Avyakt murli du mercredi 21 octobre 1987

>

21-10-87om shanti avyakt baapdaadaamdhuban

deepraaj aur deepraaniyon ki kahaani

sabki jyoti jagaane vaale, udti kala ki baaji sikhaane vaale alaukik jaadoogar shivbaaba bole

aaj sarva chaitanya avinaashi deepkon ke maalik deepraaj apni sabhi deepraaniyon se milne aaye hain। kyonki aap sabhi sangamayug ki raaniyaan ho, ek deepraaj se lav lagaane vaali ho। deepak ki visheshta deepak ke lau par hoti hai। aap sabhi deepraaniyaan deepkon ke raaja se lagna lagaane vaali shreshtha aatmaayen hon va sabhi sachchi seetaayen ek raam baap ke sada saath rahne vaali ho। isliye deepkon ke maalik deepraaja ke saath-saath aap deepkon ka bhi maala ke roop mein gaayan ho raha hai। lekin deepmaala ke pahle,ek deepraaj bade deepak mein jagaate hain। ek deepak se aap anek deepak jagamgaate ho। to yeh aap sabhi ka yaadgaar aaj din tak bhi manaaya ja raha hai।

deepmaala ko dekh kya dil mein aata hai? yeh umang aata hai ki mujh deepak ka yeh yaadgaar hai? sirf chamak dekh khush hote ho ya apna yaadgaar samajh khushi hoti hai? apne ko usmein dekhte ho? jaante ho ki main bhi deepak is maala mein hoon? jaante ho, yeh deepmaala, maala ke roop mein kyon dikhaate hain? deep divas nahin kehte, deepmaala divas kehte hain। kyonki aap sabhi vishesh aatmaon ke sangathan ka yeh yaadgaar hai। maala tab sajti hai jab anek deepak sangathit roop mein hon। agar ek va do deepak jaga den to maala nahin kahenge। to deepmaala avinaashi,anek jage hue deepkon ka yaadgaar hai। to apna din mana rahe ho। ek taraph chaitanya deepak ke roop mein jagamgaate hue vishwa ko divya roshni de rahe ho, doosre taraph apna yaadgaar bhi dekh rahe ho। dekh-dekh harshit hote ho na? yeh deepkon ke roop mein kyon dikhaaya hai? kyonki aap chamakti hui aatmaayen deepak ki lau misal dikhaai deti, isliye chamakti hui aatmaayen, divya jyoti ka yaadgaar roop hai। ek taraph niraakaari aatma ke roop ka yaadgaar roop hai,doosri taraph aap hi ke bhavishya saakaar divya swaroop lakshmi ke roop mein yaadgaar hai। yahi deepmaala dev-pad praapta karti hai। isliye, niraakaar aur saakaar - donon roopon ka saath-saath yaadgaar hai।

