Avyakt murli du mercredi 15 novembre 1989

>

15-11-89 om shanti avyakt baapdaadaamdhuban

sachche dil par saaheb raaji avyakt baapdaada apne bachchon prati bole

aaj vishwa ki sarva aatmaon ke upkaari baapdaada apne shreshtha par-upkaari bachchon ko dekh rahe hain। vartamaan samay anek aatmaayen upkaar ke liye ichchhuk hain। sva-upkaar karne ki ichchha hai lekin himmat aur shakti nahin hai। aisi nirbal aatmaon ka upkaar karne vaale aap par-upkaari bachche nimitta ho। aap par- upkaari bachchon ko aatmaon ki pukaar sunaai deti hai va sva-upkaar mein hi busy ho?vishwa ke raajya adhikaari sirf sva-upkaari nahin bante। par-upkaari aatma hi raajya- adhikaari ban sakti hai। upkaar sachche dil se hota hai। gyaan sunaana yeh (sivaae dil ke) mukh se bhi ho sakta hai। gyaan sunaana-yeh vishaal dimaag ki baat hai va varnan ke abhyaas ki baat hai। to dil aur dimaag - donon mein antar hai। koi bhi kisi se sneh chaahte hain to woh dil ka sneh chaahte hain। baapdaada ka title dilvaala hai - dilaaraam hai। dimaag dil se sthool hai,dil sookshm hai। bolchaal mein bhi sadaiv yeh kehte ho ki sachchi dil se kehte hain - sachchi dil se baap ko yaad karo। yeh nahin kehte ki sachche dimaag se yaad karo। kaha bhi jaata hai-sachche dil par saaheb raaji। vishaal dimaag par raaji nahin kaha jaata hai। vishaal dimaag - yeh visheshta zaroor hai, is visheshta se gyaan ki points ko achhi tarah dhaaran kar sakte hain। lekin dil se yaad karne vaale point arthaat bindu roop ban sakte hain। woh point repeat kar sakte hain lekin point (bindu) roop banne mein second number honge, kabhi sahaj kabhi mehnat se bindu roop mein sthit ho sakenge। lekin sachchi dil vaale second mein bindu ban bindu swaroop baap ko yaad kar sakte hain। sachchi dil vaale sachche saaheb ko raaji karne ke kaaran, baap ki vishesh duaaon ki praapti ke kaaran sthool roop mein chaahe dimaag kaiyon ke antar mein itna vishaal na bhi ho lekin sachchaai ki shakti se samay pramaan unka dimaag yuktiyug,yathaartha kaarya svatah hi karega। kyonki jo yathaartha karma,bol va sankalp hain woh duaaon ke kaaran drama anusaar samay pramaan vahi touching unke dimaag mein aayegi। kyonki buddhivaanon ki buddhi (baap) ko raaji kiya hua hai। jisne bhagwan ko raaji kiya woh svatah hi raazayukta,yuktiyukta hota hai।

to yeh check karo ki main vishaal dimaag ke kaaran yaad aur seva mein aage badh raha hoon va sachchi dil aur yathaartha dimaag se aage badh raha hoon? pahle bhi sunaaya tha ki dimaag se seva karne vaale ka teer auron ke bhi dimaag tak lagta hai। dil vaalon ka teer dil tak lagta hai। jaise sthaapna ki,seva ki aadi mein dekha - pahla poor (group) seva ka, unhon ki visheshta kya rahi? koi bhaasha va bhaashan ki visheshta nahin thi। jaise aajkal bahut achhe bhaashan karte ho, kahaaniyaan aur kisse bhi bahut achhe sunaate ho। aise pahle poor vaalon ki bhaasha nahin thi lekin kya tha? sachche dil ka aavaaj tha। isliye dil ka aavaaj anekon ko dilaaraam ka banaane mein nimitta bana। bhaasha gulaabi(mixture) thi। lekin naynon ki bhaasha roohaani thi। isliye bhaasha bhal kaisi bhi thi lekin kaanton se gulaab to ban hi gaye। woh pahle poor ke seva ki saphalta aur vartamaan samay ki vriddhi - donon ko check karo to antar dikhaai deta hai na। baat majority ki hoti hai। doosre-teesre poor mein bhi koi-koi dil vaale hain lekin minority hain। aadi ki paheli ab tak chal rahi hai। kaun-si paheli?main kaun?abhi bhi baapdaada kehte - apne aapse poochho main kaun?paheli hal karna aata hai na va doosra bataave tab hal kar sakte ho - doosra bataayega to bhi uski baat ko chalaane ki koshish karenge ki aise nahin hai, vaise hai…। isliye apne aapko hi dekho।

