Avyakt murli du mercredi 18 novembre 1987

>

18-11-87om shanti avyakt baapdaadaamdhuban

silence power jama karne ka saadhan - ‘antarmukhi aur ekaantavaasi sthiti'

chaitanya shanti dev aatmaon ko shanti ka stock jama karne ki prerna dete hue sarvashaktivaan baapdaada bole

aaj sarvashaktivaan baapdaada apne shakti sena ko dekh rahe hain। yeh roohaani shakti sena vichitra sena hai। naam roohaani sena hai lekin vishesh silence ki shakti hai, shanti dene vaali ahinsak sena hai। to aaj baapdaada har ek shanti deva bachche ko dekh rahe hain ki har ek ne shanti ki shakti kahaan tak jama ki hai? yeh shanti ki shakti is roohaani sena ke vishesh shastra hain। hain sabhi shastradhaari lekin nambarvaar hain। shanti ki shakti saare vishwa ko ashaanta se shant banaane vaali hai,na sirf manushya aatmaon ko lekin prakriti ko bhi parivartan karne vaali hai। shanti ki shakti ko abhi aur bhi guhya roop se jaanne aur anubhav karne ka hai। jitna is shakti mein shaktishaali banenge, utna hi shanti ki shakti ka mahattva, mahaanta ka anubhav jyaada karte jaayenge। abhi vaani ki shakti se seva ke saadhnon ki shakti anubhav kar rahe ho aur is anubhav dvaara saphalta bhi praapta kar rahe ho। lekin vaani ki shakti va sthool seva ke saadhnon se jyaada silence ki shakti ati shreshtha hai। silence ki shakti ke saadhan bhi shreshtha hain।

jaise vaani ki seva ke saadhan chitra, projector va video aadi banaate ho, aise shanti ki shakti ke saadhan - ‘shubh sankalp, shubh-bhaavna aur naynon ki bhaasha hai'। jaise mukh ki bhaasha dvaara baap ka va rachna ka parichay dete ho,aise silence ki shakti ke aadhaar par naynon ki bhaasha se naynon dvaara baap ka anubhav kara sakte ho। jaise projector dvaara chitra dikhaate ho, vaise aapke mastak ke beech chamakta hua aapka va baap ka chitra spashta dikha sakte ho। jaise vartamaan samay vaani dvaara yaad ki yaatra ka anubhav karaate ho, aise silence ki shakti dvaara aapka chehra (jisko mukh kehte ho) aap dvaara bhinna-bhinna yaad ki stejas ka svatah hi anubhav karaayega। anubhav karne vaalon ko yeh sahaj mahsoos hoga ki is samay beejroop stage ka anubhav ho raha hai va pharishte-roop ka anubhav ho raha hai va bhinna-bhinna gunon ka anubhav aapke is shaktishaali face se svatah hi hota rahega। jaise vaani dvaara aatmaon ko sneh ke sahayog ki bhaavna utpanna karaate ho, aise aapki shubh bhaavna aur sneh ke bhaavna ki sthiti mein svayan bhi sthit honge। to jaisi aapki bhaavna hogi vaisi bhaavna unhon mein bhi utpanna hogi। aapki shubh bhaavna unhon ki bhaavna ko prajvalit karegi। jaise deepak, deepak ko jaga deta hai, aise aapki shaktishaali shubh bhaavna auron mein bhi sarvashreshtha bhaavna sahaj hi utpanna karaayegi। jaise vaani dvaara abhi saara sthool kaarya karte rehte ho, aise silence ke shakti ke shreshtha saadhan - shubh sankalp ki shakti se sthool kaarya bhi aise hi sahaj kar sakte ho va kara sakte ho। jaise science ki shakti ke saadhan telephone, wireless hain, aise yeh shubh sankalp sammukh baat karne va telephone,wireless dvaara kaarya karaane ka anubhav karaayega। aise silence ki shakti mein visheshtaayen hain। silence ki shakti kam nahin hai। lekin abhi vaani ki shakti ko, sthool saadhnon ko jyaada kaarya mein lagaate ho,isliye yeh sahaj lagte hain। silence ki shakti ke saadhnon ko prayog mein nahin laaya hai, isliye inka anubhav nahin hai। woh sahaj lagta hai, yeh mehnat ka lagta hai। lekin samay parivartan pramaan yeh shanti ki shakti ke saadhan prayog mein laane hi honge।

