Avyakt murli du jeudi 13 mars 1986

>

13-03-86om shanti avyakt baapdaadaamdhuban

karebiyan group ke prati baapdaada ke mahaavaakya

avyakt moorta shivbaaba apne aadhaarmoorta bachchon ke prati bole

baapdaada apne sarva aadhaar moorta aur uddhaarmoorta bachchon ko dekh rahe hain। har ek bachcha aaj ke vishwa ko shreshtha sampanna banaane ke aadhaarmoorta hain। aaj vishwa apne aadhaarmoorta shreshtha aatmaon ko bhinna-bhinna roop se, bhinna-bhinna vidhi se pukaar raha hai, yaad kar raha hai। to aise sarva dukhi ashaanta aatmaon ko sahaara dene vaale, anchali dene vaale, sukh-shanti ka raasta bataane vaale,gyaan-netraheen ko divya netra dene vaale, bhatakti hui aatmaon ko thikaana dene vaale, apraapta aatmaon ko praapti ki anubhooti karaane vaale,uddhaar karne vaale - aap shreshtha aatmaayen ho। vishwa ke chaaron or kisi na kisi prakaar ki halchal hai। kahaan dhan ke kaaran halchal hai,kahaan man ke anek tension hi halchal hai,kahaan apne jeevan se asantushta hone ke kaaran halchal hai, kahaan prakriti ke tamopradhaan vaayumandal ke kaaran halchal hai, chaaron or halchal ki duniya hai। aise samay par vishwa ke kone mein aap achal-adol aatmaayen ho। duniya bhay ke vash hai aur aap nirbhay ban sada khushi mein naachte gaate rehte ho। agar duniya alpakaal ke liye khushi ke saadhan naachna gaana va aur bhi anek saadhan apnaati hai to woh alpakaal ke saadhan aur hi chinta ki chita par le ja rahe hain। aisi vishwa ki aatmaon ko abhi shreshtha avinaashi praaptiyon ki anubhooti ka aadhaar chaahiye। sab aadhaar dekh liye,sabka anubhav kar liya aur sabhi ke man ka yahi aavaaj, na chaahte bhi nikalta hai ki isse kuchh aur chaahiye। yeh saadhan, yeh vidhiyaan siddhi ki anubhootiyaan karaane vaali nahin hain। kuchh naya chaahiye, kuchh aur chaahiye! yeh sabhi ke man ka aavaaj hai। jo bhi sahaare alpakaal ke bane hain,yeh sabhi tinke samaan sahaare hain। vaastavik sahaara dhoondh rahen hain, alpakaal ke aadhaar se,alpakaal ki praaptiyon se, vidhiyon se abhi dekh-dekh thak gaye hain। abhi aisi aatmaon ko yathaartha sahaara,vaastavik sahaara, avinaashi sahaara bataane vaale kaun? aap sabhi ho na!

duniya ke antar mein aap sabhi alpa ho, bahut thode ho lekin kalpa pahle ke yaadgaar mein bhi akshauni ke saamne 5paandav hi dikhaaye hain। sabse bade te badi athaarti aapke saath hai। science ki athaarti, shaastron ki athaarti,raajneeti ki athaarti, dharmaneeti ki athaarti,anek athaarti vaale apni-apni athaarti pramaan duniya ko parivartan karne ki trial kar chuke। kitne prayatna kiye hain lekin aap sabhi ke paas kaun-si athaarti hai?sabse badi ‘parmaatma anubhooti ki athaarti’ hai। anubhav ki athaarti se shreshtha aur sahaj kisi ko bhi parivartan kar sakte ho। to aap sabke paas yahi vishesh anubhav ki athaarti hai isliye phalak se,nishchay se,nashe se,nishchit bhaav se kehte hain aur kahenge ki sahaj raasta,yathaartha raasta ek hai। ek dvaara hi praapta hota hai aur sarva ko ek banaata hai। yahi sabhi ko sandesh dete ho na! isliye baapdaada aaj aadhaar-moorta,vishwa-uddhaar moorta bachchon ko dekh rahen hain। dekho - baapdaada ke saath nimitta kaun bane hain। hain vishwa ke aadhaar lekin bane kaun hain?saadhaaran! jo duniya ke logon ki najron mein hain woh baap ki najron mein nahin hai aur jo baap ki najron mein hain woh duniya vaalon ki najron mein nahin hain। aapko dekhkar pahle to muskaraayenge ki yeh hain! lekin jo duniya vaale karte woh baap nahin karte। unhon ko naameegraami chaahiye aur baap ko, jinka naamnishaan khatma kar diya,unka hi naam baala karna hai। asambhav ko sambhav karna hai,saadhaaran ko mahaan banaana,nirbal ko mahaan balvaan banaana, duniya ke hisaab se jo anpadh hain,unhon ko knowledgeful banaana - yahi baap ka part hai। isliye baapdaada bachchon ki sabha ko dekh karke muskaraate bhi hain ki sabse shreshtha bhaagya praapta karne vaale yahi sikeeldhe bachche nimitta ban gaye। ab duniya vaalon ki bhi najar dheere-dheere aur sab taraph se hatkar ek taraph aa rahi hai। abhi samajhte hain ki jo ham nahin kar sake woh baap gupta roop mein kara rahe hain। abhi kumbha mele mein kya dekha? yahi dekha na! sabhi kaise sneh ki najar se dekhte hain। yeh dheere-dheere pratyaksha hona hi hai। dharmaneta, raajneta aur vaigyaanik yeh vishesh teenon athaarti hain। ab teenon hi saadhaaran roop mein parmaatma jhalak dekhne ki shreshtha aash se sameep aa rahe hain। abhi bhi ghoonghat ke andar se dekh rahe hain, ghoonghat nahin khola hai। ghoonghat ke andar se dekhne ke kaaran abhi duvidha mein hain। duvidha ka ghoonghat hai। yahi hain ya aur koi hain! lekin phir bhi najar gai hai। abhi ghoonghat bhi mit jaayega। anek prakaar ke ghoonghat hain। ek apne neta-pan ka,gaddi ka ya kursa ka ghoonghat bhi to bahut bada hai। usi ghoonghat se nikalna ismen thoda-sa abhi time lagega lekin aankhen kholi hain na। kumbhakran abhi thoda jaage hain।