kai bachche apne aapko check karte hain lekin dekhne ki najar do prakaar ki hai। usmein bhi koi sirf vishaal dimaag ki najar se check karte hain, unka albelepan ka chashma hota hai। har baat mein yahi dikhaai dega ki jitna bhi kiya - tyaag kiya,seva ki, parivartan kiya - itna hi bahut hai। in-in aatmaon se main bahut achhi hoon। itna karna bhi koi sahaj nahin hai। thodi-bahut kami to naameegraamiyon mein bhi hai। is hisaab se main theek hoon। yeh hai albelaai ka chashma। doosra hai sva-unnati ka yathaartha chashma। woh hai sachchi dil vaalon ka। woh kya dekhte hain? jo dilvaala baap ko sada pasanda hai vahi sankalp,bol aur karma karna hai। yathaartha chashme vaale sirf baap aur aap ko dekhte hain। doosra va teesra kya karta - woh nahin dekhte। mujhe hi badalna hai isi dhun mein sada rehte hain। aise nahin - doosra bhi badle to main badloon। ya 80gy main badloon 20gy to woh badle - itne tak bhi woh nahin dekhenge। mujhe badalkar ke auron ko sahaj karne ke liye example banna hai। isliye kahaavat hai ‘jo ote so arjun।'arjun arthaat alaukik jan। isko kaha jaata hai yathaartha chashma va yathaartha drishti। vaise bhi duniya mein maanav jeevan ke liye mukhya do baaten hain - dil aur dimaag। donon theek hone chaahiye। aise brahman jeevan mein bhi vishaal dimaag bhi chaahiye aur sachchi dil bhi chaahiye। sachchi dil vaale ko dimaag ki lift mil jaati hai। isliye sada yeh check karo ki sachchi dil se saaheb ko raaji kiya hai, sirf apne man ko ya sirf kuchh aatmaon ko to raaji nahin kiya! sachche saaheb ka raaji hona - inki bahut nishaaniyaan hain। is par manan kar rooh-roohaan karna। phir baapdaada sunaayenge। achha।

aaj teachers aage baithi hain। teachers bhi thekedaar hain। contract (theka) liya hai na। sva-parivartan se vishwa-parivartan karna hi hai। aisa bade-te-bada contract (theka) liya hai na! jaise duniya vaale kehte aap mare mar gai duniya,aap nahin mare to duniya bhi nahin mari! aise hi sva-parivartan hi vishwa-parivartan hai। bina sva-parivartan ke koi bhi aatma prati kitni bhi mehnat karo - parivartan nahin ho sakta। aajkal ke samay mein sirf sunne se nahin badalte lekin dekhne se badalte hain। madhuban-bhoomi mein kaisi bhi aatma kyon badal jaati hai! sunaate to centre par bhi ho lekin yahaan aane se svayan dekhte hain, svayan dekhne ke kaaran badal jaate hain। kai bandhan vaali maataaon ke bhi yugal unhon ke jeevan ke parivartan ko dekh kar badal jaate hain। gyaan sunaane ki koshish karenge to nahin sunenge। lekin dekhne se woh prabhaav unhon ko bhi parivartan kar deta। isliye kaha - aaj ki duniya dekhna chaahti hai। to teachers ka yahi vishesh karttavya hai - karke dikhaana arthaat badal karke dikhaana। samjha।

sada sarva aatmaon prati par-upkaari,sada sachche dil se sachche saaheb ko raaji karne vaale, vishaal dimaag aur sachchi dil ka balance rakhne vaale, sada svayan ko vishwa-parivartan ke nimitta banaane vaale,sva parivartan karne vaali shreshtha aatma,shreshtha sevaadhaari aatma samajh aage badhne vaale - aise chaaron or ke vishesh bachchon ko baapdaada ka yaadapyaar aur namaste।

