ghabraate। yeh visheshta umang-utsaah ke saath-saath anubhav karte ho?ya vighna aate hain? ek vighna paath padhaane aate doosra vighna hilaane aate hain। agar paath padhaake pakke ho gaye to woh vighna lagan mein parivartan ho jaate। agar vighna mein ghabra jaate hain to register mein daag pad jaata hai। pharka hua na।!

brahman banna maana maaya ko challenge karna hai ki vighna bhale aao। ham vijayi hain। tum kuchh kar nahin sakte। pahle maaya ke phrendas the। ab challenge karte ho to maayaajeet banenge। challenge karte ho na? nahin to vijayi kis par bante ho? apne oopar? vijayi ratna bante ho to vijay maaya par hi praapta karte ho na! vijay maala mein piraaye jaate hain, pooje jaate ho। to maayaajeet banna arthaat vijayi banna hai। brahman banna arthaat maaya ko challenge karna। challenge karne vaale khel karte hain। aaya aur gaya। door se hi jaan lete hain, door se hi bhaga dete hain। time vesta nahin karte hain। seva mein to sabhi bahut achhe ho। seva ke saathsaath nirvighna seva ka record ho। jaise pavitrata ka aadi se record rakhte ho na। aisa kaun hai jo sankalp mein bhi aadi se ab tak apvitra nahin bane hain! to yeh visheshta dekhte ho na। sirf is ek pavitrata ki baat se paas with honour to nahin honge। lekin seva mein, sva sthiti mein,samparka, sambandh mein,yaad mein,sabhi mein jo aadi se ab tak achal hain, halchal mein nahin aaye hain, vighnon ke vasheebhoot nahin hue hain। sunaaya na ki na vighnon ke vash hona hai,na svayan kiske aage vighna roop banna hai। iski bhi marks jama hoti hain। ek purity doosra avyabhichaari yaad। yaad ke beech mein jara bhi koi vighna na ho। isi reeti se seva mein sada nirvighna ho aur gunon mein sada santushta ho aur santushta karne vaale ho। santushtata ka gun sabhi gunon ki dhaarna ka darpan hai। to gunon mein santushtata ka sva prati aur doosron se certificate lena hota। yeh hai paas with honour ki nishaani। ashta ratnon ki nishaani। sab mein number lene vaale ho na ki bas ek mein hi theek hain। seva mein achha hoon। badhaai to baapdaada de hi rahe hain। ashta banna hai, ishta banna hai। ashta banenge to ishta bhi itna hi mahaan banenge। uske liye teen baaten saara varsha yaad rakhna aur check karna। aur yeh teenon hi baaten agar jara bhi sankalp maatra mein rahi hui hon to vidaai de dena। aaj badhaai ka din hai na। jab chhutti dete ho to vidaai mein kya karte ho? (mishri,baadaami,ilaaychi dete hain) usmein teen cheezen hoti hain। to baapdaada ko bhi teen cheezen denge na। vidaai nahin badhaai hai tab to mukh meetha karaate ho। to jaise yahaan teen cheezen kislie dete ho? phir jaldi aane ki yaad rahegi। baapdaada bhi aaj teen baaten bata rahe hain। jo seva mein kabhi-kabhi vighna roop bhi ban jaati hain। to teen baaton ke oopar vishesh phir se baapdaada attention dila rahe hain। jis attention se svatah hi paas with honour ban hi jaayenge।

ek baat - kisi bhi prakaar ka had ka lagaav na ho। baap ka lagaav aur cheez hai lekin had ka lagaav na ho।

doosra -kisi bhi prakaar ka svayan ka svayan se va kisi doosre se tanaav arthaat kheenchaataan nahin ho। lagaav nahin ho, maaya se yuddha ke bajaae aapas mein kheenchaataan na ho।