isliye, he shanti deva shreshtha aatmaayen! is shanti ki shakti ko anubhav mein laao। jaise vaani ki practice karte-karte vaani ke shaktishaali ho gaye ho, aise shanti ki shakti ke bhi abhyaasi bante jaao। aage chal vaani va sthool saadhnon ke dvaara seva ka samay nahin milega। aise samay par shanti ki shakti ke saadhan aavashyak honge। kyonki jitna jo mahaan shaktishaali shastra hota hai woh kam samay mein kaarya jyaada karta hai। aur jitna jo mahaan shaktishaali hota hai woh ati sookshm hota hai। to vaani se shuddh-sankalp sookshm hain,isliye sookshm ka prabhaav shaktishaali hoga। abhi bhi anubhvi ho, jahaan vaani dvaara koi kaarya siddha nahin hota hai to kehte ho - yeh vaani se nahin samjhenge, shubh bhaavna se parivartan honge। jahaan vaani kaarya ko saphal nahin kar sakti, vahaan silence ki shakti ka saadhan shubh-sankalp,shubh-bhaavna,naynon ki bhaasha dvaara raham aur sneh ki anubhooti kaarya siddha kar sakti hai। jaise abhi bhi koi vaad-vivaad vaala aata hai to vaani se aur jyaada vaad-vivaad mein aa jaata hai। usko yaad mein bithaae silence ki shakti ka anubhav karaate ho na। ek second bhi agar yaad dvaara shanti ka anubhav kar lete hain to svayan hi apni vaad-vivaad ki buddhi ko silence ki anubhooti ke aage surrender kar dete hain। to is silence ki shakti ka anubhav badhaate jaao। abhi yeh silence ki shakti ki anubhooti bahut kam hai। silence ki shakti ka ras ab tak majority ne sirf anchali maatra anubhav kiya hai। he shanti-deva। aapke bhakta aapke jad chitron se shanti ka alpakaal ka anubhav karte hain, jyaada karke maangate bhi shanti hai kyonki shanti mein sukh samaaya hua hai। to baapdaada dekh rahe the shanti ki shakti ke anubhvi aatmaayen kitni hain, varnan karne vaali kitni hain aur prayog karne vaali kitni hain। iske liye - ‘antarmukhta aur ekaantavaasi'banne ki aavashyakta hai। baaharmukhta mein aana sahaj hai lekin antarmukhi ka abhyaas abhi samay pramaan bahut chaahiye। kai bachche kehte hain - ekaantavaasi banne ka samay nahin milta,antarmukhi-sthiti ka anubhav karne ka samay nahin milta kyonki seva ki pravritti,vaani ke shakti ki pravritti bahut badh gai hai। lekin iske liye koi ikattha aadha va ek ghanta nikaalne ki aavashyakta nahin hai। seva ki pravritti mein rehte bhi beech-beech mein itna samay mil sakta hai jo ekaantavaasi banne ka anubhav karo।

