Avyakt murli du mercredi 27 novembre 1985

>

27-11-85om shanti avyakt baapdaadaamdhuban

puraana sansaar aur puraana sanskaar bhulaane ka upaay sarvashaktivaan shivbaaba bole

baapdaada sabhi nishchaybuddhi bachchon ke nishchay ka pratyaksha jeevan ka swaroop dekh rahe hain। nishchaybuddhi ki visheshtaayen sabhi ne suni। aisa visheshtaaon sampanna nishchaybuddhi vijayi ratna is brahman jeevan va purooshottam sangamayugi jeevan mein sada nishchay ka pramaan, roohaani nashe mein hoga। roohaani nasha nishchay ka darpan swaroop hai। nishchay sirf buddhi mein smriti tak nahin lekin har kadam mein roohaani nashe ke roop mein, karma dvaara pratyaksha swaroop mein svayan ko bhi anubhav hota,auron ko bhi anubhav hota kyonki yeh gyaan aur yogi jeevan hai। sirf sunne sunaane tak nahin hai,jeevan banaane ka hai। jeevan mein smriti arthaat sankalp, bol,karma sambandh sab aa jaata hai। nishchaybuddhi arthaat nashe ka jeevan। aise roohaani nashe vaali aatma ka har sankalp sada nashe se sampanna hoga। sankalp,bol, karma teenon se nishchay ka nasha anubhav hoga। jaisa nasha vaise khushi ki jhalak chehre se, chalan se pratyaksha hogi। nishchay ka pramaan nasha aur nashe ka pramaan hai ‘khushi’। nashe kitne prakaar ke hain iska vistaar bahut bada hai। lekin saar roop mein ek nasha hai - ashareeri aatmik swaroop ka। iska vistaar jaante ho? aatma to sabhi hain lekin roohaani nasha tab anubhav hota jab yeh smriti mein rakhte ki - ‘main kaun-si aatma hoon?’iska aur vistaar aapas mein nikaalna va svayan manan karna।

doosra nashe ka vishesh roop sangamayug ka alaukik jeevan hai। is jeevan mein bhi kaun-si jeevan hai iska bhi vistaar socho। to ek hai - aatmik swaroop ka nasha। doosra hai - alaukik jeevan ka nasha। teesra hai - pharishtepan ka nasha। pharishta kisko kaha jaata hai iska bhi vistaar karo। chautha hai bhavishya ka nasha। in chaar hi prakaar ke alaukik nashe mein se koi bhi nasha jeevan mein hoga to svatah hi khushi mein naachte rahenge। nishchay bhi hai lekin khushi nahin hai iska kaaran? nasha nahin hai। nasha sahaj hi puraana sansaar aur puraana sanskaar bhula deta hai। is purushaarthi jeevan mein vishesh vighna roop yeh do baaten hain। chaahe puraana sansaar va puraana sanskaar। sansaar mein deh ke sambandh aur deh ke padaartha donon aa jaata hai। saath-saath sansaar se bhi puraane sanskaar jyaada vighna roop bante hain। sansaar bhool jaate hain lekin sanskaar nahin bhoolte। to sanskaar parivartan karne ka saadhan hai - in chaar ke nashe mein se koi bhi nasha saakaar swaroop mein ho। sirf sankalp swaroop mein nahin। saakaar swaroop mein hone se kabhi bhi vighna roop nahin banenge। abhi tak sanskaar parivartan na hone ka kaaran yeh hai। in nashon ko sankalp roop mein arthaat knowledge ke roop mein buddhi tak dhaaran kiya hai। isliye kabhi bhi kisi ka puraana sanskaar emerge hota hai tab yeh bhaasha bolte hain, main sab samajhti hoon,badalna hai yeh bhi samajhte hain lekin samajh tak nahin, karma arthaat jeevan tak chaahiye। jeevan dvaara parivartan anubhav mein aave। isko kaha jaata hai - saakaar swaroop mein aana। abhi buddhi tak paaintsa ke roop mein sochne aur varnan karne tak hai। lekin har karma mein, samparka mein parivartan dikhaai de isko kaha jaata hai - saakaar roop mein alaukik nasha। abhi har ek nashe ko jeevan mein laao। koi bhi aapke mastak taraph dekhe to mastak dvaara roohaani nashe ki vritti anubhav ho। chaahe koi varnan kare na kare lekin vritti, vaayumandal aur vibration phailaati hai। aapki vritti doosre ko bhi khushi ke vaayumandal mein khushi ke vibration anubhav karaave। isko kaha jaata hai nashe mein sthit hona। aise hi drishti se,mukh ki muskaan se, mukh ke bol se, roohaani nashe ka saakaar roop anubhav ho। tab kahenge nashe mein rahne vaale nishchaybuddhi vijayi ratna। ismen gupta nahin rehna hai। kai aisi bhi chaturaai karte hain ki ham gupta hain। jaise kahaavat hai - ‘soorya ko kabhi koi chhipa nahin sakta’। kitne bhi gahre baadal hon phir bhi soorya apna prakaash chhod nahin sakta। soorya hatta hai va baadal hatte hain?baadal aate bhi hain aur hat bhi jaate hain lekin soorya apne prakaash swaroop mein sthit rehta hai। to roohaani nashe vaala bhi roohaani jhalak se chhip nahin sakta। uske roohaani nashe ki jhalak pratyaksha roop mein anubhav avashya hoti hai। unke vibration svatah hi auron ko aakarshit karte hain। roohaani nashe mein rahne vaale ke vibration svayan ke prati va auron ke prati chhatrachhaaya ka kaarya karte hain। to abhi kya karna hai?saakaar mein aao। knowledge ke hisaab se knowledgeful ho gaye ho। lekin knowledge ko saakaar jeevan mein laane se knowledgeful ke saath-saath successful,blissful anubhav karenge। achha, phir sunaayenge successful aur blissful ka swaroop kya hota hai?

