Avyakt murli du lundi 25 novembre 1985

>

25-11-85om shanti avyakt baapdaadaamdhuban

nishchay buddhi vijayi ratna ki nishaaniyaan

sarva ke sahaare merciful baapdaada bole

aaj baapdaada apne nishchay buddhi vijayi ratnon ki maala ko dekh rahe the। sabhi bachche apne ko samajhte hain ki main nishchay mein pakka hoon? aisa koi virla hoga jo apne ko nishchaybuddhi nahin maanta ho। kisi se bhi poochhenge,nishchay hai?to yahi kahenge ki nishchay na hota to brahmaakumaar-brahmaakumaari kaise bante। nishchay ke prashn par sab ‘haan’ kehte hain। sabhi nishchaybuddhi baithe hain, aise kahenge na? nahin to jo samajhte hain ki nishchay ho raha hai woh haath uthaaven। sab nishchaybuddhi hain। achha jab sabhi ko pakka nishchay hai phir vijay maala mein number kyon hain? nishchay mein sabhi ka ek hi uttar hai na! phir number kyon? kahaan ashta ratna, kahaan 100ratna aur kahaan 16 hajaar! iska kaaran kya? ashta dev ka poojan gaayan aur 16hajaar ki maala ka gaayan aur poojan mein kitna antar hai? baap ek hai aur ek ke hi hain yeh nishchay hai phir antar kyon? nishchaybuddhi mein percentage hoti hai kya?nishchay mein agar percentage ho to usko nishchay kahenge? 8 ratna bhi nishchay buddhi, 16hajaar vaale bhi nishchaybuddhi kahenge na!

nishchaybuddhi ki nishaani ‘vijay’hai। isliye gaayan hai - ‘nishchaybuddhi vijayanti’। to nishchay arthaat vijayi hain hi hain। kabhi vijay ho, kabhi na ho। yeh ho nahin sakta। circumstance bhale kaise bhi hon lekin nishchaybuddhi bachche circumstance mein apni svasthiti ki shakti dvaara sada vijay anubhav karenge। jo vijayi ratna arthaat vijay maala ka manka ban gaya,gale ka haar ban gaya uski maaya se haar kabhi ho nahin sakti। chaahe duniya vaale log va brahman parivaar ke sambandhasamparva mein doosra samjhe va kahen ki yeh haar gaya - lekin woh haar nahin hai, jeet hai। kyonki kahaan-kahaan dekhne va karne vaalon ki miss-andarastainding bhi ho jaati hai। namrachitta,nirmaan va ‘haan ji’ ka paath padhne vaali aatmaon ke prati kabhi miss-andarastainding se uski haar samajhte hain, doosron ko roop haar ka dikhaai deta hai lekin vaastavik vijay hai। sirf us samay doosron ke kahne va vaayumandal mein svayan nishchaybuddhi se badal ‘shak’ka roop na bane। pata nahin haar hai ya jeet hai। yeh ‘shak’na rakh apne nishchay mein pakka rahe। to jisko aaj doosre log haar kehte hain, kal ‘vaah-vaah’ ke pushpa chadhaayenge।

