Avyakt murli du samedi 17 octobre 1987

>

17-10-87om shanti avyakt baapdaadaamdhuban

brahman jeevan ka shringaar - ‘pavitrata'

poojneey banaane vaale param poojya shivbaaba apne hovanhaar poojya bachchon prati bole

aaj baapdaada apne vishwa ke chaaron or ke vishesh hovanhaar poojya bachchon ko dekh rahe hain। saare vishwa mein se kitne thode amoolya ratan poojneey bane hain! poojneey aatmaayen hi vishwa ke liye vishesh jahaan ke noor ban jaate hain। jaise is shareer mein noor nahin to jahaan nahin, aise vishwa ke andar poojneey jahaan ke noor aap shreshtha aatmaayen nahin to vishwa ka bhi mahattva nahin। svarna-yug va aadi-yug va satopradhaan yug, naya sansaar aap vishesh aatmaon se aarambha hota hai। naye vishwa ke aadhaarmoorta,poojneey aatmaayen aap ho। to aap aatmaon ka kitna mahatva hai! aap poojya aatmaayen sansaar ke liye nai roshni ho। aapki chadhti kala vishwa ko shreshtha kala mein laane ke nimitta banti hai। aap girti kala mein aate ho to sansaar ki bhi girti kala hoti hai। aap parivartan hote ho to vishwa bhi parivartan hota hai। itne mahaan aur mahattva vaali aatmaayen ho!

aaj baapdaada sarva bachchon ko dekh rahe the। brahman banna arthaat poojya banna kyonki brahman so devta bante hain aur devtaayen arthaat poojneey। sabhi devtaayen poojneey to hain, phir bhi nambarvaar zaroor hain। kin devtaaon ki pooja vidhipoorvak aur niymit roop se hoti hai aur kinheen ki pooja vidhipoorvak niymit roop se nahin hoti। kinhon ke har karma ki pooja hoti hai aur kinhon ke har karma ki pooja nahin hoti hai। koi ka vidhipoorvak har roj shrringaar hota hai aur koi ka shrringaar roj nahin hota hai,oopar-oopar se thoda-bahut saja lete hain lekin vidhipoorvak nahin। koi ke aage saara samay keertan hota aur koi ke aage kabhi-kabhi keertan hota hai। in sabhi ka kaaran kya hai?brahman to sabhi kahlaate hain, gyaan-yog ki padhaai bhi sabhi karte hain,phir bhi itna antar kyon?dhaarna karne mein antar hai। phir bhi vishesh kaun-si dhaarnaaon ke aadhaar par number one hote hain, jaante ho?

poojneey banne ka vishesh aadhaar pavitrata ke oopar hai। jitna sarva prakaar ki pavitrata ko apnaate hain, utna hi sarva prakaar ke poojneey bante hain aur jo nirantar vidhipoorvak aadi, anaadi vishesh gun ke roop se pavitrata ko sahaj apnaate hain, vahi vidhipoorvak poojya bante hain। sarva prakaar ki pavitrata kya hai? jo aatmaayen sahaj,svatah har sankalp mein,bol mein, karma mein sarva arthaat gyaani aur agyaani aatmaayen, sarva ke samparka mein sada pavitra vritti, drishti,vibration se yathaartha samparka-sambandh nibhaate hain - isko hi sarva prakaar ki pavitrata kehte hain। svapna mein bhi svayan ke prati ya anya koi aatma ke prati sarva prakaar ki pavitrata mein se koi kami na ho। maano svapna mein bhi brahmacharya khandit hota hai va kisi aatma ke prati kisi bhi prakaar ki eershya, aaveshta ke vash karma hota ya bol nikalta hai, krodh ke ansh roop mein bhi vyavhaar hota hai to isko bhi pavitrata ka khandan maana jaayega। socho,jab svapna ka bhi prabhaav padta hai to saakaar mein kiye hue karma ka kitna prabhaav padta hoga! isliye khandit moorti kabhi poojneey nahin hoti। khandit moortiyaan mandiron mein nahin rahteen,aajkal ke myoojayam mein rehti hain। vahaan bhakta nahin aate। sirf yahi gaayan hota hai ki bahut puraani moorttiyaan hain, bas। unhonne sthool angon ke khandit ko khandit kah diya hai lekin vaastav mein kisi bhi prakaar ki pavitrata mein khandan hota hai to woh poojya-pad se khandit ho jaate hain। aise, chaaron prakaar ki pavitrata mein khandan hota hai to pah poojya-pad se khandit ho jaate hain। aise,chaaron prakaar ki pavitrata vidhipoorvak hai to pooja bhi vidhipoorvak hoti hai।