to double roop ka yaadgaar deepmaala hai। lakshmi ka yaadgaar double roop mein ek taraph dhan-devi arthaat daata ka roop sangamayug ka yaadgaar hai jo sadaiv dhan dete rehte hain। yeh sangamayug par avinaashi dhan-devi ke roop mein chitra dikhaaya jaata hai। satayug mein to koi lene vaala hi nahin hoga to denge kisko? yeh sangamayug ke shreshtha karttavya ki nishaani hai। aur doosre taraph taajposhi divas ke roop mein manaaya jaata hai। taajposhi bhavishya ki nishaani hai aur dhan-devi sangamayug ke daata roop ki nishaani hai। donon hi yug ko mila diya hai। kyonki sangamayug chhota-sa yug hai। lekin jitna chhota hai utna mahaan hai। sarva mahaan karttavya,mahaan sthiti,mahaan praapti, mahaan anubhav is chhote se yug mein hote hain। bahut praaptiyaan,bahut anubhav hote aur sangamayug ke baad satayug jaldi aata hai,isliye sangamayug aur satayug ke chitra aur charitra mila diye hain। chitra satayug ka,charitra sangam ka de dete hain। isi prakaar yeh deepmaala bhi aapke double roop, double samay ka yaadgaar ho gaya hai। jo deepmaala mein vidhi rakhte hain, woh bhinnabhinna vidhiyaan bhi mix kar di hain। ek taraph apne puraane khaate samaapta kar naya banaate hain, doosre taraph deepmaala mein naye vastra bhi vidhipoorvak pahante hain। to puraana hisaab-kitaab chuktu karna aur naya khaata aarambha karna - yeh sangamayug ka yaadgaar hai। puraana sab bhool jaate ho, naya janma, naya sambandh, naya karma - sab parivartan karte ho। naya vastra arthaat naya shareer satayug ki nishaani hai। sangamayug par naya shareer nahin milta hai, puraane vastra mein hi rehte ho। to donon hi samay ki vidhiyon ko mix kar diya hai। golden vastra arthaat satopradhaan shareer bhavishya mein dhaaran karenge। abhi to chatti vaale shareer hain। operation mein silaai karte hain na। bade-bade operation mein ek taraph ka maans nikaal doosre taraph lagaate hain,to chatti lagaai na। puraane ki nishaani hai silaai hona। to yeh hain chatti vaale vastra aur bhavishya mein golden naya vastra milega। to aapke naye vastra dhaaran karne ka yaadgaar hai। dev-aatma ban naya vastra arthaat naya shareer, sunahri arthaat sone tulya। aaj ki duniya mein to log ban nahin sakte। isliye yaadgaar roop mein sthool naye vastra pahan khush ho jaate hain। woh ek din ke liye khushi manaayenge, karke3 din bhi manaaven lekin aap to avinaashi manaate ho na। aisa manaate ho jo yeh sangamayug ka manaana anek janma manaate hi rahenge। sada hi jagamgaate deepak jagte hi rahenge। pahle phir bhi vidhipoorvak deepak jagaate the jisse sada deepak jagta rahe, bujhe nahin - yeh dhyaan rakhte the। ghrit daalte the, vidhipoorvak aahvaan ke abhyaas mein rehte the। abhi to deepak ke bajaae bulb jaga dete hain। deepmaala nahin manaate,ab to manoranjan ho gaya hai। woh aahvaan ki vidhi athva saadhna samaapta ho gai hai। sneh samaapta ho abhi sirf svaartha rah gaya hai। dhan badh jaae - isi svaartha se karte। bhaavna se nahin,kaamna se karte hain। pahle phir bhi bhaavna thi,abhi to woh bhaavna, kaamna ke roop mein badal gai hai। rahasya samaapta ho gaya aur reeti-rasma rah gai hai। isliye,yathaartha daata roopdhaari lakshmi kisi ke paas aati nahin। dhan bhi aata hai to kaala dhan aata hai। daivi-dhan nahin aata, aasuri dhan aata hai। lekin aap sabhi yathaartha vidhi se apne daivi pad ka aahvaan karte svayan devta ya devi ban jaate ho। to deepaavli manaane aaye ho na।

baambe ko chance mila hai। baapdaada baambe ko vaise hi nardesaavar kehte hain। deepaavli bhi dhan-devi ki yaadgaar hai na। manaana kisko kaha jaata, kya karenge? sirf mombatti jalaayenge, cake kaatenge, raas karenge, geet gaayenge? yeh to brahman jeevan ka adhikaar hai - sada naachna-gaana,sada jyot se jyot jagaana। lekin sangamayug ka manaana arthaat baap samaan banna। tab to maala ke sameep aayenge na। yeh bhi sangamayug ke suhej (manoranjan) hain। khoob manaao lekin baap se milan manaate hue suhej manaao। sirf manoranjan ke roop mein nahin lekin manmanaabhav ho manoranjan manaao। kyonki aap alaukik ho na?to alaukik vidhi se alaukikta ka manoranjan avinaashi ho jaata hai। aap sabne to sangamayugi deepmaala ki vidhi-puraana khaata khatma karna,har sankalp,har ghadi,har karma, har bol naya arthaat alaukik ho - yeh vidhi apna li hai na? jara bhi puraana khaata raha hua na ho। kabhi-kabhi jab kamzori aa jaati hai to kya kehte ho?chaahte to nahin hain lekin puraane sanskaar hain,puraana svabhaav athva aadat hai, dheere-dheere khatma ho jaayenge - aise kehte hain na?to puraana khaata phir kahaan se aaya? abhi tak sambhaal karke rakha hai kya? gathri baandhakar rakhi hogi to chor lagega। puraana khaata hai hi raavan ka khaata। naya khaata hai brahma baap ka va braahmanon ka khaata। agar thoda bhi puraana khaata raha hua hai to woh raavan ki apni cheez hai। apni cheez ko adhikaar se lenge। isliye maaya raavan chakra lagaati hai। cheez hi nahin hogi to raavan aayega bhi nahin।