vijayi aatma ko apne man mein, apne karma prati kabhi duvidha nahin hogi। right hoon va wrong hoon? doosre ka kehna alag cheez hai। doosre koi right kahenge koi wrong kahenge lekin apna man nishchaybuddhi ho ki - main vijayi hoon। baap mein nishchay ke saath-saath svayan ka bhi nishchay chaahiye। nishchaybuddhi arthaat vijayi ka man arthaat sankalp shakti sada svachchha hone ke kaaran haan aur na ka svayan prati va doosron ke prati nirnay sahaj aur satya,spashta hoga। isliye ‘pata nahin’,ki duvidha nahin hogi। nishchaybuddhi vijayi ratna ki nishaani - satya nirnay hone ke kaaran man mein jara bhi moonjh nahin hogi। sadaiv mauj hogi। khushi ki lahar hogi। chaahe circumstance aag ke samaan ho lekin uske liye woh agni-pareeksha vijay ki khushi anubhav karaayegi। kyonki pareeksha mein vijayi ho jaayengen na। ab bhi laukik reeti kisi bhi baat mein vijay hoti hai to khushi manaane ke liye hansate naachte taali bajaate hain। yeh khushi ki nishaani hai। nishchaybuddhi kabhi bhi kisi bhi kaarya mein apne ko akela anubhav nahin karenge। sabhi ek taraph hain main akela doosri taraph hoon, chaahe majority doosre taraph hon aur vijayi ratna sirf ek ho phir bhi woh apne ko ek nahin lekin baap mere saath hai isliye baap ke aage akshoni bhi kuchh nahin hai। jahaan baap hai vahaan saara sansaar baap mein hai। beej hai to jhaad usmein hai hi। vijayi nishchaybuddhi aatma sada apne ko sahaare ke neeche samjhenge। sahaara dene vaala daata mere saath hai - yeh natural anubhav karta hai। aise nahin ki jab samasya aave us samay baap ke aage bhi kahenge - baba aap to mere saath ho na। aap hi madadgaar ho na। bas ab aap hi ho। matlab ka sahaara nahin lenge। aap ho na, yeh ho na ka arth kya hua? nishchay hua? baap ko bhi yaad dilaate hain ki aap sahaara ho। nishchaybuddhi kabhi bhi aisa sankalp nahin kar sakte। unke man mein jara bhi beshaare va akelepan ka sankalp maatra bhi anubhav nahin hoga। nishchaybuddhi vijayi hone ke kaaran sada khushi mein naachta rahega। kabhi udaasi va alpakaal ka had ka vairaag, isi lahar mein bhi nahin aayenge। kai baar jab maaya ka tej vaar hota hai,alpakaal ka vairaag bhi aata hai lekin woh had ka alpakaal ka vairaag hota hai। behad ka sada ka nahin hota। majboori se vairaag vritti utpanna hota hai। isliye us samay kah dete hain ki isse to isko chhod den। mujhe vairaag aa gaya hai। seva bhi chhod den yeh bhi chhod den,vairaag aata hai lekin woh behad ka nahin hota। vijayi ratna sada haar mein bhi jeet,jeet mein bhi jeet anubhav karenge। had ke vairaag ko kehte hain - kinaara karna। naam vairaag kehte lekin hota kinaara hai। to vijayi rata kisi kaarya se, samasya se, vyakti se kinaara nahin karenge। lekin sab karma karte hae, saamna karte hue, sahayogi bante hue behad ke vairaagvritti mein honge। jo sadaakaal ka hai। nishchaybuddhi vijayi kabhi apne vijay ka varnan nahin karenge। doosre ko ulhana nahin denge। dekha main right tha na। yeh ulhana dena ya varnan karna yeh khaaleepan ki nishaani hai। khaali cheez jyaada uchhalti hai na। jitna bharpoor honge utna uchhlenge nahin। viyji sada doosre ki bhi himmat badhaayega। neecha dikhaane ki koshish nahin karega। kyonki vijayi ratna baap samaan ‘master sahaare daata’hai। neeche se ooncha uthaane vaala hai। nishchaybuddhi vyartha se sada door rehta hai। chaahe vyartha sankalp ho, bol ho va karma ho। vyartha se kinaara arthaat vijayi hai। vyartha ke kaaran hi kabhi haar kabhi jeet hoti hai। vyartha samaapta ho to haar samaapta। vyartha samaapta hona yeh vijayi ratna ki nishaani hai। ab yeh chaik karo ki nishchaybuddhi vijayi ratna ki nishaaniyaan anubhav hoti hain? sunaaya na - nishchaybuddhi to hain, sach bolte hain। lekin nishchaybuddhi ek hain jaanne tak, maanne tak aur ek hain chalne tak। maante to sabhi ho ki haan,bhagwan mil gaya। bhagwan ke ban gaye। maanna va jaanna ek hi baat hai। lekin chalne mein nambarvaar ho jaate। to jaante bhi hain,maante bhi ismen theek hain lekin teesri stage hai - maan kar, jaankar chalna। har kadam mein nishchay ki va vijay ki pratyaksha nishaaniyaan dikhaai den। ismen antar hai। isliye nambarvaar ban gaye। samjha। number kyon banen hain।