baapdaada vishwa ki sarva aatmaon arthaat bachchon ko baap ka varsa praapta karaane ke adhikaari zaroor banaayenge। chaahe kaise bhi hain lekin hai to bachche hi। to bachchon ko chaahe mukti, chaahe jeevanmukti donon hi varsa hai। varsa dene ke liye hi baap aaye hain। anjaan hain na! unhon ka bhi dosh nahin hai isliye aap sabhi ko bhi raham aata hai na। raham bhi aata hai, umang bhi aata hai ki kaise bhi varse ka adhikaar sarva aatmaayen le hi len। achha! aaj karebiyan ka tarna hai। hain to sabhi baapdaada ke ati laadle। har ek sthaan ki apni-apni visheshta baapdaada ke aage sada hi pratyaksha rehti hai। vaise to baapdaada ke paas har bachche ka poora hi potaamel rehta hi hai। lekin baapdaada ko sabhi bachchon ko dekh khushi hai,kis baat ki?sabhi bachche apni-apni shakti pramaan seva ke umang mein sada rehte hain। ‘seva’ - brahman jeevan ka vishesh occupation ban gaya hai। seva ke bina yeh brahman jeevan khaali si lagti hai। seva nahin ho to jaise phri-phri hai। to seva mein busy rahne ka umang dekh baapdaada vishesh khush hote hain। karebiyan ki visheshta kya hai? sada kareeb arthaat najdeek rahne vaale hain। baapdaada sthool ko nahin dekhte, woh to shareer se kitna bhi door hon lekin man se kareeb ho na! jitna shareer se door rehte hain utna hi vishesh baap ke saath ka anubhav karne ki lift milti hai। kyonki baap ki sada hi chaaron or ke bachchon ke taraph najar rehti hai। najar mein samaaye hue rakhte hain। to najar mein samaaye hue kya honge? door honge ya najdeek honge? to sab najdeek ratna ho। koi bhi door nahin hai। niyar aur dear donon hi hai। agar niyar nahin hote to umang utsaah aa nahin sakta। sada baap ka saath shaktishaali banaae aage badha raha hai।

aap sabhi ko dekh sab khush ho rahe hain ki kitni himmat rakh seva ki vriddhi ko praapta kar rahe hain। baapdaada jaante hain ki sabhi ka ek hi sankalp hai ki sabse bade te badi maala humein taiyaar karni hai। aur jo bhi jahaan bhi maala ke manke bikhre hue hain un mankon ko ikatthe kar maala banaae baap ke saamne le aate hain। poora hi saal yeh umang rehta hai ki abhi yeh guldasta ya maala baap ke aage le jaaen। to ek varsha poori taiyaari karte rehte hain। is varsha baapdaada sabhi videsh ke sevaakendron ke vriddhi ki result achhi dekh rahen hain। har ek ne koi na koi chaahe chhota guldasta chaahe bada guldasta lekin pratyaksha phal ke roop mein laaya hai। to baapdaada bhi apne kalpa pahle vaale snehi bachchon ko dekh khush hote hain। pyaar se mehnat ki hai। pyaar ki mehnat, mehnat nahin lagti hai। to harek taraph se achha group aaya hai। baapdaada ko sabse achhi baat yahi lagti hai ki sada hi seva mein athak ban aage badh rahen hain। aur yahi seva ke saphalta ki visheshta hai ki kabhi bhi dilshikasta nahin hona। aaj thode hain kal jyaada hone hi hain - yeh nishchit hai। isliye jahaan baap ka parichay mila hai, baap ke bachche nimitta bane hain,vahaan avashya baap ke bachche chhipe hue hain jo samay pramaan apna hak lene ke liye pahunch rahe hain, aur pahunchte rahenge। to sabhi khushi mein naachne vaale hain। sada khush rahne vaale hain। avinaashi baap, avinaashi bachche hain to praapti bhi avinaashi hai। khushi bhi avinaashi hai। to sada khush rahne vaale, sada hi best te best hai। best khatma ho gaya to baaki vesta hi raha। baba ka banna arthaat sada ke liye avinaashi khazaane ke adhikaari banna। to adhikaari jeevan - best jeevan hai na! karebiyan mein seva ka foundation vishesh-vishesh aatmaon ka raha। government ki seva ka foundation to gyaana mein hi pada na, aur government tak raajayog ki visheshta ka aavaaj phailna yeh bhi visheshta hai। government bhi teen minute ke liye silence ka prayatna karti to rahi na। government ke sameep aane ka chance yahaan hi shuru hua aur result bhi achhi nikli hai aur abhi bhi nikal rahi hai।