jaise kisi ka udhaar karja hota hai to kya karte hain? baar-baar chakra lagaate rahenge,chhodega nahin। kitna bhi taalne ki koshish karo lekin karzadaar apna karz zaroor chukaayega। agar koi bhi puraane khaate mein puraane sanskaar abhi samaapta nahin kiye hain to yeh raavan ka karja hai। is karz ko merge kaha jaata hai। kehte hain karz jaisa koi merge nahin। to yeh raavan ka karja - puraane sankalp, sanskaar-svabhaav,puraani chaal-chalan - yeh karja kamzor bana deta hai। kamzori hi merge arthaat beemaari ban jaati hai। isliye is karz ko ek second mein, ‘yeh puraana, paraaya hai' - is ek dridh sankalp se samaapta karo। isko jalaao। aatishbaaji jalaate hain na। aajkal aatishbaaji mein bomb banaate hain na। to aap dridh sankalp ki teeli se aatmik bomb ki aatishbaaji jalaao jisse yeh sab puraana samaapta ho jaae। woh log ganvaayenge aur aap kamaayenge। woh aatishbaaji mein paisa ganvaate hain,aap aatishbaaji par kamaayenge। kamaai karne ki baaji aati hai na? woh aatishbaaji hai aur aapki udti kala ki baaji hai। ismen aap vijayi ho rahe ho। to double phaayda lo। jalaao bhi, kamaao bhi - yeh vidhi apnaao। samjha?

vidhi se siddhi milti hai na। ek yeh vidhi hai। doosri vidhi - deepmaala mein kone-kone mein saphaai karte hain। chaaron konon mein saphaai karte hain, do va teen kone mein nahin karte। kyonki svachchhata mahaanta hai। dev-pad ka aahvaan karne ke liye chaar kone ki svachchhata kya hai? vo sthool chaar konon ki saphaai karte, aapki svachchhata kaunsi hai? - ‘pavitrata'। chaaron prakaar ki svachchhata (pavitrata) ho। us din sunaaya tha na। isi vidhi se daivi-pad ki praapti karte ho। agar ek bhi prakaar ki svachchhata nahin hai to shreshtha daivi-pad ki praapti bhi nahin hoti arthaat jo oonch te oonch banne ki ichchha rakhte ho, woh poorn nahin ho sakti। to chaaron hi prakaar ki svachchhata - yeh hai doosri vidhi। is vidhi ko apnaaya hai?sunaaya na- manaana arthaat baap samaan banna। brahma baap ko dekha, puraana khaata khatma kiya na, chaaron prakaar ki svachchhata har karma mein dekhi na। brahma ne saboot ban karke dikhaaya, isliye number one sapoot bane aur number one pad ki praapti ki। to follow father hai na। brahma baap ne second mein sankalp kiya,puraana khaata khatma। uske liye deepmaala par yeh vidhi apnaai jaati hai। deepmaala ke divas puraana khaata khatma kiya, samarpit hue, puraana sab svaaha kiya? dridh sankalp ki teeli se aatishbaaji kaun-si jalaai?udti kala ki baaji lagaai? isliye yeh is din ka yaadgaar chala aa raha hai। in vidhiyon ko apnaana arthaat divaali manaana।