man, vaani,karma (karma mein sambandh samparka aa jaata hai) aur svapna mein bhi pavitrata - isko kehte hain - ‘sampoorn pavitrata'। kai bachche albelepan mein aane ke kaaran,chaahe badon ko, chaahe chhoton ko, is baat mein chalaane ki koshish karte hain ki mera bhaav bahut achha hai lekin bol nikal gaya, va meri em (lakshya) aise nahin thi lekin ho gaya, ya kehte hain ki hansi-majaak mein kah diya athva kar liya। yeh bhi chalaana hai। isliye pooja bhi chalaane jaisi hoti hai। yeh albelaapan sampoorn poojya sthiti ko nambarvaar mein le aata hai। yeh bhi apvitrata ke khaate mein jama hota hai। sunaaya na - poojya, pavitra aatmaon ki nishaani yahi hai - unhon ki chaaron prakaar ki pavitrata svabhaavik, sahaj aur sada hogi। unko sochna nahin padega lekin pavitrata ki dhaarna svatah hi yathaartha sankalp, bol,karma aur svapna laati hai। yathaartha arthaat ek to yuktiyukta,doosra yathaartha arthaat har sankalp mein arth hoga, bina arth nahin hoga। aise nahin ki aise mein bol diya, nikal gaya, kar liya, ho gaya। aisi pavitra aatma sada har karma mein arthaat dincharya ke har karma mein yathaartha yuktiyukta rehti hai। isliye pooja bhi unke har karma ki hoti hai arthaat poore dincharya ki hoti hai। uthne se lekar sone tak bhinna-bhinna karma ke darshan hote hain।

agar brahman jeevan ki bani hui dincharya pramaan koi bhi karma yathaartha va nirantar nahin karte to uske antar ke kaaran pooja mein bhi antar padega। maano koi amritvele uthne ki dincharya mein vidhipoorvak nahin chalte, to pooja mein bhi unke pujaari bhi us vidhi mein neeche-oopar karte arthaat pujaari bhi samay par uthkar pooja nahin karega,jab aaya tab kar lega। athva amritvele jaagrit sthiti mein anubhav nahin karte, majboori se va kabhi susti,kabhi chusti ke roop mein baithte to pujaari bhi majboori se ya susti se pooja karenge, vidhipoorvak pooja nahin karenge। aise har dincharya ke karma ka prabhaav poojneey banne mein padta hai। vidhipoorvak na chalna, koi bhi dincharya mein oopar-neeche hona - yeh bhi apvitrata ke ansh mein ginti hota hai। kyonki aalasya aur albelaapan bhi vikaar hai। jo yathaartha karma nahin hai, woh vikaar hai। to apvitrata ka ansh ho gaya na। is kaaran poojya pad mein nambarvaar ho jaate hain। to foundation kya raha? - pavitrata।

pavitrata ki dhaarna bahut maheen hai। pavitrata ke aadhaar par hi karma ki vidhi aur gati ka aadhaar hai। pavitrata sirf moti baat nahin hai। brahmachaari rahe ya nirmohi ho gaye - sirf isko hi pavitrata nahin kahenge। pavitrata brahman jeevan ka shringaar hai। to har samay pavitrata ke shringaar ki anubhooti chehre se, chalan se auron ko ho। drishti mein, mukh mein, haathon mein, paanvon mein sada pavitrata ka shringaar pratyaksha ho। koi bhi chehre taraph dekhe to features se unhein pavitrata anubhav ho। jaise aur prakaar ke features varnan karte hain, vaise yeh varnan karen ki inke features se pavitrata dikhaai deti hai, naynon mein pavitrata ki jhalak hai, mukh par pavitrata ki muskaraat hai। aur koi baat unhein najar na aaye। isko kehte hain - pavitrata ke shringaar se shringaari hui moorta। samjha? pavitrata ki to aur bhi bahut guhyata hai, woh phir sunaate rahenge। jaise karmon ki gati gahan hai, pavitrata ki paribhaasha bhi badi guhya hai aur pavitrata hi foundation hai। achha।