teesra -kisi bhi prakaar ka kamzor svabhaav na ho। lagaav, tanaav aur kamzor svabhaav। vaastav mein svabhaav shabd bahut achha hai। svabhaav arthaat sva ka bhaav। sva shreshtha ko kaha jaata hai। shreshtha bhaav hai, sva ka bhaav hai, aatma-abhimaan hai। lekin bhaav-svabhaav,bhaav-svabhaav bahut shabd bolte ho na। to yeh kamzor svabhaav hai। jo samay prati samay udti kala mein vighna roop ban jaata hai। jisko aap log royal roop mein kehte ho meri nature aisi hai। nature shreshtha hai to baap samaan hain। vighna roop banti hai to kamzor svabhaav hai। to teenon shabdon ka arth jaante ho na। kai prakaar ke tanaav hain, tanaav ka aadhaar hai - ‘main-pan’। mainne yeh kiya। main yeh kar sakti hoon! main hi karoonga! yeh jo main-pan hai yeh tanaav paida karta hai। ‘‘main’’yeh deh abhimaan ka hai। ek hai - main shreshtha aatma hoon। ek hai main phalaani hoon, main samajhdaar hoon, main yogi hoon, main gyaani hoon। main seva mein number aage hoon। yeh main-pan tanaav paida karta hai। isi kaaran seva mein kahaan-kahaan jo teevragti honi chaahiye woh teevra ke bajaae dheemi gati ho jaati hai। chalte rehte hain lekin speed nahin ho sakti। speed teevra karne ka aadhaar hai - doosre ko aage badhta hua dekh sada doosre ko badhaana hi apna badhna hai। samajhte ho na seva mein kya main-pan aata hai। yeh main-pan hi teevragti ko samaapta kar deta hai। samjha!

yeh teen baaten to denge na ki phir saath mein le jaayenge। isko kaha jaata hai - ‘tyaag se mila hua bhaagya’। sada baantake khaao aur badhaao। yeh tyaag ka bhaagya mila hai। seva ka saadhan yeh tyaag ka bhaagya hai। lekin is bhaagya ko maimpan mein seemit rakhenge to badhega nahin। sada tyaag ke bhaagya ke phal ko auron ko bhi sahayogi banaae baantake aage badho। sirf main, main nahin karo, aap bhi khaao। baantakar ek do mein haath milaate hue aage badho। abhi seva ke beech mein yeh vibration dikhaai dete hain। to ismen pharaakhdil ho jaao। isko kehte hain - jo ote so arjun। ek do ko nahin dekho। yeh bhi to aise karte hain na! yeh to hota hi hai, lekin main visheshta dikhaane ke liye nimitta ban jaaoon। brahma baap ki visheshta kya rahi! sada bachchon ko aage rakha। mere se bachche hoshiyaar hain। bachche karenge! itne tak tyaag ke bhaagya ka tyaag kiya। agar koi pyaar ke kaaran, praapti ke kaaran brahma ki mahima karte the to usko bhi baap ki yaad dilaate the। brahma se varsa nahin milega। brahma ka photo nahin rakhna hai। brahma ko sab kuchh nahin samajhna। to isko kaha hai - tyaag ke bhaagya ka bhi tyaag kar seva mein lag jaana। ismen double mahaadaani ho jaate। doosra offer kare, svayan apni taraph na kheenche। agar svayan apni mahima karte, apni taraph kheenchate hain to usko kya shabd kehte hain! murliyon mein suna hai na। aisa nahin banna। koi bhi baat ko svayan apni taraph kheenchane ki kheenchaataan kabhi nahin karo। sahaj mile woh shreshtha bhaagya hai। kheench ke lene vaala isko shreshtha bhaagya nahin kahenge। usmein siddhi nahin hoti। mehnat jyaada saphalta kam। kyonki sabhi ki aasheervaad nahin milti hai। jo sahaj milta hai usmein sabhi ki aasheervaad bhari hui hai। samjha –