to divaali manaai ya manaane vaalon ko dekhkar khush hue? manaana arthaat banna। brahma baap samaan banna - yahi divaali manaana hua। dekho - ek taraph baarood jalaana, doosre taraph deepak jagaana, teesre taraph manaana, mithaai khaana,naye vastra pahanna aur chauthe taraph saphaai karna। to jalaana bhi hai, manaana bhi hai aur saphaai bhi karna hai। chaaron prakaar karna hai। karna arthaat karma mein karna। chaaron prakaar ki deepmaala ho gai na। aise nahin - karna aata,manaana aata lekin jalaana nahin aata, saphaai karna nahin aata। nahin। chaaron hi baaton mein baap samaan banna hai। samjha, deepaavli ka arth kya hai? deepraaniyaan aur deepraaja ki yeh kahaani hai। sangamayug par bhi raani ban gai ho na? behad ke raajaaon ke raaja ki raaniyaan ho। satayug mein to hongi dev-raani, lekin abhi parmaatma-raaniyaan ho। isliye patraaniyaan dikhaai hain। sirf krishna chhote bachche ko raaniyaan dikha di hain। krishna ko bachche ke roop mein bhi dikhaate, phir raaniyaan bhi dikhaate। mix kar diya hai। yeh raajaaon ka raaja banaane vaale ki sab raaniyaan hain। raaniyaan bhi ho,seetaayen bhi ho। yahi jaadu hai। abhi-abhi kehte bhaai-bhaai ho, to zaroor apne ko bhaai hi kahenge। phir doosre taraph kehte sab seetaayen ho,raam koi nahin। yahi jaadu hai। ismen hi maja hai। abhi-abhi behen-bhaai ban jaao, abhi-abhi seeta ban jaao,abhi pharishta ban jaao। yeh roohaani jaadu bahut ramneek hai। jaadu se ghabraate to nahin ho na। svayan hi jaadoogar ban gaye।

deepaavli athva deepmaala ki avinaashi mubaarak hai। woh to ek din ke liye kehte - happy divaali aur baapdaada kehte - avinaashi holi ‘happy',healthy deepaavli। sab chaahiye na। hain hi sada jage hue deepak। sada mukh meetha rehta। sabse bade te badi mithaai milti jisse sada mukh meetha rehta। woh kaunsi mithaai hai? - ‘baba'yahi dilkhush mithaai hai। yeh mithaai to sada khaate rehte। sahaj mithaai hai, banaane mein mushkil nahin। mithaai bhi khaai, milan bhi manaaya। desh-videsh ke bachche aaj aakaari pharishte roop mein madhuban mein pahunche hue hain। sabhi ka man yahaan hai aur tan seva mein hai। baapdaada sirf is sabha ko nahin dekh rahe hain lekin chaaron or ke pharishte roopdhaari bachchon se bhi milan mana rahe hain। sabhi umang-utsaah mein khoob mana rahe hain। sabhi ke man mein ek hi yaad samaai hui hai। sabhi ke mukh mein yahi avinaashi mithaai hai। deepkon ki maala kitni badi hai! chaaron or ke jagamgaate hue deepak maala ke roop mein baap ke saamne hain aur har ek deepak ko dekh baapdaada harsha rahe hain aur mubaarak bhi de rahe hain। samjha?

chaaron or ke deepraaniyon ko, chaaron or ke jagamgaate hue vishwa mein avinaashi prakaash dene vaale vishesh aatmaon ko,chaaron or ke baapdaada samaan banne vaale arthaat sabhi deepmaala manaane vaale mahaan aatmaon ko baapdaada ka yaadapyaar aur bahut-bahut mubaarak ho।