aaj gujraat aaya hai। gujraat vaale sada halke ban naachte aur gaate hain। chaahe shareer mein kitne bhi bhaari hon lekin halke ban naachte hain। gujraat ki visheshta hai- sada halka rehna, sada khushi mein naachte rehna aur baap ke va apne praaptiyon ke geet gaate rehna। bachpan se hi naachte-gaate,achha hain। brahman jeevan mein kya karte ho? brahman jeevan arthaat maujon ki jeevan। garbha raas karte ho to mauj mein aa jaate ho na। agar mauj mein na aaye to jyaada kar nahin sakenge। mauj-masti mein thakaavat nahin hoti hai, athak ban jaate hain। to brahman jeevan arthaat sada mauj mein rahne ki jeevan,yeh hai sthool mauj aur brahman jeevan ki hai - man ki mauj। sada man mauj mein naachta aur gaata rahe। yeh log halke ban naachne-gaane ke abhyaasi hain। to inhon ko brahman jeevan mein bhi double light (halka) banne mein mushkil nahin hoti। to gujraat arthaat sada halke rahne ke abhyaasi kaho, vardaani kaho। to saare gujraat ko vardaan mil gaya - double light। murli dvaara bhi vardaan milte hain na।

sunaaya na - aapki is duniya mein yatha shakti, yatha samay hota hai। yatha aur tatha। aur vatan mein to yatha-tatha ki bhaasha hi nahin hai। yahaan din bhi to raat bhi dekhna padta। vahaan na din,na hai raat; na soorya uday hota, na chandrama। donon se pare hai। aana to vahaan na। bachchon ne rooh-roohaan mein kaha na ki kab tak? baapdaada kehte hain ki aap sabhi kaho ki ham taiyaar hain to ‘abhi'kar lenge। phir ‘kab'ka to savaal hi nahin hai। ‘kab' tab tak hai jab tak saari maala taiyaar nahin hui hai। abhi naam nikaalne baithte ho to 108 mein bhi sochte ho ki yeh naam daalen va nahin? abhi108 ki maala mein bhi sabhi vahi 108 naam bolen। nahin,pharka ho jaayega। baapdaada to abhi ghadi taali bajaave aur thakaathak shuru ho jaayegi - ek taraph prakriti,ek taraph vyaktiyon। kya deri lagti। lekin baap ka sabhi bachchon mein sneh hai। haath pakdenge,tab to saath chalenge। haath mein haath milaana arthaat samaan banna। aap kahenge - sabhi samaan athva sabhi to number one banenge nahin। lekin number one ke peechhe number tu hoga। achha,baap samaan nahin banen lekin number one daana jo hoga woh samaan hoga। teesra do ke samaan bane। chautha teen ke samaan bane। aise to samaan banen, to ek do ke sameep hote-hote maala taiyaar ho। aisi stage tak pahunchna arthaat samaan banna। 108 taiyaar ho jaayegi। nambarvaar to hona hi hai। samjha? baap to kehte - abhi koi hai guarantee karne vaala ki haan, sab taiyaar hain? baapdaada ko to second lagta। drishya dikhaate the na - taali bajaai aur pariyaan aa gai। achha।

chaaron or ke param poojya shreshtha aatmaon ko, sarva sampoorn pavitrata ke lakshya tak pahunchne vaale teevra purooshaarthi aatmaon ko,sada har karma mein vidhipoorvak karma karne vaale siddhi-swaroop aatmaon ko,sada har samay pavitrata ke shringaar mein saji hui vishesh aatmaon ko baapdaada ka sneh sampanna yaadapyaar sveekaar ho।