tanaav kya hai! lagaav ko to us din spashta kiya tha। koi bhi kamzor svabhaav na ho। aise bhi nahin samjho main to is desh ka rahne vaala hoon। isliye mera svabhaav, mera chalna mera rehna aisa hai,nahin। desh ke kaaran, dharma ke kaaran, sang ke kaaran aisa mera svabhaav hai। yeh nahin। aap kaun se desh vaale ho! yeh to seva ke liye nimitta sthaan mile hain। na koi videshi hai, na yeh nasha ho ki main bhaaratvaasi hoon। sabhi ek baap ke hain। bhaaratvaasi bhi brahman aatmaayen hain। videsh mein rahne vaale bhi brahman aatmaayen hain। antar nahin hai। aise nahin bhaaratvaasi aise hain। videshi aise hain। yeh shabd bhi kabhi nahin bolo। sab brahman aatmaayen hain। yeh to seva ke liye sthaan hai। sunaaya tha na ki aap videsh mein kyon pahunche ho? vahaan kyon janma liya? bhaarat mein kyon nahin liya? vahaan gaye ho seva sthaan kholne ke liye। nahin to bhaaratvaasiyon ko veesa ka kitna problem hai। aap sab to sahaj rahe pade ho। kitne deshon mein seva ho rahi hai! to seva ke liye videsh mein gaye ho। baaki ho sabhi brahman aatmaayen। isliye koi bhi kisi aadhaar mein svabhaav nahin banaana। jo baap ka svabhaav woh bachchon ka svabhaav। baap ka svabhaav kya hai? sada har aatma ke prati kalyaan va raham ki bhaavna ka svabhaav। har ek ko ooncha uthaane ka svabhaav, madhurta ka svabhaav। nirmaanta ka svabhaav। mera svabhaav aisa hai yeh kabhi nahin bolna। mera kahaan se aaya। mera tej bolne ka svabhaav hai, mera aavesh mein aane ka svabhaav hai। svabhaav ke kaaran ho jaata hai। yeh maaya hai। kaeeyon ka abhimaan ka svabhaav, eershya ka, aavesh mein aane ka svabhaav hota hai,dilshikasta hone ka svabhaav hota hai। achha hote bhi apne ko achha nahin samajhte। sadaiv apne ko kamzor hi samjhenge। main aage ja nahin sakti। kar nahin sakti। yeh dilshikasta svabhaav yeh bhi wrong hai। abhimaan mein nahin aao। lekin svamaan mein raho to isi prakaar ke svabhaav ko kaha jaata hai kamzor svabhaav। to teenon baaton ka attention saara varsha rakhna। in teenon baaton se safe rehna hai। mushkil to nahin hai na। saathi aadi se ant tak sahayogi saathi hai। saathi to samaan chaahiye na। agar saathiyon mein samaanta nahin hogi to saathi preet ki reeti nibha nahin sakte। achha yeh to 3baaten attention mein rakhenge। lekin in teen baaton se sada kinaara karne ke liye aur 3baaten yaad rakhni hain। aaj teen ka paath padha rahe hain। sada apne jeevan mein - ek balance rakhna hai। sab baat mein balance ho। yaad mein, seva mein balance। svamaan, abhimaan ko samaapta karta। svamaan mein sthit rehna। yeh sab baaten smriti mein rahe। jyaada ramneek bhi nahin, jyaada gambheer bhi nahin। balance ho। samay par ramneek,samay par gambheer। to ek hai ‘balance’। doosra sada amritvele baap se vishesh blessing leni hai! roj amritvele baapdaada bachchon prati blessing ki jholi kholte hain। usse jitna lene chaaho utna le sakte ho। ‘to balance, blessing teesra blissful life’। teenon baaten smriti mein rahne se woh teenon baaten jo attention dene ki hain,woh svatah hi samaapta ho jaayengi। samjha! achha aur teen baaten suno –