isi ko hi kaha jaata hai - ‘nashtomoha’। nashtomoha ki paribhaasha badi guhya hai। woh phir kab sunaayenge। nishchaybuddhi nashtomoha ki seedhi hai। achha- aaj doosra group aaya hai। ghar ke baalak hi maalik hain to ghar ke maalik apne ghar mein aaye hain aise kahenge na। ghar mein aaye ho ya ghar se aaye ho?agar usko ghar samjhenge to mamatva jaayega। lekin woh temporary seva sthaan hai। ghar to sabhi ka ‘madhuban’ hai na। aatma ke naate paramdham hai। brahman ke naate madhuban hai। jab kehte hi ho ki head aaiphas mount aabu hai to jahaan rehte ho woh kya hui?aaiphas hui na! tab to head aaiphas kehte। to ghar se aaye nahin ho lekin ghar mein aaye ho। aaiphas se kabhi bhi kisko change kar sakte hain। ghar se nikaal nahin sakte। aaiphas to badli kar sakte। ghar samjhenge to mera-pan rahega। centre ko bhi ghar bana dete। tab mera-pan aata hai। centre samjhen to mera-pan nahin rahe। ghar ban jaata, aaraam ka sthaan ban jaata tab mera-pan rehta hai। to apne ghar se aaye ho। yeh jo kahaavat hai - ‘apna ghar daata ka dar’। yeh kaun se sthaan ke liye hai? vaastavik daata ka dar apna ghar to ‘madhuban’ hai na। apne ghar mein arthaat daata ke ghar mein aaye ho। ghar athva dar kaho baat ek hi hai। aane ghar mein apne se aaraam milta hai na। man ka aaraam। tan ka bhi aaraam,dhan ka bhi aaraam। kamaane ke liye jaana thode hi padta। khaana banaao tab khaao isse bhi aaraam mil jaata,thaali mein bana banaaya bhojan milta hai। yahaan to thaakur ban jaate ho। jaise thaakuron ke mandir mein ghanti bajaate hai na। thaakur ko uthaana hoga,sulaana hoga to ghanti bajaate। bhog lagaayenge to bhi ghanti bajaayenge। aapki bhi ghanti bajti hai na। aajkal fashionable hain to record bajta hai। record se sote ho,phir record se uthte ho to thaakur ho gaye na। yahaan ka hi phir bhaktimaarga mein kaapi karte hain। yahaan bhi 3, 4 baar bhog lagta hai। chaitanya thaakuron ko 4 baje se bhog lagaana shuru ho jaata hai। amritvele se bhog shuru hota। chaitanya swaroop mein bhagwan seva kar raha hai bachchon ki। bhagwan ki seva to sab karte hain, yahaan bhagwan seva karta। kiski? chaitanya thaakuron ki। yeh nishcha sada hi khushi mein jhulaata rahega। samjha। sabhi zone laadle hain। jab jo zone aata hai woh laadla hai। laadle to ho lekin sirf baap ke laadle bano। maaya ke laadle nahin ban jaao। maaya ke laadle bante ho to phir bahut laad kod karte ho। jo bhi aaye hain bhaagyavaan aaye ho - bhagwan ke paas। achha-

sada har sankalp mein nishchaybuddhi vijayi ratna, sada bhagwan aur bhaagya ke smriti swaroop aatmaon ko,sada haar aur jeet donon mein vijay anubhav karne vaalon ko,sada sahaara arthaat sahayog dene vaale master sahaare daata aatmaon ko,sada svayan ko baap ke saath anubhav karne vaali shreshta aatmaon ko baapdaada ka yaadapyaar aur namaste।’’