party se mulaakaat

(1) vishwa mein sabse jyaada shreshtha bhaagyavaan apne ko samajhte ho?saara vishwa jis shreshtha bhaagya ke liye pukaar raha hai ki hamaara bhaagya khul jaae… aapka bhaagya to khul gaya। isse badi khushi ki baat aur kya hogi! bhaagyavidhaata hi hamaara baap hai - aisa nasha hai na! jiska naam hi bhaagyavidhaata hai uska bhaagya kya hoga! isse bada bhaagya koi ho sakta hai? to sada yeh khushi rahe ki bhaagya to hamaara janma-siddha adhikaar ho gaya। baap ke paas jo bhi property hoti hai, bachche uske adhikaari hote hain। to bhaagyavidhaata ke paas kya hai? bhaagya ka khazaana। us khazaane par aapka adhikaar ho gaya। to sadaiv ‘vaah mera bhaagya aur bhaagya-vidhaata baap'! - yahi geet gaate khushi mein udte raho। jiska itna shreshtha bhaagya ho gaya usko aur kya chaahiye? bhaagya mein sab kuchh aa gaya। bhaagyavaan ke paas tan-man-dhan-jan sab kuchh hota hai। shreshtha bhaagya arthaat apraapta koi vastu nahin। koi apraapti hai?makaan achha chaahiye, kaar achhi chaahiye… nahin। jisko man ki khushi mil gai,use sarva praaptiyaan ho gai! kaar to kya lekin kaaroon ka khazaana mil gaya! koi apraapta vastu hai hi nahin। aise bhaagyavaan ho! vinaashi ichchha kya karenge। jo aaj hai, kal hai hi nahin - uski ichchha kya rakhenge। isliye, sada avinaashi khazaane ki khushiyon mein raho jo ab bhi hai aur saath mein bhi chalega। yeh makaan, kaar va paise saath nahin chalenge lekin yeh avinaashi khazaana anek janma saath rahega। koi chheen nahin sakta,koi loot nahin sakta। svayan bhi amar ban gaye aur khazaane bhi avinaashi mil gaye! janmajanma yeh shreshtha praalabdha saath rahegi। kitna bada bhaagya hai! jahaan koi ichchha nahin,ichchha maatram avidya hai - aisa shreshtha bhaagya bhaagyavidhaata baap dvaara praapta ho gaya।

(2) apne ko baap ke sameep rahne vaali shreshtha aatmaayen anubhav karte ho?baap ke ban gaye - yeh khushi sada rehti hai?duhkh ki duniya se nikal sukh ke sansaar mein aa gaye। duniya duhkh mein chilla rahi hai aur aap sukh ke sansaar mein, sukh ke jhoole mein jhool rahe ho। kitna antar hai! duniya dhoondh rahi hai aur aap milan mana rahe ho। to sada apni sarva praaptiyon ko dekh harshit raho। kya-kya mila hai, uski list nikaalo to bahut lambi list ho jaayegi। kya-kya mila?tan mein khushi mili, to tan ki khushi tandaroosti hai; man mein shanti mili,to shanti man ki visheshta hai aur dhan mein itni shakti aai jo daal-roti 36prakaar ke samaan anubhav ho।

eeshvareey yaad mein daal-roti bhi kitni shreshtha lagti hai! duniya ke 36prakaar hon aur aap ki daal-roti ho to shreshtha kya lagega?daal-roti achhi hai na। kyonki prasaad hai na। jab bhojan banaate ho to yaad mein banaate ho, yaad mein khaate ho to prasaad ho gaya। prasaad ka mahattva hota hai। aap sabhi roj prasaad khaate ho। prasaad mein kitni shakti hoti hai! to tan-man-dhan sabhi mein shakti aa gai। isliye kehte hain - apraapta nahin koi vastu braahmanon ke khazaane mein। to sada in praaptiyon ko saamne rakh khush raho, harshit raho। achha।

(3) apne ko sangamayugi shreshtha aatmaayen anubhav karte ho?braahmanon ko sada oonche te oonchi choti par dikhaate hain। choti ka arth hi hai ooncha। to sangamayugi arthaat oonche te oonchi aatmaayen। jaise baap oonche te ooncha gaaya hua hai, aise bachche bhi oonche aur sangamayug bhi ooncha hai। saare kalpa mein sangamayug jaisa ooncha koi yug nahin hai kyonki is yug mein hi baap aur bachchon ka milna hota hai। aur koi yug mein aatma aur paramatma ka mela nahin hota hai। to jahaan aatma aur paramatma ka mela hai, vahi shreshtha yug hua na। aise shreshtha yug ki shreshtha aatmaayen ho! aap shreshtha braahmanon ka kaarya kya hai? braahmanon ka kaam hai - padhna aur padhaana। naamdhaari brahman bhi shaastra padhenge aur doosron ko sunaayenge। to aap braahmanon ka kaam hai eeshvareey padhaai padhna aur padhaana jisse eeshvar ke ban jaaen। to aise karte ho?padhte bhi ho aur padhaate arthaat seva bhi karte ho। yeh eeshvareey gyaan dena hi eeshvareey seva hai। seva ka sada hi meva milta hai। kahaavat hai na - ‘karo seva to mile meva'। to eeshvareey seva karne se ateendriy sukh ka meva milta hai, shaktiyon ka meva milta hai, khushi ka meva milta hai। to aisa meva mila hai na?kitni paatra aatmaayen ho jo is eeshvareey phal ke adhikaari ban gai! aap braahmanon ke sivaae aur koi bhi is phal ke adhikaari ban nahin sakte। adhikaari bhi kaun bane hain?jinmen kisi ki ummeed nahin, woh ummeedvaar ban gaye! duniya vaale maataaon ke liye kehte - inka koi adhikaar nahin hai aur baap ne maataaon ko vishesh adhikaari banaaya hai, maataaon ko is seva ki vishesh jimmevaari di hai। duniya vaalon ne paanv ki jutti bana diya aur baap ne sir ka taaj bana diya। to saadhaaran maataayen nahin ho,abhi to baap ke sir ke taaj ban gai।