lakshya roop mein va dhaaran ke roop mein vishesh teen baaten dhyaan mein rakhni hain। woh chhodni hain aur woh dhaaran karni hai। chhodne vaali to chhod di na sada ke liye। usko yaad karne ki jaroorat nahin padegi। lekin yeh teen baaten jo sunaai yeh smriti mein rakhna aur dhaarna swaroop mein vishesh yaad rakhna। ek - sab baaton mein reality ho। mix nahin। isko kehte hain - reality। sankalp mein, bol mein, sab baat mein real। ‘sachchi dil par saaheb raaji’। sach ki nishaani kya hogi? sach to bitho nach। jo sachcha hoga woh sada khushi mein naachta rahega। to ek reality doosra royalty। chhoti-chhoti baat mein kabhi bhi buddhi jhukaav mein na aave। jaise royal bachche hote hain to unhon ki kab chhoti-si cheez par najar nahin jaayegi। agar najar gai to usko royal nahin kaha jaata। kisi bhi chhoti-chhoti baaton mein buddhi ka jhukaav ho jaae to usko royalty nahin kaha jaata। jo royal hota hai woh sada praapti swaroop hota hai। kahaan arankh va buddhi nahin jaati। to yeh hai roohaani royalty,kapdon ki royalty nahin। ‘to reality, royalty aur teesra unity’। har baat mein,sankalp mein,bol mein,karma mein bhi sada ek do mein unity dikhaai de। brahman maana hi ek। laakh nahin, ek। isko kaha jaata hai unity। vahaan anek sthiti ke kaaran ek bhi anek ho jaate। aur yahaan anek hote bhi ek hain। isko kaha jaata hai - ‘unity’। doosre ko nahin dekhna hai। ham chaahte hain unity karen lekin yeh nahin karte hain। agar aap karte rahenge to usko disunity ka chance hi nahin milega। koi haath aise karta, doosra na kare to aavaaz nahin hoga। agar koi disunity ka koi bhi kaarya karta hai, aap unity mein raho to disunity vaale kab disunity ka kaam kar nahin sakenge। unity mein aana hi padega। isliye teen baaten - reality, royalty aur unity। yeh teenon hi baaten sada baap samaan banne mein sahayogi banengi। samjha! aaj teen ka paath padh liya na। baap ko to bachchon par naaz hai। itne yogya bachche aur yogi bachche kisi baap ke ho hi nahin sakte। yogya bhi ho, yogi bhi ho aur ek-ek padmaapdam bhaagyavaan ho। saare kalpa mein itne aur aise bachche ho hi nahin sakte। isliye vishesh amritvele ka time baapdaada ne kyon rakha hai - brahman bachchon ke liye। kyonki vishesh baapdaada har bachche ki visheshta ko,seva ko, gun ko sada saamne laate hain। aur kya karte hain?jo har bachche ki visheshta hai,gun hai,seva hai, usko vishesh vardaan se avinaashi banaate hain। isliye khaas yeh samay bachchon ka rakha hai। amritvele ki vishesh paalna hai। har ek ko baapdaada sneh ke sahayog ki, vardaan ki paalna dete hain। samjha baap kya karte hain aur aap log kya karte ho। shivbaaba sukhdaata hai,shanti daata hai…aise kehte ho na। aur baap paalna dete hain। jaise maa baap bachchon ko savere taiyaar karte saaph suthra karke phir kehte ab saara din khaao piyo padho। baapdaada bhi amritvele yeh paalna dete arthaat saare din ke liye shakti bhar dete hain। vishesh paalna ka yeh samay hai। yeh extra vardaan ki paalna ka samay hai। amritvele vardaanon ki jholi khulti hai। jitna jo vardaan lene chaahe sachchi dil se, matlab se nahin। jab matlab hoga tab kahenge hamko yeh do, jo matlab se maangata hai to baapdaada kya karte hain! unka matlab siddha karne ke liye utni shakti deta hai,matlab poora hua aur khatma। phir bhi bachche hain, na to nahin karenge। lekin sada hi vardaanon se palte raho,chalte raho,udte raho uske liye jitna amritvela shaktishaali banaayenge utna saara din sahaj hoga। samjha।

abhi is varsha golden jubilee ki taiyaari to kar rahe ho- lekin is varsha mein har ek sevaakendra par aur kya visheshta karo woh bata rahe hain। golden jubilee to karni hai woh nahin bhool jaana lekin saath-saath baapdaada sabhi sthaanon ka chakra lagaate, classes dekhte hain। regular student dekhte hain, kabhi-kabhi aane vaale dekhte,samparka vaale dekhte। yeh sab dekhte hue is varsha yeh lakshya rakho ki har centre par,har prakaar ki variety honi chaahiye। vakeel bhi ho,judge bhi ho, doctor bhi ho, science vaala aadi…sab hone chaahiye। sabhi dharma vaale bhi hone chaahiye। sab prakaar ki variety jyaada mein jyaada jitni bhi ho lekin kam se kam ek bhi occupation vaale sab variety har sthaan par honi chaahiye। student bhi ho to boodha bhi ho, yuva bhi ho, bachcha bhi ho। sab prakaar ki variety honi chaahiye। pravritti vaale yugal bhi hone chaahiye। jaise aap log result nikaalte ho -ek to aayu ke hisaab se variety nikaalte ho। doosra seva ke hisaab se varga nikaalte ho। ek bhi occupation vaala kam na ho। isko kaha jaata hai - variety prakaar ka guldasta। ek bhi rang roop ka pushpa kam na ho। har ek sevaakendra - aisi sankhya sab prakaar ki badhaao। jitna badhaao utna number aage ho। is varsha mein aise variety prakaar ke stoodainta taiyaar karo। koi jis bhi class mein jaave to unko sab prakaar ke occupation vaale dikhaai den। aur woh ek phir apne hamjinsa ki seva zaroor kare to sankhya bhi badh jaayegi aur variety bhi hogi। baaki vi.aai.pi. ki service to karte hi ho। usmein bhi addition। baapdaada ne sunaaya tha - sirf sunne liye nahin aaven lekin lene liye aaven। ban karke jaaven। sirf suna bahut achha laga। nahin। kuchh leke ja raha hoon। bankar ke ja raha hoon। vi.aai.pi. ki seva to jitna badhaate rahenge utna aavaaz bulanda hota jaayega। dheere-dheere aavaaz bulanda ho raha hai lekin ek taraph ka ek aavaaz bada aata hai। sab taraph nahin hota hai। to ek taraph ka aavaaz chhip jaata hai। chaaron taraph se bulanda aavaaz hoga to vijay ka nagaada। baj jaayega। jab vijay ka nagaada bajaate hain to chaaron taraph chakkar lagaate hain। chaaron taraph aavaaz phailta hai। to samjha seva mein kya karna hai! svasthiti aur seva ke unnati। sva sthiti hi seva ki unnati ke liye sahaj siddhi va sahaj saadhan hai। sva ki unnati ke bina seva ki unnati avinaashi,nirvighna nahin banegi। isliye donon ka balance ho। sva unnati ko chhod sirf seva ki unnati nahin karo। saath-saath karo। nahin to jinke nimitta bante hain woh bhi kamzor hote। unhon ko bhi bahut mehnat karni padti। isliye sva unnati, seva ki unnati sada hi saath rakhte hue udte chalo। achha –