aaj to roohaani nashe ki baat suna rahe hain। sabhi ko nasha anubhav ho। in chaar hi nashon mein se ek nashe ko bhinna-bhinna roop se use karo। jitna is nashe ko jeevan mein anubhav karenge to sada sabhi iphkar se phaarig bephkar baadshaah ban jaayenge। sabhi aapko bephkar baadshaah ke roop mein dekhenge। ab vistaar nikaalna va practice mein laana। jahaan khushi hai vahaan maaya ki koi bhi chaal chal nahin sakti। bephkar baadshaah ki baadshaahi ke andar maaya aa nahin sakti। aati hai aur bhagaate ho,phir aati hai phir bhagaate ho। kabhi deh ke roop mein aati,kabhi deh ke sambandh ke roop mein aati hai। isi ko hi kehte hain kabhi mahaarthi haathi banke aati kabhi billi banke aati, kabhi chooha bankar aati। kabhi choohe ko nikaalte,kabhi billi ko nikaalte। isi bhagaane ke kaarya mein samay nikal jaata hai। isliye sada roohaani nashe mein raho। pahle svayan ko pratyaksha karo tab baap ki pratyakshata karenge। kyonki aap dvaara baap pratyaksha hona hai। achha-

sada svayan dvaara sarvashaktivaan ko pratyaksha karne vaale, sada apne saakaar jeevan ke darpan se roohaani nashe ki visheshta pratyaksha karne vaale, sada bephkar baadshaah ban maaya ko vidaai dene vaale, sada knowledge ko swaroop mein laane vaale, aise nishchay buddhi nashe mein rahne vaale,sada khushi mein jhoolne vaale, aisi shreshtha aatmaon ko, vishesh aatmaon ko baapdaada ka yaadapyaar aur namaste।’’