ekaantavaasi arthaat koi bhi ek shaktishaali sthiti mein sthit hona। chaahe beejroop sthiti mein sthit ho jaao, chaahe light-house, might-house sthiti mein sthit ho jaao arthaat vishwa ko light-might dene vaale - is anubhooti mein sthit ho jaao। chaahe pharishtepan ki sthiti dvaara auron ko bhi avyakt-sthiti ka anubhav karaao। ek second va ek minute agar is sthiti mein ekaagra ho sthit ho jaao to yeh ek minute ki sthiti svayan aapko aur auron ko bhi bahut laabh de sakti hai। sirf iski practice chaahiye। ab aisa kaun hai jisko ek minute bhi phursat nahin mil sakti? jaise pahle traffic control ka programme bana to kai sochte the - yeh kaise ho sakta? seva ki pravritti bahut badi hai,busy rehte hain। lekin lakshya rakha to ho raha hai na। programme chal raha hai na। centres par yeh traffic control ka programme chalaate ho va kabhi miss karte,kabhi chalaate?yeh ek brahman kul ki reeti hai,niyam hai। jaise aur niyam aavashyak samajhte ho,aise yeh bhi sva-unnati ke liye va seva ki saphalta ke liye, sevaakendra ke vaataavran ke liye aavashyak hai। aise antarmukhi,ekaantavaasi banne ke abhyaas ke lakshya ko lekar apne dil ki lagan se beech-beech mein samay nikaalo। mahatva jaanne vaale ko samay svatah hi mil jaata hai। mahatva nahin hai to samay bhi nahin milta। ek powerful sthiti mein apne man ko, buddhi ko sthit karna hi ekaantavaasi banna hai। jaise saakaar brahma baap ko dekha, sampoornata ki sameepta ki nishaani - seva mein rehte, samaachaar bhi sunte-sunte ekaantavaasi ban jaate the। yeh anubhav kiya na। ek ghante ke samaachaar ko bhi 5 minute mein saar samajh bachchon ko bhi khush kiya aur apni antarmukhi,ekaantavaasi sthiti ka bhi anubhav karaaya। sampoornata ki nishaani - antarmukhi,ekaantavaasi sthiti chalte-phirte,sunte,karte anubhav kiya। to follow father nahin kar sakte ho? brahma baap se jyaada jimmevaari aur kiski hai kya? brahma baap ne kabhi nahin kaha ki main bahut busy hoon। lekin bachchon ke aage example bane। aise abhi samay pramaan is abhyaas ki aavashyakta hai। sab seva ke saadhan hote hue bhi silence ki shakti ke seva ki aavashyakta hogi kyonki silence ki shakti anubhooti karaane ki shakti hai। vaani ki shakti ka teer bahut karke dimaag tak pahunchta hai aur anubhooti ka teer dil tak pahunchta hai। to samay pramaan ek second mein anubhooti kara lo - yahi pukaar hogi। sunne-sunaane ke thake hue aayenge। silence ki shakti ke saadhnon dvaara najar se nihaal kar denge। shubh sankalp se aatmaon ke vyartha sankalpon ko samaapta kar denge। shubhbhaavna se baap ki taraph sneh ki bhaavna utpanna kara lenge। aise un aatmaon ko shanti ki shakti se santushta karenge, tab aap chaitanya shanti dev aatmaon ke aage ‘shanti deva, shanti deva' kah karke mahima karenge aur yahi antim sanskaar le jaane ke kaaran dvaapar mein bhakta aatma ban aapke jad chitron ki yeh mahima karenge। yeh traffic control ka bhi mahatva kitna bada hai aur kitna aavashyak hai - yeh phir sunaayenge। lekin shanti ki shakti ke mahatva ko svayan jaano aur seva mein lagaao। samjha?

aaj panjaab aaya hai na। panjaab mein seva ka mahatva bhi silence ki shakti ka hai। silence ki shakti se hinsak vritti vaale ko ahinsak bana sakte ho। jaise sthaapna ke aadi ke samay mein dekha - hinsak vritti vaale roohaani shanti ki shakti ke aage parivartan ho gaye na। to hinsak vritti ko shant banaane vaali shanti ki shakti hai। vaani sunne ke liye taiyaar hi nahin hote। jab prakriti ki shakti se garmi va sardi ki lahar chaaron or phail sakti hai to prakritipti ki shanti ki lahar chaaron or nahin phail sakti? science ke saadhan bhi garmi ko sardi ke vaataavran mein badal sakte hain to roohaani shakti roohon ko nahin badal sakti? to panjaab vaalon ne kya suna?sabhi ko vibration aave ki koi shanti ka punj, shanti ki kirnen de rahe hain। aisi seva karne ka samay panjaab ko mila hai। function,pradarshani aadi, woh to karte hi ho lekin is shakti ka anubhav karo aur karaao। sirf apne man ki ekaagra vritti, shaktishaali vritti chaahiye। light house jitna shaktishaali hota hai, utna door tak light de sakta hai। to panjaab vaalon ke liye yeh samay hai is shakti ko prayog mein laane ka। samjha?achha।