madhuban nivaasi bhaai-bahinon se avyakt baapdaada ki mulaakaat

paandavon ki visheshta kya hai? paandav yagya seva ke sahayogi hain। yagya seva ke sahayogi so sada sahayog lene ke paatra। jo jitni sachchi dil se,sneh se sahayog deta hai, utna padma guna baap se sahayog lene ka adhikaari banta hai। baap poora hi sahayog ka hisaab chuktu karte hain। bade kaarya ko bhi sahaj karne ka chitra parvat ka dikhaate hain। (parvat ko anguli di) to paandav vishesh seva ke sahayogi ban koi bhi kaarya sahaj kar lete hain। jis kaarya ko log mushkil samajhte hain, woh sahaj hi khel ke samaan kar lete ho na? seva nahin samajhte,duty nahin samajhte lekin roohaani khel anubhav karte ho। khel ke liye kisko bhi bulaao to na nahin karega aur kabhi thakega bhi nahin। to aap sabhi bhi yagyaseva mein thakte nahin ho na। roohaani khel hai, isliye thakaavat bhi nahin hoti hai aur na karne chaaho to bhi nahin kar sakte ho kyonki eeshvareey bandhan mein bandhe hue ho। yeh bandhan hi najdeek sambandh mein laane vaala hai। jitni jo seva karta hai utna seva ka phal - sameep sambandh mein aata hai। yahaan ke sevaadhaari vahaan ke raajya family (parivaar) ke adhikaari banenge। yahaan jitni hard (sakhta) seva karte,utna vahaan aaraam se sinhaasan par baithenge aur yahaan jo aaraam karte hain, woh vahaan kaam karenge। hisaab hai na। ek-ek second ka, ek-ek kaam ka hisaab-kitaab baap ke paas hai। isliye, ek-ek second ka hisaab kar chuktu bhi karta hai। ginti karke hisaab deta hai,aise nahin deta। lekin padmaguna deta hai। to aaj ke sevaadhaari kal ke raaj-adhikaari bante hain aur aaj ke raajya karne vaale kal ke seva karne vaale bante hain। seva-bhaav sada ooncha uthaata hai। naam seva hai lekin seva vaala khaata sadaiv meva hai! to meva khaane vaale sevaadhaari hain, vaise sevaadhaari nahin। ek do,padma lo। to paandavon ka gaayan hai! seva karne mein bahut majboot rahe hain,isliye woh majboot shareer dikhaate hain। lekin hain majboot dil vaale, majboot man vaale। woh man va dil kaise dikhaayen, isliye shareer dikha diya hai। khushi ki khuraak bahut khaate hain, isliye mote dikhaate hain।

bahnon se - madhuban nivaasi har karma baap ke saath karne vaale ho na? aisa shreshtha bhaagya aur kisi ka hoga jo har karma madhuban mein madhuban ke baap ke saath ho?madhuban mein chaaron or baap hi baap hai na। to madhuban nivaasiyon ki visheshta hai - sada har karma baap ke saath anubhav karne vaale। jo har karma baap ke saath karne vaale hain, unka har karma shreshtha hoga na। to shreshtha karma karne vaali shreshtha aatmaayen ho। sada isi anubhav mein chalne vaale ko hi madhuban nivaasi kehte hain। jis samay yeh anubhav nahi hota to madhuban nivaasi nahin hue। us samay madhuban mein rehte bhi madhuban nivaasi nahin hain aur jo door rehte bhi har karma baap ke saath karte, woh door rehte bhi madhuban nivaasi hai। madhuban vaale har charitra mein saath chalne vaale hain। bhaagvat madhuban ka yaadgaar hai, madhuban mein baap ke saath har charitra chalne vaalon ki kahaani hai। aisi shreshtha aatmaon ko dekh sab khush hote hain।

deepaavli mubaarak

vidaai ke samay baapdaada bachchon ki mauj mein mauj manaate hain। iseelie, mombatti jalaao ya cake kaato, jo karna ho woh karo। braahmanon jaisa utsav to devtaayen bhi nahin mana sakenge kyonki baap ke saath manaate ho। woh to aatmaayen,aatmaon ke saath manaayengi। to kyon nahin mauj manaao! moonjh ke sirf mauj nahin manaao,bina moonjhane ke mauj manaao। yeh sab rachna hai hi mauj ke liye। khaao-piyo mauj karo। maujon ke liye hi aaye ho। paida hi maujon se hue ho। gyaan suna aur paida ho gaye। to mauj-mauj se paida hue aur maujon ke liye hi paida hue। jaayenge bhi mauj-mauj se, baap ke saath jaayenge। iseelie baapdaada khush hote hain jab bachche manaate hain। manushyon ne to mauj ki rachna mein bhi moonjh paida kar di hai। yeh prakriti mauj manaane ke liye hai lekin manushyaatmaaon ke vibrations vaayumandal ko kharaab karte hain। vaayumandal ka prabhaav prakriti par padta hai। aur prakriti bhi munjhaane ka kaam karti hai। baarish ne bhi programme ko munjha diya na। lekin moonjhe nahin,mauj mein rahe। milne ki mauj manaai na। prakriti apne jidda par hai,aap manaane ki jidda par ho। aap mana rahe ho, woh munjha rahi hai। munjhaane do lekin aap hatne vaale ho kya?nahin। angad ho। paani nahin hai, prem ka paani to hai। isliye prakriti bhi dekh rahi hai ki yeh prabhu ke bachche bhi kam nahin hain। achha।