sevaadhaari (teachers) bahinon se - sevaadhaari arthaat apni shaktiyon dvaara auron ko bhi shaktishaali banaane vaale। sevaadhaari ki visheshta yahi hai। nirbal mein bal bharne ke nimitta banna, yahi sachchi seva hai। aisi seva ka part milna bhi hero part hai। to hero paartadhaari kitne nashe mein rehti ho? seva ke part se jitna apne ko number aage badhaane chaaho badha sakti ho। kyonki seva aage badhne ka saadhan hai। seva mein busy rahne se svatah hi sab baaton se kinaara ho jaata hai। har ek seva sthaan stage hai, jis stage par har aatma apna part baja rahi hai। saadhan to bahut hain lekin sada saadhnon mein shakti honi chaahiye। agar bina shakti ke saadhan use karte hain to jo seva ki result nikalni chaahiye woh nahin nikalti hai। puraane samay mein jo veer log hote the woh sadaiv apne shastron ko devtaaon ke aage arpan kar usmein shakti bharkar phir use karte the। to aap sabhi bhi koi bhi saadhan jab use karte ho to use use karne ke pahle usi vidhipoorvak kaarya mein lagaate ho? abhi jo bhi saadhan kaarya mein lagaate ho usse thode samay ke liye log aakarshit hote hain। sadaakaal ke liye prabhaavit nahin hote। kyonki itni shaktishaali aatmaayen jo shakti dvaara parivartan kar dikhaayen, woh nambarvaar hain। seva to sabhi karte ho,sabhi ka naam hai teachers। sevaadhaari ho ya teacher ho lekin seva mein antar kya hai? programme bhi ek hi banaate ho, plan bhi ek jaisa karte ho। reeti rasam bhi ek jaisi banti hai phir bhi saphalta mein antar pad jaata hai, uska kaaran kya? shakti ki kami। to saadhan mein shakti bhari। jaise talvaar mein agar jauhar nahin ho to talvaar, talvaar ka kaam nahin deti। aise saadhan hain talvaar lekin usmein shakti ka jauhar chaahiye। woh jitna apne mein bharte jaayenge utna seva mein svatah hi saphalta milegi। to shaktishaali sevaadhaari bano। sada vidhi dvaara vriddhi ko praapta hona yeh bhi koi badi baat nahin hai। lekin shaktishaali aatmaayen vriddhi ko praapta hon - iska vishesh attention। quality nikaalo। quantity to aur bhi jyaada aayegi। quality ke oopar attention। number quality par milega। quantity par nahin। ek quality vaala 100quantity ke baraabar hai। quality vaali seva - isko kaha jaata hai - shaktishaali seva।

kumaaron se - kumaar kya kamaal karte ho? dhamaal karne vaale to nahin ho na! kamaal karne ke liye shaktishaali bano aur banaao। shaktishaali banne ke liye sada apna ‘master sarvashaktivaan’ka title smriti mein rakho। jahaan shakti hogi vahaan maaya se mukti hogi। jitna sva ke oopar attention hoga utna hi seva mein bhi attention jaayega। agar sva ke prati attention nahin to seva mein shakti nahin bharti। isliye sada apne ko saphalta swaroop banaane ke liye shaktishaali abhyaas ke saadhan banaane chaahiye। koi aise vishesh programme banaao। jisse sada progress hoti rahe। pahle sva unnati ke programme banaao tab seva sahaj aur saphal hogi। kumaar jeevan bhaagyavaan jeevan hai kyonki kai bandhanon se bach gaye। nahin to grihasthi jeevan mein kitne bandhan hain। to aise bhaagyavaan banne vaali aatmaayen kabhi apne bhaagya ko bhool to nahin jaateen। sada apne ko shreshtha bhaagyavaan aatma samajh auron ke bhi bhaagya ki rekha kheenchane vaale ho। jo nirbandhan hote hain woh sab hi udti kala dvaara aage badhte jaate। isliye kumaar aur kumaari jeevan baapdaada ko sada pyaari lagti hai। grihasthi jeevan hai bandhan vaali aur kumaar jeevan hai bandhan mukta। to nirbandhan aatma ban auron ko bhi nirbandhan banaao। kumaar arthaat sada seva aur yaad ka balance rakhne vaale। balance hai to sada udti kala hai। jo balance rakhna jaante hain woh kabhi bhi kisi paristhiti mein neeche-oopar nahin ho sakte।