aandhra pradesh ka bhi group hai। woh kya karenge? toofaan ko shant karenge। aandhra mein toofaan bahut aate hain na। toofaanon ko shant karne ke liye bhi shanti ki shakti chaahiye। toofaanon mein manushya aatmaayen bhatak jaati hain। to bhatki hui aatmaon ko shanti ka thikaana dena - yeh aandhra vaalon ki vishesh seva hai। agar shareer se bhi bhatakte hain to pahle man bhatakta hai,phir shareer bhatakta hai। man ke thikaane se shareer ke thikaane ke liye bhi buddhi kaam karegi। agar man ka thikaana nahin hota to shareer ke saadhnon ke liye bhi buddhi kaam nahin karti। isliye,sabke man ko thikaane par lagaane ke liye is shakti ko kaarya mein lagaao। donon ko toofaanon se bachaana hai। vahaan hinsa ka toofaan hai, vahaan samudra ka toofaan hai। vahaan vyaktiyon ka hai, vahaan prakriti ka hai। lekin hai donon taraph toofaan। toofaan vaalon ko shanti ka tohpha do। tohpha toofaan ko badal lega। achha।

chaaron or ke shanti deva shreshtha aatmaon ko, chaaron or ke antarmukhi mahaan aatmaon ko, sada ekaantavaasi ban karma mein aane vaale karmayogi shreshtha aatmaon ko,sada shanti ki shakti ko prayog karne vaale shreshtha yogi aatmaon ko baapdaada ka yaadapyaar aur namaste।

party se avyakt baapdaada ki mulaakaat

sada apne ko shreshtha bhaagyavaan samajhte ho? ghar baithe bhaagyavidhaata dvaara shreshtha bhaagya mil gaya। ghar baithe bhaagya milna - yeh kitni khushi ki baat hai! avinaashi baap, avinaashi praapti karaate hain। to avinaashi arthaat sada, kabheekbhi nahin। to bhaagya ko dekhkar sada khush rehte ho? har samay bhaagya aur bhaagyavidhaata - donon hi svatah yaad rahen। sada ‘vaah, mera shreshtha bhaagya!' - yahi geet gaate raho। yeh man ka geet hai। jitna yeh geet gaate utna sada hi udti kala ka anubhav karte rahenge। saare kalpa mein aisa bhaagya praapta karne ka yeh ek hi samay hai। isliye slogan bhi hai ‘ab nahin to kab nahin'। jo bhi shreshtha kaarya karna hai,woh ab karna hai। har kaarya mein har samay yeh yaad rakho ki ‘ab nahin to kab nahin।' jisko yeh smriti mein rehta hai woh kabhi bhi samay,sankalp va karma vesta hone nahin denge, sada jama karte rahenge। vikarma ki to baat hi nahin hai lekin vyartha karma bhi dhokha de dete hain। to har second ke har sankalp ka mahattva jaante ho na। jama ka khaata sada bharta rahe। agar har second va har sankalp shreshtha jama karte ho, vyartha nahin ganvaate ho to 21janma ke liye apna khaata shreshtha bana lete ho। to jitna jama karna chaahiye utna kar rahe ho? is baat par aur underline karna - ek second bhi, sankalp bhi vyartha na jaae। vyartha khatma ho jaayega to sada samartha ban jaayega। achha। aandhrapradesh mein gareebi bahut hai na। aur aap phir itne hi saahookaar ho! chaaron or gareebi badhti jaati hai aur aapke yahaan saahookaari badhti jaati hai kyonki gyaan ka dhan aane se yeh sthool bhi svatah hi daal-roti milne jitna aa hi jaata hai। koi brahman bhookha rehta hai?to sthool dhan ki gareebi bhi samaapta ho jaati hai kyonki samajhdaar ban jaate hain। kaam varke svayan ko khilaane ke liye va parivaar ko khilaane ke liye bhi samajh aa jaati hai। isliye double saahookaari aa jaati hai। shareer ko bhi achha aur man ko bhi achha। daal-roti aaraam se mil rahi hai na। brahmaakumaar-brahmaakumaari banne se royal bhi ho gaye, saahookaar bhi ho gaye aur anek janma maalaamaal rahenge। jaise pahle chalte the, rehte the, pahante the… usse abhi kitne royal ho gaye ho! abhi sada hi svachchha rehte ho। pahle kapde bhi maile pahnenge, abhi andar baahar donon se svachchha ho gaye। to brahmaakumaar banne mein phaayda ho gaya na। sab badal jaata hai, parivartan ho jaata hai। pahle ki shakla,akla dekho aur abhi bhi dekho to pharka ka pata chalega। abhi roohaaniyat ki jhalak aa gai hai,isliye soorat hi badal gai hai। to sada aise khushi mein naachte raho। achha।