party se avyakt baapdaada ki mulaakaat –

1. sabhi ek lagan mein magan rahne vaali shreshtha aatmaayen ho?saadhaaran to nahin। sada shreshtha aatmaayen jo bhi karma karengi woh shreshtha hoga। jab janma hi shreshtha hai to karma saadhaaran kaise hoga! jab janma badalta hai to karma bhi badalta hai। naam roop,desh, karma sab badal jaata hai। to sada naya janma, naye janma ki naveenta ke umang-utsaah mein rehte ho! jo kabhi-kabhi rahne vaale hain unhein raajya bhi kabheekbhi milega।

jo nimitta bani hui aatmaayen hain unhein nimitta banne ka phal milta rehta hai। aur phal khaane vaali aatmaayen shaktishaali hoti hain। yeh pratyakshaphal hai, shreshtha yug ka phal hai। iska phal khaane vaale sada shaktishaali honge। aise shaktishaali aatmaayen paristhitiyon ke oopar sahaj hi vijay pa leti hain। paristhiti neeche aur woh oopar। jaise shreekrishna ke liye dikhaate hain ki usne saanp ko bhi jeeta। uske sir par paanv rakhkar naacha। to yeh aapka chitra hai। kitne bhi jahreele saanp hon lekin aap un par bhi vijay praapta kar naach karne vaale ho। yahi shreshtha shaktishaali smriti sabko samartha bana degi। aur jahaan samarthata hai vahaan vyartha samaapta ho jaata hai। samartha baap ke saath hain, isi smriti ke vardaan se sada aage badhte chalo।

2. sabhi amar baap ki amar aatmaayen ho na। amar ho gai na? shareer chhodte ho to bhi amar ho, kyon?kyonki bhaagya bana karke jaate ho। haath khaali nahin jaate। isliye marna nahin hai। bharpoor hokar jaana hai। marna arthaat haath khaali jaana। bharpoor hokar jaana maana chola badli karna। to amar ho gaye na। ‘amar bhav’ka vardaan mil gaya। ismen mrityu ke vasheebhoot nahin hote। jaante ho jaana bhi hai phir aana bhi hai। isliye amar hain। amraktha sunte-sunte amar ban gaye। roj-roj pyaar se katha sunte ho na। baap amraktha sunaakar amarbhav ka vardaan de deta hai। bas sada isi khushi mein raho ki amar ban gaye। maalaamaal ban gaye। khaali the,bharpoor ho gaye। aise bharpoor ho gaye jo anek janma khaali nahin ho sakte।3. sabhi yaad ki yaatra mein aage badhte ja rahe ho na। yeh roohaani yaatra sada hi sukhdaai anubhav karaayegi। is yaatra se sada ke liye sarva yaatraayen poorn ho jaati hain। roohaani yaatra ki to sabhi yaatraayen ho gai aur koi yaatra karne ki aavashyakta hi nahin rehti। kyonki mahaan yaatra hai na। mahaan yaatra mein sab yaatraayen samaai hui hai। pahle yaatraaon mein bhatakte the abhi is roohaani yaatra se thikaane par pahunch gaye। abhi man ko bhi thikaana mila to tan ko bhi thikaana mila। ek hi yaatra se anek prakaar ka bhatakna banda ho gaya। to sada roohaani yaatri hain is smriti mein raho, isse sada upraam rahenge, nyaare rahenge, nirmohi rahenge। kisi mein bhi moh nahin jaayega। yaatri ka kisi mein bhi moh nahin jaata। aisi sthiti sada rahe।

vidaai ke samay - baapdaada sabhi desh-videsh ke bachchon ko dekh khush hote hain kyonki sabhi sahayogi bachche hain। sahayogi bachchon ko baapdaada sada diltakhtansheen samajh yaad kar rahe hain। sabhi nishchaybuddhi aatmaayen baap ki pyaari hain। kyonki sabhi gale ka haar ban gai। achha - sabhi bachche service achhi vriddhi ko praapta kara rahe hain। achha, sabhi ko yaad – om shanti।