Avyakt murli du mardi 25 mars 1986

>

25-03-86om shanti avyakt baapdaadaamdhuban

holi ka rahasya

highest baapdaada apne holi, happy hanson prati bole-

aaj baapdaada sarva svaraajya adhikaari alaukik raajya sabha dekh rahe hain। har ek shreshtha aatma ke oopar light ka taaj chamakta hua dekh rahe hain। yahi raajya sabha - holi sabha hai। har ek param paavan poojya aatmaayen sirf is ek janma ke liye paavan arthaat holi nahin bane hain। lekin paavan arthaat holi banne ki rekha anek janmon ki lambi rekha hai। saare kalpa ke andar aur aatmaayen bhi paavan holi banti hain। jaise paavan aatmaayen dharmapita ke roop mein dharma sthaapan karne ke nimitta banti hain। saath-saath kai mahaan aatmaayen kahlaane vaale bhi paavan bante hain lekin unhon ke paavan banne mein aur aap paavan aatmaon mein antar hai। aapke paavan banne ka saadhan ati sahaj hai। koi mehnat nahin। kyonki baap se aap aatmaon ko sukh shanti pavitrata ka varsa sahaj milta hai। is smriti se sahaj aur svatah hi avinaashi ban jaate! duniya vaale paavan bante hain lekin mehnat se। aur unhein 21janmon ke varse ke roop mein pavitrata nahin praapta hoti hai। aaj duniya ke hisaab se ‘holi’ ka din kehte hain। woh holi manaate aur aap svayan hi paramatma rang mein rangane vaale holi aatmaayen ban jaate ho। manaana thode samay ke liye hota hai, banna jeevan ke liye hota hai। woh din manaate aur aap holi jeevan banaate ho। yeh sangamayug holi jeevan ka yug hai। to rang mein rang gaye arthaat avinaashi rang lag gaya। jo mitaane ki aavashyakta nahin। sadaakaal ke liye baap samaan ban gaye। sangamayug par niraakaar baap samaan karmaateet niraakaari sthiti ka anubhav karte ho aur 21janma brahma baap samaan sarvagun sampanna, sampoorn nirvikaari shreshtha jeevan ka samaan anubhav karte ho। to aapki holi hai‘sang ke rang’mein baap samaan banna। aisa pakka rang ho jo samaan bana de। aisi holi duniya mein koi khelte hain?baap samaan banaane ki holi khelne aate hain। kitne bhinna-bhinna rang baap dvaara har aatma par avinaashi chadh jaate hain। gyaan ka rang,yaad ka rang,anek shaktiyon ke rang, gunon ke rang, shreshtha drishti, shreshtha vritti, shreshtha bhaavna, shreshtha kaamna svatah sada ban jaae,yeh roohaani rang kitna sahaj chadh jaata hai। holi ban gaye arthaat holi ho gaye। woh holi manaate hain, jaise gun hain vaisa roop ban jaate hain। usi samay koi unhon ka photo nikaale to kaisa lagega। woh holi manaakar kya ban jaate aur aap holi manaate ho to pharishta so devta ban jaate ho। hai sab aapka hi yaadgaar lekin aadhyaatmik shakti na hone ke kaaran aadhyaatmik roop se nahin mana sakte hain। baaharmukhta hone kaaran baaharmukhi roop se hi manaate rehte hain। aapka yathaartha roop se mangal milan manaana hai।

holi ki visheshta hai jalaana, phir manaana aur phir mangal milan karna। in teen visheshtaaon se yaadgaar bana hua hai। kyonki aap sabhi ne holi banne ke liye pahle puraane sanskaar, puraani smritiyaan sabhi ko yog agni se jalaaya tabhi sang ke rang mein holi manaaya arthaat baap samaan sang ka rang lagaaya। jab baap ke sang ka rang lag jaata hai to har aatma ke prati vishwa ki sarva aatmaayen parmaatma parivaar ban jaate hain। parmaatma parivaar hone ke kaaran har aatma ke prati shubh kaamna svatah hi natural sanskaar ban jaati hai। isliye sada ek do mein mangal milan manaate rehte hain। chaahe koi dushman bhi ho,aasuri sanskaar vaale hon lekin is roohaani mangal miaalan se unko bhi parmaatma rang ka chheenta zaroor daalte। koi bhi aapke paas aayega to kya karega?sabse gale milna arthaat shreshtha aatma samajh gale milna। yeh baap ke bachche hain। yeh pyaar ka milan shubh bhaavna ka milan un aatmaon ko bhi puraani baaten bhoola deti hain। woh bhi utsaah mein aa jaate। isliye utsav ke roop mein yaadgaar bana liya hai। to baap se holi manaana arthaat avinaashi roohaani rang mein baap samaan banna। woh log to udaas rehte hain isliye khushi manaane ke liye yeh din rakhe hain। aur aap log to sada hi khushi mein naachte-gaate,mauj manaate rehte ho। jo jyaada moonjhate hain - kya hua, kyon hua, kaise hua, woh mauj mein nahin rah sakte। aap trikaaldarshi ban gaye to phir kya, kyon kaise yeh sankalp uth hi nahin sakte। kyonki teenon kaalon ko jaante ho। kyon hua? jaante hain paper hai aage badhne liye। kyon hua? nothing new। to kya hua ka question hi nahin। kaise hua? maaya aur majboot banaane ke liye aai aur chali gai। to trikaaldarshi sthiti vaale ismen moonjhate nahin। question ke saath-saath respond pahle aata। kyonki trikaaldarshi ho। naam trikaaldarshi aur vartamaan ko bhi na jaan sake - kyon hua, kaise hua to usko trikaaldarshi kaise kahenge! anek baar vijayi bane hain aur banne vaale bhi hain। past aur future ko bhi jaante hain ki ham brahman so pharishta,pharishta so devta banne vaale hain। aaj aur kal ki baat hai। question samaapta ho full stop aa jaata hai।