(4) sada apne ko bephikar baadshaah anubhav karte ho? pravritti ka ya koi bhi kaarya ka phikar to nahin rehta hai? bephikar rehte ho? bephikar kaise bane? sab kuchh tera karne se। mera kuchh nahin, sab tera hai। jab tera hai to phikar kis baat ka?jinhonne sab kuchh tera kiya, vahi bephikar baadshaah bante hain। aise nahin jo cheez matlab ki hai woh meri hai, jo cheez matlab ki nahin woh teri। jeevan mein har ek bephikar rehna chaahta hai। jahaan phikar nahin, vahaan sada khushi hogi। to tera kahne se, bephikar banne se khushi ke khazaane bharpoor ho jaate hain। baadshaah ke paas khazaana bharpoor hota hai। to aap bephikar baadshaahon ke paas anginat, akhut,avinaashi khazaane hain jo satayug mein nahin honge। is samay ke khazaane shreshtha khazaane hain। to maataayen bephikar baadshaah baneen?jab mera-mera hai to phikar hai। jab ‘tera'kah diya to baap jaane, baap ka kaam jaane,aap nishchint ho gaye। ‘tera'aur ‘mera'shabd mein thoda-sa antar hai। ‘tera'kehna - sab praapta hona, ‘mera' kehna - sab ganvaana। dvaapar se mera-mera kaha to kya hua?sab ganva diya na। tandaroosti bhi chali gai, man ki shanti bhi chali gai aur dhan bhi chala gaya। kahaan vishwa ke raajan aur kahaan chhote-mote daphtar ke klarka ban gaye,businessman ho gaye jo vishwa ke mahaaraaja ke aage kuchh nahin hai। to mera-mera kahne se ganvaaya aur tera-tera kahne se jama ho jaata। to jama karne mein hoshiyaar ho?maataayen ek-ek paisa ikattha karke jama karti hain। jama karne mein maataayen hoshiyaar hoti hain। to yeh jama karna aata hai?yahaan kharcha karna bhi kharcha nahin hai, jama karna hai। jitna kharcha karte ho arthaat doosron ko dete ho, utna padmaguna hota hai। ek dena aur padma lena। achha।

(5) sada yaad aur seva ke balance se baap ki blessing anubhav karte ho?jahaan yaad aur seva ka balance hai arthaat samaanta hai, vahaan baap ki vishesh madad anubhav hoti hai। to madad hi aasheervaad hai। kyonki baapdaada, aur anya aatmaon ke maaphik aasheervaad nahin dete hain। baap to hai hi ashareeri,to baapdaada ki aasheervaad hai - sahaj, svatah madad milna jisse jo asambhav baat ho woh sambhav ho jaae। yahi madad arthaat aasheervaad hai। laukik gurooon ke paas bhi aasheervaad ke liye jaate hain। to jo asambhav baat hoti, woh agar sambhav ho jaati to samajhte hain yeh guru ki aasheervaad hai। to baap bhi asambhav se sambhav kar dikhaate hain। duniya vaale jin baaton ko asambhav samajhte hain, unheen baaton ko aap sahaj samajhte ho। to yahi aasheervaad hai। ek kadam uthaate ho aur padmon ki kamaai jama ho jaati hai। to yeh aasheervaad hui na। to aise baap ki va satguru ki aasheervaad ke paatra aatmaayen ho। duniya vaale pukaarte rehte hain aur aap praaptisvaroop ban gaye। achha।