dilli group:- sabhi ke dil mein baap ka sneh samaaya hua hai। sneh ne yahaan tak laaya hai! dil ka sneh dilaaraam tak laaya hai। dil mein sivaae baap ke aur kuchh rah nahin sakta। jab baap hi sansaar hai,to baap ke dil mein rehna arthaat baap mein sansaar samaaya hua hai। isliye ek mat,ek bal, ek bharosa। jahaan ek hai vahaan hi har kaarya mein saphalta hai। koi bhi paristhiti ko paar karna sahaj lagta hai ya mushkil?agar doosre ko dekha, doosre ko yaad kiya to do mein ek bhi nahin milega। isliye mushkil ho jaayega। baap ki aagya hai ‘mujh ek ko yaad karo'। agar aagya paalan karte hain to aagyaakaari bachche ko baap ki duaayen milti hain aur sab sahaj ho jaata hai। agar baap ki aagya ko paalan nahin kiya to baap ki madad va duaayen nahin milti,isliye mushkil ho jaata hai। to sada aagyaakaari ho na? laukik sambandh mein bhi aagyaakaari bachche par kitna sneh hota hai! woh hai alpakaal ka sneh aur yeh hai avinaashi sneh। yeh ek janma ki duaayen anek janma saath rahengi। to avinaashi duaaon ke paatra ban gaye ho। apni yeh jeevan meethi lagti hai na! kitni shreshtha aur kitni pyaari jeevan hai! brahman jeevan hai to pyaari hai, brahman jeevan nahin to pyaari nahin lagegi lekin pareshaani ki jeevan lagegi। to pyaari jeevan hai ya thak jaate ho? sochte ho - sangam kab tak chalega?shareer nahin chalte, seva nahin karte… isse pareshaan to nahin hote? yeh sangam ki jeevan sarva janmon se shreshtha hai। praapti ki jeevan yeh hai। phir to praalabdha bhogne ki jeevan hai, kam hone ki jeevan hai, abhi bharne ki hai। 16kala sampanna abhi bante ho। 16 kala arthaat full! yeh jeevan ati pyaari hai -- aise anubhav hota hai na ya kabhi jeevan se tang hote ho? tang hokar yeh to nahin sochte ho ki abhi to chalen। baap agar seva ke prati le jaate hain to aur baat hai lekin,tang hokar nahin jaana। advance party mein seva ka part hai aur drama anusaar gaye to pareshaan hokar nahin jaayenge,shaan se jaayenge। seva arth ja rahe hain। to kabhi bhi bachchon se va apne aapse tang nahin hona। maataayen kabhi bachchon se tang to nahin hoti ho? jab hain hi tamoguni tatvon se paida hue to woh kya satopradhaanta dikhaayenge! woh bhi parvash hain। aap bhi baap ki aagyaayen kabhi-kabhi bhool to jaate ho na! to jab aap bhool kar sakte ho to bachchon ne bhool ki to kya hua! jab naam hi bachche kehte hain to bachche maana hi kya? chaahe bade bhi hon lekin us samay woh bhi bachche ban jaate hain arthaat besmajh ban jaate hain। isliye kabhi bhi doosre ki pareshaani dekh khud pareshaan nahin hona। woh kitna bhi pareshaan karen aap shaan se kyon utarte ho! kamzori aapki ya bachchon ki?woh to bahaadur ho gaye jo aapko shaan se utaar dete hain aur pareshaan kar dete hain। to kabhi bhi svapna mein bhi pareshaan nahin hona - arthaat shreshtha shaan se pare nahin hona। apne shaan ki kursi par baithna nahin aata hai! to aaj se pareshaan nahin hona - chaahe beemaari se, chaahe bachchon se, chaahe apne sanskaaron se ya auron se। auron se bhi pareshaan ho jaate hain na। kai kehte hain - aur sab theek hai, ek hi yeh aisa hai jisse pareshaan ho jaate hain। to pareshaan karne vaale bahaadur nahin banen, aap bahaadur bano। chaahe ek ho, chaahe das hon lekin main master sarvashaktivaan hoon, kamzor nahin। to yahi vardaan sada smriti mein rakhna ki ‘‘ham sada apne shreshtha shaan mein rahne vaale hain, pareshaan hone vaale nahin''। auron ki pareshaani mitaane vaale hain। sada shaan ke takhtansheen hain। dekho, aajkal to kursi hai, aapko to takhta hai। woh kursi ke peechhe marte hain,aapko to takhta mila hai। to akaal-takhta-nasheen shreshtha shaan mein rahne vaale,baap ke dil-takhta-nasheen aatma hai - isi shaan mein rehna। to sada khush rehna aur khushi baantana। achha। dilli foundation hai seva ka। foundation kachcha hua to sabhi kachche ho jaate hain। isliye sada pakke rehna।