double videshi bhaai bahinon se - double videshi ho? vaise to sabhi brahman aatmaayen isi bhaarat desh ki hain। anek janma bhaaratvaasi rahe ho। yeh to seva ke liye anek sthaanon par pahunchen ho। isliye yeh nishaani hai ki jab bhaarat mein aate ho arthaat madhuban dharni mein ya brahman parivaar mein aate ho to apnaapan anubhav karte ho। vaise videsh ki videshi aatmaayen kitne bhi najdeek samparka vaali hon, sambandh vaali hon lekin jaise yahaan aatma ko apnaapan lagta hai, aise nahin lagega! jitni najdeek vaali aatma hogi utni apnepan ki jyaada mahsoosta hogi। sochna nahin padega ki main tha ya main ho sakta hoon। har ek sthool vastu bhi ati pyaari lagegi। jaise koi apni cheez hoti hai na। apni cheez sada pyaari lagti hai। to yeh nishaaniyaan hain। baapdaada dekh rahe hain ki door rehte bhi dil se sada najdeek rahne vaale hain। saara parivaar aapko is shreshtha bhaagyavaan ki najar se dekhte hain। achha।

vidaai ke samay - satguroovaar ki yaadapyaar (praatah 6 baje)

vrikshapti divas par vriksha ke pahle aadi amoolya patton ko vrikshapti baap ka yaadapyaar aur namaste। brihaspati ki dasha to sabhi shreshtha aatmaon par hai hi। raahu ki dasha aur anek dashaayen samaapta hui। abhi ek hi vrikshapti ki, brihaspati ki dasha har brahman aatma ki sada rehti hai। to brihaspati ki dasha bhi hai aur din bhi brihaspati ka hai aur vrikshapti apne vriksha ke aadi patton se milan mana rahe hain। to sada yaad hai aur sada yaad rahegi। sada pyaar mein samaaye hue ho aur sada hi pyaare rahenge। samjha?

daadi ji ek din ke raajpeepal (gujraat) mele mein jaane ki chhutti le rahi hain

vishesh aatmaon ke har kadam mein padmon ki kamaai hai। badon ka sahayog bhi chhatrachhaaya ban chaar chaand laga deta hai। jahaan bhi jaao vahaan sabhi ko ek-ek ke naam se yaadapyaar sveekaar karaana। naam ki maala to bhakti mein bachchon ne bahut japi। abhi baap yeh maala shuru karenge to badi maala ho jaayegi। isliye jo bhi jahaan bhi bachche (vishesh aatmaayen) jaate hain - vahaan vishesh umang-utsaah badh jaata hai। vishesh aatmaon ka jaana arthaat seva mein aur visheshta aana। yahaan se shuru hota hai - sirf dharni mein charan ghumaakar jaana। to charan ghumaana maana chakra lagaana। yahaan seva mein chakra lagaate ho, vahaan bhakti mein unhonne charan rakhne ka mahatva banaaya hai। lekin shuru to sab yahaan se hi hota hai। chaahe aadha ghanta, ek ghanta bhi kahaan jaate ho to sab khush ho jaate hain। lekin yahaan seva hoti hai। bhakti mein sirf charan rakhne se khushi anubhav karte hain। sab sthaapna yahaan se hi ho rahi hai। poora hi bhakti maarga ka foundation yahaan se hi padta hai, sirf roop badli jo jaayega। to jo bhi mela seva ke nimitta bane hain arthaat milan manaane ki seva ke nimitta bane hain, un sabhi ko baapdaada, mele ke pahle milan-mela mana rahe hain। yeh baap aur bachchon ka mela hai, woh seva ka mela hai। to sabhi ko dil se yaadapyaar। achha। duniya mein night club hote hain aur yeh amritvela club hai। (daadiyon se) aap sab amritvele ke club ki members ho। sabhi dekh karke khush hote hain। vishesh aatmaon ko dekh karke bhi khushi hoti hai। achha।