karebiyan ne seva mein vishesh vi.aai.pi. bhi taiyaar kiya। jis ek se anekon ki seva ho rahi hai to yeh bhi visheshta hai na। nimantran hi aisa vidhipoorvak vi.aai.pi. roop se mila yeh bhi first nimitta to karebiyan hi bana। aaj chaaron or example ban anekon ko umang prerna dene ki seva mein lage hue hain। yeh bhi phal to sabhi ko milega na। abhi bhi government ke connection mein hain। yeh bhi ek sameep connection mein aane ki vidhi hai। is vidhi ko aur bhi thodaasa gyaan-yukta connection mein aate hue nyaarepan ki seva ka anubhav kara sakte hain। kisi bhi meeting mein jis samay bhi seva karne ke nimitta bante hain, chaahe laukik baaten ho lekin laukik baaton mein bhi aise dhang se apne bol bolen jisse nyaaraapan bhi anubhav ho aur pyaaraapan bhi anubhav ho। to yeh bhi ek chance hai ki sabhi ke saath hote bhi apna ‘nyaara aur pyaaraapan’ dikha sakte hain। isliye is vidhi ko aur bhi thoda-sa attention de seva ka saadhan shreshtha bana sakte ho। yeh bhi gyaana vaalon ko chance mila hai। aadi se hi seva ke chance ki lottery mili hui hai। sabhi sthaan ki vriddhi achhi hai। abhi aur ek visheshta karo - jo vahaan ke naami graami pandit hain,unhon mein se taiyaar karo। trineedaad,gyaana mein pandit bahut hain। woh phir najdeek vaale ho gaye। bhaarat ki hi philosophy ko maanne vaale hain na। to abhi panditon ka group taiyaar ho raha hai, aise phir yahaan se panditon ka group taiyaar karo। jaise abhi haridvaar mein saadhuon ka sanghathan taiyaar ho raha hai, aise phir yahaan se panditon ka gurap taiyaar karo। sneh se unko apna bana sakte ho। pahle sneh se unko sameep laao। haridvaar mein bhi sneh ki hi result hai। sneh madhuban tak pahuncha deta hai। to madhuban tak aaye to knowledge tak bhi aa jaayenge! kahaan jaayenge। to abhi yeh karke dikhaao। achha –

Europe kya karega? sankhya se chhote nahin kahe jaate hain। sankhya kya hi hokvaaliti achhi hai to number one ho। jo kisi ne nahin laaya hai woh aap la sakte ho। koi badi baat nahin hai ‘himmate bachche madde baap’। bachchon ki himmat aur saare parivaar ki, baapdaada ki madad hai। isliye koi bhi badi baat nahin hai। jo chaaho woh kar karte ho। aakhir to sabhi ko aana to ek hi thikaane par hai। kisko abhi aana hai,kisko thoda peechhe aana hai। aana to hai hi। kitne bhi khush hon lekin phir bhi koi na koi praapti ki ichchha to hoti hai na। chaahe vaataavran theek hai iske liye pareshaan nahin bhi hain lekin phir bhi jab tak gyaan nahin hai to vinaashi ichchhaayen kabhi bhi poori nahin hoti hain। ek ichchha ke baad doosri ichchha utpanna hoti rehti hai। to ichchha bhi sada santushtata ka anubhav nahin karaati। to jo dukhi nahin hain unko eeshvareey nihsvaartha sneh kya hai, snehi jeevan kya hoti hai, aatmik sneh, parmaatma sneh is vidhi se sameep laao। kitna bhi snehi ho lekin nihsvaartha sneh to kahaan hai hi nahin। sachcha sneh to hai hi nahin। to sachcha dil ka sneh, parivaar ka sneh sabko chaahiye। aisa eeshvareey parivaar kahaan kisko mil sakta? to jis baat ki apraapti ki anbhooti ho usi praapti ke aakarshan se unhon ko samjhaao। achha!

sabhi vishesh aatmaayen ho। agar visheshta na hoti to brahman aatma nahin ban sakte। visheshta ne hi brahman jeevan dilaai hai। sabse badi visheshta to yahi hai ki koto mein koi mein koi aap ho। to har ek ki apni-apni visheshta hai। saara din baap aur seva yahi lagan rehti hai na! laukik kaarya to nimitta maatra karna hi padta hai lekin dil mein lagan - yaad aur seva ki rahe। achha, om shanti।’’