bombe group:- sabhi shanti ki shakti ke anubhvi ban gaye ho na! shanti ki shakti bahut sahaj sva ko bhi parivartan karti aur doosron ko bhi parivartan karti hai। yaad ke bal se vishwa ko parivartan karte ho। yaad kya hai? shanti ki shakti hai na! isse vyakti bhi badal jaayenge to prakriti bhi badal jaayegi। itni shanti ki shakti apne mein jama ki hai?vyaktiyon ko to badalna hai hi lekin saath mein prakriti ko bhi badalna hai। prakriti ko mukh ka course to nahin karaayenge na! vyaktiyon ko to course kara dete ho lekin prakriti ko kaise badlenge? vaani se ya shanti ki shakti se?yogbal se badlenge na। to yog mein jab baithte ho to kya anubhav karte ho? shanti ka। sankalp bhi jab shant ho jaate hain, ek hi sankalp - ‘‘baap aur aap'',isi ko hi yog kehte hain। agar aur bhi sankalp chalte rahenge to usko yog nahin kahenge,gyaan ka manan kahenge। to jab powerful yog mein baithte ho to sankalp bhi shant ho jaate hain, sivaae ek baap aur aap। baap ke milan ki anubhooti ke sivaae aur sab sankalp sama jaate hain - aise anubhav hai na? samaane ki shakti hai na ya vistaar karne ki shakti jyaada hai? kai aise kehte hain na - ki jab yaad mein baithte hain to aur-aur sankalp bahut chalte hain,isko kya kahenge? samaane ki shakti kam aur vistaar karne ki shakti jyaada। lekin donon shakti chaahiye। jab chaahen, jaise chaahen, vistaar mein aane chaahen vistaar mein aayen aur sametna chaahen to samaane ki shakti second mein use kar saken,isko kehte hain - ‘master sarvashaktivaan'। to itni shakti hai ya order karo sametne ki shakti ko aur kaam kare vistaar ki shakti! stop kaha aur stop ho jaae। full brake lage, dheeli brake nahin। agar brake dheeli hoti hai to lagaate hain yahaan aur lagegi kahaan?to brake powerful ho। kantroling power ho। check karo - kitne samay ke baad brake lagta hai? 5 minute ke baad ya 10minute ke baad। fullstop to second mein lagna chaahiye na! agar second ke sivaae jyaada samay lag jaata hai to samaane ki shakti kamzor hai। bahut janma vistaar mein jaane ki aadat padi hui hai। isliye vistaar mein bahut jaldi chale jaate hain lekin brake lagaane va sametne mein time lag jaata hai। to time nahin lagna chaahiye। kyonki baapdaada ne sunaaya hai - last mein final paper ka question hi yeh hoga - second mein fullstop,yahi question aayega। isi mein hi number milenge। to imtihaan mein paas hone ke liye taiyaar ho?second se jyaada ho gaya to fail ho jaayenge। to time bhi bata rahe hain - ‘ek second aur question bhi suna rahe hain - aur koi yaad nahin aaye bas fullstop'। ek baap aur main,teesri koi baat nahin। yeh kar loon, yeh dekh loon…yeh hua, nahin hua। yeh kyon hua, yeh kya hua - koi baat aai to fail। yeh question sahaj hai ya mushkil? baap question bhi suna rahe hain,time bhi bata rahe hain, phir bhi dekho kitne number ban jaate hain! kahaan 8daane ka pahla number aur kahaan16,000 ka last number! kitna pharka hua! question second ka vahi hoga - pahle number ke liye bhi to 16,000ke last number vaale ke liye bhi question ek hi hoga। aur kitne samay se suna rahe hain? to sabhi number one aane chaahiye na! isi ko hi apne yaadgaar mein ‘nashtomoha smritisvaroop'kaha hai। bas,second mein mera baba doosra na koi। is sochne mein bhi samay lagta hai lekin tik jaaen,hile nahin। yeh bhi nahin - second to ho gaya, yeh socha to bhi fail ho jaayenge। kai baar jo paper dete hain,woh isi baat mein hi fail ho jaate hain। question par jo likha hua hota hai ki yeh question 5minute ka, yeh10 minute ka,to yahi dekhte rehte hain ki 5 minute, 10minute ho to nahin gaya। samay ko dekhte, question ka uttar dena bhool jaate hain। to yeh abhyaas chalte-phirte,beech-beech mein karte raho। koi bhi sankalp na aaye, fullstop kaha aur sthit ho gaye। kyonki last paper achaanak aana hai। achaanak ke kaaran hi to number banenge na। lekin hona ek second mein hai। to kitna abhyaas chaahiye? agar abhi se nashtomoha hain, meraamera samaapta hai to phir mushkil nahin hai, sahaj hai। to sabhi paas hone vaale ho na! jo nishchay buddhi hain unki buddhi mein yeh nishchit rehta hai ki main vijayi bana tha, banenge aur sada hi banenge। banenge ya nahin banenge,yeh question nahin hota hai। to aise buddhi mein nishchit hai ki ham hi vijayi hain? lekin bahutkaal ka abhyaas zaroor chaahiye। agar us samay koshish karenge,bahutkaal ka abhyaas nahin hoga to mushkil ho jaayega। bahutkaal ka abhyaas ant mein madad dega। achha।