holi ka arth bhi hai -‘ho li’। past is past। aise bindi lagaane aati hai na! yeh bhi holi ka arth hai। jalaane vaali holi bhi aati। rang mein rangane vaali holi bhi aati aur bindi lagaane ki holi bhi aati। mangal milan manaane ki holi bhi aati। chaaron hi prakaar ki holi aati hai na! agar ek prakaar bhi kam hogi to light ka taaj tikega nahin। girta rahega। taaj tight nahin hota to girta rehta hai na। chaaron hi prakaar ki holi manaane mein paas ho?jab baap samaan banna hai to baap sampanna bhi hai aur sampoorn bhi hai। percentage ki stage bhi kab tak?jisse sneh hota hai to snehi ko samaan banne mein mushkil nahin hota। baap ke sada snehi ho to sada samaan kyon nahin! sahaj hai na। achha।

sabhi sada holi aur happy rahne vaale holi hanso ko, highest te highest baap samaan holi banne ki avinaashi mubaarak de rahen hain। sada baap samaan banne ki,sada holi yug mein mauj manaane ki mubaarak de rahe hain। sada holi hans ban gyaan ratnon se sampanna banne ki mubaarak de rahe hain। sarva rangon mein range hue poojya aatma banne ki mubaarak de rahe hain। mubaarak bhi hai aur yaadapyaar bhi sada hai। aur sevaadhaari baap ki, maalik bachchon ke prati namaste bhi sada hai। to yaadapyaar aur namaste।’’

aaj Malaysia group hai! south east। sabhi yeh samajhte ho ki ham kahaan-kaho bikhar gaye the। parmaatma parivaar ke steamer se utar kahaan-kahaan kone mein chale gaye। sansaar saagar mein kho gaye। kyonki dvaapar mein aatmik bomb ke bajaae shareer ke bhaan ka bomb laga। raavan ne bomb laga diya to steamer toot gaya। parmaatma parivaar ka steamer toot gaya aur kahaan-kahaan chale gaye। jahaan bhi sahaara mila। doobne vaale ko jahaan bhi sahaara milta hai to le lete hain na। aap sabko bhi jis dharma, jis desh ka thoda sa bhi sahaara mila, vahaan pahunch gaye। lekin sanskaar to vahi hain na। isliye doosre dharma mein jaate bhi apne vaastavik dharma ka parichay milne se pahunch gaye। saare vishwa mein phail gaye the। yeh bichhudna bhi kalyaankaari hua। jo anek aatmaon ko ek ne nikaalne ka kaarya kiya। vishwa mein parmaatma parivaar ka parichay dene ke liye kalyaankaari ban gaye। sab agar bhaarat mein hi hote to vishwa mein seva kaise hoti? isliye kone-kone mein pahunch gaye ho। sabhi mukhya dharmon mein koi na koi pahunch gaye hain। ek bhi nikalta hai to hamjinsa ko jagaate zaroor hain। baapdaada ko bhi5 hajaar varsha ke baad bichhde hue bachchon ko dekh karke khushi hoti hai। aap sabko bhi khushi hoti hain na। pahunch to gaye। mil to gaye।

Malaysia ka koi vi. aai. pi. abhi tak nahin aaya hai। seva ke lakshya se unhon ko bhi nimitta banaaya jaata hai। seva ki teevragti ke nimitta ban jaate hain isliye unhon ko aage rakhna padta hai। baap ke liye to aap hi shreshtha aatmaayen ho। roohaani nashe mein to aap shrenshtha ho na। kahaan aap poojya aatmaayen aur kahaan woh maaya mein phanse hue! anjaan aatmaon ko bhi pahchaan to deni hai na। singaapur mein bhi ab vriddhi ho rahi hai। jahaan baap ke ananya ratna pahunchte hain to ratna, ratnon ko hi nikaalte hain। himmat rakh seva mein lagan se aage badh rahe hain। to mehnat ka phal shreshtha hi milega। apne parivaar ko ikatthe karna hai। parivaar ka bichhuda hua parivaar mein pahunch jaata hai to kitna khush hote aur dil se shukriya gaate। to yeh bhi parivaar mein aakar kitna shukriya gaate honge। nimitta ban baap ka bana liya। sangam par shukriya ki maalaayen bahut padti hain। achha।