adhar kumaaron se - sabhi apne jeevan ke pratyaksha pramaan dvaara seva karne vaale ho na! sabse bade te bada pratyaksha pramaan hai - aap sabki jeevan ka parivartan। sunne vaale sunaane vaale to, bahut dekhe। abhi sab dekhne chaahte hain, sunne nahin chaahte। to sada jab bhi koi karma karte ho to yeh lakshya rakho ki jo karma ham kar rahe hain usmein aisa parivartan ho jo doosre dekh karke parivartit ho jaaen। isse svayan bhi santushta aur khush rahenge aur doosron ka bhi kalyaan karenge। to har karma sevaartha karo। agar yeh smriti rahegi ki mera har karma seva arth hai to svatah hi shreshtha karma karenge। yaad rakho - ‘sva parivartan se auron ka parivartan karna hai’। yeh seva sahaj bhi hai aur shreshtha bhi hai। mukh ka bhi bhaashan aur jeevan ka bhi bhaashan। isko kehte hain sevaadhaari। sada apni drishti dvaara auron ki drishti badalne ke sevaadhaari। jitni drishti shaktishaali hogi utna anekon ka parivartan kar sakenge। sada drishti aur shreshtha karma dvaara auron ki seva karne ke nimitta bano।

2. kya the aur kya ban gaye! yeh sada smriti mein rakhte ho! is smriti mein rahne se kabhi bhi puraane sanskaar emerge nahin ho sakte। saath-saath bhavishya mein bhi kya banne vaale hain yeh bhi yaad rakho to vartamaan aur bhavishya shreshtha hone ke kaaran khushi rahegi aur khushi mein rahne se sada aage badhte rahenge। vartamaan aur bhavishya ki duniya shreshtha hai to shreshtha ke aage jo dukhdaai duniya hai woh yaad nahin aayegi। sada apne is behad ke parivaar ko dekh khush hote raho। kabhi svapna mein bhi nahin socha hoga ki aise bhaagyavaan parivaar milega। lekin abhi saakaar mein dekh rahe ho। anubhav kar rahe ho। aise parivaar jo ekmat parivaar ho, itna bada parivaar ho yeh saare kalpa mein abhi hi hai। satayug mein bhi chhota parivaar hoga। to baapdaada aur parivaar ko dekh khushi hoti hai na। yeh parivaar pyaara lagta hai?kyonki yahaan svaartha bhaav nahin hai। jo aise parivaar ke bante hain woh bhavishya mein bhi ek do ke sameep aate hain। sada is eeshvareey parivaar ki visheshtaaon ko dekhte hue aage badhte chalo।

kumaariyon se - sabhi kumaariyaan apne ko vishwa-kalyaankaari samajh aage badhti rehti ho? yeh smriti sada samartha banaati hai। kumaari jeevan samartha jeevan hai। kumaariyaan svayan samartha ban auron ko samartha banaane vaali hain। vyartha ko sada ke liye vidaai dene vaali। kumaari jeevan ke bhaagya ko smriti mein rakh aage badhte chalo। yeh bhi sangam mein bada bhaagya hai jo kumaari bani,kumaari apne jeevan dvaara auron ki jeevan banaane vaali, baap ke saath rahne vaali। sada svayan ko shaktishaali anubhav kar auron ko bhi shaktishaali banaane vaali। sada shreshtha sankalp dvaara vaayumandal ko badal naam baala karne vaali। sada ek baap doosra na koi - aise nashe mein har kadam aage badhaane vaali! to aisi kumaariyaan ho na! achha- omshaanti

prashn:- kis visheshta va gun se sarvapriy ban sakte ho?

uttar:-nyaare aur pyaare rahne ka gun va nissankalpa rahne ki jo visheshta hai - isi visheshta se sarva ke priy ban sakte, pyaare-pan se sabke dil ka pyaar svatah hi praapta ho jaata hai। isi visheshta se saphalta praapta kar sakte hain। achha-