bombe ko sabse jyaada praapti ki city kehte hain। business city hai na। to business maana praapti। brahma baap ne bhi ‘nardesaavar'ka title diya hai। iska bhi arth hai praapti vaala desh। to baap ke sansaar mein bombe vaale ismen bhi number one hain na! jara bhi kami na ho, sab mein bharpoor। khaali honge to halchal hogi, bharpoor honge to achal honge। to sada isi vardaan ko yaad rakhna ki sadaiv sarva khazaanon se sampanna achal-adol rahne vaali aatma hain। maaya ko hilaane vaale hain, svayan hilne vaale nahin। maaya ko sada ke liye vidaai dene vaale hain। sada mauj mein rahne vaale hain। mauj se udte chalo। moonjhate hue nahin, mauj se udte chalo। moonjhane vaale to rook jaayenge। achha।

vaarangal group:- apne ko sada double light anubhav karte ho? jo double light hai us aatma mein might arthaat baap ki shaktiyaan saath hain। to double light bhi ho aur might bhi hai। samay par shaktiyon ko use kar sakte ho ya samay nikal jaata hai,peechhe yaad aata hai? kyonki apne paas kitni bhi cheez hai, agar samay par use nahin kiya to kya kahenge?jis samay jis shakti ki aavashyakta ho us shakti ko us samay use kar saken - isi baat ka abhyaas aavashyak hai। kai bachche kehte hain ki maaya aa gai। kyon aai? parakhne ki shakti use nahin ki tab to aa gai na! agar door se hi parakh lo ki maaya aa rahi hai, to door se hi bhaga denge na! maaya aa gai - aane ka chance de diya tab to aai। door se bhaga dete to aati nahin। baarbaar agar maaya aati hai aur phir yuddha karke usko bhagaate ho to yuddha ke sanskaar aa jaayenge। agar bahutkaal ka yuddha ka sanskaar hoga to chandravanshi banna padega। sooryavanshi bahutkaal ke vijayi aur chandravanshi maana yuddha karte-karte kabhi vijayi, kabhi yuddha mein mehnat karne vaale। to sabhi sooryavanshi ho na! chandrama ko bhi roshni dene vaala soorya hai। to number one soorya kahenge na! chandravanshi do kala kam hain। 16 kala arthaat full paas। kabhi bhi mansa mein,vaani mein ya sambandh-samparka mein, sanskaaron mein fail hone vaale nahin, isko kehte hain - ‘sooryavanshi'। aise sooryavanshi ho?achha। sabhi apne purooshaartha se santushta ho?sabhi subject mein full paas hona- isko kehte hain apne purooshaartha se santushta। is vidhi se apne ko check karo। yahi yaad rakhna ki main udti kala mein jaane vaala udta panchhi hoon। neeche phansane vaala nahin। yahi vardaan hai। achha!