sada svayan ko paas with honour banne ke lakshya aur lakshan mein chalaane vaale, sada svayan ko brahma baap samaan tyaag ka bhaagya baantane vaale, number one tyaagi, shreshtha bhaagya banaane vaale, sada sahaj praapti ke adhikaari ban sva unnati aur seva ki unnati karne vaale, sada har kadam mein sahayogi, saathi ban aage badhne vaale, smriti,sthiti shaktishaali banaane se sada baap ko follow karne vaale, aise sada sahayogi-saathi,pharmaanvardaar,aagyaakaari,santushta rahne vaale, sarva ko raaji karne ke raaz ko jaanne vaale, aisi shreshtha aatmaon ko,mahaan punya aatmaon ko,double mahaadaani bachchon ko baapdaada ka yaadapyaar aur namaste।’’

badi daadiyon se avyakt baapdaada ki mulaakaat - aadi se ab tak jo har kaarya mein saath chalte aa rahe hain, unhon ki yeh visheshta hai - jaise brahma baap har kadam mein anubhvi ban anubhav ki authority se vishwa ke raajya ki authority lete hain aise hi aap sabhi bhi bahutkaal ke har prakaar ke anubhav ki authority ke kaaran bahutkaal ke raajya ki authority mein bhi saathi banne vaale ho। jinhonne aadi se sankalp kiya - jahaan bithaayenge,jaise chalaayenge vaise chalte hue saath chalenge। to saath chalne ka pahla vaayda baapdaada ko nibhaana hi padega। brahma baap ke bhi saath rahne vaale ho। raajya mein bhi saath rahenge,bhakti mein bhi saath rahenge। jitna abhi buddhi se sada ka saath rehta hai usi hisaab se raajya mein bhi sada saath hain। agar abhi thoda-sa door to koi janma mein door ke ho jaayenge। koi janma mein najdeek ke। lekin jo sada hi buddhi se saath mein rehte hain,woh vahaan bhi saath-saath rahenge। saakaar mein to aap sab 14varsha saath rahe,sangamayug ke14 varsha kitne varshon ke samaan ho gaye। sangamayug ka itna samay saakaar roop mein saath rahe ho,yeh bhi bahut bada bhaagya hai। phir buddhi se bhi saath ho, ghar mein bhi saath honge, raajya mein bhi saath honge। bhale takhta par thode baithte hain lekin royal family ke najdeek sambandh mein,saare din ki dincharya mein saath rahne mein part zaroor bajaate hain। to yeh aadi se saath rahne ka vaayda saara kalpa hi chalta rahega। bhakti mein bhi kaaphi samay saath rahenge। yeh peechhe ke janma mein thoda-sa koi door, koi najdeek lekin phir bhi saath saara kalpa kisi na kisi roop se rehte hain। aisa vaayda hai na! isliye aap logon ko sabhi kis najar se dekhte hain! baap ke roop ho। isi ko hi bhakti mein unhonne kaha hai - yeh sab bhagwan ke roop hain! kyonki baap samaan bante ho na! aapke roop se baap dikhaai deta hai isliye baap ke roop kah dete hain। jo baap ke sada saath rahne vaale hain unki yahi visheshta hogi,unko dekhkar baap yaad aayega,unko nahin yaad karenge lekin baap ko yaad karenge। unhon se baap ke charitra, baap ki drishti, baap ke karma, sab anubhav honge। woh svayan nahin dikhaai denge lekin un dvaara baap ke karma va drishti anubhav hogi। yahi visheshta hai ananya, samaan bachche ki। sabhi aise ho na! aap mein to nahin phansate hain na! yeh to nahin kehte phalaani bahut achhi hai,nahin। baap ne inhen achha banaaya hai। baap ki drishti,baap ki paalna inhon se milti hai। baap ke mahaavaakya inhon se sunte hain। yeh visheshta hai। isko kaha jaata hai - pyaara bhi lekin nyaara bhi। pyaara bhale sabka ho lekin phansaanevaala nahin ho। baap ke badle aapko yaad na karen। baap ki shakti lene ke liye baap ke mahaavaakya sunne ke liye aapko yaad karen। isko kehte hain - ‘pyaara bhi aur nyaara bhi’। aisa group hai na! koi to visheshta hogi na jo saakaar ki paalna li hai - visheshta to hogi na। aap logon ke paas aayenge to kya poochhenge - baap kya karta tha, kaise chalta tha…yahi yaad aayega na! aisi vishesh aatmaayen ho। isko kehte hain - divine unity। divine ki smriti dilaae divine banaate, isliye divine unity। 50varsha avinaashi rahe ho to avinaashi bhav ki mubaarak ho। kai aaye kai chakra lagaane gaye। aap log to anaadi avinaashi ho gaye। anaadi mein bhi saath,aadi mein bhi saath। vatan mein saath rahenge to seva kaise karenge! aap to thoda-sa aaraam bhi karte ho,baap ko aaraam ki bhi aavashyakta nahin। baapdaada isse bhi chhoot gaye। avyakt ko aaraam ki aavashyakta nahin। vyakta ko aavashyakta hai। ismen aapasmaan banaayen to kaam khatma ho jaae। phir bhi dekho jab koi seva ka chance banta hai to baap samaan athak ban jaate ho। phir thakte nahin ho। achha –

daadeeji se - bachpan se baap ne taajdhaari banaaya hai। aate hi seva ki jimmevaari ka taaj pahnaaya aur samay prati samay jo bhi part chala - chaahe beggary part chala, chaahe maujon ka part chala, sabhi part mein jimmevaari ka taaj drama anusaar dhaaran karti aai ho। isliye avyakt part mein bhi taajdhaari nimitta ban gai। to yeh vishesh aadi se part hai। sada jimmevaari nibhaane vaali। jaise baap jimmevaar hai to jimmevaari ke taajdhaari banne ka vishesh part hai। isliye ant mein bhi drishti dvaara taaj,tilak sab dekar gaye। isliye aapka jo yaadgaar hai na usmein taaj zaroor hoga। jaise krishna ko bachpan se taaj dikhaate hain to yaadgaar mein bhi bachpan se taajdhaari roop se poojte hain। aur sab saathi hain lekin aap taajdhaari ho। saath to sabhi nibhaate lekin samaan roop mein saath nibhaana। ismen antar hai।

vidaai ke samay sabhi bachchon ko yaadapyaar - sabhi taraph ke snehi sahayogi bachchon ko baapdaada ka vishesh sneh sampanna yaadapyaar sveekaar ho। aaj baapdaada sabhi bachchon ko sada nirvighna ban, vighna vinaashak ban vishwa ko nirvighna banaane ke kaarya ki badhaai de rahe hain। har bachcha yahi shreshtha sankalp karta hai ki seva mein sada aage badhen,yeh shreshtha sankalp seva mein sada aage badha raha hai aur badhaata rahega। seva ke saath-saath sva-unnati aur seva ki unnati ka balance rakh aage badhte chalo to baapdaada aur sarva aatmaon dvaara jinhon ke nimitta bante ho, unhon ke dil ki duaayen praapta hoti rahengi। to sada balance dvaara blessing lete hue aage badhte chalo। sva-unnati aur seva ki unnati donon saath-saath rahne se sada aur sahaj saphalta swaroop ban jaayenge। sabhi apne-apne naam se vishesh yaadapyaar sveekaar karna। achha – om shanti।